鳳城酒家 (禮頓道)

營業中

休息中

跟班波友打完波之後都要食番餐豐盛嘅晚餐，攞嚟底消番做運動嘅消耗嘅汗水，“鳳城”需然有其他分店但我哋就偏愛銅鑼灣依間，唔好問點解我連自己都唔知點解。每次去都係叫依幾款，BB乳豬因為原隻上每人派個手套就咁食，外脆內嫩; 蝦多士因為原隻蝦係上面；炸子雞都係個皮炸到脆卜卜;再叫個菜，焗魚腸同埋 咕嚕肉全部都好好味。食飽主菜就一定要食埋焗西米布丁，我自己就最愛食面個層燒到燶燶地，貪佢夠香連埋蓮蓉嘅清香簡直每次都要食佢先安樂。

冬冬地就最想食中菜，同女朋友行完街係銅鑼灣有咩選擇? 我地就揀左鳳城。之前午市黎過飲茶已經覺得不錯，晚市就第一次試。兩個人叫左半隻乳豬、大馬站煲同煲仔飯乳豬會比埋手套你用手食，特別好FEEL，而乳豬唔太肥而且好入味，抵食蠟味煲仔飯D蠟味全部少肥而且好香，最後要係底飯焦靚，食完勁滿足

最近天氣時冷時熱，都冇拒我地食蒸氣煱嘅意欲，今次試左呢間我未食過嘅，叫鳳城酒家。呢間都幾吾錯，地方好闊落，好多張大枱，岩晒一班朋友，應該上面都仲有一層，但我就冇上去啦，服務招呼周到又殷勤，覺得幾有親切感。嗌左吾少海鮮，都算幾新鮮，佢有幾個套餐嘅，分四人，八人份量等，又有五層塔，另外又可以嗌散嘅海鮮。記得佢嘅龍躉，好大份，件件都幾正，肉質鮮嫩，另外龍蝦都要一讚，鮮甜彈牙，好新鮮，仲有帶子大大粉，蒸得岩岩好，除左海鮮，佢嘅蒸雞，都好靚，肉好滑，雞味濃，吾錯丫，仲有碟菜心，全部都好食，又多元化，吾錯。食到尾， 一如既往，食埋佢鍋下面一開始煲嘅粥，全部海鮮精華係晒入面，好鮮甜，食完個肚仔暖粒粒，幾正。

朋友帶我嚟食呢間鳳城酒家，原來話好出名，好多分店我都係第一次食嚟試下。入到去店內環境都幾有特色，好有傳統酒家味道，店員服務都好好，好有親切感。食物方面，可以選餐，又可以散點，我地點了五層塔，海鮮配搭得吾錯，每樣都好新鮮，即蒸即食，食出佢原汁原味，正丫。例如，有龍蝦，鮑魚，帶子，象拔蚌，龍躉。當中龍蝦最正，帶子都吾錯，超正。價錢你預每人都兩百多度，我覺得都幾合理，招呼又周到，所以一大，班朋友都可以嚟試下。

之前行經鳳城酒家, 諗起好耐未同過家母食, 就特登搵日帶家母去食記得以前間酒家係百德新街果頭...睇返GOOGLE MAP 先知原來轉左位, 睇黎我都好耐冇黎過好彩黎得早, 唔使等位, 好快就有得入坐其實今次黎最主要都係食大良炒鮮奶/ 蝦多士, 但係得兩個人, 食唔到咁多野, 就是但嗌住一樣先..唔知係唔係太耐冇食, 已經唔記得原來大良炒鮮奶入面係有蟹肉!! 加埋D 松子仁, 幾有口味, 唔使淨係食炒鮮奶咁DRY反而個乾炒牛河比想像中好, 河粉炒得夠乾身, 夠哂煙韌, 牛肉又唔韌, 最特別係河粉係比較幼身, 同普通茶餐廳唔同...個河粉大大碟, 三個人都夠食!最後仲送埋糖水....芝麻糊..真係好耐未試過食飯有糖水送, 可能哩D 就係傳統酒樓O既人情味

成日聽人介紹呢間鳳城酒家，今次自己終於嚟試下啦，之前都食過不少蒸氣火鍋都行貨，呢間吾同，入到去，好有香港酒家原有嘅特色，個套餐組合豐富，價錢合理，每樣都係我喜歡嘅食物。嚟到嘅海鮮都好新鮮，龍蝦仲識郁，丸看來是手打的，全部都是師傅用心嘅製作，仲有服務員每樣野食物都幫我地教準時間去蒸，所以蒸出嚟肉汁超好味，而且蒸好就上碟，不會蒸太耐吾理，要讚。除咗海鮮仲有一啲其他嘅食物， 例如蒸菜，點心等，都好正，其實用呢個方法煮嘅野食真係又好食又健康，個人很喜歡。最後海鮮精華都落在粥度，令碗粥好鮮味，吾錯。

天氣好凍丫，當然要食返d熱辣辣嘅啦，今晚去左食海鮮蒸氣鍋，親戚帶左我去食呢間鳳城酒家。入去到，好傳統嘅酒家，分左兩層，大大間，店員好周到咁招呼。點了吾少海鮮，先放好粥底先，再係個鍋上面蒸海鮮，見到好多海鮮都好新鮮，特別喜歡龍蝦同帶子，好食，鮮甜彈牙，吾錯。另外仲有蝦丸好似手打嘅，因為好有咬口，蝦味又濃，大大粒好美味。最後食返條菜同食返碗粥，好舒服，肚又夠飯又食到好多海鮮，價錢吾貴，真係滿意嘅一餐，吾錯，推介。

好姊妹就黎結婚，約埋成班姊妹團出黎食飯傾計，今次約係銅鑼灣鳳城酒家食海鮮餐。一行八人啱啱好可以食八人份嘅加拿大龍蝦蒸鍋套餐。加拿大龍蝦蒸鍋套餐：加拿大龍蝦兩隻、沙巴大龍躉一條、順德污糟雞一隻、本地大肉蟹兩隻、手打鮮蝦丸、鮮甜沙白蜆、自制小籠包、粗糧拼盆，仲有瑤柱鹹排骨粥。龍蝦雖然唔算大隻，但都幾多肉同新鮮，肉質幾鮮甜，蒜蓉清蒸反而保持到本身嘅鮮味；大肉蟹都好鮮美，大大隻有蟹膏。自製手打蝦丸，幾大粒同彈牙，好有蝦肉鮮味。白蜆一份都幾多，隻隻新鮮，全部都開哂口，味道幾鮮甜。龍躉幾多塊，魚肉幾滑，魚肉好鮮嫩。順德雞份量幾多，用醬汁調過味，蒸出黎好香，雞肉幾嫩滑，味道唔錯。食左咁多海鮮同肉，要食番d蔬菜，粗糧拼盆有粟米、南瓜、地瓜、芋頭。每次食蒸氣鍋我都好期待鍋底嘅粥，瑤柱鹹排骨粥煮到好綿，瑤柱鮮味同鹹豬骨嘅咸香味，令到粥底味道好鮮甜。

放假前夕跟家人中午到了歷史悠久的鳳城酒樓、很久沒去、原來酒樓兩年前已經搬到利舞臺後面😅我們坐在二樓的閣樓、樓底較低但看到窗外絡繹不絕的行人街景、感覺依然悠然自得。流沙包軟熟、一咬開真的流心👍🏻菜苗鮮蝦餃餡料很足、蝦新鮮爽口。兒時常到酒樓叫灌湯餃、不過現在沒有很多酒樓供應、可能工序繁複吧。這裡的灌湯餃超大隻、很不容易夾起才不致弄破餃皮、裡面盛著滿滿的濃湯。釀青椒燒汁幾好味。連蓉西米布甸杰杰地、很香連蓉味、飽肚啱一家人齊齊吃。

平日來鳳城通常是晚市時段，今天與同事中午來飲茶，原來午市也很旺場。這裏的蝦餃皇和燒賣皇都有兩粒和四粒選擇。我們二人就點了兩粒燒賣皇，豬肉餡混合了蝦泥增加了鮮味。鮮蝦菜苗餃餃皮半透出鮮蝦和菜苗的顏色，帶點煙韌而不黏牙；而且菜苗頗嫩。鮑汁煎釀青椒荷葉籠仔龍躉蒸飯蒸飯粒粒分明，並加入了蛋絲、蔥花。龍躉非常嫩滑，而且份量也不少呢。蓮蓉焗布甸是鳳城招牌甜品，我們二人吃不去例牌大小的布甸，午市的輕量裝正合我們的食量。面層焗得焦黃，蓮蓉細滑，西米布甸甜而不膩，所以多年來深得顧客喜愛。

今日同屋企人去銅鑼灣行街，難得嘅family day梗係要食番餐好，黎到呢間鳳城酒家食晚飯，上網查過呢間酒家都幾出名，有唔少分店，銅鑼灣呢間有上下兩層，都幾大間。加拿大龍蝦蒸窩套餐有龍蝦、沙巴龍躉、大肉蟹、順德污糟雞、手打蝦丸、小籠包、沙白蜆、蔬菜拼盤、瑤柱排骨粥底。先黎蔥花、炸蒜末、辣椒、豉油，自己調配醬汁，醬油加左炸蒜末好惹味。落左粥底就可以開始蒸野食，手打蝦丸好大大粒，蒸五分鐘就食得，口感好彈牙，蝦肉鮮味十足。大肉蟹同龍蝦一齊蒸，好新鮮，落窩時仲識郁，又係蒸五分鐘就得，龍蝦多肉又鮮甜，蟹都好新鮮，仲有蟹膏。小籠包賣哂，所以夥計幫我地換左鮮蝦餃，蝦餃都唔錯，幾大隻，皮薄餡靚。沙巴龍躉大條多肉，肉嫩鮮美，每人分到大大舊魚肉。沙白蜆雖然細細隻，但味道好鮮甜，點d醬油食更加帶出鮮味。蔬菜拼盤有南瓜、粟米、蕃薯、芋頭、菜芯，同埋雞一齊蒸，吸收左雞汁鮮味更加好食；順德污糟雞，第一次食，味道唔錯，雞肉好嫩滑。最後食精華所在嘅粥底，瑤柱咸排骨粥，粥已經煮得好綿，瑤柱同咸排骨味道已經夠鮮香，唔需要加其他調味料，食左兩碗粥非常暖肚。服務同食物都唔錯嘅酒家，下次可以試下其他分店。

咁耐冇同朋友見面，梗係要約出黎聚一聚啦，三個女仔銅鑼灣行完街街，去到呢間鳳城酒樓食海鮮蒸氣鍋。入到酒樓裡面感覺幾乾淨，唔似出面嘅酒樓，而且侍應招呼都好好。叫左個海鮮五層塔，餐盤真係有五層架，分別有龍蝦、聖子、元貝、龍躉同埋白貝，都幾豐富。元貝同聖子都好大隻，放左好多粉絲同蒜茸上面，蒸出黎好香蒜茸味，送飯一流。元貝真係好大粒，好有鮮味。聖子皇都好正，大隻又鮮甜，唔駛點豉油已經好夠味。美國龍蝦都好大隻，好新鮮，啖啖肉，龍蝦肉質鮮味，清蒸都好好食。沙巴龍躉，魚肉好大塊，魚肉鮮甜，肉質嫩滑，魚骨上面有好多膠質，食落好香。海鮮質素幾好，價錢唔貴但食物味道唔錯，特別係龍蝦同埋龍躉，都幾抵食。

行完街好肚餓就同妹妹嚟到鳳城飲茶😻😻 假期都幾多人，晏小小避過peak hour就唔洗等位等到傻啦👻 茶位收12蚊位，銅鑼灣嚟講係正常嘅🙊🙊 食物先叫左個鮮蝦菜苗餃($30)🦐🦐 有3隻，入面蝦肉大隻彈牙，菜苗都幾多，皮好煙韌👍🏻👍🏻 之後點左紅油抄手($30)，非常好食！皮薄肉多，唔太辣但夠惹味，真係食唔停口呀☝🏻☝🏻🤞 鮑汁釀青椒($30)👀👀煎得還好，唔會好干身，肉都幾多，同青椒比例幾好，做到每啖都有肉有青椒嘅🤤🤤 七味豆腐($58)😉好大碟，豆腐炸得外脆內軟，點上七味椒鹽粉食好正😀 蛋散($23)非常推薦！佢用左花生芝麻砂糖舖上面，再加左煉奶，蛋散仲要好脆口😋

今日翻半日，放工就同媽咪嚟到causeway bay嘅鳳城lunch lar😝😝 點半左右都幾full..好彩都有位🙏🏻 點心嗌左魚翅灌湯餃($27)😋😋 呢個灌湯餃好得意，係冇出面d湯嘅，反正係係皮入面，食嘅時候要小心d拎出嚟！皮唔太厚但都包到所有餡料❤️ 入面好多肉啦，蟹柳，菇等等😉 食一粒都幾飽已經🙊🙊 之後就係最愛嘅流沙包($27)🙆🏻‍♂️🙆🏻‍♂️流沙程度係滿分呀！而且蛋黃咸香味好出，又唔會太甜🤣😝 布拉腸($27)🤓🤓 腸粉又滑又有米香，粉皮幾煙韌🍡🍡 最後要左碟油菜($58)🥗🥗都幾fresh &大碟😻

今日試間未食過嘅蒸氣石鍋店，見到佢都有吾少分店，應該都吾錯。一到步，見到門面拎左好多飲食獎，上下兩層大大間。嗌左個五層搭海鮮鍋，特價$398一位，有美國龍蝦 ，聖子皇，深海元貝， 沙巴龍躉，白貝，全部都好新鮮，特別喜歡龍蝦同元貝，元貝超大隻，成隻碟咁大，好嫩滑， 蝦新鮮肉質彈牙，好食。我地另外都嗌左其他餐。另外要提下服務，因為真係頂呱呱， 平時另外食海鮮蒸氣鍋， 就算蒸完響晒鬧鐘，店員都唔會過嚟上菜，但呢間好好，真係一蒸好就拎上嚟，咁先吾會蒸到老，大讚。食到尾仲有個粥底， 全部海鮮精華喺晒粥入面， 非常之鮮甜呀，我就算好飽都食左兩碗，吾錯吾錯！大力推介。