鳥海山鐵板燒 (已搬遷) 新店位置

位置離地鐵站都有一段距離 餐廳採用簡潔日式設計 位置唔多 最推薦坐係鐵板燒爐前面既吧桌 可以一邊欣賞師傅既手藝 員工好有禮貌會細心介紹每個set同時令食材鐵板燒係以一人份量為單位包括有前菜沙律 刺身 小食 什菜 湯 炒飯 同主食今次叫左大蝦同鮑魚既set首先會送上和風日式沙律 酸甜開胃之後上刺身併盤 😍好有心機同精美既擺盤 加上新鮮既食材 員工會為每款刺身介紹 成晚師傅都燒到無停手 只得一塊燒版出餐既時間會比較慢小小 不過慢功出細貨 燒出黎既食物都有質素只見師傅用牛油 醬油 簡單調味煎煮小食 - 煙肉蠔 同 魷魚圈兩款小食 都十分有日式風味 香脆銀雪魚牛肉薄燒入面有大量炸蓉 味道濃郁主食 鮑魚成餐飯個人覺得最好食超新鮮大鮑魚 輕輕一炒 鮮味出曬黎 令人想再叫多隻食大蝦非常新鮮彈牙 蝦味十足 蝦頭仲有蝦膏 黃金蝦炒飯師傅一次過為多位客人炒飯 由白色既飯炒到粒粒金黃色 有大蔥 蝦乾作配料 唔會好油膩 乾身 好食 好完整既一餐 除咗鐵板燒仲有其他魚生飯 壽司可供選擇

為了慶祝生日，當然想找一些高質素的餐廳享受一下，鐵板燒一向係我哋心頭好，今晚初嘗長沙灣的一間鐵板燒專門店<鳥海山鐵板燒>，價格合理之餘，仲充滿驚喜。餐廳是日系木材的裝橫風，背景播放日文歌曲，充滿日本氣氛的感覺。由於餐廳座位不算多，訂定枱會比較好。晚市有鐵板燒的套餐供應，主要以海鮮和牛肉為主，而套餐亦包埋沙律、麵豉湯、炒飯及炒野菜，今次我地試了<牡蠣餐>。沙律菜加上日式芝麻醬作為點綴，能突出蔬菜的鮮甜爽口。<是日精選刺身>真鯛：非常新鮮，肉質鮮甜油甘魚：帶點魚油，肉質嫩而鮮三文魚腩：魚油較為多，非常新鮮美味八爪魚：肉質煙韌而彈牙，味道不錯刺身全部都相當新鮮，入口帶有海鮮的鮮甜味道。<廣島蠔>用上大量的煙肉、炸蒜及葱花來一齊煎，單是吃配菜，已經覺得非常香口惹味。廣島蠔的蠔身非常飽滿，每一隻都脹卜卜，肉質好滑好鮮甜，而且仲有好多蠔汁，非常好食，值得推薦。<魷魚筒>魷魚筒本身已經非常新鮮，輕輕煎烤已經非常好食，入口仲非常爽口彈牙。<牛肉薄燒>牛肉入面包含住大量的炸蒜及葱花來一齊煎烤，入口帶有油香，仲

野食唔差既 不過睇得出個師父唔熟手（龍蝦頭燶，芽菜好水，鵝肝同多士唔香脆，炒飯咸）價錢都平 龍蝦餐兩位都唔過千， 另加野食加埋都係一千蚊一位， 環境舒服， 成晚先得10位， 但係成晚得一個師父做野，傾開先知有另一個師父做鐵板既放假（佢自己做開壽司.. 唔怪得喇..）酒牌啲酒麻麻地自己帶酒黎又要收$150開瓶費 最初電話問佢話叫支酒就可以free corkage, 最尾因為得兩個人飲唔到咁多 咁order佢最貴支300ml 又話唔可以free corkage 要720ml先得（其實支300ml 個價同佢啲720ml差唔多）即係點？ 仲要最後返到屋企睇相先發現佢冇出到個牛肉薄燒俾我，打返去就話下次出返俾我… 咁既經驗唔會再有下次幫襯囉以呢個價錢要搵更高質素既餐廳 大把選擇

朋友住長沙灣，同我講附近開咗間日本餐廳，想搵我一齊試吓，當然要一齊去試🤩我哋揀咗大蝦餐$598（沙律、大蝦、銀鱈魚、安格斯牛肉、雜菜、炒飯、味增湯）沙律普通，份量唔多銀鱈魚👍👍👍👍👍作為一個唔太鍾意食魚嘅人都覺得呢碟魚煮得好出色，好香口，皮香肉嫩❤️大蝦🍤望住大廚好快咁幫我剝晒蝦同埋蝦腸🤩，啱晒我呢啲最怕剝殼嘅港女🤪🤪🤪安格斯牛肉大廚問我鍾意幾成熟，我同朋友揀咗5-7成左右就可以，見到煮完剛剛好，中間有少少紅，口感有層次。雜菜、炒飯、味增湯芽菜一碟，炒飯配有櫻花蝦，略嫌飯嘅味道唔夠，味增湯好飲🤩🤩🤩🤩👍整體而言，價錢係呢區算中上，服務一流，侍應不斷添水，大廚逐一煮完送上，可以再試🤣

長沙灣近荔枝角一帶經常都有好多類型既餐廳小店,今日特登過黎覓食下有咩新既特色餐廳,今次經過呢間鐵板燒店,價錢夠晒親民而且材料睇落都好有誠意就入左去試一試佢地既鐵板大蝦餐 (2人份)沙律先送上配以酸酸甜甜既和風醋汁既沙律,爽脆既生菜配以鮮甜蕃茄清新開胃.銀鱈魚雪白既銀鱈魚下帶出一陣醇香既魚油,魚油甘香而且不腥,食落又唔會過肥膩.魚質嫩滑,魚肉係口腔內慢慢溶化,相當滿足.大蝦大蝦蝦肉十分厚身,蝦肉質地十分彈牙爽脆.蝦頭內既蝦肉連蝦羔相當甘香甜美.經鐵板燒香後更鹹香.安格斯牛肉安格斯牛肉充滿牛脂香,牛肉肉質香嫩不帶筋性.牛肉燒得剛剛好唔會過熟得黎亦唔會過韌.自身牛香味濃所以唔需要額外過多既調味,簡單地沾上岩鹽已經夠香.配上炸蒜片入口蒜香味濃又帶淡淡甜味,配上牛肉一口放入口中帶出又香脆及嫩彈既口感.野菜炒銀芽入味得黎又夠爽脆而且不帶草青澀味,帶少少醬油香味道更香濃入味.炒飯炒飯炒得粒粒分明,珍珠米飽滿又煙韌而且綿糯.加上少少香蔥,雞蛋,櫻花蝦皮已經相當入味而且鹹香.味道鹹而不膩而且飯粒夠乾身唔會帶黎刀油既感覺.味噌湯食完炒飯後飯返碗味噌湯作為一整頓晚餐既總結.甜品:雪米糍飯後仲有朱古力雪米糍,

今晚我和媽媽到長沙灣吃日本高級料理，餐廳嘅裝修 好有日本嘅風情， 而家疫情去唔到日本，可以嚟呢間日本風情嘅餐廳吃飯 ，我們都很開心。有好多唔同嘅套餐可供選擇,有大蝦餐，鮑魚餐，價錢非常相宜， 咁抵嘅價錢就可以食到日本料理，真係好開心。仲有好多刺身供選擇，種類繁多，價錢也好抵。我哋叫了呢個壽司拼盤，外觀非常吸引 ，好有高級料理嘅感覺 ，味道更加一流，色香味俱全，食得出用料新鮮。 呢個拼盤有甜蝦壽司，帶子壽司，吞拿魚壽司和三文魚壽司等等。呢度最出名嘅就係鐵板燒，我哋叫了鐵板燒魚頭，可以坐喺bar台，一路望住主廚煎魚，一路食野，我地嘅視覺同味覺都有咗好大嘅滿足。魚肉鮮嫩可口，入口即溶， 好有水準嘅菜色。煎黑毛豬， 肉質鮮嫩可口, 入口即溶, 日本地道鐵板燒嘅水準。呢個煎肥牛包蒜香蔥花， 美味可口，食落好香濃，肥牛入口即溶，再加蔥花嘅香味 ，簡直絕配。

長沙灣真係有好多隱世嘅好店😍平時食開呢條街嘅一間餃子店，已經好留意隔離既呢間日本鐵板燒🇯🇵朋友轉新工有好消息，所以就一於試下賀一賀佢！平時食鐵板燒閑閑哋都要千千聲🥲入到去見到個Menu發現好抵食😱主要有4個鐵板餐：最貴就龍蝦🦞（$848）、鮑魚餐（$688）、大蝦🍤（$598）、最平就牡蠣🦪（$498）套餐包左主食、湯、沙律、魚生👍🏻雖然套餐配搭set死左，但可以主動啲同侍應講聲你有咩唔食，例如我朋友唔食蔥、唔食生野，就算餐廳做唔到要求，師傅會主動走出黎介紹轉一個餐/換食物等🙏🏻🙏🏻態度值得一讚💯我同朋友㨂左大蝦🦐餐：包沙律🥗大蝦🍤銀雪魚、安格斯牛、野菜、炒飯、味增湯，一應俱全😆😆首先上沙律，好清新好fresh👏🏻大蝦煎得香口，蝦頭都好甜多肉，銀雪魚外脆內嫩，安格斯牛粒煎得剛剛好、juicy多汁、配埋香蒜脆片，野菜就一碟炒芽菜🤣🤣炒飯粒粒分明、略微太多蔥味🙈🙈味增湯有豆腐、好飲！👏🏻👏🏻餐廳環境好日本🇯🇵風，主要都係木裝修，一入門口完全冇油煙味，因為鐵板燒好多都係開放式廚房，而且部份座位又喺正廚師面前，我係勁怕食完飯之後一身味🤦🏻所以不得不說，呢間抽風做得好好💯唯一要改善嘅就係上菜速度

朋友生日佢話未食過鐵板燒，所以今次我帶咗佢嚟食！我地叫左：大蝦餐（沙律、大蝦、銀鱈魚、安格斯牛肉、芽菜、炒飯、麵豉湯）開頭有個野菜沙律，可以開下胃！🤩佢個銀鱈魚好出色，魚嘅油分好多所以好滑，而且魚肉好厚身！🤩大蝦新鮮而且燒得好蝦味濃郁，個蝦殼好脆而且蝦膏滿滿。我成隻食晒！🤩非常推薦個炒飯！我平時唔係特別鍾意食炒飯，但佢炒得好入味，因為佢加咗櫻花蝦係飯入邊，令到個炒飯好香！🤔安格斯牛正常發揮，不過不失。又唔係話唔好食，但係就係淋既牛，唔夠牛香味。個芽菜佢都炒得幾香，同啲炒飯一齊食幾夾！個麵豉湯都幾好飲，唔鹹但係幾香濃。最後餐廳仲俾咗兩粒雪米糍我哋，以甜品作完結！🌟整體評分：4.201/5

朋友公司附近最近新開了一間鐵板燒餐廳，他有興趣想試一下，就問我去不去，那去吃美食的話肯定是去的啦，那麼我們就先來吃一下他的質素怎樣，看值不值得試他的鐵板燒！角切魚生飯（１５８元）魚生一共有３至４款，因為切開了有部分分辨不到，能認出的有三文魚和拖羅，這兩個都挺不錯，挺嫩滑的，有油香，特別是拖羅！而其他的是白身魚，挺清新的，吃起來有魚香！而配的半熟蛋質素挺高，非常入味，蛋黃味濃！親子丼（１２８元）由三文魚加上三文魚魚子組成的親子對，三文魚給得挺大塊的，吃起來挺鮮甜，而且挺嫩滑。配的三文魚魚子也不腥，吃起來特別香甜，又爆汁！羊鞍（１６８元）這個應該是鐵板弄的，送到來的是７成熟的樣子，吃起來挺多汁的，有羊味，肉質不會老！鵝肝（８９元）這個鵝肝煎得非常香脆，吃起來外脆內嫩，入口即化，而且油香滿滿，沒有什麼騷味，非常好，再配上烤得非常上脆的多士片，非常好吃！牛仔骨（９９元）這個牛仔骨的醬汁不是平常的黑椒汁，而且一款鹹甜口味的醬汁，吃起來也挺特別的！牛肉質吃起來挺有油香的，肉質還可以，帶點咬口。

平時好少嚟長沙灣，經朋友介紹估唔到原來長沙灣都有間咁高質嘅鐵板燒！食鐵板燒就梗係要坐吧枱，可以睇住師傅喺你面前即叫即燒。晚市嘅鐵板燒有四款二人餐，龍蝦餐、牡蠣餐、鮑魚餐同大蝦餐。今次叫咗牡蠣餐，份量足食材正，非常之滿意嘅鐵板燒體驗。精選刺身、沙律落完單好快就有刺身同沙律，可以一邊食住一邊睇師傅為我哋準備下一道料理。刺身種類唔少，有三文魚、油甘魚、八爪魚同帶子，每一樣都好新鮮。廣島蠔叫得牡蠣餐，主角當然就係廣島蠔，每一隻都好肥美飽滿，蠔味濃郁，而且配料用嘅蔥、蒜同煙肉，都非常之夾。魷魚筒食魷魚最怕又乾又韌，依位師傅就處理得非常之好，魷魚筒爽口彈牙，一啲都唔韌。牛肉薄燒比較特別嘅牛肉薄燒，平時食開嗰啲入面包嘅係金菇或者蘆筍，但依間嘅係就咁包住炸蒜同蔥。唔好睇小呢兩樣簡單嘅配料，同牛肉簡直係天作之合。野菜、炒飯、麵豉湯今次嘅野菜係銀芽，非常之清爽，可以抵消翻鐵板燒嘅油膩感。食埋個炒飯飲埋個麵豉湯，非常滿足咁捧住個肚走。

一直有聽過長沙灣那邊有很多隱世小店，水準非常之高，今天正好給我碰上一間，因和朋友路經長沙灣，忽然見到一間門面装修非常日式的餐廳，日本控的我倆毫不猶豫進去一試。 內進去後雖然餐廳不太大，但有一幅長長的日式壁畫，非常日系，充滿温暖感覺。甫坐下，侍應遞上二客新鮮蔬菜，口感爽脆清新。我們先叫了一客壽司作頭盤，種類非常豐富，有野生金目鲷、海膽軍艦、帶子、大甜蝦、火炙左口魚、牡丹蝦、吞拿魚、深海池魚、章紅魚。外面吃壽司一般會給妳一些日本芥辣和豉油給妳，但這裡的做法卻是預先在壽司上加上日本芥辣並塗上豉油了，相信這是比較地道的日本食法了。由於這餐廳也主打日本鐵板燒，所以我們也叫了三個鐵板燒，分別是西班牙黑毛豬，肉質鮮嫩。還有牛仔骨，口感一流，牛味濃郁。雞扒味道調較適中，美味可口。一般鐵扒燒蔬菜都沒甚味道，但這個芽菜炒得香味撲鼻。我們中國菜都是先喝湯的，但這家日本菜館卻是最後才把滾熱的湯奉上。但甜品還都是最後才奉上，吃過鐵板燒和喝過熱湯，再吃這個冰凍雪糯米糍，感覺透心涼啊。

今日收工，同朋友去左長沙灣一間新開鐵板燒度食，舖面喺舊區入邊顯得好新淨，仲係好日式嘅裝修。店入邊有得坐bar檯睇住師傅燒，亦都有普通飯檯，仲播住最近好hit嘅動漫音樂，店員都好友善仲請食埋甜品雪米糍😆鳥海山有幾個鐵板燒套餐，分別係龍蝦、牡蠣、鮑魚同大蝦餐。同朋友要左牡蠣餐，可以一路食一路睇下師傅整鐵板燒😋牡蠣餐 $478前菜沙律&刺身食日本野前菜唔少得嘅和風沙律同埋刺身，沙律用左比一般蕃茄甜嘅車厘茄🥗而刺身就用左魷魚、八爪魚、三文魚，同火炙嘅鯖魚，新鮮而且夠多款，三文魚仲好肥美😛 最欣賞佢嘅碟仲係凍👏🏻廣島蠔鐵板燒嘅廣島蠔，調味有煙肉、蒜粒、洋蔥🧅同蔥花。蠔身煎香後仲好嫩，口感好豐富。煙肉🥓同蒜粒🧄都好惹味，不過調味嘅食材有小小搶左蠔嘅鮮味。魷魚筒鐵板炒嘅魷魚筒🦑，睇住師傅一刀一刀咁切落去原隻魷魚都幾過癮㗎，魷魚相當冧，絕對唔會韌。落左少少醬油同牛油做調味已經好好味，會令人想食完一啖接住食第二啖 😙牛肉薄燒薄切嘅牛肉雖然唔係高級和牛，但色澤同油花都唔錯，🐮以簡單嘅鹽同黑椒調味，再捲住一啲特別嘅配菜，一口一件，調味鹽味雖有少少多，但口感柔嫩唔油膩。炒飯、野菜、味噌湯鐵板燒入面嘅炒飯好香，

餓左好耐日本既人, 唔知幾時有得返鄉下。 今日忽然講起好想食鐵板燒, 朋友即介紹長沙灣都有得食。真係唔多信, 竟然朋友真係帶黎食。 於是就黎試下。估唔到, 長沙灣真係會有日本鐵板燒。 舖仔細細, 但一應俱全。 主打鐵板燒, 但刺身, 丼飯都有。 都幾傳統。我地點左2人用既大蝦鐵板燒, 有: 銀雪魚, 大虎蝦, 牛柳, 櫻花蝦炒飯, 炒雜菜, 仲有配沙律同麵豉湯。真係好多野食。鐵板燒本身就係一個好有功架既表演絕學。 師傅唔止要識煮，仲要煮得好睇，真係好考功夫。這位師傅身手真係好好。 佢地既食材當然好新鮮, 銀雪魚煎得層次分明, 唔會散開又好入味; 大虎蝦好爽甜彈牙; 牛柳好香肉味又有口感, 好明顯同平時食開買開既好唔同。而炒飯都係炒到粒粒分明, 好香蛋同櫻花蝦既味。 所以雖然係一大碗，都吸引到人要食晒。 雜菜今晚雖然得芽菜, 但都好脆口夠新鮮。 這間真係值得返轉頭既小店。

放假同朋友經過長沙灣，發現左呢間隱世日式鐵板燒，就走入去試左幾款。我哋第一個嗌咗廚師發板的刺身五點盛，出品無論係賣相定食物質素都係數一數二👍👍再來一個鐵板大蝦🍤因為我哋選擇左坐吧台，所以可以欣賞到師傅精心嘅製作過程，都係一種享受☺️大蝦鮮甜入味，啖啖肉，唔錯。再來係鐵板鮑魚同清酒煮蜆，鮑魚真係無得頂，爽口得來帶有少少酒味，一個字，正👍👍清酒煮蜆都好新鮮不過覺得唯一不足就係份量有D少😂😂可能因為我本身鍾意食蜆，所以覺得唔夠我食🤣總體黎講都係非常滿意的一餐，會再有下次。

#fafafoodblog長沙灣 #fafafoodblog日本菜 🍴鐵板鮑魚 時價 當日178 蚊鮑魚切成一片片 南非鮑魚口感好彈牙 又帶 d軟林，。本身都好新鮮 所以加 d黑椒已好好味🔥🍴鐵板凡立貝 58 蚊隻🔥殼上面既既清酒好香甜 再帶 d牛油香 凡立貝熟程度剛好 . 夠鮮甜 又保留應有既水份 盡吸牛油汁 正 🍴鵝肝多士89 蚊🍞好肥美既鵝肝一開二 放喺牛油味香既麵包上面 (其實就係用鐵板整成多士) 鵝肝 好厚身肥美 鵝油滲哂落多士上面 好正🍴清酒煮蜆 98 蚊🔥首先蜆係沙白 好鮮甜 加埋清酒 令到佢個湯底好清甜 蜆肉夠彈牙入味 正 🍴安格斯牛柳 168 蚊🐂牛柳切成粒燒 本身牛柳肉味香濃 都唔洗點落調味料 彈牙得黎 juicy , 再加 d香脆既蒜片就好好食 🍴燒白鱔 188 蚊🐟🔥師傅喺鐵板望住佢燒就知幾有心機 皮同肉分開燒 仲要整到甘薄脆 長時間又用重野札住唔俾鱔燒到彎起 . 👍🏻 放擺碟又靚 膳皮成塊又薄又香脆 膳肉邊位香脆 中間夠軟熟 好食🔥 🍴跟餐炒飯 🔥🍚如果食餐最後會有個炒飯 飯炒得乾身 好夠蛋香 最正係落埋櫻花蝦炒 蝦味香濃 同飯粒好 match 🦐 🍴麵豉湯