鳳城酒家 (禮頓道)

營業中

休息中

位於銅鑼灣的老字號酒家。說起順德菜，雖不算十分熟悉，但也略知一二；順德是一個不靠海的城市，因水系縱橫而孕育出獨特的河鮮文化，更以精緻的巧手功夫菜而馳名。.「鳳城」這個名字，源自1954年一位順德名廚來港創業的故事。當年一位老師傅在銅鑼灣創立首家鳳城酒家，憑藉地道手藝一炮而紅，鼎盛時期分店多達十餘間；時至今日，雖規模稍減，但四間分店仍門庭若市，多年的金字招牌，足見其深厚底蘊與過人實力。這次難得與幾位嘴刁好友相聚，便決定選擇這間在香港較為少見的順德菜了。⋆_____ᴛᴏᴛᴀʟ ᴏʀᴅᴇʀ______⋆✿ 窩貼大良蝦球拼大良炒鮮奶窩貼大良蝦球即指蝦多士，金黃酥脆，蝦膠彈牙鮮甜，雖有點油但夠香口惹味；大良炒鮮奶較為少吃，比起炸鮮奶口味更清淡，但奶香濃郁，一脆一嫩，口感有趣。.✿ 懷鄉蓮藕餅蓮藕餅外層煎得微焦香脆，內裡蓮藕絲爽口清甜，夾雜著肉碎及臘腸的香氣，口感層次分明，帶有家鄉風味的樸實。.✿ 手作桂魚卷桂花魚片細嫩鮮美，包裹著大蔥、火腿與香菇，魚頭魚尾炸至酥脆，一菜兩吃，鮮滑與香脆交織，伴上清甜西蘭花，更顯精緻。  .✿ 半隻炸子雞雞皮金黃酥香，肉質嫩滑多汁，醃得入味，粵式炸雞的經典風味。 

已經有一段時間未嚟幫襯過禮頓道嘅鳳城酒家，今晚適逢星期三跑馬日，入馬場前喺附近食個晚飯。點了個鍋貼蝦多士拼大良炒鮮奶，炒鮮奶夠鑊氣夠滑夠香口，蝦多士亦很脆很有口感。隨後的風味釀蟹蓋，以前鳳城應該沒有這個菜式。味道帶有葡汁及少許咖喱味，有蟹肉有蝦肉有香蔥有菇，口感十足！另外嘅百花釀蟹鉗就唔使多講，傳統嘅招牌菜！口感彈牙蝦膠豐滿！跟住甜品西米焗布甸，好彩有預留如果唔係我驚都未必有得食，照舊一樣懷舊甜品，絕對是招牌菜，西米蓮蓉比例一絕！

大街看到搶眼的招牌。傳統順德菜，便進去試試午餐吃了蜜汁叉燒，叉燒很入味，質地很淋的，不似以前吃過硬過石頭個款。彩虹蝦餃，終於見識到皮薄餡靚喇，蝦粒好爽呀。干篇四季豆，有炒到香口微辣的豬肉碎，四季豆很清甜，香脆惹味。最驚喜是知我們是內地遊客，服務員還用流利普通話和我溝通。環境方面，就是傳統的格局，碗碟清潔 ，但是廁所就比較擠迫了。期待下次再來，試下他們的晚餐，非常滿意的一餐。#粤菜 #老字号酒楼 #銅鑼灣 #點心

在大街上看到鳳城酒家的招牌 ，聽聞是傳統順德菜，就進去試試午餐。點了窝貼大明蝦，原隻中蝦爽口彈牙，配埋脆卜卜的多士，。鮮蝦菜苗餃，菜苗嫰嫰的，沒有渣，蝦粒一樣是彈牙爽口。脆皮燒腩仔，真係有5'層呀，層層分明，這道菜是我最滿意的。蛋煎糯米雞，這應該算是傳統菜吧，糯米雞沾滿蛋汁再煎香。糯米軟糯糯的。服務員雖然是上咗年紀的，但仍然很細心體貼個個都好有活力。環境光猛清潔，不過冷氣就欠奉，可能我飲左杯熱茶好滿意的一餐🥰🥰🥰

今日約咗一大班朋友一齊食飯，揀咗銅鑼灣嘅老字號「鳳城酒家」，上世紀八十、九十年代，「鳳城」名字響噹噹無人不曉！嚟到近年，「鳳城」將順德菜年輕化，除咗有經典菜式，仲有唔少新派菜供應😗同朋友sss，揀咗一大堆餐點，其中我覺得「順德魚雲羮」比較特別，以魚雲、豆腐、芫荽，用姜絲癖去腥味，製作成味道清甜的湯羹👍另外佢哋嘅招牌菜「窩貼大明蝦」，原來係順德版蝦多士，用咗新鮮大蝦，配搭脆口多士，熱辣辣新鮮上碟超好味😗「百花釀蟹鉗」、「風味釀蟹蓋」我都有試過，「百花釀蟹鉗」就係佢哋嘅經典菜式，基本上不會有大錯漏。反倒「風味釀蟹蓋」屬於新派順德菜，用咗葡汁、蟹膏、香菇、蔥製作成，以香菇增強口感，伴隨濃厚嘅葡汁，又係另一種滋味😋「家鄉焗魚腸」唔係多人都唔敢試🙈原來焗魚腸係用咗蛋液、陳皮、蒜頭，加上油炸鬼鋪面，再蒸焗而成😮未食過真係大開眼！「金磚豆腐」、「特搜魷魚鬚」、「龍袍四季豆」都係小食類😛自己就覺得「龍袍四季豆」比較有趣，四季豆用咗鹹蛋黃炸香，好似龍袍加身一樣，多咗浸鹹香味！「西米焗布甸」就比較少地方可以食到！我哋就嗌咗個大嘅share😗焗布甸用咗經典蓮蓉餡料，個面焗到焦焦脆脆，非常香口！✦ 順德魚雲羮

記得好耐之前我爸爸好想食順德菜仲點名去左香港老字號鳳城酒家度食(≧∇≦)開左70幾年絕對信心保證🤪今次咁岩同大班朋友一齊食順德菜～再次重溫風味！！🫛 龍袍四季豆外面係滿滿超香嘅鹹蛋黃包住入面四季豆食落好脆嫩非常開胃嘅小食(≧∇≦)🦑 特搜魷魚鬚魷魚鬚炸到金黃色食落第一口好酥脆而魷魚鬚都好彈牙絕對合格有突～🫘 金磚豆腐前兩個小食炸得好依個豆腐都唔會差🤣豆腐外脆內滑！超好食(⁎⁍̴̛ᴗ⁍̴̛⁎)🐟 順德魚雲羹本人比較少食魚雲～主要唔識噒骨同怕腥🤣依個魚雲羹湯底好濃郁鮮甜～同埋入面好足料！！有魚雲、豆腐、木耳絲、芫荽等等～唔會有腥味！魚雲好鮮滑～加啲胡椒粉仲好味🤤仲顯鮮甜～食完暖笠笠🤪令我對魚雲有改觀～同埋覺得都幾好食！🐄 大良炒鮮奶其實我自己幾鍾意食炒鮮奶依個奶香味超濃郁！好鍾意清清地感覺加埋蝦有多啲鮮味～🦐 蝦多士熱辣辣炸出嚟超好食(⁎⁍̴̛ᴗ⁍̴̛⁎)蝦同多士融為一體個多士好脆口蝦仁都好爽口果然係招牌菜～🦀 孔融釀蟹蓋蟹蓋內餡豐富超多蟹肉仲加上香菇粒、紅蘿蔔粒等等食落更有口感啖啖蟹肉加上葡汁釀超好食咖哩味薑黃粉偏重但唔會覺得太over顯得蟹肉鮮甜！而且調味岩岩好～推薦大家叫～🥬 生菜鯪魚球煲鯪魚球鮮嫩

9個朋友去食午飯，當係團年飯，想喺銅鑼灣有活動，所以book 左鳯城。感覺上係相對傳統的酒樓以點心為主，另外有午市套餐，我地叫左六人餐，再另加點心小菜，因為有d 想食既呢個餐冇得揀。生煎蓮藕餅，好大塊蛋煎糯米雞，好特別，咁食糯米雞原來幾好食。凰城炒飯，好食，炒得夠乾爽，入面仲有好多配料魷魚鬚，飲茶小食類至愛😋鮑魚炆雞，朋友話團年飯點都要有雞，所以叫左呢款，好入味，正😋包羅萬有，3款唔同口味既包，包括綠茶流沙包，叉燒包，奶黃包蓮蓉西米焗布甸，朋友推介呢個甜品，因為我地人多，所以叫左個大既一齊share. 佢面層係西米，中間原來有蓮蓉，蓮蓉唔太甜,西米同蓮蓉好配合到，而且好少見其他地方有得食。本來以為食咗咁多嘢，大家都飽晒，再加上呢碟甜品咁膩，應該都食唔晒，點知大家不下不下差唔多都食晒。

行開銅鑼灣，突然想飲茶，咁就去鳳城啦！在地下找到位，因有一段時間冇去過了，應該裝修過吧！待應開茶，滾水茶正，因現在好多已是自助式。因食咗過晏少少早餐，中午點咗個拼盤、叉燒腸粉、地道d嘅咖喱魷魚而已。2個人志在吹水，haha.個拼盤有d特式，用竹藍送上。叉燒腸也搞搞新意思，賣相與傳統不同 - 冬甩型。咖喱魷魚唔係太辣，魷魚算多，唔錯。中午飯時間樓下滿席（無上樓，唔知道情況）。地方整潔，服務Ok。下次會來飲下午茶，下午茶優惠大中小點一律小點計，仲抵。

買左秋冬4人餐，就約朋友去試下，每人一隻大閘蟹，係公蟹味道非常好， 跟住仲有每人一碗蛇羹， 一煲羊腩煲， 半隻炸子雞， 魚湯浸時蔬，食得好飽，好好味， 侍應服務一流， 值得一試 下次會是其他

同屋企人星期五晚來食飯 家人兩老先到攞位一入到來就見佢地坐咗門口嘅枱從家人口中得知職員話今日餐廳好滿 所以俾左個門口位我地 但一路眼見就仲有好多位剩 完全無坐滿過餐廳門口位又焗又熱 完全係無冷氣咁款 係就係有俾風扇吹住你食另外筷子俾唔夠 當然筷子托都係俾唔夠同職員講話要多兩個筷子托 但又淨係俾一個敷衍你 之後又要再嗌先俾多一個你至於食物質素係完全對唔得住個價錢 好油都預咗 唔平又唔係好食 職員態度就中規中矩不過整體感覺奇差 無下次！

30/6星期日飲茶，落單後等左大半個鐘見無野嚟，請侍應跟進，之後個侍應攞住張點心紙問係咪你地，話唔知點解同事放低左，原來無入到，一句唔好意思都無，之後點心繼續嚟唔齊，又漏單，侍應態度繼續愛理不理咁散漫！

阿爸阿媽本身話諗住幫襯老字號以為呢間同北角嗰間鳳城酒家係一樣，點知原來係唔同老闆啲嘢超難食，個魚腸超級無敵苦，魚腸好明顯冇洗乾淨，可以話係我食過最難食嘅焗魚腸，我香港仔屋企附近嗰間都整得好食過佢。炸粉粿好油，配個碗湯超級鹹個炒尋龍俾啲頭頭尾尾位，一路喺度食皮同骨，都冇幾嚿肉個招牌炒飯根本係一個楊州炒飯，加豉油再加蕃茄唯一一樣好少少嘅就係個順德魚羹同啲阿姐反映質素佢哋係完全冇話要改進嘅咁嘅質素收咁嘅價錢，唔怪得咁多劣評。 好後悔冇上嚟睇comment就舂咗入去食，晒錢頭晒quotation晒時間😑劣食！

呢間已經食咗好多年，近年發現愈食愈差👎🏻，每次都比藉口覺得佢會改善，下次食應該會好啲，但真係極度超級失望👎🏻👎🏻，食物材料好明顯唔新鮮而要將佢醃咸啲🙈，部分食物帶點酸味唔知係咪佢落咗檸檬汁去整🤨，點心食物唔夠熱☹️（啱啱食完，真係好差，希望唔會肚痛💩），又唔夠冷氣🫠，冇服務💀，總知今次的起心肝嚟寫食評就係提醒自己唔好再去呢度食嘢 🙂‍↕️唔好浪費寶貴嘅時間同金錢，浪費 quota 去食埋啲咁嘅嘢 😭😫

網上見到呢個集團推出咗個尋龍盛宴，老實講尋龍呢種魚喺國內食真係平好多，但係無奈今晚屋企人話要喺香港消費所以揀咗這個套餐，套餐價錢相對抵食，我哋12個人叫咗一個12人餐，份量綽綽有餘。值得推介嘅係椒鹽魚身，這種食法我未試過，但食落去非常適合餐前小食，配紅酒一流。跟住仲有個魚湯，明顯地食得出藥材味，而且材料豐富。最後要推介嘅係個魚餅，有啲似舊式酒樓嘅蓮藕餅，非常香口。星期四晚上整體成個銅鑼灣都靜英英，唯獨是這間酒樓都尚算有幾台客，希望大家多啲在本地消費！

椒鹽鮮尤全是鬚。即系吾系鮮尤。炸鮮奶凍又油。西芹炒双鮮淡而無味。全部小菜每款過200.又趕客又冇招呼。叫佢就郁一郁。未食完又埋枱問呢的要吾要。果的要吾要。本來想埋單走。但見佢地咁樣。尊登吾走重叫佢加茶加水。吹咩。準備再埋黎就拍枱。