影片
更多
2021-07-11
65 瀏覽
今日收工，同朋友去左長沙灣一間新開鐵板燒度食，舖面喺舊區入邊顯得好新淨，仲係好日式嘅裝修。店入邊有得坐bar檯睇住師傅燒，亦都有普通飯檯，仲播住最近好hit嘅動漫音樂，店員都好友善仲請食埋甜品雪米糍😆鳥海山有幾個鐵板燒套餐，分別係龍蝦、牡蠣、鮑魚同大蝦餐。同朋友要左牡蠣餐，可以一路食一路睇下師傅整鐵板燒😋牡蠣餐 $478前菜沙律&刺身食日本野前菜唔少得嘅和風沙律同埋刺身，沙律用左比一般蕃茄甜嘅車厘茄🥗而刺身就用左魷魚、八爪魚、三文魚，同火炙嘅鯖魚，新鮮而且夠多款，三文魚仲好肥美😛 最欣賞佢嘅碟仲係凍👏🏻廣島蠔鐵板燒嘅廣島蠔，調味有煙肉、蒜粒、洋蔥🧅同蔥花。蠔身煎香後仲好嫩，口感好豐富。煙肉🥓同蒜粒🧄都好惹味，不過調味嘅食材有小小搶左蠔嘅鮮味。魷魚筒鐵板炒嘅魷魚筒🦑，睇住師傅一刀一刀咁切落去原隻魷魚都幾過癮㗎，魷魚相當冧，絕對唔會韌。落左少少醬油同牛油做調味已經好好味，會令人想食完一啖接住食第二啖 😙牛肉薄燒薄切嘅牛肉雖然唔係高級和牛，但色澤同油花都唔錯，🐮以簡單嘅鹽同黑椒調味，再捲住一啲特別嘅配菜，一口一件，調味鹽味雖有少少多，但口感柔嫩唔油膩。炒飯、野菜、味噌湯鐵板燒入面嘅炒飯好香，
鳥海山有幾個鐵板燒套餐，分別係龍蝦、牡蠣、鮑魚同大蝦餐。同朋友要左牡蠣餐，可以一路食一路睇下師傅整鐵板燒😋
牡蠣餐 $478
前菜沙律&刺身
食日本野前菜唔少得嘅和風沙律同埋刺身，沙律用左比一般蕃茄甜嘅車厘茄🥗而刺身就用左魷魚、八爪魚、三文魚，同火炙嘅鯖魚，新鮮而且夠多款，三文魚仲好肥美😛 最欣賞佢嘅碟仲係凍👏🏻
廣島蠔
鐵板燒嘅廣島蠔，調味有煙肉、蒜粒、洋蔥🧅同蔥花。蠔身煎香後仲好嫩，口感好豐富。煙肉🥓同蒜粒🧄都好惹味，不過調味嘅食材有小小搶左蠔嘅鮮味。
魷魚筒
鐵板炒嘅魷魚筒🦑，睇住師傅一刀一刀咁切落去原隻魷魚都幾過癮㗎，魷魚相當冧，絕對唔會韌。落左少少醬油同牛油做調味已經好好味，會令人想食完一啖接住食第二啖 😙
牛肉薄燒
薄切嘅牛肉雖然唔係高級和牛，但色澤同油花都唔錯，🐮以簡單嘅鹽同黑椒調味，再捲住一啲特別嘅配菜，一口一件，調味鹽味雖有少少多，但口感柔嫩唔油膩。
炒飯、野菜、味噌湯
鐵板燒入面嘅炒飯好香，櫻花蝦炒出黎都粒粒分明，而且份量都唔少，足足有兩碗飯咁多🍚 野菜係炒嘅芽菜仔，食完主菜再食炒得清爽唔出水嘅芽菜。食到尾再黎一碗熱呼呼嘅味噌湯🍲，唔濁得黎仲有豆腐同昆布，會有種清爽返口腔嘅感覺。
鵝肝多士 $89
額外叫嘅小食。煎鵝肝有煎到兩面起焦上色，基本上鵝肝比較油膩，配返件多士食落就啱啱好🍞鵝肝食落外脆內軟，細細地一啖一啖食又有油香都唔會好肥好guilty🙈
張貼
