鹵家

營業中

休息中

之前已經黎過斬料，買蜜汁叉燒王返屋企加餸，屋企人食到lamlam脷。今次有客人黎食飯，屋企人就提議 嗌個鹵水鵝拼盤來食。拼盤好豐富，份量夠多，而且砌到好有心機，返到屋企稍為用微波爐加熱打開已經食得。鹵水鵝比起鴨肉，肉質更細嫩，肥瘦適中，肉味濃。鹵水掌翼有驚喜，皮帶爽脆，肉質依然夠嫩。鹵水豬耳食落滿滿的骨膠原，夠入味又不會硬。鹵水大腸頭清潔得很乾淨，一點味道也沒有。而且大腸軟而不韌，油脂甘香。鹵水豆腐索滿鹵水汁，真係必食！其他還包括金錢肚，鹵水蛋和芽菜等。。。呢度的鹵水很有層次，味道鮮甜不死咸，全部食材都夠入味，基本上都不用再額外點醬料。屋企人同客人都表示很滿意。下次唸唔到食咩，又可以黎呢度斬料。

泰國人嚟親香港通常都係要食燒味， 所以就帶咗泰國朋友去我嘅燒味飯堂😉佢哋對呢度嘅叉燒都讚不絕口， 今次我仲第一次食佢哋嘅醉雞捲估唔到咁好味😍仲有一個surprise就係個話梅苦瓜片， 估唔到有咁好食。（平時呢兩樣嘢我都麻麻哋尤其是苦瓜。）因為我好怕食啲苦嘅嘢但係呢個苦瓜完全唔苦只有少少回甘味， 呢啲手工菜真係要試一試因為唔係度度都有🥰

📍 卤家（元朗）用心經營既小店💕每次黎到一定會飲湯，食叉燒🐷好多人會為一碗湯而來每日用新鮮湯料熬製，鮮甜既自家製湯水甜到入心❣️｛五指毛桃椰子菇粟米紅蘿蔔🥕｝每日既湯水都不同，仲要十分足料，整碗湯比我好快飲光了🫣湯料都清光了😍✨ 食神叉燒飯自家製厚切叉燒蛋飯有別於一般叉燒，幾層腩肉肥瘦均勻，叉燒多汁肉質亦軟身，份量好足！配合半熟流心荷包蛋🍳秘製醬汁，以自家製厚切叉燒配埋半熟流心荷包蛋，絕對值得黎朝聖～✨秘汁鹵家鴨嫩滑多肉汁濃味到爆，滷水勁入味，啖啖肉，肉質仲係好滑，唔會有碎骨，沾上蘸料仲可以消除肥膩感。✨薑片皮蛋味道無一般皮蛋咁強烈。蛋白較鬆散&晶瑩通透，睇到內裡嘅蛋黃，配埋薑片食夠哂惹味！

每次想食叉燒都會嚟依度， 因為真係好好食肉質柔嫩又淋， 而且又好鍾意食雞蛋所以叉燒蛋飯係好啱我， 佢哋嘅老火湯好好飲完全冇味精， 其實我都想試埋其他嘢但係每次嚟到都忍唔住都係叫同一個飯😂😂😂 老闆娘都有叫我買隻燒鴨返屋企試吓我下次都會😊

【元朗•鹵家】@ππππππππππππππππππππππππππππππ元朗開業多年出色燒味飯餐廳梅子脆燒鴨飯 76$鴨肉燒得酥脆，再淋上梅子醬，帶著一股淡淡的果香。鴨肉的口感很不錯，外酥內嫩，而且梅子醬的酸甜味很搭。飯煮得剛剛好，非常入味。蒜汁豬頸肉飯 76$豬頸肉經過燒烤後，搭配上濃郁的蒜汁，肉質鮮嫩，濃郁多汁，口感十分好。這裡的豬頸肉用料很足，份量十分大，價格也非常實惠。拍蒜青瓜蒜蒜青瓜是一道清涼開胃的小菜，具有清新爽口的口感，是夏天的好選擇。吃起來清爽爽脆脆的，酸酸甜甜的口感非常開胃，而且低熱量，非常適合健身和減肥的人士。老火靚湯 老黃瓜蘿蔔眉豆赤小豆豬骨湯老黃瓜和蘿蔔都是比較容易入味的食材，加上豬骨熬煮後可以釋放出豬骨的香味，湯裡有濃郁的骨頭風味。眉豆和赤小豆則會增加湯的口感，讓湯品更有趣味性。西洋菜蜜熱餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 188✨✨✨✨✨✨✨✨✨✨✨✨✨#元朗美食 #鹵家 #web3元朗鹵家元朗教育路68號兆豐樓地下10及14號舖

熟悉元朗嘅人一定都有聽過 鹵家 呢間餐廳餐廳主打燒味 平民價錢 就可以品嚐由前酒店師傅主理嘅出品😋🔸住家老火湯 (跟餐)每日都會有自家煲嘅老火湯今次係老黃瓜赤小豆排骨湯🍲超足料~有住家湯嘅味道🥹🔹蜜汁叉燒王套餐 HKD79食燒味點少得叉燒 呢度嘅皇牌叉燒係半肥瘦 而且肥瘦均勻 仲要有燶邊🤤每嚿叉燒都沾滿蜜汁 入口鬆化 肉汁同蜜汁嘅完美配合必食🤭🔸秘汁鹵家鴨套餐 HKD76每片鴨肉厚度適中 肉質鮮嫩加上獨家秘汁 鴨肉更加入味配菜大豆芽仲吸哂秘汁同鴨汁 餸飯一流😌🍴兩款套餐跟老火湯 白飯/米粉/米線 及飲品🍴🔹話梅涼瓜片 HKD42涼瓜炒蛋就食得多 冷盤就第一次食~切食薄片嘅涼瓜非常爽脆一口咬落涼瓜片竟然係酸中帶點甜再仔細咀嚼就食到回甘嘅味道加入話梅令成個小食愈食愈開胃！🚩鹵家 元朗教育路68號兆豐樓地下10及14號舖

收工去左元朗，突然好想食燒味，就見到鹵家依間餐廳，就入去試吓😆蜜汁叉燒皇 配飯佢哋嘅叉燒超級好食，夠晒淋，夠晒入味，仲要佢係燶邊叉燒，所以食落去好香口，但又唔會燒到亁哂，仍然都係好有口感👍🏻☺️梅子脆燒鴨 配飯燒鴨嘅皮好脆，好香，加埋佢比嘅梅子醬真係絕配，送飯係一流👍🏻👍🏻不得不提佢哋嘅底部都係有芽菜墊底，芽菜都係好好食，加埋佢有好多汁，所以兩款嘅燒味都好夠味🤤金錢肚佢係有啲黑椒嘅，少少帶辣，但其實食唔到辣既人都可以食到🙈 另外佢撈埋啲配菜一齊成件事都好香。凍檸茶及住家老火湯佢地既凍檸茶超好飲，茶同檸檬既比例岩岩好，好夠味，又唔會苦澀。老火湯都好足料，同埋真係住家無味精，好想一飲再飲👍🏻👍🏻😋

呢間餐廳喺元朗都開咗好幾年，啱啱開嗰陣以燒味鹵水由五星級酒店老師傅主理🥹，主打食神叉燒飯，可惜當時舖頭比較細，要排隊先食到，小編太懶就冇去啦。😂係之前佢轉左舖位，地方闊落左，今日小編經過先決定試吓。😋食神叉燒飯（$60）👨‍🍳有睇《食神》都知道食神燒飯即係黯然銷魂飯，aka 叉燒煎蛋飯。👨‍🍳咁去叉燒望落去都肥瘦均勻，即刻食慾大增（小編勁憎食瘦叉）。🤣食落去夠淋，唔會有筋，亦唔會太難咬太乾柴，作為一間街坊餐廳，口感算好好。😉至於蜜汁就冇乜特別，鹹甜適中，唔會過分甜，亦欣賞佢分量充足，撈飯啱啱好。👍🏻比較可惜嘅係佢煎嘅蛋冇咗燶邊🫠，同《食神》有啲距離。😞整體來講佢嘅叉燒唔錯，街坊想食燒味嘅話可以一試。🧐

鹵家（元朗）今次嚟到元朗呢間都幾多朋友推介嘅燒味店試吓，位置都幾方便附近都有錶位泊車👍🏻王牌鴛鴦飯($88)一次過叫晒佢哋出名嘅豉油雞同埋蜜汁叉燒、叉燒真係冇介紹錯, 半肥瘦適中咬落去肉質鬆化，而且因為蜜汁燒令到叉燒有燶邊但又唔會令到太甜感覺非常自然, 大推🤤豉油雞亦都唔差,表皮上晒色入晒味肉質鮮嫩而且仲唔會有雪味👍🏻京蔥金錢肚($48)呢度小菜亦都係一大驚喜, 食得出幾夠火候夠乾身非常惹味而且個金錢肚亦都滷得非常入味咬落去爽口☝️

元朗都有好多隱藏嘅美食,今次約埋朋友四圍揾下邊度有好嘢食,今次都唔例外,畀我哋搵到間正宗鹵味店。環境乾淨企理,店舖座位唔多,但都坐得好舒服。服務質素都好高。食神叉燒飯 $60 +老火湯叉燒肥瘦均勻,邊位微微焦香,軟淋得嚟又有口感。加埋半熟蛋汁拌飯,令飯更加香滑。住家老火湯:老黃瓜紅蘿蔔赤小豆扁豆排骨湯飲得出冇味精,呢碗湯袪濕又健脾,相當足料。梅子脆燒鴨 $58 白飯+凍檸檬茶$3燒鴨燒得好香,皮脆肉滑,份量好多。大豆芽墊底,吸收咗燒鴨汁,入味爽口。凍檸檬茶:茶底夠濃,少甜,唔錯。話梅涼瓜片 $42擺盤好靚,涼瓜切成薄片,吃起來爽脆,加上有話梅嘅酸甜,完全沒有苦味,越食越開胃。鹵家元朗教育路68號兆豐樓地下10及14號舖☎️ 23630355

大西北搵食之元朗鹵家全場滿座的人氣燒味店🔥🔥花生眉豆雞腳木瓜湯足料無味精 味道鮮甜 呢款湯有豐富骨膠原岩曬女仔飲🫶🏻🫶🏻話梅涼瓜片店員強調係酸酸甜甜 唔會好苦 所以就試下果然食落爽口 有話梅酸甜味 加上涼瓜微微甘味兩者味道配搭得好好 愈食愈開胃😋😋燒味方面揀左蜜汁叉燒王拼頭抽豉油雞份量比我想像中多！半肥瘦叉燒食落鬆化 燶邊焦香岩曬我口味😆豉油雞好滑 😋除左食物質素味道好之外 成間店舖員工都笑容滿面 同客人有講有笑 難怪經常爆滿！好推薦大家去試下🫰🏻以呢個價錢食到有份量有質素既燒味 性價比好高🥢

一間主打靚燒味，充滿人情味嘅元朗街坊小店。每位員工都笑容滿面，氣氛融洽，好有家嘅感覺🏡 😋王牌鴛鴦飯 $88試咗佢哋兩大王牌，蜜汁叉燒王同頭抽豉油雞，兩款都好滿意！叉燒王唔會過分甜膩，半肥瘦口感，肉香油香兼備。豉油雞夠哂滑，調味恰恰好，再加薑蓉係錦上添花！😋無味精住家老火湯熱辣辣！舒服嘅感覺！😋話梅涼瓜片 $24 本來好驚食涼瓜，但店員再三強調係唔苦。親身證實真係唔苦，仲越食越上癮😍 香香甜甜，又有話梅香，勁爽口，非常清涼又健康嘅感覺！非常推薦呢間小店！

懶人既我又唔想煮飯喇😂同豬先生去鹵家，80蚊左右有湯有餸有飯有嘢飲，好過我自己煮呀💕🔸蜜汁叉燒皇跟米線冧身入味，有脂肪溶化的甘香，同時具備燶邊叉燒的焦香，在叉燒外層好似包左一層蜜糖咁，好甜好濃厚。米線大大碗，份量足，食唔晒。唔想浪費，下次會叫少米線。🔸子薑鴨仔煲跟白飯一直以為子薑只是就咁食或者涼拌夾皮蛋食。原來子薑都可以做菜式。肥美米鴨，遇上酸甜開胃的子薑，一d都唔油膩。醬汁由不同醬料（麵鼓醬、南乳、蠔油、紹興酒）煮成，超好送飯。🔸話梅涼瓜片涼瓜去芯，刮淨了白色的囊，完全沒有苦味。切成薄片，處理得很好，沒有因浸泡而過冧。吃起來十分爽口，同時具備冰糖甜味和話梅獨特的風味。上碟時，跟碟既話梅超大粒，用靚野👍🏻🔸住家老火湯-南瓜蟲草花煲豬骨少油少鹽、無味精，南瓜的甜味 溶入湯中。仲有粟米蟲草花豬骨，相當足料。最愛住家湯😍

這間位於元朗的鹵家，晚市經過都經常滿座，餐廳主打燒味及鹵味，其中叉燒、鹽香雞及鹵鵝都是招牌菜。晚市有燒味套餐，包飯、無味精例湯及餐飲。今晚例湯是紅蘿蔔粟米南瓜，完全無味精，而且清甜，南瓜肉煲至溶化。酒仙醉雞卷雞皮爽口，雞卷結實，肉質嫩滑，而且酒味濃郁。梅子脆燒鴨燒鴨已去骨切成片，鴨皮香脆，肉質鬆化，完全無雪氣味。蜜汁叉燒皇叉燒有陣陣焦香，而且是燶邊叉燒，半肥瘦的腩肉位，肉質鬆化而且有肉汁，送飯一流。

之前在舊舖吃過，搬到新店後一直沒吃過。這次終於來吃了，我們叫了兩個晚餐，和再試醉雞卷。頭抽豉油雞 $72 （配白飯）豉油味香濃，雞皮很薄，雞肉嫩滑，火候恰到好處，最適合和白飯一起吃。秘汁鹵家鴨 $76 （配白飯）鴨肉軟硬適中，肉香而不膩，鹵水汁味道不慍不火，更提升鴨肉香味，也是配搭白飯的不二之選。酒仙醉雞卷 $62經典的招牌菜，酒香雞肉嫩滑，夾起時不會散開，厚薄適中，水準依舊。住家老火湯 跟餐附送是日老火湯是老黃瓜赤小豆扁豆豬骨湯。赤小豆扁豆祛濕，健脾養生。凍檸茶 跟餐加$3茶底香濃，檸檬新鮮。這麼多年水準依然，食物份量不少，在元朗想吃燒味鹵水，這裡是一個不錯的選擇。