鳳城酒家 (禮頓道)

營業中

休息中

My friend and I decided to 'yum cha' today and we suggested to go Fung Shing. I have positive experience at their branch at Prince Edward and i remembered that they have one at Causeway Bay too. Fung Shing have few outlets in Hong Kong and their Causeway Bay branch was located at Leighton Road, around 5 minutes walk from MTR.  They offered several choices for their menu, such as Cantonese dishes, dim sum and chef special etc. Prawn dumpling - They were quite considerate to have their menu select

同D朋友食生日飯，當中有九十後話無食過鳳城老酒家，我哋幾位老餅充當佢阿媽，帶個細老去見識下，其實我自己都好掛住鳳城嘅西米焗布甸。一坐底見到三選一優惠，我哋揀左堂剪乳豬全隻$288，好食👍🏼嚟到仲熱㗎，外脆肉暖，剪到大大舊，仲提供膠手套俾我咃用手食，有另一番滋味 。荔芋油鴨㷛對我唔太好油鴨嘅人，都要講兩句，佢個油鴨唔喊之餘，荔芋蓉包住D油鴨，兩者交融，香到呢要叫碗白飯嚟享受。再黎要講個蝦多士，對上一次食係向半年前嘅太子鳯城，當時蝦細一半，炸乾左少少，所以今次見到碟蝦多士一上枱，我對眼睜大左，個蝦大過件多士，多士炸到啱啱好，此乃喜出望外，但始終都係要快食，一凍左就油。炸子雞及西米布甸都keep住水準，今餐真係生日快樂🤗

同老豆行完山就過左黎呢度飲茶黎得早，唔算多人有呢啲套餐都幾抵食，但我既目標係一"鐘"兩件叫左個招牌灌湯餃好特別，要自己將粒餃倒落另一個碗一整爛塊皮，流出黎既係好稠既魚翅湯，好似羹甘好入味，偏膩，加醋會更香之後當然要燒賣呢度燒賣蝦餃小龍包可以2件甘叫，幾好燒賣蝦好大隻，係新鮮的！皮唔厚，咬落好彈，好好味鳳爪係老豆最愛，真係幾真材實料，d鳳爪好大隻XO醬炒腸粉，腸粉好滑，勁有鑊氣，食落唔會偏咸偏辣仲叫左個黑松茸野菌炆伊麵如果平時中意食伊麵但怕膩既真係要試下食落唔油偏清淡，重點係啲麵唔會糊左，keep到彈性！

呀姨黎香港，同佢黎開銅鑼灣行街就帶左佢黎飲茶。☺️☺️😆始終香港茶樓點心好味好多！⭕️紅油抄手 大點 $30有4大粒，算得上係皮薄餡靚，個汁偏辣好好食！⭕️蝦餃 2粒 $18呢度既燒賣蝦餃可以2粒2粒甘叫！人小小都可以試哂！蝦super彈，有鮮甜味！皮亦夠薄，食得出係新鮮製造！⭕️魚翅灌湯餃 中點 $27同平時個d好唔同！佢係好杰既湯餃黎！好好食，果然係招牌野！入面d湯好多一粒一粒，可能係魚翅🤔一定要加醋，甘就可以中和膩感。同呀姨一人一粒，so chill☺️💁🏻⭕️奶黃流沙飽 中點 $27OMG，流沙程度係食過最勁！d奶黃流沙好香咸蛋味，又唔太甜，必食！呢度d食物真係幾高質，又多選擇，星期六午茶黎講又唔算太太貴，值得再戰！

話說中學時係灣仔區打滾，果時對於灣仔銅鑼灣就算盲咗都識行。事隔10年後，離開灣仔區咁多年返去都覺得好陌生，今日就想去揾返回憶的味道，所以揀咗食鳳城。之前去過禮頓開會，同事推介我去鳳城點點心，話佢啲點心超好食，今晚就試佢個晚飯小菜睇下水準係咪一樣先。成日兩個人食飯都眼闊肚窄，今次見到可以以超平$138點堂剪乳豬（半隻），再叫個臘味煲仔飯，應該差唔多啦！侍應端個乳豬比我地睇跟住就係後面剪開一舊舊，隻豬超大隻！我地望住即刻心諗：又食唔哂了！侍應仲好貼心比膠手套我地可以拎住舊乳豬係到齒黎食！兩個人食咗一半已經好漏了！再上煲仔飯，超足料！上面鋪滿臘味，油鴨肶、臘腸臘肉潤腸。侍應幫我地裝好飯，啲飯食落不會太硬，滿布油香，臘鴨肶同臘肉超香超入味！個底仲有飯焦！卜卜脆，勁香呀！個飯剛好每人兩碗飯～打包左乳豬，侍應姐姐勁貼心，見我走時無拎到外賣，專登問我有無拎到外賣，為呢個寒冷嘅天氣增添温暖呀！

份量好多，好抵食嘅蒸氣火鍋我真係好鍾意食蒸氣火鍋，又比我搵到一間喺港島區有驚喜嘅食店，係一間老店鳳城酒家。佢呢個蒸氣火鍋嘅特點係，每樣野都比其他大份，所以都幾抵下！我逐樣講一講先，首先當然係主打嘅龍蝦，呢隻龍蝦係我第一次見到廚師咁有心思將佢半脫殼，剪開了一嚿嚿，令到我好容易食，唔會咁容易比龍蝦吉親，呢一樣野值得大讚！呢隻龍蝦好彈牙，好新鮮，又多膏，好抵食啊！之後出場嘅係扇貝，扇貝上面有好多蒜蓉，同埋粉絲，蒸完出嚟已經好香，扇貝亦都好大隻，正！另外仲有蒸魚，份量非常非常多，足足每人有8舊魚，食到真係好滿足，條魚嘅肉質亦都好爽，一定好新鮮！仲有檉子同埋蜆，兩樣野都好鮮甜，最緊要係冇沙，已經加足分！份量好多，食完好多海鮮都已經飽左大部份，之後加左兩個甜品，捧住個肚出去。未食蒸氣火鍋之前叫咗一碟順德名菜叫做鳳肝金錢雞，前後有麵包夾住，中間有舊小肥豬肉，同埋件雞，咬完落去的肉汁彈曬出嚟，所以要有麵包吸住啲油份，好配合，唔係度度都有得食，值得試吓。

係跑馬地打完波，行過依間老式酒樓，見到竟然有蒸氣火鍋，又好肚餓，一於就入去試下。依間酒樓主要整嘅係好出名嘅順德菜，係老細嘅極力推薦之下，我地試左下鳳肝金錢雞。依個菜都幾有特色，有兩塊方包，入面夾住一片肥豬肉，雞肝，同埋叉燒，雖然好似好肥膩，但聽到都覺得香！d包已經索左少少油，一啖咬落去，每一層都有佢獨特嘅口感，好開胃好滿足！跟住落嚟就係今晚嘅主角，個海鮮塔啦！依個海鮮塔包括龍蝦，帶子，聖子，龍躉片，同埋蜆，份量都幾足。一如既往，檯面上個蒸爐都有個計時器，按順序將想食嘅嘢擺落去，設定時間就得。依間店做得比較窩心嘅地方就係將隻龍蝦切左件，食果陣方便好多。d龍蝦啱擺落個蒸爐嘅時候仲識郁，證明真係好生猛啊～依度嘅龍躉片都特別大份，鋪滿成個爐咁滯，應該係幾乎成條魚俾曬我地，仲有我最鍾意食嘅吊鐘！最後我地仲嗌左杞子桂花糕做甜品，可以講係非常滿足嘅一餐～

放工後去打保齡，打完保齡緊係要醫肚。同事提議近近地，不如試下鳳城。本身對呢種舊式酒樓無咩好感，但利舞臺嘅中餐又食過哂，就試下呢間。我地一共10人，叫咗十幾樣野，包括上湯龍蝦伊麵，炒象拔蚌，炸子雞，蝦多士等等。由於一開始無期望，所以無影相。食下食下，發現每碟餸都好好味，海鮮又夠新鮮，堅正! 老牌酒家仍然保持水準，難得! 最後食埋個唔太甜嘅西米焗布甸，成餐好完滿。埋單每人都只係$200左右，超值! 下次打保齡一定再黎呢度食!

我同另外三個同事中午時侯去飲茶,其中一個同事話想食舊式啲餐廳；所以就去左鳳城，我係第一次去鳳城。俾我感覺好似回到過去。A.茶具茶具有古舊嘅圖案B. 食物**蝦腸一條腸粉有三隻蝦：蝦都幾爽口。腸粉都好滑但做到好簿。**叉燒包叉燒包都夠熱、肉唔太淋但唔太硬**蟹籽燒賣燒肉用豬肉、同蝦肉;上面用咗蟹籽鋪喺面。豬肉味好濃，食落去好彈牙。**魷魚鬚魷魚鬚炸得好鬆脆，略嫌椒鹽味唔夠。炸粉唔算太厚,魷魚就唔太老。一碟都十幾條魷魚鬚。姐姐會附上喼汁,魷魚鬚配喼汁。有少少酸但唔會搶魷魚本身味道。一個字 ，「正」雪菜火鴨絲米粉雪菜火鴨絲米粉好大份：一碟夠四個女仔每人食兩碗半。米粉好淋，雪菜唔太咸。幾好！餐具：本人覺得嘅整潔度不足：啲碗都有少少漬。我覺得再乾淨啲就好啦。

近排鐘情於蒸海鮮窩，選了銅鑼灣悠久歷史酒家鳳城，最近熱賣五層塔的桑拿石窩$398@。五層塔上枱，好像食high tea 既架，高高的，由頂至下有加拿大龍蝦，扇貝，沙巴龍躉，蟶子，同白貝。酒家座位寬敞，唔會排得密密，還有上層好像全層般較多位置，今次安排了坐門口細圓枱。酒家茶介小食唔少得，通常係花生我唔食的，但呢度係酸青瓜同蘿蔔， 非常開胃，爽脆。醬料，有醬油，香蒜，蔥 及 辣椒， 可就自己喜好口味較調味料。檯上蒸鍋，及有計時器，配個海報上蒸既時間蒸海鮮。首先蒸龍蝦，開邊蒸5分鐘，面鋪滿蒜蓉，大隻，每人半邊多肉彈牙， 見到好多膏，好香，之後蒸深海元貝, 大大隻，用蒜蓉粉絲蒸4分鐘，肉質爽口鮮味無窮，一碟 4 隻，沙巴龍躉，須蒸 7分鐘，唔腥唔多骨，魚肉夠滑，連魚皮都食埋，有豐富骨膠元，點少少醬油味更帶出魚鮮味。再來蒜蓉粉絲蒸聖子皇，平時煮過龍會韌，呢度教蒸 3分鐘，剛好，聖子爽脆，一大條。最後還有清甜白貝，一大碟，蒸 4分鐘，不需調味咬下多肉汁，初時望五層架以為唔夠食，但食完卻好飽，二人份量已足夠。走時見到鳳城有自家品牌XO醬同大良牛乳，以前食過牛乳，味道咸咸地可餸粥。好滿意呢度服務，店員

去開銅鑼灣買野，經過禮頓道見到老字號鋪鳳城酒家，一向想像係飲茶食水餃小菜出名，但見到佢有新菜色，係時興既正宗桑拿石窩，有五層海鮮架。牆上海報介紹得好清楚，每一碟如何烹調及蒸熟既時間，而且價錢都係$398夠兩個人食架。熱推加拿大龍蝦，第一層已見一隻大龍蝦開邊，數下五層架有龍蝦，扇貝，沙巴龍躉，蟶子皇同白貝。期待著既龍蝦，蒸左5分鐘食得，見到好大隻，啖啖肉爽口彈牙，蝦頭多膏，用蒜蓉蒸味道鮮甜，而且剛好熟，肉質夠爽。 食完第一層，店員拿了多隻碟幫我們換，每次吃完一款食物就換碟一次,，又貼心地幫我們放另一樣海鮮，及按枱上面既時間掣，好好既服務。第二碟食蒜蓉蒸粉絲深海元貝，一碟 4 隻，要蒸4分鐘，元貝鮮甜，配上煙韌粉絲索晒帶子鮮甜味，第三樣食蒜蓉粉絲蒸蟶子皇，蒸 3分鐘，爽口，夠嫩滑，又長又大隻，之後到食沙巴龍躉，切好一小件，鋪得靚靚一條過，唔會腥，肉質夠實在，鮮魚味出，沾上醬油食加少許辣椒，更香，最後到蜆殻類，有白貝，須要蒸 4分鐘，白貝肉厚大粒多汁。埋單每人約$230，食到全海鮮宴喎，座位又舒適，最滿意係呢度既服務，店員細心招呼周到，果然係老字號，欣賞。好滿意呀！

其實我地不嬲幫襯左鳳城好多次。都無一次買單過3百蚊。今次三個人食要450蚊！原因就係我地入座11:30叫晒點心！結果埋單12:23分。我問佢點解全部點心都計左午市，同埋我向12點前落單，吾係應該入座計！個呀姐態度已經不是很好！仲拎張紙出黎話：呢度咪寫住（12點前埋單先計早點價錢）。我同佢講 禁都得 隻字擺向最下個行搵鬼睇！後期都吾想同佢有咩爭執直接比左錢佢。特真係好想同佢 ，你吾係向個度做，我就吾信無會睇到囉！你試下叫d老人家去睇 、睇下睇吾睇到！ 以後都吾會再同班同事去！

今晚和家人來到鳳城吃家常便，都有沒來這裡一陣子了，見到樓下的裝修像是換了，以白光為主調，很不像鳳城，由於樓下已坐滿，於是我們往二樓了，這層仍保留舊有的修裝修，小弟比較喜歡這層。 原來鳳城最近推出了海鮮五層塔($398)，難怪那麽多人吃火鍋了，就試試吧。 先吃第一層，美國龍蝦，以蒜蓉調味，肉質爽口彈牙，口感鮮味十足！ 再攻第二層，鮑魚和蟶子，以果皮作調味的鮑魚，鮮味十足，口感腍身，蟶子以蒜蓉粉絲蒸煮，味道出色！ 沙巴龍躉了，魚肉算是鮮味，肉質也蠻爽滑，但碎骨頗多，吃時要小心。 蒜蓉粉絲蒸帶子，十足鮮味，可以夠我撈一碗飯呢！ 清甜白蜆，很新鮮，未煮時還在動，肉質爽口彈牙，味道鮮甜多汁，十分有水準！ 這裡的服務十分殷勤，值得推介！

都有一段時間沒有到鳳城了，還記得有段時間在附近上班，也會和同事一起到這裡吃馳名的炸子雞和蝦多士。今晚是平日，樓下座無虛席，於是我們往二樓了，坐得舒服。 最近鳳城也順應蒸氣火鍋潮流，搞搞新煮意，推出了這個五層海鮮塔($398)，賣相精緻，有點像西式High Tea一樣。 這裡以這個不锈鋼鍋去蒸著海鮮，相比其他蒸氣火鍋店以藤做的鍋蓋，感覺更衛生。 吃蒸氣火鍋，通常也會加米在最底層做粥的，小妹加了咸豬骨瑤柱粥底($68)，在吃完所有海鮮之後就煮成一個海鮮粥了！ 先來吃鮑魚和蟶子吧，鮑魚以果皮作調味，蟶子以蒜蓉粉絲蒸是常識吧！ 然後把其放在這個蒸架上，鮑魚肉質鮮味，很腍身，蟶子亦很鮮，但帶點靭，蒜蓉粉絲加上蟶子的鮮味簡直一流！ 到沙巴龍躉了，魚肉算爽滑，唯獨未夠鮮味。 清甜白貝，超級新鮮，未煮時還在向我伸脷呢！味道鮮甜多汁，肉質爽口彈牙，半點沙也沒有，為優質之貝！ 美國龍蝦，以蒜蓉蒸煮，蝦的肉質極為爽脆，有口感，鮮味十足！ 深海元貝，即帶子，再以蒜蓉粉絲蒸，鮮味十足，小妹很滿意呢！ 最後到這個粥了，加入了不同海鮮的精華，不油不膩，有咸豬骨的味道把海鮮的鮮美引出，珍珠米的口感亦粒粒煙靭，好好

今天和家人來鳳城飲茶，發覺這間食店員工的服務態度極差。枱布仍存在上一枱客人留下的食物殘蹟，我要求先換掉枱布才放餐具，部長竟然可以莫視那些食物殘骸，還辯駁沒有客人用過這張枱😡再三要求下，她才十萬個不願意才跟換枱布。除了此名部長，其他傳菜員的態度也不敢恭維，對客人都是晦氣回應。今時今日，咁嘅服務態度⋯⋯一定不會再來了