麵家山下 (已搬遷) 新店位置

上水有咩好食？openrice睇完之後，最後食麵家山下，聽聞真係日本人開架喎，照住地址搵搵左好耐，原來係d類似後巷既地方，周邊都好多垃圾..都幾污糟，店舖有隻可愛既狗狗~客人要先係地面order食物，再上1樓坐，但1樓好細，只有3，4張枱，我都等左一陣先有位~我order左拉麵XD，75蚊，等左15分鐘就有得食啦！原來個麵有2隻蛋，好飽呀！蛋係溫泉feel既蛋，咬開一半會有流心蛋漿。叉燒係日本隻叉燒，軟軟地，薄薄地，吸收晒拉麵個湯底！湯底唔算濃，少少咸，麵質似日本拉麵，真係日本食到既拉麵質地，煙un，軟硬適中。小食我叫左芝士餅，20蚊2件，都算貴，因為都唔係太大件，芝士都多，味極濃，有d膩....其實除左門口個環境之外，其他野都OK，店主都識講廣東話，落單無難度~