鰹烏冬 (駱駝漆大廈第三座)

營業中

休息中

次次心癮起想去鰹烏冬個陣，一係就收左，一係就唔夠烏冬賣🙄咁今日唯有特登來食佢啦🤷🏻‍♀️(終於食倒算唔算我好彩？😅)三文魚醬油烏冬🍜$77咬落去卜卜脆嘅三文魚籽，配埋海帶，蟹籽等幾種配料，非常清爽🥳醬汁唔會太鹹，突顯左三文魚籽入面醬油嘅鮮味🤩真係好岩夏天食架🥶夏一烏冬🥚$50另一個夏日之選💁🏻‍♀️烏冬口感彈牙，撈埋啲蛋黃令每條烏冬都痴倒啲芝麻同紫菜碎👍🏻醬汁方面，呢個比較酸酸甜甜，解暑之外仲好開胃添~🍋骨付雞🍗$35-必食之選👍🏻燒到勁香😌雞脾肉質嫩滑有口感，燒完之後再落七味粉，惹味到爆🤤天婦羅$48🍤炸物唔太油，口感不過不失，而且有平時唔多見嘅多春魚天婦羅，幾特別

近排約朋友行下觀塘，想食下烏冬，見到e間都幾多好評就試下😆之前都試過長沙灣分店。覺得都唔錯。不過係要排下隊。觀塘店開左2個鋪位，唔洗等咁耐都幾好。餐點方面，都同長沙灣分店都差唔多。我同朋友都揀左鰹魚湯白味噌燒烏冬。加左可樂。食落都暖暖地，但唔係好熱果種，湯飲落唔係好濃，淡淡地咁。烏冬食落唔算滑😅有d失望😟但配料都算多嘅。都有幾片牛肉，同竹輪。食得飽嘅，但唔係特別好食。總括黎講，另一分店好食好多☺️起碼即製先🙆🏻‍♀️

🍜要喺香港搵一間自家製手打烏冬而又要好食又要價廉物美絕對係唔容易✨，位於觀塘駱駝漆大廈有一間出名日式小店—鰹烏冬﹗店內約有20-30個座位，但每到lunch hour 同埋晚餐時間都會勁快有好多人排隊，所以大家要快D到門口排隊~ 注意！小店不設預約，同埋要人齊先入得。😊😊😊推薦菜式：骨付雞 配 夏一烏冬味道：🌟🌟🌟🌟價格：🌟🌟🌟🌟環境：🌟🌟🌟服務：🌟🌟🌟*小店會因應唔同季節推出新菜單~ 而海苔烏冬經常好快會賣哂! 所以如果想食既就要早啲嚟🍴烏冬較為硬身粗身，而今次試左夏一烏冬，烏冬配上檸檬及生雞蛋，令到成件事Fresh左💫

=================📍煙韌竹簾烏冬 -- 鰹烏冬🍜💛Bookmark呢間餐廳好耐，店主仲曾經飛到四國拜師學藝整烏冬🙈前排終於試到啦🤤呢到嘅烏冬可以簡凍熱粗幼，本身好想試海苔但賣晒，最後叫咗凍嘅竹簾烏冬🙈配菜都有幾個選擇㗎，detail可以swipe去後面睇下🥰------------------⭐️竹簾烏冬配關東煮（$68）將芝麻、wasabi同薑蓉倒落醬油杯混合，然後將竹簾烏冬沾上醬油食🙈烏冬口感超煙韌彈牙🤤醬油唔會太鹹，而且帶鰹魚香😍關東煮有蘿蔔、菜卷、蒟蒻、獅子狗同雞蛋😻小編最中意菜卷，索咗啲湯好入味，入面仲有豬肉，令味道無咁單調👍其他餸就正正常常🙈-----------------整體嚟講烏冬口感唔錯，有機會會再去試海苔烏冬同好多人大讚嘅骨付雞🙈🤤-----------------賣相：7.6/10味道：7/10性價比：6.9/10回頭率：7/10----------------店舖資料名稱：鰹烏冬地址：觀塘開源道60號駱駝漆大廈3期11樓O室前往方法：觀塘站B出口

其實佢既舖位唔算好大, 不過都坐到好多人, 而且個個食完都會自律咁走, 唔會坐太耐👍🏽 呢間餐廳專食烏冬, 所以可以食到唔同烹調方法既烏冬😌 烏冬可以跟一款小食或者單點都得掛鍋烏冬配關東煮🍢($68)呢個烏冬淨係個賣相已經好吸引, 佢將啲烏冬放左係一個好似浸溫泉既木桶入面, 另外再配埋一個醬汁♨️ 烏冬口感十分煙韌, 點落個加左薑蓉同埋蔥段既醬汁度, 掛曬啲汁好好味😋 重點係佢既醬汁完全唔會過鹹, 因為通常呢啲醬汁都會好鹹😣 關東煮方面都好足料, 有一大舊又甜又腍既白蘿蔔, 爽口既蒟蒻, 超大舊既包菜同埋一隻用醬油煮過既蛋🥚 關東煮既湯幾清甜, 完全唔味精竹簾烏冬(冷)配骨付雞🐓($76)冷烏冬係我其中一個最愛既食法, 烏冬夠曬彈牙爽口, 點埋個醬汁簡直係一流, 好啱夏天食😍 骨付雞都煮得十分入味, 有好香既炭燒味, 仲帶有少少甜味, 肉質鮮嫩多汁, 完全唔”鞋”口, 有驚喜👍🏽夏一烏冬配關冬煮🍜($77)呢個又係另一個食法, 撈烏冬, 其實我覺得烏冬無論點整都一定好食, 真係一樣好神奇既食物😂 呢個烏冬配有大量蔥粒, 少量紫菜絲, 少量白芝麻, 少量薑蓉同埋一隻生蛋🥚 撈埋一齊食好清新

醬油凍烏冬，味道算合格。炸雞肶，油多無味。我食落唔想再食。凍豆腐味道唔錯。雖不是滑口。鏗魚湯粗烏冬，湯味不足，粗烏冬十分有咬口。好似象膠。炸物，食物浸炸粉炸外，全無味道。點炸物醬都是。不過麥茶好飲。

駱駝漆大廈真係好多野睇，今日唔係去行街，係去食super late lunch..... 4:30 唔洗等位，好開心😃。 決定 食 鰹魚清湯烏冬，但配乜就真係好難揀， 關東煮好 定骨附雞 定金菇牛肉卷，樣樣都好好味咁， 最後 揀 金菇牛肉卷，好似站食金菇有助減肥 鰹魚清湯烏冬 - 鰹魚湯好清好好味，烏冬Q彈，好好味，食到最尾果條烏冬 都係QQ彈彈，好好食。金菇牛肉卷 - 煎太乾啦，不過味道唔錯嘅，希望下次會好D

以前返工成日食，自從換咗新工之後就好耐冇食過啦！今日經過觀塘，就走去試吓啦，食佢個雞烏冬下午茶，重溫返舊有嘅味道！但係我都係鍾意食佢個冷烏冬多啲，同埋個原隻雞髀，下午茶雞烏冬冇原隻雞髀同唔冷烏冬咁好食，不過會再食☺️

我朋友行開駱駝漆大廈買嘢佢話有一間主打食手打烏冬好好食嘅咁當然要去試吓啦！今次我哋嗌左個金菇肥牛日月見熱湯烏冬同燒雞髀凍烏冬。首先講吓個金菇肥牛肉熱湯烏冬先，冬菇肥牛有成六件甘多嫁 ！份量非常之足夠！不過個湯底就普通咗少少。 另外個燒雞髀凍烏冬就非常之吸引，上枱嘅時候非常之熱辣辣外皮燒到金黃色，非常香脆而且肉質鮮嫩，加上凍烏冬的一冷一熱口感非常之正！烏冬口感非常彈牙！不愧係手打烏冬真係同平時嗰啲冇得比啊！

放工去左觀塘食手作烏冬，呢間烏冬店係長沙灣都有分店👍🏼星期六晚上7點左右，都已經差唔多坐滿，好彩唔駛點等就有位！一入到去，佢餐牌上面主打烏冬，有湯烏冬同冷烏冬，咁啱佢大烏冬同海苔烏冬賣哂，唯有試最原始嘅烏冬，揀左配天婦羅，而另一份就揀左咖喱熱烏冬配關冬煮加雞髀！一嚟到份冷烏東，啲天婦羅顏色好靚，食落都無油益味！ 佢有冬菇、魚仔、多春魚、茄子，好好食！ 佢炸得卜卜脆但唔乾身，有汁，最好味既係多春魚👍🏼👍🏼👍🏼 配佢個羅白茸汁好清新，天婦羅佢調味唔重，但反而食到食物本身嘅味👍🏼👍🏼👍🏼 而烏冬，煙煙韌韌好好食！好適合鍾意有咬口既烏冬， 配冷麵汁、蔥、薑同芝麻+wasabi，一食就停唔到口咖喱烏冬好似沾麵咁，啲汁掛喺烏冬上面，食落麵好好味，同唔會超咸，唔覺唔覺都會飲咗啲湯👍🏼 佢個關東煮，有雞蛋、羅白（重點）、蔬菜包、蒟蒻，都好大件好足料，最重要係非常入味！！ 羅白有喺日本食嘅感覺佢嘅雞髀，幾乎每枱人都會叫，所以都要等佢整，見到佢好靚好吸引，佢醃得好好味，同埋肉汁好多，雖然要等耐少少，但都ok個人都係鍾意冷烏冬多啲，下次去希望可以試到其他烏冬

觀塘工廠大廈不知從何時起變成了美食天堂，樓上舖得益於較平的租金，間接令食客得益，但此類食店多數都是西餐店。今次找到這間烏冬店，實在難得。餐牌有多種烏冬及主菜配搭。因為和友人都並未來過，各叫了一份烏冬及主菜，意外地吃得格外豐盛。我們叫了 鰹魚湯白味噌鍋仔燒烏冬、廣島牡蠣半湯熱烏冬、金菇牛肉卷 和 天婦羅。鍋燒烏冬配菜很足，有獅子狗、窩蛋、豚肉片、香菇、大葱、昆布等等。味噌湯並沒有偏鹹，以鐵鍋上令人暖在心頭。半湯烏冬有半隻溏心蛋、魚干、漬物、昆布、鳴門卷等。湯頭沒味噌鍋那款複雜，但鰹魚味道更濃。原來廣島牡蠣半湯熱烏冬，是分開上的炸蠔，令我們變成好像叫了三個餸。炸蠔時間控制剛好，內裡濕潤，蠔汁鮮甜。金菇牛肉卷是正常發揮，當然這類店舖不會用上乘牛肉，但牛味尚算濃郁，金菇沒烤過火，也很好吃。天婦羅粉漿不會太厚，有魚蝦蔬菜，各有各的好食。

:🤍2020.04.20 #貓夫婦日式 #貓夫婦遊黃店由於貓生貓太都好鍾意食烏冬所以我地一向都好想搵到一間食烏冬嘅黃店依家終於搵到一間又好食又唔係中資既舖頭🤩💛唔洗再食丸x製麵喇～ 同我地一樣咁鍾意食烏冬嘅記住Mark低佢啦😚.烏冬有熱有凍 可以選擇唔同嘅配菜亦都可以揀要湯烏冬或者撈烏冬仲有幼麵或者粗身（平時見開個隻😋）可以揀 第一次睇佢個Menu真係有選擇困難症😫.1️⃣三文魚籽醬油烏冬 配關東煮 $101👧🏻好好好愛食三文魚籽！份量好夠 好滿足醬油烏冬係無咩湯既 但好夠味 加埋啖啖三文魚籽 正！🤩關東煮湯底正常發揮 配菜都足夠.2️⃣廣島牡蠣半湯烏冬 配味噌焗鯖魚 $141不得不提佢個焗鯖魚好好食 好有驚喜！炸蠔好新鮮 即叫即炸 所以要預返等一段時間🕠👦🏻好鐘意食煙韌既野 呢個烏冬係人手打 真係好煙韌😍.舖頭入面有好多唔同類型嘅文宣 小冊子以我所知觀塘店可以學整手打烏冬相反長沙灣店面積比較細 每逢食飯時間都有好長嘅人龍不設電話訂座 大家想去食嘅話就早啲等位啦🥰大家要留意兩間分店嘅營業時間唔一樣 可以碌到最底睇吓😚.好味指數：🌕🌕🌕🌕🌑窮遊指數：🌕🌕🌕🌑🌑性價比：🌕🌕🌕🌗🌑回頭指數：🌕🌕🌕🌕

✨中女獨食難肥日誌 ✨鏗烏東 一日一黃店challenge 中女撐黃店系列 中女食觀塘你今日撐左黃店未呀？無得去日本，好想食好味烏東，忽然見到有人介紹呢間黃店，即去！好好味呀一定會回頭❤️天婦羅竹簾烏東 $90冷烏東最食到烏東口感，呢度烏東自家製，甚至有班可以上堂學整烏東！烏東非常煙韌，口感好好！天婦羅有五件，脆漿唔過厚，好味！黑胡椒粒拌蛋烏冬 金菇牛肉卷 $88黑胡椒粒同雞蛋撈烏東，味道輕盈，單純食烏東質感，配上濃味既金菇牛肉卷好夾！

店內環境舒適寬敞，但午餐時間都要排隊。木系風格設計，有日本小店的感覺。而且烏冬的種類很多，首先分了凍、熱烏冬，還分了不同味道，由竹簾到烏冬鍋都有。今次試到是最基本款的凍竹簾烏冬 配骨付雞。首先，手打烏冬是香港少有還會自製烏冬的小店。烏冬十分彈牙和口感獨特，不是一般市面上都品嘗到的。即使是幼烏冬都一樣有咬口。而且凍烏冬更加煙靭，天氣開始變熱，清涼口感非適合食。然後是付骨雞，外層香脆，但肉汁仍然能保持到，口感也很嫩滑，醬汁非常入味，不上雞皮有味，雞肉也是充滿香氣香味。雞髀只能用巨型來形容，而且是啖啖肉！天婦羅也是香脆可口。

成日都星期日先黎觀塘 ，次次都食唔到呢間手打烏冬。本來好期待 ，烏冬ok 的，唔太軟身，但又未算彈牙。湯底醬油味略重。食物同價錢ok 的。可以得閒食下，又未算係好回味 。但一入去就掟餐牌落枱，落完單又掟多次張單。俾錢個時又串，立即blacklist 無下次。