鰹烏冬 (駱駝漆大廈第三座)

營業中

休息中

見到網上一直有好多人吹捧，所以嚟試下，畀過兩次機會佢，但感覺都只能夠說係不過不失。兩次都嗌左湯烏冬，如果喺日本食過好味嘅湯烏冬，就會知道就咁一個淨湯嘅烏冬已經係非常之簡單美味，但事實上係好難搵到嘅。佢個湯底冇乜特別，烏冬嘅質地係煙韌嘅，甚至乎係有啲硬度，需要落力咁樣咀嚼先食得到，但最失敗嘅地方係唔知佢淥得太過勁定係點，烏冬嘅表面唔夠爽滑，有少少粉粉地嘅感覺，而且第一次去食，個湯仲係唔夠熱嘅添，所以感覺都一般，除非真係好想食烏冬，同埋嚟開呢頭，如果唔係都唔會特登去食。