鹵家

營業中

休息中

之前在舊舖吃過，搬到新店後一直沒吃過。這次終於來吃了，我們叫了兩個晚餐，和再試醉雞卷。頭抽豉油雞 $72 （配白飯）豉油味香濃，雞皮很薄，雞肉嫩滑，火候恰到好處，最適合和白飯一起吃。秘汁鹵家鴨 $76 （配白飯）鴨肉軟硬適中，肉香而不膩，鹵水汁味道不慍不火，更提升鴨肉香味，也是配搭白飯的不二之選。酒仙醉雞卷 $62經典的招牌菜，酒香雞肉嫩滑，夾起時不會散開，厚薄適中，水準依舊。住家老火湯 跟餐附送是日老火湯是老黃瓜赤小豆扁豆豬骨湯。赤小豆扁豆祛濕，健脾養生。凍檸茶 跟餐加$3茶底香濃，檸檬新鮮。這麼多年水準依然，食物份量不少，在元朗想吃燒味鹵水，這裡是一個不錯的選擇。

早幾日突然之間好想食燒味，又知道呢間嘢好出名，所以就去咗買個外賣拼盤返屋企之前見啲評論都好兩極，今次終於以身試味😂😂不過可能因為太忙😅都等得比較耐囉～但又真係幾好食喎🙈😳-首先覺得叉燒係最好食！肥瘦相間，每一嚿個口感都好平均，而且非常夠味👍🏻👍🏻另外燒鵝髀都令我驚喜，因為啲肉唔柴！好香好好食，都係值得encore之選😆-雞有兩款，白切雞同豉油雞，豉油雞好食d，同埋都滑！而海蜇就冇咩太特別

因為係元朗拎開月餅🥮見到附近尼間鹵家就順便去試下知佢一直都幾出名，但就冇食過，因為都比較少落元朗🥲嗌左個拼盤返屋企食，咩都有d，岩哂我尼種選擇困難症$232 貴唔貴就見人見智，但我自己就覺得都值既～ 因為好食最緊要😅有叉燒 燒鵝脾 白切雞 豉油雞 海蜇 最欣賞叉燒 肥瘦相間 唔肥唔瘦岩岩好 超好食！兩款雞都靚 唔會好多骨 同埋好滑個人覺得豉油雞相對更出色燒鵝脾d肉唔老 好好食食燒鴨/鵝最驚d肉老～😌😌海蜇入味，正常發揮如果之後經開元朗會有下次（咁岩想食燒味的話）

特製鹽香雞($72) + 秘汁鹵家鵝($96) + 酒仙醉雞卷($62) (套餐//跟飯或米線/米粉/公仔麵+住家老火湯或熱飲/凍飲另加$3） ★－:+:－:+:－:+:－:+:－:+:－:+:－★​元朗街坊小店，第一次嚟，晚上到訪時全店滿座🫰🏻員工有禮，做嘢快手，座椅比較逼，街坊小店就係咁囉，速食速決OK的🙂睇完menu，套餐由$72-$96有12款選擇，有齊招牌燒味，滷味，南乳豬手煲等等，配白飯或免費轉米線/米粉/公仔麵，跟一碗湯或飲品，經濟實惠，份量夠晒飽🤰🏻秘汁鹵家鵝🪿外皮亮澤，鵝肉有彈性唔鞋口，滷水唔會蓋過鵝肉，以呢個價位呢個質素絕對收貨😌鹽香雞雞肉夠滑🐓調味同肥瘦度啱啱好，冇雪味，唔鞋口，份量好足，墊底仲有大量芽菜；加咗碟小食酒仙醉雞卷🌯卷得好靚好扎實，厚薄勻稱，雞肉肉嫩有彈性，皮與肉之間仲有啫喱添😙浸住酒非常入味，酒香清醇，用杞子中和咗酒澀味，啖啖肉唔洗吐骨，一件件放入口夠方便😌

👦🏻👧🏻好想飲老火湯，但出面好多都係味精湯，所以我地好鐘意嚟鹵家到食晚飯，個老火湯好好飲之餘，叉燒、豉油雞等燒味類都係高質好食😋～晚市套餐跟餐送白飯/米線，奉送住家老火湯或者熱飲，凍飲加$3。是日住家老火湯-蟲草花紅蘿蔔南瓜湯🎃無味精老火湯真係飲完都唔會口渴，湯入面好足料，有豬肉、豬骨、南瓜、粟米、蜜棗、紅蘿蔔等等，清甜滋潤☺️💕！蜜汁叉燒王 $78叉燒切得厚薄適中，唔肥但肉質軟腍🐷，加埋甜甜地濃稠入味嘅醬汁，同邊位有焦香脆邊，好好食阿💖！叉燒汁撈白飯食真係一流阿🤤！頭抽豉油雞 $68雞皮潤澤油亮，雞肉好嫩，頭油甘甜入味😋！酒仙醉雞捲 $52賣相精美，每件雞卷上面都有一粒杞子做點綴💕。醉雞捲入味十足，雞皮爽彈，雞肉嫩滑帶花雕酒香味🍶。凍檸茶📍 鹵家 (元朗)元朗教育路68號兆豐樓地下10及14號舖

今次就揀咗滷水嘢，因為平時都比較少食🤭我哋就叫咗兩個套餐，一個小食蜜汁叉燒王配白飯叉燒超級軟身，超級入味，而且每一舊都好厚切，份量亦都好多，再加上佢哋自製嘅汁配埋白飯簡直一流，叉燒入口勁有口感，唔會太多肥膏，亦都唔會太瘦冇肉食特製鹽香雞配米線呢個雞真係值得一讚，雞肉好滑，而且都係啖啖肉，仲要係雞髀，真係超級好味，入口有少少鹹鹹地嘅鹽香味，雞肉嚟講都真係算小骨多肉話梅涼瓜片本身都非常鍾意食涼瓜片，估唔到配埋話梅一齊入口酸酸地非常開胃，鍾意食話梅又鍾意食涼瓜片嘅朋友真係可以一試，佢會令你越食越開胃，而且呢一個小食係涼拌，好消暑嘅感覺以上兩個套餐都有配埋住家老火湯，合掌瓜青紅蘿蔔湯，而呢一碗例湯真係佢哋自家煲出嚟嘅，因為飲得出唔係味精之餘，仲要好足料

💡 皇牌鴛鴦拼-叉燒,梅子鴨（白飯）🎀叉燒- 燶邊半肥瘦，食落恰到好處🎀梅子鴨- 鴨脾位，肉質滑溜，配埋梅子醬一流💡 頭抽豉油雞（白飯）🎀都係脾位😍豉油雞唔會過濃，肉質嫩滑💡滷水大腸頭🎀肥瘦適中，唔會滷到過晒龍，滷水汁甘香仲配埋滷豆腐，豆腐亦都好好味💡住家老火湯🎀好有住家味既感覺，飲得出係冇味精，好足料既湯(5🌟為滿分）環境：🌟🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

頭抽豉油雞配米粉 $72呢個豉油雞小編真係極力推介超級好味。豉油雞就咁聞已經有一浸玫瑰露嘅味道，肉質嫩滑非常入味，而且唔會死鹹！係小編近期食過最好食嘅豉油雞秘汁鹵家鴨配米線 $76呢個都係呢間舖頭嘅招牌，老鴨非常入味，中間唔會太肥，健康人士專用。住家老火湯入面有青紅蘿蔔 炆得好淋，仲有舊豬肉同埋粟米，味道非常清甜熱菜蜜京蔥金錢肚 $48呢個金錢肚小編都非常推薦，金錢肚爽口彈牙，入邊青瓜絲配埋微微辣辣嘅醬汁冷盤非常爽口開胃！

今日又落元朗食晚飯，最近見到好多人都有介紹呢間，附近又有位泊車，就同男朋友好試下同預期一樣好味道.對於我來講，食物同預期同超出預期，係一件不易既事,所以要讚一讚首先1.鹵水鵝飯$78 set lunch味道適中，唔會太咸或者唔夠味，有鵝味，而且皮香肉滑，推1個2.京蔥金錢肚$48好咪爽口，搭配京蔥，咪道夾，作為前菜，係合格之上3.雙併湯餃$46餃子控既我，見到有餃子去邊都會叫來試下，當然鹵家唔係主打，但佢既餃子都合格既，足料自己包，但個餃子就略為差d,所以口應4影響左，但韮菜餃同西芹餃，蔬菜咪都好突出，不喜歡重菜味，不建議試.4.雞絲麻醬麵$45正常發揮，醬汁夠，麵彈牙，雞絲唔“鞋”,中意食涼麵，可以食下，但價錢偏貴一點.

📍 鹵家（元朗）經常經過都好想食鹵家，今日黎到啦，聽講個蜜汁叉燒好好食，當然要黎拜訪一下✋仲有不同款式既食物🥘主打無冇味精住家湯，每日新鮮制作～家的味道😍🔸蜜汁叉燒王($79)紅潤色澤、誘人的焦脆燶邊、光亮欲滴的蜜汁，再加上幽幽的鹹甜香氣與鬆軟口感，叉燒不愧為我至愛👍🔸秘汁鹵家鴨($76)滷水好香八角味，味道回甘，鴨肉肉質細嫩紮實，咬落有汁，煮得啱啱好😍🔸住家老火湯佛手瓜栗子豬骨湯，可以補氣益血，養顏，抗疲勞，抗衰老。材料十足，無味精，而且味道清甜，好有家的味道👅🔸酒仙醉雞捲($62）帶有陣陣酒香，雪凍後冰涼透心，好適合熱辣辣的天氣食用，雞肉仍然保持嫩滑，愈食愈滋味

星期六下午6點左右 久違地入左元朗 前一晚咁啱睇到YouTube 片介紹 就去左鹵家 食燒味/鹵味 店舖入面唔算有太多客人 但都見不斷有外賣 相信大家都係斬料返屋企加餸第一次食 一行3個人 今次揀左蜜汁叉燒王($79)，梅子燒鴨($76)轉燒鵝(+$15)，燻蹄拼海蜇($78)套餐抵食 跟餐送每日自家老火湯/熱飲(凍飲，汽水，特飲要加錢)主食都可以揀飯轉米線，米粉，公仔麵(拉麵，烏冬，出前一丁要加錢)呢個價錢嚟講 份量算正常 啱啱好食得飽 湯好飲~碟肉都算大碟🤔酸梅醬好味(大家知啦，真係有啲係唔好味😂) 點燻蹄嘅醋汁個人認為可以酸啲 叉燒今次唔係好夠火候 如果脆邊返少少就完美🤏本身想叫多個醉雞卷食 但驚食唔晒 唯有留返下次再嚟食啦另外好想講 員工們都好有禮貌😌🤩總括黎講:🌕🌕🌕🌕(滿分為5分🌕🌕🌕🌕🌕)食物:🌕🌕🌕🌕環境:🌕🌕🌕🌕服務🌕🌕🌕🌕可回頭次數:🌕🌕🌕🌕鹵家 (元朗)元朗教育路68號兆豐樓地下10及14號舖

#元朗#鹵家性價比高既燒味鹵水餐廳😋😋🪭🪭最近天時暑熱 食野無乜胃口口乾乾就想飲啖湯 去到鹵家入面一坐底店員就送上老火湯 -粟米紅蘿蔔湯 之後叫個涼拌小食降降溫1️⃣話梅涼瓜片呢款小食 夏天食就岩哂 好少見其他餐廳有 感覺好特別話梅酸酸甜甜 配上苦瓜 消暑開胃 同時無苦澀味🤤2️⃣蒜汁豬頸肉豬頸肉上鋪滿秘制蒜汁 有啲似豆瓣醬就算平時唔太食得辣既朋友 都可以接受 夠哂惹味 每片豬頸肉爽口彈牙👍🏻3️⃣秘制鹵家鴨拼蜜汁叉燒王鴨片肉質唔會韌 每片色澤均勻好靚仔🤤😍 配搭埋佢既醬料感覺似甜酸醋 幾fresh叉燒肥瘦適中 鹵味係幾有水準高質平民燒味✅經濟得黎 醬汁配料都特別 配飯一絕 值得一試下次再食有啲想試佢既酒仙醉雞卷#18區美食#燒味#鹵味#涼拌#美食日記#小食#餐廳#foodporn#foodphotography#instafood#hkig#hkfoodie#instadaily#foodie

今日帶朋友來到元朗，選了一間在元朗有一定名氣的食店-鹵家。店舖由前酒店師傅主理，質素毋庸置疑。我們兩人點了兩份套餐，加一份小食，價錢非常相宜，性價比高。首先來的是秘汁鹵家鴨，鹵水汁香濃，鴨肉嫩滑。師傅烹調的時間非常準確，鹵水香味既能滲入在鴨肉中，亦不會過熟。接著來的是鹵水大腸頭，大腸頭不會太肥，鹵水香味十足，必食之選！最後來的是蜜汁叉燒皇，叉燒肥瘦適中，邊位有少少燶邊，食落既脆口，肉汁亦十足。叉燒上枱時仍然是熱辣辣，超級好食！套餐除了跟飯外，亦跟無味精湯/飲品，我們點了一個無味精湯試試，湯料十足，味道鮮甜，明顯是無味精的。餐廳除了堂食外，亦設外賣，在我們食晚飯的過程中，已有不少街坊過來斬件叉燒、叫份鹵水鴨回家品嘗，可見元朗人已經對這間餐廳並不陌生。

以前成日因為叉燒而去鹵家，近排突然想食，所以有一晚就去咗食晚餐。7:30鐘左右都要等一等，不過都好快入咗，我叫咗一客叉燒配飯，叉燒偏瘦，而且冇以前咁入味，亦都唔係燒到焦香，仲有少少柴皮添，整體有啲失望。

住咗喺元朗咁耐都仲未試過呢一間，突然想食叉燒就試一試酒仙醉雞卷擺盤算係有心思，每塊雞卷上面都有粒杞子，而且一放上枱已經聞到好香酒味食入後悔先有淡淡藥材味，然後再有酒香味散發出來，有驚喜蜜汁叉燒王套餐（配飯➕凍檸茶）肉質夠嫩，而且蜜汁好夠，再加埋脆邊配飯食真係一流👍🏻絕對推薦例湯都好夠味，無咩味精味，屋企味道秘汁鹵家鴨套餐（配飯➕例湯）新嘗試，鴨肉夠滑，唔算嚡口，而個醬汁就好估唔到，比較濃既藥材味，而且每片都夠入味，唔錯