鰹烏冬 (駱駝漆大廈第三座)

營業中

休息中

【 幾好味嘅新鮮烏冬】 去完游泳池游水呢，就帶朋友去咗呢間喺觀塘嘅工業大廈。其實呢駱駝漆大廈第三座都有好多唔同嘅嘢食，今次就試到呢一間我會回頭嘅新鮮烏冬店啦。佢嘅餐牌係有唔同嘅烏冬配唔同嘅餸，任君選擇，有湯烏冬同冷烏冬etc. 我就幾鍾意食佢嘅骨付雞。我見佢嘅烹調方法係擺喺焗爐焗㗎。所以就熱辣辣，又多汁。另外呢佢嘅關東煮都唔錯㗎，都幾入味。同埋呢都幾鍾意佢擺雞嘅碟，感覺呢就好似係西班牙葡萄牙佢哋餐廳會用嘅碟。呢間舖頭今年都食咗三四次啦，會繼續幫襯。另外一提，佢哋係可以買一包包嘅烏冬，返屋企自己整黎食㗎，有包埋湯料。