今日去佐試依間係灣仔既越南嘢，去到好full啊，都等佐一陣先入到去，所以如果要黎記得要打電話book枱啊。 我同d fd 四個人食set lunch, 有兩個前菜同一個主食，咁我地就叫佐幾個前菜一齊share，有幾款沙律、春卷同雞翼。雖然係前菜，但沙律份量都俾我想像中大、木瓜沙律都好新鮮，調味唔會太酸，幾開胃。春卷就一般，唔夠熱但係皮都算脆。 到主食，有雞同牛Pho選擇，我地四個不約而同揀佐牛，塊半生熟牛掛住係個碗到幾搞笑，食落去好juice同好重牛味，得一塊真係唔夠喉。湯底有好重香料味，飲得出係熬佐好耐既湯。D粉無乜乜特別都算彈牙既。 最值得一讚係個嘢飲（唔洗加錢），有斑蘭茶同越南咖啡揀，我飲佐個茶，味道好香，仲有成壺熱水俾你慢慢沖d茶葉，一個人都飲都四五杯。 總結雖然價錢唔算平，不過一個set有三款嘢食加埋嘢飲，都算唔錯，環境同店員服務質素都好好✌🏻✌🏻會再幫襯！

本身book咗打風果幾日，臨時同餐廳講轉時間都OK, 好幫到手。餐廳嘅員工即刻覆同處理，都好好人呀。 其實呢間餐廳之前都去過㗎喇，但係呢就只係飲少少嘢嘅啫，今次係因為掛住呢度嘅氣氛好舒服，所以就嚟咗食晚餐啦。 我地揀咗坐外面，天氣涼咗，呢個位夠靜又夠涼，又可以望下海，好正。 我哋頭盤就叫咗一個煙三文魚牛油果沙律啦。一個人份量就剛剛好。 然後主菜方面，就叫做蕃茄醬西班牙紅蝦意大利幼面。雖然應該唔係新鮮貨，但係調味汁好味，蝦做到算爽算彈牙，令到我地秒清咗碟面。🤣 我朋友就叫咗一個烤西班牙黑豬梅頭肉配蘋果蓉。塊排都幾厚身，肉汁豐富，而且呢個部位唔肥膩，食完唔怕有罪惡感，而伴菜都擺得幾靚。蘋果蓉就令甜味更突出。 嘢飲方面呢，就叫咗一杯藍色夏威夷同埋一杯Bailey朱古力奶昔。估唔到藍色夏威夷超級有驚喜呀，有椰奶，Rum同埋橙。意想唔到咁夾同咁fresh! 今日最推薦係呢杯！💕 Bailey朱古力奶昔就係同想像中一樣，你儂我儂，夠哂濃味。 最後有埋個甜品就剛剛好。呢個芒果cake 個mousse 好creamy 好夠味，上面仲有粒粒芒果又靚又增加口感，仲有個餅底好厚，我中意😬。

打完波去搵野食，呢間係匯景廣場嘅正中間，起碼有10幾年歷史啦，晏晝都有唔少街坊喺度食，就一於試吓。見到佢哋呢多數都係嗌小窩米線嘅。但係我就想試其他嘢啦。 手撕雞撈淮山麵配花生醬 麻辣醬，呢個配搭非常唔錯，調味同埋用料都合格，幾好味道 雞湯翅紅薯粉，我鍾意佢嘅紅薯粉份量唔係太多，味道都合格，落勁多胡椒粉幾好味 好立克珍珠，店主無吝嗇到好立克粉，落咗勁多勁濃。呢個配搭珍珠係估唔到幾夾幾好味，我都係第一次飲。 炸雲吞，算係皮薄餡靚，非常香脆。即叫即炸，配埋甜酸醬， 10分推介 ps 小店播緊TVB 星夢傳奇

屯馬開通真的很興奮。去九龍城食嘢呢都方便左，只係需要喺宋王臺站落車，去九龍城方向嘅出口，行幾分鐘就到啦。

呢間台式食店做緊一個台灣經典美食放題，有成超過40款㗎。價錢親民，舖面唔大但係都可以坐到滿晒㗎，而且牆壁仲有霓虹燈嘅打卡點。 今次朋友真係冇介紹錯，由入座率睇嚟質素有保證。

只係需要每位加$18就有呢個烤魚任食，我哋就前後叫咗蕃茄味同埋麻辣味。非常推介。感覺上係麻辣味嘅烤魚比較相襯，魚大肉厚而嫩。


嘢飲方面，梳打系列同埋芝士奶蓋系列都唔錯。估唔到少少嘅店廚房可以做到咁多嘅菜式。

推介小食：燒雞泡魚乾，甜不辣，鹽酥雞，三杯雞。

滷水方面可能醃製時間唔夠耐啦，不太入味，適合喜歡淡味的朋友。

另外佢做緊呢個魔王級芫荽放題系列，沒有香菜東西怎麼會好吃系列，適合芫荽控嘅朋友呀。我就叫咗一個台式鴨血拌香菜面（台灣會叫芫荽做香菜），佢係將香菜攪成汁然後用來做拌麵嘅汁，非常之邪惡啊！同埋份量非常之足夠，如果有得揀半份就好了，減低浪費食物嘅機會

係app book有特別優惠，再打去confirm就唔怕無位啦！

今次呢嚟到呢一間喺新蒲崗嘅林洪記食佢嘅任食海鮮火鍋！之前呢已經試過佢嘅分店㗎啦，覺得質素唔錯，今次喺新蒲崗呢間新店裝修靚咗，唔再喺熟食市場入面啦。 呢間舖頭非常之好生意啊，入到去係滿座㗎。所以一定要提早預約。我哋叫咗招牌九重鮮任食海鮮火鍋。仲可以Like 佢地FB/IG 會免費升級至十重鮮 (送花蚌/大獅蚶）。 叫咗花膠湯底，想清淡啲可以叫呢個 重點推介澳洲龍蝦，好大隻啖啖肉。扇貝又大隻又甜。鮑魚都好彈牙。 呢幾樣值得encore! 雞件嫩同牛肉無渣。仲有推介佢嘅黃金炒蟹，炒到好出色，蟹殼好脆，夠香口。 book咗再打去confirm就唔怕無位啦 懶人傳送門 — https://bit.ly/3inNkmC

今日去完赤柱沙灘就出返嚟上環食漢堡包啦，呢間餐廳喺OpenRice係超多好評㗎，想泥試咗好耐喇！ 咁呢間舖頭呢其實面積都好細嘅啫，應該係主要做外賣啦，食緊飯嘅時候呢都有三四張外賣單。雖然地方唔大，但係都好用心咁用咗霓虹燈去咗佈置店面。 咁我哋就六點食飯啦。入面都有兩台客，大概可以坐到四五台人啦。 我地就叫咗一個 杜洛克黑毛豬片漢堡 burger set同埋一個經典芝士漢堡burger. 由burger變做set只係需要加$30 ，就會有一個小食同埋一杯嘢飲啦。小食方面呢就叫咗脆薯角。而嘢飲方面呢，就係罐裝嘅嘢飲泥。落單俾錢後呢，就可以等嘢食到啦。介紹下野食先！ 脆薯角配車打芝士醬及藍芝士醬 炸得好脆身，已經停乾晒啲油，應該係即叫即炸嘅。薯角有咬口又唔會太粉。 佢嘅醬有兩款，第一個係車打芝士醬，就係同漢堡入面嘅芝士差唔多，亦都係平常漢堡用到嘅芝士。咁我就好想試吓佢嘅第二隻藍芝士醬，好正。呢個係個人喜好啦，我就覺得兩個醬都做得好唔錯啦。 杜洛克黑毛豬片漢堡 包面呢系有烘過嘅，夠香脆夠乾身。黑毛豬片炒完之後豬油好香，份量同調味都足夠，同嗰芝士醬好夾，夠香夠creamy. 經典芝士漢堡 塊芝士喺漢堡扒上面完全溶化，然後漢堡扒又夠多汁，調味得非常之好，肥瘦適中，夠哂正！雖然落咗蕃茄同埋菜，但係唔會太多水份而令到個包林咗，個包夠乾身，呢樣唔係間間都做到！值得一讚。 下次有機會，應該會再試其他野食。

今次呢喺荃灣海濱公園打完網球啦，就嚟到呢間最近新開嘅外賣漢堡專門店，據說係好出名果間Burger Joys嘅姊妹店嚟㗎。 漢堡呢係即叫即整嘅，佢哋預先切好一粒粒嘅肉球，然後顧客落咗單佢哋先會將佢煎做肉餅。佢係開放式廚房，所以你會見到佢煎肉餅、炸薯條、幫包茶醬、再包起佢，所以可以安心食用。 另外，留意到staff 做收銀同包野食 之間都會帶新手套，有衛生。 食既時間係２點幾，我地叫完之後都幾多人等外賣，唔駛等好耐就有得食喇。唯一問題係佢地既ＳＴＡＦＦ都講英文為主，所以有客唔講英文就麻煩少少。 我叫左1個雙層芝士牛肉漢堡餐，同埋1個芝士牛肉漢堡。成個漢堡包最緊要呢就係嗰個牛肉，佢牛味都好夠，而且仲好多汁添。入面仲有生菜同埋蕃茄。都幾新鮮。鮮炸薯條都夠哂香脆。如果趁熱食，應該更好味～ 我睇到佢 O p e n r i c e 做緊優惠，最平＄５８就食到牛肉Ｂｕｒｇｅｒ喇！真係超值～原來佢既牛係用新西蘭安格斯手打牛肉，用埋牛肉肩膊等部位，所以牛肉味特濃。平時我都好中意牛肉肩呢個部位，多油花，食起泥軟嫩適中，平時就用泥打邊爐、燒肉多，原來做Ｂｕｒｇｅｒ都咁好味～ 推介呢間👍👍我會做回頭客

今次嚟咗位於黃竹坑港鐵站行1分鐘就到嘅熟食中心，我哋嚟食農民泰國菜。呢間餐廳係位於係一樓嘅，對面仲有另外一間泰國餐廳。我哋見呢度多人啲，所以就嚟咗呢間食啦。 咁我哋就叫咗一個雜錦海鮮金邊湯粉，同埋一個干炒雞河。佢個餐牌有埋圖片，真實同相片都差唔多樣，唔錯。 湯河唔算好辣，但係原來佢啲海鮮都幾ＯＫ，蝦係可以甩殼，亦都有青口同埋魷魚， 60幾蚊有呢個質素，係唔錯㗎。另外加$8仲有一杯椰汁涼粉冰！椰汁涼粉冰好好味呀。 我呢就叫咗一杯熱嘅青檸水，潤一潤返過喉嚨先。干炒雞河呢，係即叫即炒㗎，都幾有鑊氣。 呢度真係有泰國人廚師主理㗎。同埋，佢系會有例湯一大煲，可以比顧客自己不來飲，先到先得。但係，就好似係普通雞水咁樣，冇乜味㗎。 有機會，會試吓其他嘢，再叫返佢嘅椰汁涼粉冰！

今次係嚟到海洋公園隔離嘅萬豪酒店，我哋喺入面嘅Marina kitchen食咗晚餐同埋早餐。 晚餐呢系用takeaway嘅形式，7:30pm就準時送到房間門口啦。 果然，酒店入面嘅沙律都係非常之新鮮，啲甜品都係好高水準㗎，絕對冇令我失望呀！ 而意粉方面呢，就覺得意粉比較實，唔夠彈牙。如果用新鮮意粉就會比較出色啦。但係調味呢係好好味㗎。菇嘅份量都幾夠。 另外個烤雞呢，就配配一個少少辣嘅醬汁。但係就攤凍咗啦，令到質感差啦，冇咁好食。 第二朝嘅早餐，我推介奄列👍，做到啲蛋好鬆軟，唔會過熟。 另外燒賣👍同蝦餃都係師傅即場包同蒸。我覺得燒賣比較出色，蝦餃塊皮就略厚喇。 另外我都推介佢嘅鬆餅👍同埋蘋果批👍等等，好好味，好鬆軟。如果可以keep到個溫度就再好啲啦。 佢嘅芝士👍選擇有三款，算唔錯啦。最後就叫咗一碗魚蛋墨魚丸牛肉湯河粉作結尾。不錯不錯。

講咗想食素好耐啦，都一直未有機會試吓。今次有朋友介紹！所以今個禮拜日，我地嚟到喺中環蘭桂坊附近嘅一間新餐廳。位置方便，裝修又新又靚，枱面有玫瑰花做裝飾（相片中間），仲可以望到半山嘅景色。

呢間係新餐廳，入到去得我地同另一枱客，所以坐落好舒服，唔會嘈。侍應同經理都好耐心，有禮貌，同好好服務。
經理話：佢呢度嘅單人/二人餐單係每個禮拜一都會轉，亦都會有A la carte。我諗咁就可以比到顧客一啲新鮮感。咁食開素食嘅顧客就可以做回頭客，又唔會怕生厭，呢個主意幾好啊。

我地就叫咗一個二人餐，每人都有２個前菜，揀１個湯，同埋可以揀３個主菜，仲可以加甜品添！介紹下野食先：😛

✨田園沙律（左上）
沙律新鮮，加上黑醋同西柚、橙、車厘茄子，令人開胃。😋

✨羊肚耳秋葵（右上）
羊肚耳新鮮爽脆，秋葵爽而嫩，唔會有啲老秋葵或者渣。😋

✨南瓜湯（中上）
我中意南瓜湯夠甜夠濃。麵包夠脆，增添多一層口感。😋

✨百合竹笙羹（中下）
呢個清火，潤肺，安神。入口溫和。

✨玫瑰叉燒（中左）
甜甜的，有咬口，有「肉質」的感覺。上碟吸晴，用咗玫瑰花瓣做裝飾，有玫瑰花香。😆

✨咖哩茄子獅子球（右下）
有濃郁既咖哩香， 好惹味！獅子球口感軟軟的，有薯仔、茄子同埋麵包。

✨野菌大明蝦干燒新竹米粉（左下）😋
一望到就覺得好有驚喜！上面既蝦係用蒟蒻做，好吸引。米粉夠哂味道！

✨脆皮燕麥奶（中右）🧁
雖然係炸物，但係已經放凍咗，唔會覺得油膩。外脆內軟，正！

經理真係好貼心，見我地２個男仔，好關心我地，又擔心我地夠唔夠飽。咁既價位有超水準既服務，要大讚！😆

推介呢度！估唔到素食都可以有咁多選擇，又新鮮又滿足到自己既口味。呢度感覺好舒服，服務周到，職員都斯文有禮，仲唔洗同人迫添。