呢日放假去咗洪水橋食米線😋🍜 試咗個新湯底,我同朋友都覺得勁好食!!!坐得又舒服🤩 我同朋友都叫咗胡麻湯底😋 朋友要小辣,我就保守啲要咗微辣 個湯底好正!!好開胃🤩🤩 朋友要咗香辣腩肉同墨魚咀 而我就叫咗豬軟骨同墨魚餅 兩個餸都好正好好食呀👍🏽👍🏽 份量又夠多 墨魚餅真係食到一粒粒嘅墨魚 米線口感都好唔錯👍🏽軟硬適中 我哋再叫咗個小食 鹽酥雞 鹽酥雞切得比較細粒 比較容易入口👍🏽 餐廳嘅凍檸茶同凍奶茶都好正

本身簡聚開喺千色廣場嗰邊 原來搬咗去朗屏西鐵站附近😀 位置都好方便 朗屏西鐵站行過嚟都算快👍🏽 食物質素都維持到😋🤩 服務依然好好👍🏽 裝修同舊店一樣都係好靚 好多花花做主題 ❤️香辣蒜片白酒煮藍青口$88 賣相吸引👍🏽 青口好清甜 蒜香同白酒嘅香味都好正呀 ❤️香煎法式鵝肝多士$98 鵝肝嘅口感非常豐富 同多士好夾 鵝肝嘅油脂質感好正 係一道好好嘅開胃菜 跟餐仲有牛油餐包❤️ 紅白油都有買一送一嘅優惠🤩 兩杯夾埋都係$62 估唔到老闆之後仲有幫我地添酒🤩 ❤️香煎三文魚柳配柚子醬油$188 三文魚魚柳嘅外皮煎得香脆 而三文魚亦保留到肉質鮮美 鮮嫩多汁嘅口感 柚子醬油更加加分🤤 跟餐嘅仲有薯仔同蕃茄仔 蕃茄仔好juicy 😋 ❤️烤西班牙乳豬配蘋果醬$308 西班牙乳豬肉質嫩滑多汁 外皮酥脆金黃 烤乳豬嘅香氣好正 更特別嘅係佢嘅蘋果醬 酸酸甜甜咁好好食😋 老闆知我哋係周年紀念日 送咗個蛋白檸檬批比我地 又主動幫我哋影相📷📸好好呀❤️❤️

有一排冇食泰國菜喇，呢晚放工嚟咗呢間餐廳食晚飯，食得好開心呀🤩 串燒拼盤C（$149）： 呢個串燒拼盤真係好豪華！極上安格斯牛柳粒串有四粒，每粒牛肉都好嫩好多汁。鮮海蝦球串亦都好正，蝦肉鮮甜彈牙。燒帶子亦都好鮮美，味道好香！每一串都有啲燒蕃茄仔，好甜好多汁。同啲肉同海鮮都好夾！勁正！ 蝦膏豬肉碎炒飯（$98）： 呢個炒飯真係好好味！蝦膏同豬肉碎炒得香口，好惹味😋😋面頭仲有啲炒蛋，好夾 泰式青檸梳打（$42）： 泰式青檸梳打好好味，酸酸甜甜，幾開胃。

呢間餐廳應該係我食過最好食嘅海南雞 啲雞好有雞味，而且好滑！仲好抵食添🤭 我哋叫咗兩個飯， 一個係無骨海南雞飯$58 另一個係無骨鹽水加積鴨飯$58 呢個價錢仲有送紫菜湯 兩杯凍檸茶就每杯加$5 無骨海南雞飯 雞肉好滑好嫩，真係好好食。黃薑飯好正！ 無骨鹽水加積鴨飯 鴨肉好鮮嫩，鹽水煮鴨肉好入味 鴨肉好嫩，微微嘅鹹味好好食🤤 總括而言，我對呢間餐廳嘅飯菜印象好好。無骨海南雞飯同無骨鹽水加積鴨飯都好鮮嫩多汁，份量都唔少，夠晒飽😆打緊呢篇食評嘅時候已經好想下次再去食😋😋😋

我去左鹵家食飯，真係好正呀！呢間餐廳長期多人，呢一日去到唔使等位、好開心呀！ 鹵麻豬耳$46 我地首先叫咗個小食，好好味啊！味道好正，麻辣味好正，同豬耳好夾。我本身唔算好鍾意食豬耳，但呢個都食唔停！豬耳腍身多汁，同平時食到嘅都幾唔同呀😍😍 秘汁鹵家鴨$76 鹵家鴨嘅味道真係出色！ 鴨肉鮮嫩多汁，鹵汁滲透入肉，帶出濃郁嘅鹵味。每一口都好滿足😋😋 呢個餐會跟餐送絲苗白飯/米線 & 住家老火湯/熱飲 我揀咗白飯同湯，啲湯都好好飲呀，絕對唔係味精湯🙌🏽🙌🏽 皇牌鴛鴦飯 $88：呢個鴛鴦飯可以揀兩款肉，包括叉燒王、豉油雞、鹵家鴨、鹽香雞、脆燒鴨。轉鹵鵝加$20，燒鵝就加$15。我哋就揀咗叉燒王同鹽香雞。叉燒嘅肥瘦適中，雞嘅鹽香味都做得好出色！ 跟餐送熱飲 凍檸茶+$3

呢日嚟到越北，發現出咗豬手飯😍好似好正咁，一定要叫嚟試吓😍 豬手飯$66 豬手肉好腍身，味道好正，煮得剛剛好，豬皮好正，滿滿嘅骨膠原！飯粒軟糯有嚼勁，好好味。仲有啲蘿蔔絲，好夾 峴港蝦頭膏酸辣海鮮湯檬$78 湯底鮮美，味道鮮美。 湯裡面有好多海鮮 章魚仔 青口 豬肉丸😋 熱咸吉水$9 味道清新，有微微鹹味。飲落好解渴，好舒服。 薄荷青檸梳打$13 味道清爽，青檸味道鮮明，加埋啲薄荷葉，令味道更加清新。唔會太甜👍🏽👍🏽

朋友睇完餐牌話二人餐抵食啲，咩都有，我哋就叫咗個二人餐。晚市二人餐$438 呢個餐有4樣野 包括有甜柚鮮蝦沙律/肉碎生菜包(2選一) 泰式燒豬髀仔/泰式燒牛仔骨(2選一) 椒鹽魔鬼魚 同炒時菜(我揀咗炒通菜) 另外再加咗兩杯飲品 包括係泰式特飲菠蘿特飲$35同埋青檸梳打$38 食物真係好正!!全部都整得好用心 甜柚鮮蝦沙律係我最鍾意嘅菜式之一 蝦肉新鮮，加埋柚子一齊食，味道鮮甜爽口。 啲柚子好好食，好清新！😙 泰式燒牛仔骨都好正！牛骨燒得香口多汁，再加上餐廳提供嘅泰式醬汁，好香好味。肉質鬆軟，真係好好食。 椒鹽魔鬼魚都好食。魚肉鮮嫩，外脆內軟，配上椒鹽，味道好香。 炒通菜炒得好惹味，好開胃 飲品都好好飲，我飲嘅泰式特飲菠蘿特飲好好味，清甜得來又唔會好甜，啱晒🤩 整體黎講，呢間泰國餐廳嘅食物好正，服務亦都好好，上菜快。下次再去食飯一定會繼續揀呢度！

最近發掘到元朗有間好正嘅餐廳😍叫做享廚館🌟一定要推薦比大家!! 呢間餐廳唔算好顯眼,但真係好值得去!!! 入到餐廳覺得氣氛好好🥳🥳 啲音樂同音響都正 好有異國風情 聽住啲歌想跳舞💃🕺 啲歌我未聽過 好好聽呀 好似去咗旅行咁 好正😍 我哋叫咗3樣食物同2樣飲品 好有驚喜 首先我地叫咗個salad ❤️尼斯沙律銀魚柳,吞拿魚牛油果🥑$90 見到有牛油果同吞拿魚 完全抗拒唔到 一嚟到我已經好驚訝咁大碟 😍 有好多菜 有雞蛋 生洋蔥 同生紅蘿蔔絲 加埋佢地嘅秘製醬汁 好好食!!好fresh好開胃 係一種我未食過嘅味道,但係非常之啱食😍 完全唔會覺得奇怪， 而係有一種 去旅行時 食到從未食過又好好食嗰種興奮感覺🤩生洋蔥好香 鍾意食洋蔥嘅朋友會好鍾意 蕃茄又好juicy 啲菜又唔會太生 總之就樣樣野都夾得好夾 ❤️雞肉烤串卷$75 呢樣又係好驚喜！冇諗過咁大份🤤🤤 雞卷總共有4段 一件都好大件🤤 而且整得好好食！ 入面除咗好多雞肉之外 仲夾雜咗少少菜 蕃茄同洋蔥絲 勁好味😋 連個卷皮都整得好好食 呢吓真係好驚喜 加埋佢地獨有嘅醬汁 真係好特別 薯條份量都好多😍厚切薯條好正 熱辣辣炸起 調味適中👍🏽😋 原來廚師係埃及人 所以野食份量會整到大大份 等大家可以食得飽啲 $75性價比都幾高😍😍 我之後都會成日買嚟食😋 ❤️ 摩洛哥烤紐西蘭羊架配石榴汁薯蓉及彩虹甘荀$160 呢個餐總共有3隻羊架咁多 仲配有薯蓉 薯蓉味道又係特別得來好好味😋 性價比高🥳🥳 ❤️芒果汁$25 ❤️印度拉茶$20 芒果係廚師親自手打😍充滿新鮮嘅芒果香味 拉茶好好飲 好有特色 充滿薑味 佢地餐廳啲醬除咗茄汁之外全部都係自己調製😋🤩🤩呢間餐廳係我近期食到覺得最有驚喜嘅餐廳 呢啲咁有heart 又咁有實力嘅小店一定要大力支持 我一定會介紹晒呢間餐廳比身邊嘅朋友😋😋😋

早兩日天氣超級凍嘅時候 去咗天水圍頌富商場打邊爐 我哋揀咗嘅套餐，每人$248 有好多唔同嘅湯底任選，包括有濃湯蕃茄鍋、朝鮮泡菜鍋、同埋日式地獄鑊等等。而我哋就揀咗佢嘅招牌胡椒豬骨鍋。湯底好香濃，好正。 我哋揀咗嘅美國牛頸脊套餐有多款肉類選擇，包括有五花腩豚肉、鮮雞件、鹿兒島和牛丸等等。肉味香濃，正呀！ 當然唔少得嘅仲有好多蔬菜類，我哋叫咗啲唐生菜食，都洗得好乾淨。仲有平時叫開嘅蔬菜類呢度都應有盡有，仲有好多唔同款嘅菇同丸添！ 而呢度同其他火鍋店最唔同嘅係，佢有啲卷物都係任叫嘅。我地叫咗三重芝士大蝦反卷，整得好好食呀！啲芝士味同炸蝦好夾，真係好正！質素都好高！ 吉列炸蝦炸得香脆，好好味 出面都有唔同嘅飲品可以選擇 當中我哋最鍾意嘅係佢嘅必飲生蠔麵噌湯 真係非常之好飲 入面仲有好多蠔仔添！ 呢個湯我哋叫咗幾次飲，因為真係好好飲 又唔會太鹹，又暖胃！

一排冇食 又好掛住佢啲蝦😋 啲蝦好大隻 新鮮蝦好好食好彈牙 又多蝦膏😋好容易燒 鹽蝦😋燒出嚟好好食😋 除咗蝦之外仲有好多其他肉類同海鮮🦞 超級正😋😋😋😋 食物種類有勁多， 鮑魚、蝦、扇貝、帶子、蜆、蠔🦪、魷魚….. 羊架、雞中翼、雞全翼、串燒、多春魚…… 茄子、粟米、磨菇、南瓜、翠玉瓜、菠蘿、金菇，連格仔餅同蒜蓉包都有！ 星期一至四 晚市 成人$348/位 小童$198/位 📍蝦蝦燒 (佐敦) 佐敦白加士街10-24號永富大廈1樓