鳳城酒家 (禮頓道)

營業中

休息中

好少食中菜，食親都係西餐或者日本野多，今次同屋企人嚟咗鳳城酒家（銅鑼灣）酸菜每位$5我哋叫咗個前菜，真心推介海蜇手撕雞$65.海蜇的份量很多，又粗又長，手撕雞的口感比較乾，很有風味呢！調味岩岩好，整體的份量很多，好抵食。我哋叫咗一樣小菜，芥蘭炒肉片$108. 份量同樣好多，芥蘭味道少少苦，但係炒得唔錯，肉片好多汁，味道都錯架。今日無咩胃口，唔係幾想食飯，所以叫咗一份粟米魚肚羹$108 share黎食，魚肚好彈牙，而且份量好多。魚肚羹食落去好滑身，粒粒栗米,不錯。茶位$12一位茶位就貴左少少，不過位於銅鑼灣旺區，算係咁啦，and另外有加一服務費。

和家人去食中菜，一間酒家非常有名叫做鳳城酒家在香港有很多不同分店，總有一間在附近。銅鑼灣這間分店除了有地舖之外，樓上一層更加寬敞舒適。餐牌上選擇很多，也有一些特惠的，我便選了$148的薑蔥蟹以及清新一點要個菜苗。薑蔥蟹$148隻.今期的薑蔥蟹質感有點像帶子，同平時食蟹嘅質感不同，但係都十分入味，爆得很香。這個價錢算是很值得吃，因為出面買一隻蟹都不便宜。魚湯魚腐浸菜苗$88這個方面本身是期望番薯苗或者其他菜苗，上來是這種菜不過都OK，因為魚湯湯底都幾香。

今日同朋友約好去食個飯傾下計,是日想食下中餐所以就約左去銅鑼灣鳳城酒家好快店員就安排左入座個超值孖寶都幾抵食我地點左金牌炸子雞加上湯龍蝦未黎之前先食個餐前小食花生先金牌炸子雞-幾香口,雞味都幾濃.隻雞炸得唔會太燶而且炸完後仲無咁肥膩仲好香口上湯龍蝦-成隻龍蝦係返度,d肉質唔錯,麵軟硬度都ok仲有糖水送紫米露同合核糊紫米露--唔算太甜都幾好食合核糊--好香合桃味,香之外又唔係好甜.糖水唔太甜就真係好.唔會只有甜味而無左原本應該有既香味

相信不少人對【鳳城酒家】不太陌生，印象中味道傳統又正宗順德菜酒家。其實順德古稱鳳城，所以不少餐廳取名為鳳城。順德菜以精細出名，重視刀章和原汁原味，所以在中國有「食在廣州，廚出鳳城」。今晚與家人再重臨【鳳城酒家】，筆者非常肯定早一日訂好位，去到竟然話沒有訂位記錄; 失望……幸好當晚客人不太多，不用再重新等位。叫得正宗順德菜酒家，當然有不少傳統順德菜式。每款菜式要百多元，不稱得上經濟實惠。不知道是否生意難做或是深知與時俱進，因此餐牌上多了些新款式，如多層蒸海鮮、火鍋、超值孖寶……等。【蜜燒金錢雞（每件）$38 】是香港懷舊廣東燒味，六七十年代非常流行，因為當時並非家家戶戶有錢吃新鮮雞、燒鵝、燒鴨，但又知道雞肉非常美味，所以燒臘枱創造了這一味沒有雞的金錢雞。說穿了，其實只是將炮製燒味剩下來的下欄製作而成。一件金錢雞有三款材料：燒雞肝、瘦叉燒及一塊冰肉；所謂冰肉，是用砂糖醃制的肥豬膏，雪凍之後再蒸熟而成。這一件金錢雞的燒雞肝太實太乾、缺少了黏糯口感；瘦叉燒同樣太乾身、肉質亦太硬；冰肉唔夠爽口，幸好味道微甜，處理得幾好。今時今日的香港人講求健康，加上金錢雞用料唔矜貴、很難賣錢，越來越少酒樓會花時

週末中午去飲茶，周圍都逼爆人，多數要排隊。但鳳城銅鑼灣分店就一定有位！何解？ 價錢不是特別平，食物不是特別好，但員工服務卻一致地差！由經理、到夥記、到傳菜，全部態度極之差， 去飲茶等於去受氣 >_<！！怪不得有位啦！以後都不要再來了！ 想受氣的朋友，你哋就去試下啦！！

星期日相約韓國朋友飲茶，選擇了鳳城酒家，懷緬一下越來越少見的魚翅灌湯餃！魚翅灌湯餃很考功夫，越來越少酒樓有提供了，灌湯餃一如以往很大一隻，不浸湯，一咬開盡是精華湯包，雖然沒有魚翅，但裏面的冬菇和蝦鮮味盡出，很過癮，加入醋酸味味更可中和膩感，朋友都覺很新奇！我也點了經典點心給朋友試試，蝦餃和燒賣可以選擇兩件或四件，很貼心，可以嘗試多點不同款式。蝦餃皮薄，蝦肉也很彈牙足料。牛肉球、鮮竹卷都不錯，點心都是熱騰騰新鮮出籠，味道自然不會差。反而上海小籠包較失望，雖然鮮肉餡和湯頭都很鮮很甜，但小籠包皮略為厚一點，如果再薄皮便更好了。而最令我喜歡的就是招牌鍋貼明蝦，其實即是蝦多士，但這家出品真是炸得很香脆，蝦開邊啖啖肉，加上多士炸得鬆化，香口惹味，很推薦！整體來說，鳳城的點心仍然保持到水準，從灌湯餃到其他點心質素也不錯，下次要再去回味一下！

鳳城是順德菜老字號，因為父親祖籍順德，北角的鳳城飯店自小光顧無數次，但因為環境及服務比較街坊，而且不近地鐵站，現在已經很少光顧。突然想起，現在銅鑼灣都有一間店，亦知道除了順德菜之外，現在亦有實惠粵菜，例如晚飯四選一優惠及超值孖寶年，於是與家人一起前往。環境佈置相比記憶中的北角店大同小異但企理，服務良好，樓上尚有雅座，因為有老人家我們坐地面的一層。超值孖寶－金牌炸子雞配上湯龍蝦伊麵 $298，份量正常，味道唔錯，以這個價錢吃到是實惠的。上湯龍蝦伊麵炸子雞皮脆肉嫩，味道幾好；龍蝦新鮮有肉，不過伊麵對我來說過腍，老人家就啱嘅。鵪鶉崧 懷舊順德名菜經典中選了生菜鵪鶉崧，鵪鶉崧味道豐富，豉油醬汁調味平衡，沒有過鹹，以生菜包著吃，更增爽口之感。家鄉煎釀豆腐 豆腐香滑，魚肉豬肉餡料味道好，醬汁豐富濃郁，佐飯亦可。粉絲蝦米旺菜煲 原來旺菜即是紹菜，又名黃芽白，可能因為過年常吃這款菜式，所以叫做旺菜，沒有出錯，菜腍粉絲入味。作為家聚，消費合理。

因為工作關係時時都上大陸辦事，所以中國各大名菜大大話話我都品食過，湖南、四川、蘇杭、火鍋菜等的菜式始終不及深圳地道或扺達食，南方的廣東菜及海鮮我會留在香港食，今晚特登去鳳城食順德菜。鳳城酒家在香港已經有很多年歷史，以前主力順德菜，現在已經做埋廣東菜。今晚我們食咗以下四款：1）大良野雞卷2）大良炒鮮奶3）生菜鵪𪂹崧4）脆皮炸子雞頭兩款是傳統順德菜的招牌，當年非常有創意，野雞卷其實沒有雞，只有肥豬肉，卷起來炸，可能是有食雞的口感，大良出名水牛奶，所以有呢兩道菜，未食過的話你覺得幾特別。另外兩款是香口菜，鵪𪂹崧味道濃郁，生菜包住食好夾，炸子雞夠香。於香港如果想試食順德菜，鳳城是首選。

現代的白領麗人同時都是醒目C9一族，尤其是禮拜六日，願意唔願意都要變身，我怎可能例外，所以周不時都會搵是抵食套餐，星期日與家人分享。今次我搵到鳳城酒家的超值孖寶，兩百幾蚊，主膽是金牌炸子雞半隻，招牌菜來的，跟住可選擇薑蔥蟹、清蒸海班、上湯龍蝦伊面，全部都是配海鮮，價錢依次序分別是$248、$268、$298。我哋今次揀咗價錢最高的原隻上湯龍蝦配伊面底。金牌炸子雞食慣深圳走地雞的阿姨都覺得唔錯，因為炸得香、雞皮脆、鼓油味香，就是冷藏雞的肉對佢來說比較腍都接受。上湯龍蝦伊面底龍蝦新鮮，肉很多，上湯有味但冇過分可以保持到龍蝦的鮮味，伊麵帶點韌性口感幾好，喜歡汁豐富。

晏晝食得太飽，夜晚諗住清清地，最後同媽子都係㨂左酒樓食番兩味。前菜係我最喜愛既酸蘿白，雖然飽但食食下都差唔多比我啪晒晚飯特價四選一，整番條魚豉油撈飯都好。✨沙巴龍躉（$128): 平時唔多鍾意食魚，但酒樓果d 除外😬。呢條沙巴龍躉兩個人黎講都好夠食，肉質非常嫩滑鮮味，比起平時大大條果d, 細細條仲好食👍🏻忍唔住同媽子講：如果屋企晚晚有一條就好啦，包保我會主動夾魚！✨金銀蛋浸時蔬（$88): 個湯好清甜，生菜大大棵，飽滿索晒湯汁，清清地唔錯既選擇。今餐就係咁簡簡單單食兩味，下次人多都想黎多次， 試下佢d 特色菜。

呢日係銅鑼灣行完街之後去醫肚，呀媽想要食中式嘢，所以就黎左鳳城叫小菜🙃👁‍🗨 魚香茄子煲（7/10）💲88呢個魚香茄子煲熱辣辣噴住煙咁上檯，望落色澤油亮，但係唔會好油膩☺️食落有粒粒鹹魚，茄子🍆軟熟得黎又唔會係爛蓉蓉咁，配埋肉碎都幾惹味，撈十二蚊一碗既白飯一流🍚👁‍🗨 蝦醬通菜牛肉（7/10）💲108呢個通菜帶有鹹味，不過其實就無咩蝦醬味😂勝在通菜炒得爽脆，牛肉亦都腍身，而且通菜同牛肉份量比想像中多🥗飯後送糖水係傳統中式酒家既一貫做法，呢度有綠豆沙或者芝麻糊，呀媽話覺得我呢排心火盛，所以要左綠豆沙下火🙊😂綠豆都差唔多係煲到蓉既狀態，口感綿密😛🔛 整體評分（7/10）

為父親節慶祝，爸爸不嬲鐘意食中菜而鳳城酒家係經典酒樓，有名氣，所以決定帶一家人黎食餐好嘅！酒樓分上下兩層，我地被安排坐到上層，地方都大，枱同枱之間有足夠距離，我地仲係咁影相，有位女經理更主幫我地影合照一坐底已經上左前菜，花生唔係炒個隻，感覺唔上火，酸菜開胃，食完一舊又一舊爸爸一向鍾情龍蝦，我地叫左孖寶套餐，有魚同佢，分量適中，龍蝦雖然唔大隻，但卻新鮮甜美，確實係呢期食過最好味嘅！蒸魚方面，本身蒸左一條出黎，女經理覺得蒸得唔靚，自動幫我地換過條，抵讚！睇相都知新鮮啦！熟度岩岩離肉所以就好夠滑欖角焗肉排清清甜甜啖啖肉，我最鍾意食呢個細佬最愛嘅炸子雞，水準正常梅菜蒸菜心，第一次食，又幾好味，兩者配合得好好，分量仲好大重點！西米蓮蓉焗布甸！！熱辣辣，滿滿嘅西米夾住流心蓮蓉，甜度適中又重蛋味，入口會熔熔地，成口都係香味，幾分鍾我地就食曬！哈哈！

星期天飲茶天，兩老說很久沒到過銅鑼灣的鳳城酒家飲茶，正正一時正十分滿座，幸好酒家有兩層，很快就有位。茗茶每位12||小點$23中點$27大點$30特點$36頂點$42||《懷舊魚翅灌湯餃 $27》傳統放在鐵片上的灌湯餃，對我來說這才是真正的灌湯餃， 餡料雖然已經環保沒有用上魚翅，主要有蟹柳、冬菇、薑絲和高湯。餃皮十分薄，難度之作，賣少見少。《高湯水餃皇 $27》有雲耳、菠菜、豬肉等，鮮味皮薄。《懷舊鳳凰煎糯米雞 $36》比預期中的大份厚身，中間夾著肉碎、冬菇粒，底面用蛋漿煎香，外脆內糯，香口飽肚。《魚肉釀茄瓜 $30》份量大件，鯪魚肉煎香彈牙，茄瓜夠腍，加上醬汁更惹味。《手磨薑汁千層糕 $27》都分煙韌彈牙，薑味香濃，甜度屬小甜，薑味比甜味重，適合著重健康的我們。

星期日過海探父母，當然要同两老出去飲下茶，今日揀左銅鑼灣間老字號的壞舊酒樓”鳳城酒家”，知道他們最喜歡食懷舊魚翅灌湯餃，做下孝順仔女先。懷舊魚翅灌湯餃 $27平時食到的灌湯餃都是帶湯的，只有這裏是正宗的，夾起來都沒有爛，皮簿但好煙韌，裏面湯汁好豐富而且不會好水，很濃稠，輕咬開裏面還熱辣辣，料十分豐富，那當然是沒有魚翅啦。午市特價孖寶 $138腐乳炒通菜份量好足，腐乳味香濃鑊氣夠，通菜鮮嫩，正。干炒海鮮河賣相不錯，炒得油光吸引火喉足，用上幼的河粉，沒有粘在一團，還有帶子、珊瑚蚌、魷魚和蝦，整體不錯。蓮蓉焗布甸 $28蛋香味濃，還有蓮蓉和西米，甜度適中。茗茶每位12小點$23，中點$27，大點$30，特點$36，頂點$42

大良野雞卷，用幾層淨肥肉卷著指甲般大小的雞肉炸，完全零分！唔好食又肥又唔健康唔值$148！唔明點解係招牌菜！以後唔會再去，被搵笨！果碟順德小炒反為幾好，夠大碟又多料。