鳥海山鐵板燒 (已搬遷) 新店位置

今日經過長沙灣,見到一間鐵板燒裝修得好整潔光猛,門口餐牌都幾吸引,即刻同朋友入去試下。店舖地方闊落,空間亦都好足夠,牆身一大片日本壁畫,喺度食飯感覺都幾舒適,加上有少少日本音樂個人都幾放鬆。呢度鐵板餐主打係（二人前）鳥海山鐵板餐 1198 元有是日刺身,沙律,活龍蝦,活鮑魚,鵝肝多士,牛肉薄燒,椰菜炒飯味噌湯。龍蝦餐 948元,是日精選刺身,沙律,活龍蝦,比目魚,牛肉薄燒,椰菜,炒飯,味噌湯。因為朋友唔係太肚餓，所以我哋就選擇咗大蝦餐 648元,有沙律,大蝦,比目魚,安格斯牛肉,野菜,炒飯,味噌湯。沙律雖然唔係好大碟,蔬菜好新鮮,加上少少沙律醋入口酸酸甜甜特別開胃。大蝦已經剝咗蝦殼,燒到啲蝦膏好香,成個蝦頭充滿蝦膏嘅香味,蝦肉肉質爽口彈牙,味道鮮甜，食完都唔夠喉比目魚分量好大件,魚肉非常之滑,魚皮煎到脆卜卜有少少焦香味,入口味道層次更加豐富,加上魚肉新鮮,肉質結實特別鮮甜。安格斯牛肉煎到啱啱好,牛肉味香濃,肉質非常嫩滑,有入口即溶嘅感覺,加上旁邊嘅炸蒜一齊食,口感同味道更加香。炒飯遠遠己經聞到香味,炒飯有蝦乾,薑蔥,蛋花,珍珠米,飯底炒到好乾身,更加突出炒飯嘅香味,每粒飯粒粒分明,食得

香煎比目魚好滑，外面煎得脆脆地，裏面一食落去嘅時候魚油味好重，好味。牛肉薄燒佢超香超香超香，裏面包咗啲蔥蒜，食起上嚟嘅時候會冇咁膩簿目張口感好有筋道油甘魚肉質軟糯，店員話可以點wasabi 食星鰈入面包住d 野，口感更上一層伊佐木表面輕輕燒過，入口會有焦香，筋道比簿目張稍輕龍蝦上碟嘅時候都係香到無與倫比呀😫佢嘅龍蝦肉每一舊都大大嚿（足料！！！）然後食落去嘅時候就覺得真係同平時食嘅冰鮮龍蝦好唔同（真係一分錢一分貨呀）睇番menu 先知係活龍蝦。佢嘅龍蝦新鮮到連嗰啲蟹腳仔滅出嚟嘅肉都係可以極度完整。店員好貼心咁樣直接俾埋濕紙巾我哋～可能因為個龍蝦應該係真係太大，個頭入邊仲有好多肉，唔食真係好浪費。龍蝦頭嘅肉就少一啲燒過嘅香味，食返更多係原本嘅龍蝦味道。但我就鐘意燒過嘅多d,香d, 淡淡肉d, 正d ，而且上邊仲有啲膏醬伴住。一流最後仲有飯（入面仲有櫻花蝦架！！），炒菜，麵豉湯

想食鐵板燒。朋友大推長沙灣*鳥海山*。餐廳原來位於青山道。好彩朋友話我知。如果唔係真係搵餐懵😂。鐵板燒套餐有四款。價錢由$648-$1198。係二人前價錢。真係幾抵食👏👏。平平哋揀咗$648大蝦鐵板燒套餐✨。包括沙律🥗、大蝦🦐、比目魚🐟、牛柳🐮、炒野菜🥬、炒飯🍚、麵豉湯🥣。分量十足🤩。首先食咗個沙律。清一清味蕾😊😍。接著出場有比目魚。皮脆且肉質鮮嫩。大蝦爽口彈牙。蝦頭帶小小蝦膏😋。牛柳肉汁滿滿。入口軟腍。炒飯加入櫻花蝦。口感豐富🤪。飲埋碗麵豉湯就大滿足❣️。

朋友介紹呢間平民鐵板燒好抵食，果然冇錯，可惜今次去坐唔到吧枱冇得睇住師傅燒。叫咗大家推薦嘅車海老のフルコース（$648/2位)除咗基本嘅前菜沙律、炒野菜、炒飯同麵豉湯之外，主菜有成3款！大蝦、比目魚同牛柳沙律冰凍，天氣熱時食降火一流。每樣嘢都煎得好香，首先上枱嘅係牛柳，份量唔多但啱啱足夠，見到微微粉紅色冇過老，唔韌冇筋，粒粒都配一片炸蒜片，啖啖都好正。唔知係咪因為煎完牛，之後嘅比目魚都有輕輕牛油香☺️再黎大蝦，個蝦頭超大，勁香，啜晒啲汁差啲連個頭都食埋。我哋另外仲加咗3款壽司甜蝦北海道海膽 ($79)火炙左口魚邊($26)三文魚腩($26)唔知以為自己去咗食omakase，每樣都用唔嘅日本碟同擺盤好用心。北海道海膽甜蝦一啖食唔晒，滿瀉。火炙左口魚邊好肥美多油，配番一堆日本蔥喺面，用紫菜墊底包住。最有驚喜竟然係三文魚腩，面頭火炙過，加咗應該係三色芝麻好靚，仲有幾條日本細蔥，嘩，入口油脂爆出黎，啲蔥平衡番，連對面嗰個唔食蔥同最憎三文魚嘅人都大讚，一致認同係食過最好食嘅三文魚腩料理。因為前面主菜太好味同埋已經食飽咗，個炒飯食咗半碗已經食唔落。另外餐廳嘅職員都好好服務，尤其是個女仔好nice.出

朋友極力推介這間日本菜晚膳，去了長沙灣昌華街23號富華廣場地下18號舖~鳥海山鐵板燒。港鐵長沙灣站C2出口，步行約7分鐘。室內充滿日本居酒屋格調，以日本牆畫裝飾，面積雖然不大，但座位之間都相當寬敞，環境雅緻舒適。服務員禮貌招待介紹店舖菜餚，主打鐵板燒，特色日本菜譜豐富，還有牆上介紹是日空運剌身，選擇很多。大蝦餐$6481. 沙律頭盤是個冰凍沙律，連個碗都是雪凍的，炎炎夏日確是一個很好的開胃小吃。生菜夠新鮮爽脆清甜配上沙律醋夾著酸甜車厘茄，非常好味。2. 味蹭湯濃郁味蹭香，湯內有昆布及嫩滑豆腐粒，調味恰好不嗆喉非常好飲。3. 野菜鐵板炒椰菜，椰菜又爽又脆又鮮甜，麻油味和蒜香味非常特出配上日本醬汁撈炒，更覺好味，看似簡單盡顯鐵板燒師傅功架。4. 牛柳厚切牛柳粒，牛肉味極濃而多汁，牛油煎封牛柳，表面焦香但肉質嫩滑，配上炸蒜粒令口感更加豐富。5. 比目魚比目魚煎至金黃色，皮脆肉滑，入口即溶，一點魚腥味也沒有，食材新鮮才有這效果，好食。6. 大蝦賣相吸睛，煎焦大蝦，肉質肥厚，爽甜彈牙，蝦頭滿滿蝦膏更覺鮮甜惹味。7. 炒飯陣陣櫻花脆蝦香味，飯粒分明，加上蔥花和蛋液炒至乾身，非常有鑊氣，每口飯都感覺

餐廳位於長沙灣和荔枝角中間，兩邊行過去都近。餐廳設有吧枱位，可以坐係鐵板前面，近距離欣賞師傳既廚藝和交流一下，真係幾正😍🔸大蝦鐵板套餐 (二人前) $648套餐包括沙律、比目魚🐟、安格斯牛肉🐮、大蝦🦐、炒飯、野菜和麵豉湯。 比目魚🐟賣相好靚，外層燒至金黃色，魚皮香脆，肉質卻保持嫰滑😋，安格斯牛肉🐮好多汁，牛肉味濃，和附上既蒜片一齊食更佳。至於主角大蝦🦐，用鐵板燒係唔同啲👍，好香口，蝦肉爽口彈牙，記著唔好miss咗蝦頭既肉和好正既蝦膏啊。🔸真鯛、油甘魚刺身 $58 、 $48另外叫左兩款刺身，都好鮮甜和厚切，幾正😋📍#鳥海山鐵板燒 (#長沙灣美食)長沙灣昌華街23號富華廣場地下18號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

想試左鳥海山好耐終於夾到鐘意食日本菜既朋友一齊去食🤓食完絕對值得期待咁耐🤭呢度座位唔算多整體環境闊落同坐得舒適職員嘅服務態度都好友善我地叫左一個鐵板套餐❣️大蝦餐🦐 🥗沙律🦐大蝦🐮安格斯牛肉將牛肉切成粒狀利用餘溫令整粒牛肉有剛剛熟既口感 非常嫩滑每咬一下都有飽滿既牛肉汁🥬炒野菜（椰菜）椰菜比平時食嘅鮮甜🍚炒飯粒粒分明 乾濕程度適中裏面仲有一粒粒嘅蝦乾❣️火灸三文魚腩壽司🍣🪄大推突然太想食壽司🤣所以叫左一件火灸將三文魚腩既油脂谷左出嚟做到入口即溶嘅效果🤗

雖則我平時成日掛住拍拖，但間唔中都要同媽媽食下好西。我哋揀咗呢間喺長沙灣嘅日式料理店，野食款式多，質素都唔錯的。>角切魚生丼：擺得好靚，用料豐富，有三文魚、三文魚籽、八爪魚、吞拿魚、青瓜+溏心蛋，魚生新鮮清甜，並且經過適當調味，溏心蛋個蛋汁幾濃郁，撈埋食好正！>精選壽司九貫：用木台裝住感覺幾高級，除左常見既油甘魚、中吞拿魚腩、火灸左口魚邊及三文魚籽外，比較少見既伊左目及真鯛都有😵侍應首先會同你講邊啲要點醬，同埋進食嘅次序，咁就可以由淡味食到濃味。當中我比較鐘意帶子刺身，因為佢係原粒帶子切開一半，可以想像到本身係幾大隻，食落厚身又細密，味道濃郁鮮甜。火灸左口魚就因為燒過，令到肉質外面緊緻，內裡香嫩可口，又有少少焦香味；其他壽司都幾好味😋>三文魚頭（半個）：三文魚頭油脂豐富，肉質富彈性，味道甘香鮮甜，如果送酒食應該仲好味。>牛肉薄燒：牛肉燒到岩岩好，入面捲住蔥+蒜，食落都幾惹味。>季節蔬菜：想食菜就點左，即叫即炒，食落都爽脆鮮甜，果然鐵板燒炒既菜係特別好食😄

我一心諗住支持下小店,食完睇番果6個負評。其他人講嘅嘢，中晒。只怪自己唔睇🤟🏻服務呀。啤左幾聲呢樣野好主觀，點寫都可以有人唔認同。唔詳細講啦。啤 oooo oooo oooo oooo就只講一樣，野都未上完。已經係你面前熄燈收拾店舖。食物呢。大家先睇價錢，咁你就唔好以為咁多like 就有希望。香港地係好現實。就只講客觀野-茶餐廳做法 等齊單，你叫完等20分鐘其他人order完先準備 再一鑊熟👍🏻-單點食物就熟食上先過壽司-海鮮未上齊就出肉（客觀陳述 唔好斟酌）-個別食物質素喺相片度講-唔知咩原因呢，食物醬汁都好多，調味都好濃郁。如果你想打卡 係鐵板面前影下相 呢到滿足到你

好耐冇食鐵板燒，趁消費劵一出就約埋朋友嚟長沙灣鳥海山。剛好遇著打風，餐廳比較清靜，但環境舒適乾淨，兩邊墻掛着壁畫，又優雅又靚。餐廳有多款二人鐵板燒套餐選擇，另外仲有刺身，丼和小食。刺身叫咗金目鯛和油甘魚：厚切兼大大塊，油甘魚食落甘甜，口感清爽。用火燒出金目鯛嘅油份，令入口又鮮又甜。大蝦鐵板燒套餐，先上沙律，燒比目魚：肉質細嫩，每一面都煎至金黃色，食落卜卜脆。燒大蝦：一上枱就聞到蝦膏嘅香味，蝦肉非常爽口彈牙，蝦頭肉滿滿嘅蝦膏，鮮甜甘香。安格斯牛肉：伴着炸蒜片，牛肉味濃厚。炒飯粒粒分明，好有鑊氣。最後係炒野菜和麵豉湯。小店有驚喜，性價比高。

近排都係長沙灣返工，收咗工經常都同同事喺附近食嘢，無意中俾我哋發覺一間鐵板燒食物做得非常出色，而且價錢都好公道，所以喺度推介一下。鳥海山鐵板燒，地址喺長沙灣昌華街23號富華廣場地下18號舖。餐廳雖然唔算好大，但係裝修得好整潔，而且俾人感覺好舒適，如果坐喺廚師面前，仲可以欣賞佢嘅手勢，即場喺你面前製作。沙律份量雖然唔多,但係味道好清新作為開胃前菜真係最適合。大蝦，燒大蝦賣相非常好，加上廚師好細心將啲肉全部開晒出嚟，食落口啖啖肉，蝦肉仲係好新鮮爽口彈牙，鐵板燒燒出嚟嘅蝦肉仲帶點焦香，味道真係好正。最欣賞就係個蝦頭，將啲蝦膏燒香味道好香。比目魚，比目魚份量都好多，而且肉質好嫩滑，有少少魚油脂肪，食落去魚味香甜。牛柳，牛柳火候控制得啱啱好，牛肉味好香濃，肉質非常嫩滑多汁，最正就係加一片炸蒜片一齊食，可以令到牛肉味更加突出。油甘魚腩，魚腩油脂分布均勻，入口魚油味香，而且肉質仲好爽甜。三文魚腩，厚切嘅三文魚腩脂肪分布比例均勻，入口味道好新鮮，魚腩真係特別好食，又爽口又香。最後個炒飯，椰菜，配埋麵豉湯真係一絕，炒飯已經好香，加咗少少蝦乾，令到飯味道更加香，今晚餐晚飯真係好滿意，食材新鮮，廚師用心製作

今日去長沙灣食日本鐵板燒，之前上網見到有人嚟過食飯唔錯，今日特登嚟試一試呢間餐廳嘅味道。我哋大概8:00pm 入座，餐廳都有八成滿，都算幾旺場，吧枱前面坐咗幾個熟客/大客，師傅同侍應都好認真，專心去particular serve佢地先，希望有一日我都做到熟客，享受一下高級，與別不同嘅service，笑。-餐廳地方唔算大，裝修都係典型日式主題，不過都算乾淨企理，抽風系統做得唔錯，入到嚟唔會好大油煙味，要讚。-大蝦餐沙律係8:30pm率先上場，日式和風醋好食，食完沙律，半個鐘之後，大概9:00pm，順序上主菜，有比目魚，牛柳粒，大蝦，已經等咗一個鐘，可能非常肚餓，每樣主菜都特別好食，大蝦非常厚肉，爽口彈牙，蝦膏亦都好澎湃，之後再上炒飯同埋雜菜，食物質素整體唔差，齊齊整整嘅鐵板餐。-評分 : 5.5/10

是日七夕🎎🎎， 突然想同老公食餐好順便慶祝下七夕先🎊🥳🥰，大家都不約而同好想食鐵板燒，所以今朝一早即刻上網search就見到呢間位於長沙灣嘅鐵板燒餐廳，location 幾近我地嘅工作地點，就嚟試下💪。我地六點就到，餐廳剛開始營業，不過, 可以睇住廚師即場表演即叫即燒鐵板燒嘅 bar 枱位置已經一早full booking🫣🫣, 所以今次就坐住枱先，下次會預早book 位再嚟食多次。今晚我地先小試牛刀, 叫咗個大蝦鐵板燒餐（車海老 - 二人前）試一試呢間呢質素如何🤗🤗前菜沙律🍅🥬🥦🥗 - 沙律菜新鮮，醬汁好味，正常水準。鐵板燒特大海蝦🍤🦐🦐 - 兩大原隻新鮮大蝦應該有手掌般大，蝦肉切件上，蝦肉入口爽脆鮮甜，非常惹味😋😋，最正係兩個大蝦頭，廚師將蝦頭殻已打半開，方便我哋進食之餘, 蝦頭嘅膏都煎香咗，碟嘢熱辣辣一上枱就已經聞到香濃蝦膏味，呢碟燒大蝦真係十分正🤩🤩，能做到齒頰留香，讚！🥰🥰👏👏鐵板燒比目魚 🐟🐟- 上枱賣相係滿分，非常吸晴 ，廚師將兩大塊嘅比目魚煎得非常金黃焦脆...🥢🥢魚肉外脆內軟，內面仲係好Juicy流汁，魚肉燒過之後，魚油仲甘香😋，好食！👍👍鐵板燒安格斯一口牛🥩🥩 -

一直都好想食鐵板燒，搵到依間性價比好似不錯既就決定黎試下餐廳位置由地鐵站行去大約10分鐘，唔算太遠裝潢行簡單日式風格，環境舒適，座位闊落我地嗌左大蝦餐，當日無銀雪魚所以轉左比目魚店員首先送上左一個沙律，夠晒清爽，調味都適中安格斯牛肉軟硬適中，牛味濃郁，配合埋蒜片更加惹味！比目魚個皮好香脆呀，魚肉仲保持嫩滑，油脂感豐富好好味大蝦牛油味同蝦味都好香，蝦食我出好新鮮，肉質彈牙蝦頭既膏都好香呢！椰菜有碟菜真係不錯，而且牛油味都係好香炒飯最後食埋個炒飯就岩岩好夠晒飽！炒飯粒粒分明夠乾身而且又夠香亦加左不少配料一齊炒，係一個幾高質既炒飯推介大家黎依度試下鐵板燒，都幾好架！店員服務有禮貌，又坐得舒服，食物都唔錯！

低調日本菜 - 鳥海山兩位入座叫左鳥海山鐵版餐前菜沙律比較失色非常普通刺身拼盤刺身拼盤有伊左目，真鯛，油甘魚刺身刺身新鮮，調味用心，配上柚子調味好清新活鮑魚新鮮鮑魚配上簡單調味已經鮮味十足火力啱啱好鮑魚肉口感適中活龍蝦大大隻又新鮮師傅用返龍蝦膏炒龍蝦肉龍蝦肉彈牙而且鮮味十足鵝肝多士鵝肝大大件入口質感軟稔喜歡鵝肝嘅朋友應該會覺得好正牛肉薄燒沒有太大驚喜野菜．炒飯炒飯炒得夠乾身，不錯椰菜都好大碟麵士湯十分普通但店員喺上湯前有問會唔會加$20轉鰹魚湯唔中意麵士湯可以加錢試吓點左枝清酒，店員推介呢枝比較甜易入口但係飲落其實都辛口普普通通