鳳城酒家

營業中

休息中

細細個已經黎鳳城食飯，呢度最出名就係「雞燉翅」！是晚同屋企人來端午節做節食飯！乳豬（$180）乳豬有驚喜～皮好脆！而且肉同肥油層次分明！肉嫩之餘又有肥油香！碟嘅下面就係乳豬肉同花生價錢幾貴但味道很讚小炒王（$148）呢個材料好豐富！有魷魚、花生、蝦、百合、腰果、芥蘭、洋蔥、帶子！食材新鮮炒起來好正！主角出場～雞燉翅-半隻（$630）真係一梳梳翅雞湯無以前咁濃郁，翅亦有點鞋口。味道不如以往.蝦多士 （$180）呢度另一道出名嘅菜色就係呢碟蝦多士！好香口好好食！呢個要趁熱食呀！如果唔係放涼左油份積聚左就會較膩口～見到中間紅蘿蔔整成嘅花伴碟，好懷舊！螺片扒時蔬（$150）時蔬揀咗唐生菜～螺片係罐頭螺片，有點失望但冬菇就好新鮮唐生菜煮得有點硬。干燒伊麵（$150）讚！熱騰騰上碟！濕度剛剛好有芽菜有冬菇味道很好最後每人有碗綠豆沙。5人埋單共$1590

好天氣宜家真系日日都有喇，畢竟宜家已經步入咗初夏咁，雖然唔系正正式式嘅夏天，不過日日晴朗真系好難得，特別系對比之前，簡直系不能再好天氣喇。唔可以對唔住咁好嘅天氣喇，所以去咗鳳城酒家，失戀嘅女人真系唔可以霖咁多，所以約佢去食飯，蜜汁叉燒包，希望甜甜蜜蜜嘅叉燒包可以安慰佢，叉燒包裡面嘅叉燒系我最鐘意食，雖然有小小油膩，不過油膩同叉燒包麵粉一齊好夾咯。灌湯包都OK好食吧，湯包一直都熱，飲一啖裡面嘅湯都覺得辣嘴，不過湯好味喔，我淨系覺得湯好好飲，其他都覺得一般吧。蝦餃都好一般啫，因為都覺得餡好好味，喔發覺鳳城酒家嘅食物都好入味，不過總體一般。

有左經驗之後，我都會選擇星期一至五，早上11點前去鳳城飲早茶，因為平好多，抵食囉！【鳳城蝦餃皇】好大隻既蝦餃，皮薄，蝦隻係完整蝦，唔係碎蝦砌成，21蚊有4隻簡直抵到飛起啊！我次次必選。【蟹籽燒賣皇】16蚊有蟹籽燒賣皇食，又係另一個必食之選，饀料係鬆軟，即代表唔係肥豬肉砌成囉！面頭有蝦絞，內裡都有鮮蝦，就係最好食既燒賣嘞！【鳳城灌湯餃】呢個點心就冇分時段的，一律都係$29一籠2隻，裏頭好多鮮湯汁，有蝦、碎肉、魚翅、蟹柳、江瑤柱……等等。媽咪鍾意食灌湯餃，所有一定叫比佢食。【上湯炸粉菓】每次都係熱辣辣送上，所以外層鬆脆，內裡又係鮮蝦餡料，附送上湯浸黎食，我既習慣，一隻浸上湯，一隻就咁食，因為2種食法都有不同味道，好過忍架！【家鄉咸水角】因為媽咪鍾意食，所以通常都會叫呢個點心，咸水角係最後送上來的點心，因為等齊人點才會一次落鑊炸，我唔介意等，只要你比好質素我食，我就滿意了！熱辣辣、外層脆，裏面QQ，餡料甘香，簡直就係最完美既咸水角，我都想食多個，不過次次都讓比媽咪既，乖乖女嘛！2個人食左$117

常常去試新食物,忽然憶起北角的老字號“鳳城酒家”。 一早訂好檯,星期六的晚上全家人去聚餐。前菜來了一碟酸蘿蔔，一碟辣椒醬。酸蘿蔔在風捲殘雲下,一掃而光。炸子雞:皮脆肉滑,鹹淡適中。梅菜扣肉:肥而不膩，梅菜送飯一流。 生菜包用了干冬笋來炒肉碎，那種美味是忍不住一口氣吃掉一盤的。荷葉飯稍微沒有驚喜，但也算合格。 傳統的美味很適合一家人來聚餐，特別家裡有老人家的話,可能會喚起記憶中的味道。

睇來應該是我不好彩😭好評不斷的「鳳城灌湯餃」，到我入口時居然成了負評。上枱半分鐘已經不再是熱辣辣，餃皮也乾到變了色，好生失望。「懷舊糯米雞」：好香，荷葉裹著糯米飯，當中有半隻雞翼，一些香菇，瘦肉，可惜的是飯偏硬完全沒有糯米應有軟腍腍和黏稠的口感，湯膏亦未有完全溶化。「香茜叉燒腸」：淺嚐了一口，發覺腸粉皮超厚，叉燒是凍的。「鳳城蝦餃皇」：不過不失，驚喜於蝦粒非常爽口。雖然我並非蝦餃迷，相信皮要薄之餘，若能呈半透明就是好-靚-的一粒蝦餃吧！「蠔油鮮竹卷」：腐竹夠新鮮，好有口感，有甘荀絲，豬肉絲，椰菜，木耳...「蟹子燒賣皇」：以為平平無奇？您就錯了，整粒燒賣不但不會太乾，香菇片豬肉更是多汁甜美。「XO醬蒸鮮魷」：可以說是整頓早餐最好的一客點心，鮮甜，爽口，十分值得推介。

收工後約左冬冬同SUZAN食晚飯我地三個都好似好耐冇見了今晚我地揀左食中餐《鳳城》炸子雞~~~半隻已經足夠了，個皮做得好脆，隻雞雞一D都唔油，做到皮脆肉嫰GOOD竹笙炆北菇~~~菇菇本身好厚肉，味道好好，墊底的芥菜膽好好味八珍豆腐煲~~~豆腐好滑，味道好好，重點個煲夠熱NICE乳豬拼生腸~~~乳豬皮夠脆又一點肥油都冇，肉都好嫰，生腸好爽口，好味三個人真係叫唔到D乜，不過我地都係在於見下傾下計啫LEE到雖然舊D，又好似唔光鮮，但食物質素都不錯

今個星期終於有時間跟屋企人去飲茶。呢次就去左父親大人去開嘅鳳城啦。呢間野其實平時都幾full下嫁，一係就早d訂位，一係就要早d攞位啦。呢間酒樓已經好耐歷史，食物嘅水平亦一直keep住，十分抵讚。今次就想特別推介3樣菜色啦。蝦多士係我細細個已經好鐘意食嘅野，咁多年都無變過，一樣都係咁好食，完全無失望，加埋沙津醬簡直一流。馬拉糕又係我好鐘意嘅一道點心。佢係比較懷舊嗰隻，味道又唔會太甜，好值得推介嘅。而第三樣就係紫米露，佢係熱嘅，紫米粒亦唔會太硬，就算有老人家都好啱食嘅。呢間係一間好有人情味嘅酒樓，侍應都好親切。其實呢類型嘅酒樓都已經買少見少啦，所以有機會真係要去試下啦！

同媽咪行街經過北角，就想試吓D懷舊點心，揀咗鳳城酒家吃下午茶，第一去就唔太高興~我地點左個灌湯餃, 糯米雞 , 豬潤燒賣,(豬潤好老身)等等點心味道都OK, 某D點心有特色, 同外面唔同, 但係價錢幾貴喎仲有呢間嘢服務態度勁差，問佢有冇下午茶的特價紙，個服務員話無，俾咗張早茶嘅點心紙我地，又冇同我哋講清楚而家下午茶也收正價同叫我地睇餐牌！ 我哋睇左成個鋪頭都冇一個地方有寫正價幾多錢！佢地仲係話不嬲都係咁，佢地寫得好清楚喎，媽媽同佢地講甘唔得, 要寫清楚比客人知道, 但個經理一啲都聽唔入, 問返我地 一啲都冇誠意改進.....今時今日, 唔係好食就大曬~服務唔好一樣可以被淘汰!!個正價錢寫係個晚餐餐牌入面⋯大佬我地都係第一次去姐, 點知你地老字號點收費??比錢受氣~~同個價錢我可以去 聘真樓到食.....真係把鬼火 請我食都唔會再去

記得細細個嘅時候成日都會跟嫲嫲同佢D朋友嚟鳳城飲茶, 由於去得太多, 同D伙計熟到不得了, 基本上已有張長枱恭候, 無他嘅, 好多時去飲茶都會叫「例湯」(別以為例湯係一般嘅老火湯, 其實係叫緊「雞燉翅」, 諗起都覺得好誇張)同埋我最愛嘅灌湯餃, 而當時年少無知嘅我就最鍾意睇住部點心升降機, 成日都幻想自己爬咗入去會點自從嫲嫲走了之後, 雖然日日都經過鳳城, 偶然亦會撞到由細睇到我大的郷里伙計, 但係都已有多年沒去飲茶, 今日再次踏進鳳城去飲茶, 嗰種久違嘅味道, 真係令我百感交集.......熟悉的伙計只剩一人, 但味道卻依舊令人回味!嚟到鳳城, 識飲嘅一定飲普洱, 第一樣畫嘅點心梗係我至愛嘅灌湯餃($29/2隻), 出面而經好少酒樓整呢款傳統灌湯餃, 雖然個皮厚咗少少, 但係入面嘅料係好足, 湯汁會爆晒出嚟, 記得要加少少醋吊番D味呀, 咁就食到lam lam 利!!!再嚟嘅就係爽肚, 大碟到呢.......樣靚味道正, 而且一D都唔靭!!個燸米雞成個荷葉飯咁嘅size, 入面又多料(雞, 燒肉, 冬菇......), 如果一個人嚟, 食完已經走得...生腸係另一必食推介, 好爽脆~

為咗傳統老舖嘅灌湯餃黎 中午時間 要搭枱先黎 叉燒腸粉 用帶少少燶嘅叉燒 加埋一碗豉油 好味道四寶雞扎 用了豬肚豬皮魚肚芋頭 很好炸韮菜餃 很多韮菜蝦肉 新鮮好味道 爸爸嘅心頭好 灌湯餃入面有香菇,鮮蝦肉,少少帶子 幾特別湯有d滐 食一隻就夠na

一早訂了一圍12人食團年飯，之前食過大紅磡鳯城，非常一般，今次是妹夫堅持的，費事自己book，唯有ok啦, 點知真有驚喜，個預訂了的炸子雞個皮勁香脆,肉也很嫩. 另一好味是粟米魚肚羹，好足料,魚肚好爽. 另甜品馬拉糕和西米布甸也是一絕‧ 原來同樣鳯城, 但水準可以咁參差.

今日星期六唔洗番工, 突然好掛住鳳城的灌湯餃, 就孝順一下爸媽, 請佢地陪我一齊去回味下.每次到一D 酒樓望到點心紙, 如果有灌湯餃的話都會試下, 睇下出面的可唔可以同呢間老字號既鳳城酒家比併下, 暫時... 都係覺得鳳城灌湯餃最有風味.由於呢度冇下午茶時段優惠, 我中午12.30左右到(避開1.00星期六放工時間), 搵位都唔算難.

初三團拜，朋友一早訂左鳳城話依度抵食夾大件，果然冇介紹錯！乳豬全體，皮脆肉嫩，伴碟海浙又多發財好事，髮莱入味爽口，蠔豉大大隻又炆得淋，鴨腳入口溶化，豬利夠淋。蜜糖豆炒帶子，豆新鮮又爽脆，帶子大大粒火喉[]岩[]岩好保留到肉汁，肉又鮮嫩蒸深海大班頭腩，蒸[]既時間掌握得好，所以咁大條魚[]既肉都咁嫩滑，又鮮味，炒球唔洗再講都係一個字花膠煲雞湯，夠火口，我地連湯渣都食埋蝦多士炒奶，蝦係成隻放係麵包上面炸，唔係坊間個D壤D蝦膠就算，奶炒得又滑又香又有奶香。炸子雞，皮脆肉嫩，雖然話有禽流感冇活雞賣，但係依度隻雞一樣咁好食喎！點解呢?糯米飯，係全晚做得最普通[]既，因為臘味唔夠香，飯又硬左少少。干燒伊麵，味道調得[]岩[]岩好，炒得夠乾身。重頭戲就係西米焗布甸，依度[]既布甸出晒名，熱辣辣，又唔會太甜滑嘟嘟，（畢）遲D都冇呀!包啤酒，汽水，茶芥，加一都係約$4000

鳳城對身為老Sales的我，有點情意結。十多年前，周逄有師兄弟簽大單，都會去慶功，現在大家經歷太多波折，香港人已不會亂咁駛錢，今日兩師兄弟去懷腼一翻。先來個翅，魚翅縮得很細，感覺很寒酸，蟹肉都不鮮，退色!從前必點的其中一味蝦多士，今天意然食唔晒，都係果句，蝦不太新鮮，可能中午去，食隔晚料，多士比從前油膩。反而，小食咁多年都保持水準，生腸好爽，鵝翼又入味，可惜乳豬已經售罄，下次要早點來！魷魚抵讚，多到滿瀉，魷魚夠厚，咬落去彈牙，下次必食!

從少都愛吃灌湯餃，特別是喜歡挖開中間，把紅醋放入，拌和湯汁之後慢慢吃，而到最後才把餃皮吃掉。可惜近年肯花時間及心機去做的酒家已不多，就算有出品，水準都是強差人意居多，今次特意跑到北角鳳城，目的就是為了這個餃子。即叫即蒸已經滿分，飽滿漲卜卜的賣相更是吸引，放在鐡片上亦是古式做法，呷一口茶，再撥開看看，可能怕餃皮穿，湯汁不多，只嫌冬菇粒稍欠，香味不足，偶爾一次就算了。