鰹烏冬 (駱駝漆大廈第三座)

營業中

休息中

平時放假我都好 enjoy 自己一個人去行街食飯 , 今日就去左觀塘駱駝漆大廈行一圈。上網話呢間長期都多人排隊食,  咁啱我去既時候過左 lunch time, 見唔駛排隊, 一於試下。我叫左個下午茶餐 - 雞冬, 有塊烤過既雞扒, 半隻溏心蛋, 天婦羅碎, 紫菜等等。老實講, 賣相就平平無奇, 雞扒肉質尚算嫩滑, 都幾好食, 但份量真係有d少, 得2舊仔。呢間店標榜烏冬係自己手打, 入口煙韌, 食得出同用機打既烏冬係唔同。不過就真係等得耐左少少, 落左ORDER 要等20 - 25 分鐘左右先有得食, 但侍應姐姐話因為佢地係即叫即煮, 所以要耐心等候。

呢間烏冬真係食極都唔厭，選擇十分之多，有冷有熱，有湯冇湯，連配料都有幾款，任君選擇今次就揀左月見烏冬（熱）配骨付雞同埋竹簾烏冬（冷）配金菇牛肉卷另外再加左隻糖心蛋天婦羅🙊💛 月見烏冬（熱）配骨付雞$82月見烏冬個湯底就咁飲就冇乜味，但將隻蛋打散撈埋個湯就即刻唔同晒，同烏冬好夾！而佢個自家烏冬就更加唔洗講，一如既往咁煙韌彈牙👍🏻👍🏻骨付雞（姐係雞髀）可以話係呢到嘅must have item，差唔多枱枱都有叫，佢仲好貼心咁付上刀叉，可以唔洗整污糟隻手，隻雞髀醃得好入味，燒完嘅雞皮又香又脆，雞肉仲要好嫩👍🏻👍🏻👍🏻💛 竹簾烏冬（冷）配金菇牛肉卷$81竹簾烏冬會配上一個醬油沾汁，個沾汁都好好味，醬油味岩岩好唔會太鹹，仲有少少鰹魚香！而凍嘅烏冬口感就比起熱嘅更加正，仲要十分掛汁👍🏻👍🏻金菇牛肉卷嘅份量都唔少，有成6粒，味道都十分唔錯，調味做得好好，好香，牛肉亦唔會太乾👍🏻👍🏻💛糖心蛋天婦羅呢一個係冇係menu到嫁🤫事源係有一次叫外賣，係外賣app到叫過，仲要好好味，今次再返黎堂食反而係menu到搵唔到，咁我就問下店員，佢又好親切咁幫我問師傅，結果佢話可以幫我做🤤🤤🤤呢隻溏心蛋個炸衣一啲都唔厚，

烏冬彈牙但冇鹹味，只係一個蛋還蛋，黑椒還黑椒，仲有剛剛既熱水烚完個面既水，所有味道都分開，唔係融合！雞髀7-11會滑過佢，好硬好乾，餐具拎上手有醬油黏稠感，已經唔係叫下午茶，散叫，$88真係唔值！環境好焗，想叫佢開風扇，但天花風扇好多塵，唔敢開！All flavours are separated, no salty taste, and u still can feel the water boil texture, but udon texture is fine! Chicken leg is worst than 7-11!Not deserved the price in $88

話說垃圾口🙍🏻‍♀️係烏冬愛好者，呢間鰹烏冬嘅自家製手打烏冬咁出名，緊係要去試吓啦🤤點知佢實在太出名，我哋第一次去嗰陣未到last order時間已經截咗單😂第二次去成功食到，不過都有啲嘢食賣晒😳所以想去嘅話記得早少少去，或者打電話去預留你想食嘅食物！.<#竹簾烏冬配骨付雞 $76 +$12流心蛋>竹簾烏冬係配醬油食嘅，可以加埋芥末、蔥及芝麻落醬油到攪拌，食之前時候夾烏冬去沾一沾啲醬汁，食落好透心涼🤤個烏冬可以揀熱食或凍食，但我哋食當日熱食就賣晒～之前未食過手打烏冬唔知原來真係好大分別😱，手打烏冬煙韌好多😳，同平時食嘅烏冬完全係兩個感覺。骨付雞即係有骨嘅雞脾。好大份，雞皮燒到好脆口，入面嘅肉質就好嫩滑😍，加上搽咗蜜糖真係超好食😋。流心蛋同平時食嘅差唔多正正常常。<#夏一烏冬配天婦羅5件 $104>夏一烏冬好似係期間限定嘅撈烏冬～有隻生嘅蛋黃，同埋芝麻、紫菜、冬瓜、檸檬等配料畀你撈埋一齊食。個汁酸酸地好開胃，夏天食嘅話一流😍天婦羅有蝦🍤、冬菇、茄子，仲有好少見嘅多春魚！特別得嚟又炸得幾好食，唔會好厚粉漿🤤.👫:好鍾意手打烏冬煙韌嘅質感，不過如果可以再煮淋多啲

以前要搵好食嘅烏冬好難，而家真係多左好多高質嘅小店呢度嘅烏冬係自家製，食落好煙韌彈牙，鯛魚清湯底清而不淡。烏冬份量雖然不太多，但加埋重量級拌菜就已經好夠飽😍招牌皇牌骨付雞食落好有日本風味!雞肉煮得岩岩好，肉質滑嫩，雞皮燒到脆脆地，外脆內嫩，加少少七味粉就更加香口💕加配左金菇牛肉卷，唔好以為呢個小食好普通😌金菇同肥牛嘅份量一點都唔孤寒，金菇唔痴牙，肥牛煎香左唔會好un。價錢雖然略貴，但份量夠補番，食到好滿足

小莎發現觀塘真的有很多美味黃店！走進工廠大廈，不難發現門外貼滿文宣的小店，隨意走進一間也是樂趣～這間鰹烏冬是同事推薦的，份量足而且即叫即煮，每道菜都是熱騰騰地上桌，十分吸引😍下午茶雞冬🐣雖然是下午茶價錢，但仍然是正餐的份量～充滿魚香的湯底配以彈牙烏冬，還有撒上七味粉的惹味雞排，簡直是絕配🤩記得要加上天婦羅脆脆，整碗的口感會大大提升！燒雞髀🍗熱騰騰的燒雞髀，一切開就有大量的肉汁流出，雞皮燒得脆脆的，七味粉調味也很入味😋幾個人一起share剛剛好～ 

心血來潮想食烏冬，第一下應該都係會諗到鰹烏冬。晚飯時間意外地唔算多人等。選擇好多，每次落單都會好糾結😂，最後都係揀左清清地嘅鰹魚清湯底，搭配佢地嘅皇牌骨付雞，口痕決定試埋多春魚對於佢地嘅麵質質素，從來唔質疑，鰹魚湯都好清，食完未有不停飲水，但無提鮮嘅感覺所以唔會話好突山。湯我覺得有d少，睇圖可見，好似少到比面索晒湯咁🤣骨付雞，相信都係唔少鰹烏冬粉絲嘅最愛，大大隻，好夠飽。佢係入味嘅，醃製過程用簡單材料保持左原汁原味，雞上碟時好香，肉質稍乾，呢個位小失望，再過一陣凍埋就會唔想食多春魚我應該都唔會再點，粉漿有少少奇怪同埋唔重魚味，相比隔離慢煮屋嘅多春魚我覺得好食d，不過好睇個人鍾意咩口感嘅炸物。但呢到嘅多春魚，超多魚春，都滿足

由於佢太多選擇,所以分別去食左幾次,想試多啲唔同款。試過佢冷同熱既烏冬,個人比較鍾意熱烏冬,淋身但有彈性,唔會一食就散開哂,冷烏冬就比較硬身,要咬多幾啖先得。黑胡椒粒拌蛋烏冬雖然無湯,但係熱烏冬黎,配埋好多黑胡椒,鍾意重口味既就唔好錯過佢～另外佢既骨付雞同天婦羅都唔錯,雞髀肉嫩多汁,天婦羅入面有比較少見既多春魚,幾特別,食落都唔會成口油,調味唔重比較食到食物本身既味道。🔸黑胡椒粒拌蛋烏冬。骨付雞🔸月見烏冬。關東煮🔸鰹魚清湯烏冬。天婦羅🔸夏一烏冬

呢間長期都好多人排隊食，今日同同事嚟食lunch, 本身已經打咗電話嚟留位，點知嚟到都係要等等咗半個鐘先入得，唯有喺門口揀定食咩～落定單先坐低好快就有得食我次次嚟親呢到都係食雞髀，配鰹魚清湯烏冬已經好好食！（其實都有興趣想試其他湯底，但係又再貴啲，銀包叫緊救命）烏冬有得揀粗定幼，我揀咗粗，好好咬口雞髀依然係咁好食！又嫩又多汁，仲好似落咗少少七味粉！正！現場食有刀叉方便好多～之前外賣返公司冇刀叉就有啲麻煩

呢間人氣手打烏冬店 凍食熱食都有好多款式 作為烏冬fans嘅#🍎👧🏽 樣樣都想試🤤 最近天氣開始涼 又想食啲重口味嘅嘢 所以就點咗咖喱湯底🍛🔹鰹魚湯咖喱烏冬<熱> 配骨付雞🍗($84)🔹鰹魚湯咖喱烏冬<熱> 配金菇牛肉卷🥩($79)🔹鰹魚清湯烏冬<熱> 配骨付雞🍗 ($76)👧🏽同朋友都揀咗粗烏冬 都幾掛湯 不過質感較硬身 唔係軟滑煙韌嗰種😯咖喱嘅味道比想像中溫和 再辣少少更好🙈一開頭食個汁偏杰身 似撈烏冬 食到後面就好啲~ 加上烏冬份量非常足夠 大食嘅👧🏽都食唔曬🥺骨付雞即係雞髀🍗幾大件 不過上枱時微暖🤔 用咗少少七味粉去醃 醬汁類似燒汁加蜜糖 味道帶甜😋個肥牛卷煎得幾香 但略嫌油膩咗少少有機會再試下佢哋嘅幼烏冬同埋天婦羅😆－－－－－－－－－🍴食物：6/10🏝環境：5.5/10🛋服務：6.5/10💲價錢：7/10💥翻兜指數：6/10✨CP值：6.5/10

#肥doi遊觀塘.觀塘駱駝漆大廈一直都係卧虎藏龍之地, 花時間洗樓就會搵到啲高質食店。鰹烏冬一早已久仰大名, 店如其名主打冷熱烏冬, 冷同熱烏冬共有13款, 仲有5款配菜揀, 姐係話總共有65個組合, 有選擇困難症既我揀野食果陣頭都痛埋！-《醬油烏冬（冷）》配《骨付雞》冷烏冬既關係所以烏冬既質感係幾彈牙, 食之前再唧少少檸檬汁去平衡返醬油既咸味, 令到成個烏冬更加清新。烏冬索味令人估佢唔到, 酸酸甜甜配濃味既骨付雞都幾夾。骨付雞係一大隻連骨既雞脾, 呢隻雞脾真係驚為天人, 用刀一切開入面既肉汁流到成個碟都係。 雞皮燒到香脆, 肉質唔會太柴, 軟稔到唔洗用力切都可以將啲雞肉好輕易切哂出黎, 而且醃得非常入味, 唔洗另外落七味粉再作調味, 食一隻係一啲都唔夠喉。.《鰹魚湯咖喱烏冬（熱）》配《金菇牛肉卷》日式咖哩汁份量好足, 而且夠哂杰身掛湯, 咖哩汁入面有京蔥、蘿蔔等材料, 聞落好香但食落就欠缺日式咖哩既甜味, 如果可以再濃味啲就更好。未食之前諗住唔揀金菇牛肉卷, 點知去到見到好多食客都有叫而且望落都唔錯。金菇份量多到好似免費咁, 咬落爽脆不過好易痴牙, 肥牛應該都係普通貨但都煎到幾香,

【 幾好味嘅新鮮烏冬】 去完游泳池游水呢，就帶朋友去咗呢間喺觀塘嘅工業大廈。其實呢駱駝漆大廈第三座都有好多唔同嘅嘢食，今次就試到呢一間我會回頭嘅新鮮烏冬店啦。佢嘅餐牌係有唔同嘅烏冬配唔同嘅餸，任君選擇，有湯烏冬同冷烏冬etc. 我就幾鍾意食佢嘅骨付雞。我見佢嘅烹調方法係擺喺焗爐焗㗎。所以就熱辣辣，又多汁。另外呢佢嘅關東煮都唔錯㗎，都幾入味。同埋呢都幾鍾意佢擺雞嘅碟，感覺呢就好似係西班牙葡萄牙佢哋餐廳會用嘅碟。呢間舖頭今年都食咗三四次啦，會繼續幫襯。另外一提，佢哋係可以買一包包嘅烏冬，返屋企自己整黎食㗎，有包埋湯料。

見到網上一直有好多人吹捧，所以嚟試下，畀過兩次機會佢，但感覺都只能夠說係不過不失。兩次都嗌左湯烏冬，如果喺日本食過好味嘅湯烏冬，就會知道就咁一個淨湯嘅烏冬已經係非常之簡單美味，但事實上係好難搵到嘅。佢個湯底冇乜特別，烏冬嘅質地係煙韌嘅，甚至乎係有啲硬度，需要落力咁樣咀嚼先食得到，但最失敗嘅地方係唔知佢淥得太過勁定係點，烏冬嘅表面唔夠爽滑，有少少粉粉地嘅感覺，而且第一次去食，個湯仲係唔夠熱嘅添，所以感覺都一般，除非真係好想食烏冬，同埋嚟開呢頭，如果唔係都唔會特登去食。

鰹烏冬 (English name: Katsuo Udon) is a udon shop in Cheung Sha Wan but now they have branched out into Kwun Tong.  Located inside an industrial building, they have two shops so the wait isn't as long as in Cheung Sha Wan. Here they also sell pre-packaged udon an offer udon making classes!Menu is in English, Japanese and Chinese. There is no 10% service charge and you pay on your way out. They have various types of udon and some flavored ones as well that were sold out when we arrived.We shared a s

自從梁祖堯IG介紹完之後一直都好想試閒日晏晝兩點都要排隊，等完位再等多20分鐘先有得食（因為所有烏冬都係即叫即煮）PS:觀塘鋪所有烏冬如果冇特別要求都會用粗烏冬；長沙灣鋪佢有指定粗幼！PS:另外我兩間分店都去晒但兩間分店嘅價錢都唔同。🍜竹簾烏冬+天婦羅。為咗竹簾烏冬而來，但係下晝2:00已經冇晒海苔同咖啡味只係得返原味。由於唔記得揀有烏冬所以嚟咗個粗由於食唔到其他味道所以之後我去咗長沙灣分店買咗個海苔幼烏冬，覺得幼烏冬被粗烏冬更加掛汁。🐔骨付雞兩間分店嘅骨褲雞都應該預先整定所以外表望落去好香口，但識落都係凍咗而且皮脆，不過雞髀醃得入味味道搭救返。🍜 月見烏冬葉烏冬配上日本生雞蛋，昆布堅魚湯味道清澈，但我略嫌味道唔夠，但加咗生雞蛋會比較creamy啲🥘關東煮關東煮入邊一共有五件，大根煮得入味冇渣，而且昆布味都好香唔似日本食開嘅偏甜。🍤天婦羅除咗烏冬天婦羅都係佢哋嘅招牌菜，觀塘店就四件但長沙灣店有五件，佢哋個天婦羅炸漿真係超級好食，就算擺咗半個鐘都唔會諗keep住咁脆而且食落唔油膩😋