鹵家

鹵家 @thelufamily2016 📍：香港元朗教育路68號兆豐樓地下10及14號舖🚗：朗屏地鐵C出口 步行14分鐘📞：+852 2363-0355💲：~HKD120/head for lunch Food quality✔️：食神叉燒飯、金牌燒鵝皇飯、酒仙醉雞卷、話梅涼瓜片總結：😋由曾任職於5星級酒店🏨及鏞記嘅老師父主理 係間隱藏喺元朗鬧市中嘅高質港式燒臘店 價錢非常親民但質素超班 非常推薦😋整餐都好食 最有驚喜係話梅涼瓜片 我唔係涼瓜嘅粉絲 但呢碟被話梅浸過蓋過咗啲我唔喜歡嘅苦澀味 話梅味好濃郁但又唔會過酸帶有陣陣苦味非常易入口👏🏼😋呢度食餐燒臘飯只需$60-70蚊 但份量十足仲配埋一碗靚仔 一定夠飽 叉燒有焦香出乎意料 某幾塊仲食有豬嘅甘味 仲跟隻流心蛋餸飯一流👍🏼😋金牌燒鵝淨係份量都夠殺食 仲要好食 $74實在太抵 切得好靚仔 皮脆筋位唔多 唔會卥得過鹹剛好🤣😋酒仙醉雞卷正價就$62 但優惠+$12可跟餐換 一碟有12塊 將雞橫切浸上紹興酒 一入口就係酒香 難怪係招牌😀🤔睇門口以為係街坊冰室 點知內在乾坤真係驚喜十足 一啲好普遍嘅燒鵝叉燒都整得好食仲要收費合理 值得更多元朗居民知道😳🤔要讚下員工服務很好 有個姐姐態度友善全程好好笑容😨店舖唔大間 張枱都頗細張 叫多幾碟嘢就唔太夠位🥲…查看更多

鹵家位於教育路，主打港式滷水、燒味飯同住家湯水，環境簡潔乾淨，座位不多但氣氛親切。食咗個二人套餐，約二百幾蚊左右，包小食、主菜、白飯、時菜，湯品或飲品🍵 住家老火湯：食飯前飲返碗湯先！今日係蘋果雪梨、南北杏、雪耳、紅蘿蔔、豬滑，湯底清甜，飲落有種「屋企煲湯」嘅感覺。🍯 蜜汁叉燒王：呢個必食！外層微焦，蜜香撲鼻，咬落去真係有陣蜜味湧出嚟，肉質軟腍唔乾柴，配白飯一流。🦆 梅子脆燒鴨：皮脆肉厚，配梅子醬，啖啖鴨肉夠實在。🌶️ 京蔥金錢肚：辣辣哋幾惹味，京蔥香氣滲入其中，食落有層次。套餐仲包時菜同兩碗白飯，兩杯嘢飲(可以轉餐汤)整体套餐配搭够豐富，味道有惊喜，價錢親民，係元朗一個實而不華嘅好選擇。 …查看更多

呢間元朗既「鹵家」，好有家庭feel。當我走進這家小餐廳，頗具傳統的裝潢讓人感到親切。點了個二人餐，試左幾道招牌菜。首先上桌的是合掌瓜粟米瘦肉湯，湯底清澈，裡面有新鮮的胡蘿蔔和香菜，味道清淡卻讓人感到舒心。接下來的兩碗白飯，粒粒分明，搭配著香辣的金錢肚，讓人食指大動。這道菜上面還撒了新鮮的蔥絲，增添了爽口感。還有一盤清炒生菜，保持了蔬菜的鮮嫩，淋上少許醬油，更是清爽可口。而叉燒同鵝就更正喇！最後，搭配一杯檸檬茶，酸甜可口，完美平衡整頓飯的味道。整體而言，「鹵家」不僅提供了美味的食物，還有親切的服務，讓我意猶未盡，期待下次再來！…查看更多

夜晚時分，想堂食燒味除了去茶樓仲可以去小店食！細細間人情咪與燒味都好足！醉鴨舌（$62）鴨舌Q彈多肉，裹著仲有海蜇絲，酒香聞起來濃郁卻不刺鼻，絕配啤酒或單獨當小食。加$18 就可以升級變成套餐，又包餐飲又有飯！酒仙醉雞卷（$62）食落冇淡淡的酒香濃郁、肉質嫩滑彈牙，並配上杞子一粒，不僅提升養生價值，還能增添風味層次！杞子帶來天然甜味，可以中和酒的濃烈，令到雞肉的味道提升了！金牌燒鵝皇（$94）鵝皮爽脆，肉嫩滑入味，鹵水不重口卻層次分明——八角的溫潤、薑片的清新，一點不油膩。底下鋪滿青瓜絲，吸飽汁水，變成爽脆配菜。鴨腿部分多肉，咬下去汁水四溢，配白飯能吃光一整盤。住家老火湯蘋果雪梨南北杏零耳紅蘿蔔豬滑湯，無味精老火湯，喝出家的溫暖！套餐如果唔想飲餐飲可以轉老火湯！仲要唔洗加錢，真係$0的驚喜，讓整餐升級成「養生宴」。📍地址 :鹵家 (元朗)元朗教育路68號兆豐樓地下10及14號舖…查看更多

依間既燒味，真係好出色！蜜汁叉燒王真係好好味，叉燒燒得外焦內嫩，蜜汁甜而不膩，入口即化，配飯一流！頭抽豉油雞同樣出色，雞肉嫩滑，頭抽嘅醬汁滲透入肉，味道濃郁又唔會太鹹，食落好開胃。鹵水大腸頭就更加不得了，鹵得夠入味，大腸肥而不油，咬落軟糯，帶點鹵水味，佢仲有豆腐喺旁邊，真係好滿足！住家老火湯係霸王花南北杏紅蘿蔔粟米豬骨湯，湯好鮮甜同埋好濃郁，有家嘅感覺！每款都好有水準，份量夠足，價錢又合理，真係食得開心又滿足！…查看更多

我有一點點喜歡滷水不多不少就一點點好食嘅滷水其實應該係温和的🤗香甜完美融合，基調層次分明先聞到香氣，再到鹹香，尾段回甘滷家係元朗區一間滷水店醉仙醉雞卷、蜜汁叉燒都好喜歡不過最繞樑都係個滷水鵝片肥瘦均衡滷水好香但唔濃雲淡風輕💯💯特別愛滷水鵝肉質比平常食到嘅鵝肉更扎實因為唔係燒鵝脾所以外皮冇咗香脆口感反而係有啲煙un脂肪唔算好多適合健康人士P.s. 值得一讚佢個例湯好有阿媽煲嘅老火湯feel，清甜冇味精！…查看更多

最近在一家由五星級酒店老師博主理的餐廳品嚐到的二人套餐，真是非常實惠，且菜品豐富美味，讓人印象深刻。✨🍗 頭抽豉油雞鮮味十足，不會過鹹，肉質嫩滑，完全沒有柴的感覺，且脂肪控制得宜，讓人一口接一口。🦆 金牌燒鵝皇肉質鮮嫩，每一啖都能感受到肉的鮮美。廚師特意選走過肥的部分，讓肉質更加純粹，不像外面的燒鵝那樣油膩。🌶️ 京蔥金錢肚辣味剛好，口感鮮香，十分惹味，讓人忍不住想多吃幾口。🥬 菜心清新爽口，與主菜搭配，增添了餐點的豐富度。🍲 老火湯老黃瓜赤小豆扁豆豬骨湯，清熱下火，健脾去濕，讓人感受到家的味道。餐廳的環境舒適，服務態度友善，讓整個用餐體驗更加愉快。這次的用餐體驗非常滿意，二人套餐的價格實惠，菜品質量高，下次還會再來，推薦給喜歡品嚐美食的人。 ❤️…查看更多

今日去咗元朗探朋友呢一間係佢成日嚟食嘅飯堂唔係太想諗食啲乜嘢佢就建議嚟呢度食個二人餐留意個餐牌其實真係好多選擇我自己最欣賞就係碗老火湯同埋啲雞真係超級滑我朋友就超級鍾意佢個金錢肚同埋佢個滷水鵝片事關佢屋企人都唔食所以喺屋企冇得煮唯有就係出街食滷水鵝片切得好靚同埋佢唔會太鹹麻辣金錢肚麻得黎唔會太辣同埋非常之彈牙好啱香港人口味呢度啲小菜都真係好好食我見啲顧客通常都係附近嘅街坊所以同啲職員都非常之熟絡今日有機會試到元朗街坊推薦嘅舖頭都非常之開心…查看更多

前排去完中山返嚟，成日好想再食鹵水鴨，經朋友仔介紹原來近近啲呢一間嘅鹵水鴨都唔錯喎~今日黎到餐廳時間尚早，仲可以嗌午餐添😂一人揀左一個套餐，再叫埋小食。食神叉燒飯（即係叉燒煎蛋飯） 叉燒燒得啱啱好，外皮微脆又帶啲蜜糖甜香，又唔會甜到好漏，肉質軟淋又多汁，再加埋一隻脆邊煎蛋，撈飯食真係一流！秘汁鹵水家鴨飯 鹵水汁濃郁得黎唔會咸，鴨肉入味又唔韌，仲有啲香料味慢慢滲出嚟酒仙醉雞卷 雞卷好嫩滑，每一片仲有杞子點綴，酒香味淡淡飄出，但唔會太濃，食落清爽又開胃，凍食更加正拍蒜青瓜 青瓜爽脆到爆，蒜香味十足，辣辣哋，食完油膩嘢之後清一清個口就最啱，鍾意食辣嘅千祈唔好浪費佢嘅辣汁，配埋醉雞卷簡直係雙重滋味！霸王花紅蘿蔔粟米湯 飲得出冇加味精，霸王花煲到軟淋淋，淡淡清甜味飲落好舒服！整體都幾高質，仲發現唔少街坊幫襯，真係抵食又滿足。…查看更多

元朗必試家庭燒味鹵家：星級大廚出品，平靚正食到暖粒粒呢間被元朗街坊力推、號稱「全元朗最好食」嘅燒味鹵家，真係冇令人失望！家庭式經營好有溫度，大廚退休前係星級酒店師傅，手藝夠晒硬淨；樓面由太太親力親為，態度親切。所有菜式每日新鮮整，鹵味、燒味款款受歡迎，價錢仲好相宜，返工放學過嚟食餐真係抵！必點招牌菜•秘味鹵水鵝：鹵汁滲透每一寸肉，鵝肉嫩而不柴，鹵香濃郁又不膩，食過返尋味。•海哲醉鴨舌：醉香清新，鴨舌爽脆彈牙，配海哲嘅爽口感，開胃又惹味。•手拍青瓜：簡簡單單最考功力，青瓜爽脆，调味鹹香帶微辣，解膩一流。仲有每日新鮮熬製嘅住家老火湯，今日飲到合掌瓜煲栗子，湯汁清甜，材料足料，飲完個肚暖笠笠，完全係屋企湯嘅味道，舒服到心底！…查看更多

好耐冇食鹵水野 行過見到呢間餐廳就入去試下餐牌有勁多唔同款嘅鹵味同燒味揀 咁我地就叫左兩個餐 同加左兩個小食蜜汁叉燒叉燒色澤紅亮 表面微焦帶蜜香 肉質淋得黎又多汁 肥瘦比例恰到好處 仲有少少燶邊 送白飯一流水準唔係講笑 真係可以媲美不少老字號燒臘店 絕對是必試之選鹵水鵝每片鵝肉大小恰到好處 一片一啖 鹵汁入味而不死鹹 肉質好滑 點d醋食仲正話梅涼瓜片賣相好靚嘅一碟小食 苦片切得好薄 爽脆不苦澀 話梅的酸甜完美中和苦味 仲帶d陳皮香 非常開胃 夏天吃尤其清爽 連我平時唔食苦瓜既朋友都食唔停口 鹵水豆腐豆腐索哂d鹵水精華 內裡嫩滑 豆香濃郁 而且仲有d芽菜墊底 口感好夾最後一定一定唔可以錯過個例湯 係合掌瓜紅蘿蔔豬骨湯 味道清甜解渴 一飲就知係足料 冇加味精嘅老火湯…查看更多

鹵家 (元朗)地址：元朗教育路68號兆豐樓地下10及14號舖黯然雙蛋叉燒飯叉燒燒得啱啱好，半肥瘦夠香口，唔會太乾又唔會太膩。豉油撈飯好入味，雙蛋煎得靚，太陽蛋蛋黃流心，撈飯真係一流！簡單但係好滿足！酒仙醉雞卷雞肉勁嫩滑，酒香淡淡哋，唔會太濃但好入味，食落好清爽。凍食口感好正，夏天食特別開胃。雖然份量唔算多，但味道真係做得精緻，值得叫下！…查看更多

同屋企人食飯，多數都會揀中餐，今日就嚟到元朗一間人氣好旺嘅港式燒味餐廳——鹵家。未到七點，店內已經座無虛席，睇嚟燒味佢地嘅燒味一定幾出色😋。🍚 皇牌鴛鴦飯 叉燒王配鹵家鴨 $89上枱嗰刻已經被份量嚇一嚇，真係好足！叉燒肉質軟焾又juicy，蜜汁甜香滲到入肉，食到尾都唔覺膩🍯。鹵水鴨每塊厚薄一致，皮香肉嫩，帶出濃郁鴨香🦆。跟餐仲有無味精老火湯——老黃瓜赤小豆湯，清熱去濕又清甜，真材實料，夏天飲一流🌿。🥩 蒜汁豬頸肉 $76蒜汁香濃微甜，蒜蓉處理得恰到好處，完全唔辛辣，送飯一流🍚。豬頸肉爽彈，肥瘦比例剛剛好，每啖都有肉香同油香交織。🥒 拍蒜青瓜 $42青瓜保持咗爽脆口感，配上少少麻辣帶油香嘅醬汁，酸度適中，好開胃。炎熱天氣食落特別清爽❄️。整體嚟講，鹵家出品企理、味道有水準，價錢亦算合理。屋企人食得開心，我都覺得今餐真係幾滿足，下次一定會再嚟試其他燒味組合😋。📍鹵家·元朗教育路68號兆豐樓地下10及14號舖…查看更多

上枱個蜜汁叉燒王，油亮亮到反光，叉燒汁「吉」落絲苗白飯度，簡直係靈魂降臨，飯粒吸晒啲汁，食到停唔到口，肥瘦肉比例啱啱好，唔會油到滯又唔會乾到嚡，個名帶「王」字真係冇吹水！金牌燒鵝皇，皮脆到咬落「卡嚓」聲，個脆皮同個肉之間仲有層薄薄嘅脂肪，甘香到痹，點少得酸梅醬中和油膩，根本控制唔到個口！麻香脆海蜇呢個前菜夠晒醒胃，花椒味唔會太搶，海蜇爽脆到好似係口入面跳舞，食燒味之前嚟一碟，個胃口即刻打開晒！住家老火湯，暑氣即時散晒，個湯味濃郁得嚟又唔會太鹹，飲得出係落足時間煲嘅，唔似出面個啲味精湯，飲完仲想添！最後杯檸檬茶，茶底夠強，檸檬夠酸，糖度啱啱好，飲完個口清爽晒，完美收尾！…查看更多

偶然想食滷味，我都去鹵家，滷味燒味每日由五星級老師傅精心製作，住家老火湯無味精，家的味道。晚市套餐跟絲苗白飯🍚可以免費轉米線 / 米粉 🍜住家老火湯🫕或者熱飲☕️凍飲加$3🥢招牌鹵水鵝$98(餐）鵝片滷得入味，肉質嫩滑，完全唔柴，滷水食品出色。🥢燻蹄拼海蜇$78(餐）以前D人叫海蜇做橡筋，呢度依然海蜇係好爽脆唔韌㗎，燻蹄有彈性，滿滿骨膠原，蘸特製醋解油膩。🥢滷麻豬耳$46(小食）小食豬耳也不馬虎，豬耳爽脆，滷麻汁微麻微辣，好惹味，撈飯撈麵好鬼正。🫕霸王花粟米紅蘿蔔豬骨湯清熱潤燥滋養肺臟，無味精，家的味道。…查看更多