鳥海山鐵板燒 (已搬遷) 新店位置

之前經過見到新開咗間餐廳，今日同兩個朋友過嚟試吓，個服務員建議我哋食二人餐（鮑魚餐另外再加多半份鮑魚餐），仲推介咗啲時今刺身，講咗好多款，見佢推介就試咗幾款（北海道膽，粒貝，大吞拿魚腩），cp值高，服務又好，下次同屋企人嚟食海瞻鮮甜，後尾仲加多一份大吞拿魚腩入口即溶，粒貝爽甜，擺盤又好靚🥰銀雪魚外脆內嫩鮑魚煮得好，恰到好處，食落軟腍大蝦鮮甜，蝦頭好多糕臨尾仲有炒菜同炒飯好有驚喜，最後食唔晒仲要帶走

收工同女朋友喺附近睇完戲 諗住返屋企自己煮食但去巴士站時經過依間鐵板燒 平時經過都唔太顯眼 所以一直都冇發現。食鐵板燒本身預咗貴 但埋到去睇發現其實唔算貴 同埋都有上離睇下食評 但唔多 有好有唔好 不過口講冇用 食過先知我叫咗個龍蝦二人餐 當然有龍蝦啦 重有雪魚 牛簿燒 刺身 炒飯 炒菜 啲嘢食唔會太鹹但又唔會太淡 岩岩好適中 刺身食落有口感 夠鮮甜 牛簿燒係最鍾意食 本身已經好鍾意食牛 咬落好香嘅牛味 我唔太識形容嗰種感覺 但真係好正炒飯粒粒分明唔會糊埋一齊炒菜其實一開頭都冇諗住係點樣 自己又好驚菜嗰種草青味覺得應該都係一樣 本身話唔洗要 但師父話試咗先都冇壞 咁反正女朋友都會食菜真係唔岩比埋佢食都得 我食完只有好少嘅草青味 令我覺得好有驚喜 本身落單時諗住叫多啲嘢食 但侍應話食完唔夠先再加唔洗咁急決定 但食完發現真係好飽 覺得員工都好細心又好好傾又有禮貌

其實附近嘅嘢食都食到厭 早兩日經過E間鐵板就膽粗粗買個外賣試下 平時食鐵板多數都係出港島或酒店嗰啲食 都係即叫即整即食 所以外賣都係第一次試但外賣已經令到有意外驚喜所以決定下次直接喺嗰到食

一直以黎都覺得鐵板燒唔太岩自己口味但鳥海山令到我有驚喜！開頭食刺身好新鮮，選材非常用心聽老闆講係揀當日既新鮮食材到好期待既鐵板燒大蝦同鵝肝既質素好新鮮食物既生熟度岩岩好大蝦既肉同蝦頭燒到有種焦香味鵝肝入口即溶 真係好好食炒飯炒到好乾身 顯得師傅功夫好夠服務員態度都好好 我屋企人怕凍服務員即刻拎左件披肩出黎呢個加分！

朋友生日去食長沙灣價錢銅鑼灣級數叫左個set本來以為一般般始終長沙灣日本店又會有咩驚喜點知一上菜就知不得了刺身一流尤其象拔蚌刺身好甜燒銀雪魚齒頰留香A5肉眼和牛肉味濃收尾炒飯煱氣夠粒粒分明Cp值高👍🏻👍🏻👍🏻

第一次食鐵板燒已經咸到就黎腎虧，個師父又燒到燥，又漏單但係無影相，我係嗌牛柳餐跟白飯，炒菜同麵豉湯個牛柳一上黎放入口係un到咬唔開，好辛苦隔左好耐到我唔記得有炒菜果陣先黎個炒菜咸到頂唔順，睇得出係d菜本身無味所以要落好多調味料去炒本身諗住都唔會再去，點知同事生日又要再黎多次我今次醒，無再嗌鐵板燒，叫三色丼，諗住魚生實無死啦掛黎到份量比較少，女仔食應該岩岩夠飽溫泉蛋無咩特別，魚生就望落去唔多新鮮，顏色偏沈甜蝦無味，三文魚無味，油甘魚腥味重要收90幾蚊，爭鮮level嬲到我第1次寫食評就比左你,多謝

1830好多地方要等，咁啱呢間有位咪試下，服務態度好，大蝦，銀雪魚，帆立貝都好食，價錢方面，以有位師傅真人面前表演即燒即食嘅鐵板燒，收咁嘅價錢，絕對合理，可惜我地無訂位只能坐普通枱隔岸觀火，下次要預訂坐喺師傅前面食，一轉眼，1900開始都人多了。

慶祝結婚紀念日，訂左枱同老公撐枱腳，未訂前見唔多評語，但見到餐牌d set唔太貴，就試下依間，環境都唔錯，舒服，雖然細細間都唔會覺得太迫，我點左個2人餐+份牛+少量刺身都係$1300埋單，真係底食！食物方面：刺身好新鮮，店員仲介紹左幾款時令剌身（佢話餐牌裡無）好鮮甜，有質素，唔係碟碟8蚊果啲！鮑魚，大蝦，甚至連個炒菜都好好食，櫻花蝦炒飯都好正！ 不過依個價錢唔好expect 份量好大，除左份量細左啲，其他野食味道都好食！ 依個價錢可以值得一試！

長沙灣同區沒有的鐵板燒，晚上試了這間新店鳥海山。除了鐵板燒，也有刺身、壽司、清酒等供應。鐵板燒價錢算合理（兩人晚飯連清酒人均約500元），食品新觧質素不錯。但服務員明顯新手生疏，在點餐，選酒及埋單過程均有新手才會犯的毛病。但其衞生意識不錯，安排入座前有用酒精消毒枱面，而且服務其間亦有禮貌，希望日後可以提升其他服務水平。三式刺身新鮮美味燒大蝦肉嫩汁多燒鮑魚口感和調味都不錯燒鱈魚水準穩定，若配醬汁可更好炒飯有驚喜總結：有機會會再幫襯。

魚生新鮮，今天食日本海膽鮮甜 ，深海池魚美味， 三文魚拖羅新鮮， 清酒煮蜆清甜有酒味 但有少許咸，鐵板食材也新鮮， 鐵板雞扒 ， 黑毛豬 ，上次來吃沒有酒牌不可以飲酒， 今天已經有酒賣了，真開心 價錢畀起尖沙咀便宜， 師傅認真製作但上菜慢了些 ，會再帶朋友來吃

今日約同事食午餐就看看附近餐廳，見到間門面不錯而價錢都可以就入去，最後2人位吧桌有就坐下，不過因為待應得一個要少少時間等，我叫了個吞拿魚蓉丼，但沒有豉油要叫再等才有，份量好少約半碗飯，吞拿魚都新鮮，麵豉湯味道正常，仲有菜沙律。朋友叫的是煎三文魚餐，一個餐分3次比，三文魚來到，等了又等都沒有飯，最後忍不住再問等陣先有，份量都是半碗，三文魚味道偏淡都可以，炒菜不夠香。每人不用加一$86/位價錢未至於好貴但份量真的太少，最後每人再去買個麵包來吃。