馬祖台灣養生湯麵館 (和安里)

營業中

休息中

Office附近原來有d咁養生既食店～🤤點解我一直以來都冇發現到..........又係五點幾六點先放工當然要take away桃膠雞肉養生湯米線～～拎到返屋企都仲係keep到咁熱桃膠當然係女性茲陰恩物米線既配料有雞、雲爾、芫荽其實都好多材料下～～最正係個養生湯真係超多料有紅棗、龍眼乾係勁多！唔怪得個湯咁甜養生湯墨魚卷$30一共有六粒～～飲埋個湯夠晒飽店仔細細😝仲有泡茶～～樽裝飲唔晒仲可以拎走😎

藥膳養生湯農場雞米線🌟🌟🌟🌟🌟藥膳湯真係有藥材，好清甜好味。農場雞都係冇得輸，好滑，啖啖肉。 鍾意養生嘅你一定唔可以錯過🤩用OpenRice俾錢仲有20元優惠，再加埋支付寶可以-1%，真係好抵，可以食到咁高質嘅米線又足料，真係好正！🥰🥰

之前食過幾次，亦都係OpenRice寫過幾次好評，但係今日非常失望。一如既往，係OpenRice叫外賣自取，個app寫15分鐘後攞等，我仲係office坐多陣先去攞外賣。去到岩岩好15分鐘，入去問有冇得攞，門面個女人話：「好似未有wo，你入去睇下台面有冇？」我入到去，張枱全部係未pack好既外賣，個阿姐又忙，於是我等多陣，點知俾門面個女人話：「小姐，未有得攞就出去門口等。」OK，我出去等，見到幾個food panda 送外賣員不停催佢地快d，仲有幾個客係出面等到好唔耐煩，可想而知，大家都應該等左好耐。我等多10分鐘仲未有，我入去再睇，原來，我既外賣已經有，仲有好多外賣pack好哂係枱面，大家on居居係外面等左咁耐，完全冇人叫number......

中環工作的朋友都知道，中午食飯是一艱巨挑戰。首先要排隊，再來是在人來人往的街道移動，未食飯人已燥。 最近跟朋友發現一家位置便利的小店馬祖台灣養生湯麵館，絕對要推薦給各位。味道不錯之餘，冬天食一下養生湯，格外溫暖(當然，副作用是打瞌睡)。店內主打兩款湯，一款是牛肉湯麵，另一款則是藥膳湯。分別試了蟲草花藥膳農場雞米線、墨魚春卷、滷水雞翼、藥膳古早牛肉湯手工麵及自家泡四季春。兩款湯味道色澤都不一樣。藥膳養生湯農場雞米線中金黃色的湯有多種藥材，上面配有紅棗木耳杞子等，味道帶有藥材獨特的甘香味；藥膳古早牛肉湯則是像馬拉肉骨茶的色澤，配上白蘿蔔烹煮，味道香濃。兩款湯麵的湯我們當然一滴不漏的處理完畢。小食滷水雞翼十分厚肉，滷水入味；墨魚春卷及自家泡四季春則正正常常，沒有特別驚喜。個人覺得馬祖台灣養生湯麵館的麵食性價比極高，值得推薦。

朋友介紹我來試呢間主打藥膳湯底米線同飯覺得好特別咁本身我都鍾意藥膳既但唔多餐廳有呢D湯麵點左:藥膳養生湯白菜豬肉餃米線藥膳養生湯墨魚春卷拼白菜豬肉餃米線自家制桂花烏龍冷泡茶自家制四季春冷泡茶麵黎到首先飲一啖湯唔.....其實都濃味既係重藥膳味但就略嫌甜左少少可能有紅祖既關係米線既份量都唔算少食完飲埋個茶係一定夠飽白菜餃就正常啦似係現成既質素至於茶可能本人鍾意冷泡茶覺得幾好幾有茶香而且無糖食到飽飽時至啱呀

上次試完香辣藥膳牛肉湯飯，今次經過中環見到又有分店當然要Encore！🍜香辣藥膳湯墨魚春卷配白菜豬肉餃米線 ($66) (🍚8/10) 推介❗️墨魚春卷彈牙香口有粒粒墨魚粒，白菜豬肉餃較普通，個人覺得牛丸同墨丸更出色！米線滑身軟硬度適中，銅鑼灣分店可以轉做新竹米粉每啖吸哂湯d精華仲好味！湯底配料就見到有杞子同勁多紅棗，就咁睇就知有幾健康！但係食落完全吾會好大陣藥！材！味！反而係好惹味又易入口，飲得出係有好多材料煲成既湯底，不知不覺會飲哂全碗，爽口既雲耳令成碗米線既口感同健康感增加。特別想提既係香辣個隻辣油十分出色，夠辣同食落好香口同一般茶記辣椒油味吾同，似係有特別調較過，令到成個湯底滋味！第2碗係吾辣既版本比大家參考！

今日約左系中環返工的朋友食晚飯，朋友話近排成暐大魚大肉，食到有D膩想食餐清淡D，推仲左呢間近蘭桂芳的藥膳米線鋪朋友極推藥膳湯底，咁我梗系唔執輸試下先小店平日晚市都幾旺場下，雖然去到個陣都八點幾，但系都差唔多滿座，好彩兩個人易搵位<藥膳養生湯花枝丸配豬肉餃子米線 $65>今日唔想食麻油雞，叫左個藥膳湯底的花枝丸同豬肉餃米線豬肉餃無咩特別，同平時系超市買番嚟嘅冇乜分別，不過個湯底真係好好食烏龍茶茶味好夠清清淡淡，都幾清新

早排同朋友已經食過一次，今次再黎食，因為實在太好味啦我叫左一碗麻油藥膳雞湯米線，哇，湯底超級濃郁，充滿藥膳味，而且材料十足，有木耳，紅棗同龍眼肉，味道十分充夠，飲左啲湯覺得好滋保，完全唔覺有味精。另一個重點係啲雞好大件，仲要係滑嫁！係中環能夠食到一個咁平靚正既米線，真係好難得！耐唔耐都會掛住呢個米線，下次又試下其他味先

男友接完我放工之後黎到中環想食下台灣野，見到間叫台灣馬祖既養生藥膳雞專門店，所以就試下餐廳係蘭桂芬附近，空間唔算大，餐廳主打藥膳養生湯雞，有飯同米線提供，我哋揀咗個飯餐同米線.🔻藥膳麻油雞飯味道：7/10價錢：$66麻油雞一捧上枱個時已經聞到濃濃既麻油味，香氣撲鼻。麻油雞肉質幾嫩滑，份量都算幾大份，咁岩仲有隻雞搥，幾好彩，呢下加咗分！不過如果個白飯可以再熱多少少咁就perfect喇～.🔻香辣養生湯台灣直送a級花枝丸米線味道：7/10價錢：$76今次呢個米線叫左中辣，辣得黎幾香，湯底同時亦甜甜地；呢7分主要比呢幾粒花枝丸😋真係好彈牙，好好食，另外米線仲有雲耳同蟲草做配菜！.我地仲叫左餐廳特別推介既冷袍四季春茶，佢包裝得幾靚，飲落去亦好香茶味

係中環食餐晏仔，其實唔難，但難在又要經濟實惠，又食得落口先為之正。呢間馬祖已經想試好耐，但我人又燥底，大熱天時我怕食完標晒汗😅，所以而家初秋就急不及待即去試！12點幾到達唔駛排隊即有位，我點左個藥膳農場醉雞米線(或可以配白飯)，湯底陣陣藥味撲鼻而來，如果喜歡藥膳既朋友，一定連湯都飲埋，份量亦十份足夠！可能藥膳味濃過醉雞味道，所以反而食唔出醉雞特色，不過雞件都算滑，唔會鞋烚烚。呢個價錢…係中環食個午餐算係咁喇！

今天和媽媽來吃一碗貢丸牛丸米線，此餐廳主打是養生湯底的米線，因為我年紀也不小了所以也想試試看藥膳湯底的米線，味道比想像中好呢！牛丸及貢丸不是cheap野，識落彈牙，米線連湯汁也不錯的，以中環來說價錢也不貴，每人$70左右。

開始入秋，補身的時候又到了!調好身子先從飲食開始!朋友說公司附近有一間麵店，用的湯底是養生湯底，大碗又抵吃!點了兩個麵食，蟲草花藥膳蟲草雞及藥膳桃膠濃場雞，先說蟲草花藥膳蟲草雞，湯底一流甜潤，眼看到的有紅棗，湯底很可口，伴菜有雲耳，而雞件非常鮮味，雞味濃郁嫩滑!藥膳桃膠濃場雞，湯底跟前者一樣甜潤可口，還多了補水聖手桃膠，令喉嚨吃後也很舒服!飲品方面，點了自家製桂花烏龍冷泡茶及四季春冷泡茶，兩隻的茶味也同樣濃郁突出，而桂花烏龍就更顯清優，淡淡的桂花味，更勝一籌!

入秋馬祖台灣養生湯麵館 (和安里) 地址: 中環和安里6-7號聯安樓地下及M樓電話: 95880255===================入秋啦，天氣寒寒地，又係進補保持健康架時間，身為中國人都幾信藥饍架。呢間藥湯雞有飯有米線，感覺不錯同見過其他人食後感話唔會有好強勁架藥材味，易入口。主角當然係藥湯雞啦，$65 一個, 個湯帶甜真係唔會有苦架藥味，先飲湯暖下身。雞大大件架，雞件我會另外沾上醬汁配埋飯一齊食，就當成一道餸了，雞肉好趙口$77 牛肉麵都係我心水，台灣菜中有特式，湯煮到咖啡色，濃而不油膩，加上麵條同大塊的牛肉，以此大碗份量確是值得來食$28 3隻老水雞翼，再補多些肉嘛, 甜甜的魯汁淋上飯也很好吃。岩曬想健康但又唔識煲藥湯架人。

陪屋企人覆診後肚餓，所以就係附近食d野先~呢度食台式既湯麵，主打養生藥膳湯底！配料主要分為雞、牛兩類，亦有幾款丸類跟餃子可選：）當天入坐時未夠六點，所以我地只需可5蚊就可以飲到佢地自製既特飲：桂花烏龍冷泡茶；）飲落好清香，好舒服！！！我地要左最classic既藥膳養生走地雞湯～家人配上白飯，我就配上米線！每碗都有四大件嫩滑既雞件，仲有雲耳等配料～湯頭有淡淡既當歸藥材味，味道清甜帶微甘，好易入口！點了花枝丸同雞翼作為小食～ 兩款既味道都唔差！特別係個滷水雞翼，每隻都大大隻，滷得入味但食落依然好juice架！！！！

每次唔想煮晚餐，又想食得健康，就會走黎哩間食❤️馬祖湯麵餐牌主要提供農場雞同牛肉，以各款藥膳養生湯為主，亦有香辣、番茄、麻辣養生湯，可選手工麵、米線、白飯，還可追加小食，飲品種類一好多呢😛我地叫左藥膳麻油雞米線🤩🤩好喜歡哩款湯底😊藥膳湯底有紅棗、當歸、北芪、黨參、杞子等十幾款藥材，材味好香濃🥳配上鮮雞熬左超過5個鐘，所以湯底特別甜美，重點加入咗麻油，令香味大大提升☺️☺️雞件有四大件，份量又足，雞件好嫩滑，肉質爽彈，雞味濃郁，好適合秋冬季節食用呀，滋補一下，感覺更令人暖笠笠呀！藥膳古早牛肉湯手飲😋湯底好濃郁，藥膳味道好香，牛肋肉炆得入味，牛肉有台灣風味，有4大條，好大件又鬆化，份量好足啊，燉得非常淋滑入味🤪蘿蔔清甜原全無渣，仲要勁大舊，真係好滿足😄😄小食嗌左豬肉白菜餃同上湯浸時蔬，白菜餃粒粒都好爆滿，好足料喔❤️ 上湯浸時蔬既湯底好清甜呢🌟冷泡四季春既茶味好出，好啱食完藥膳之後清清嗰口喉😍😍😍馬祖台灣養生湯麵館地址：中環和安里6-7號聯安樓地下及M樓