馬祖台灣養生湯麵館 (和安里)

昨天同朋友在中環行街搵到嚟間店，點咗點小食同面，味道非常不錯，價錢又合理，特別是豆腐軟嫩又入味. 最主要他們的服務態度好，同埋我嘅手機忘記咗，第二日先來搵，都搵到，非常多謝🙏…查看更多

估唔到蘭桂坊附近嘅一條小巷有呢間小店小巷盡頭係人氣珍姐海鮮飯店隔離就有呢間藥膳雞湯店平日12點半到，門口有小人龍，店內坐無虛席原因係價錢親民，食物味道好可謂性價比高湯底有好多：藥膳清雞湯/黑蒜湯/醉雞湯 等等餐牌上有得揀推介餸/自選3餸我揀左鴨血 墨魚卷 同雞件藥膳清雞湯 個湯底藥膳味唔係偏重中藥材個種，入口係大眾比較易接受嘅味道，仲偏甜但個湯飲落係舒服 湯渣有紅棗 杞子鴨血 墨魚卷 正常雞件 兩大件 肉質嫩滑手工拉麵 硬左啲 來貨野但成個組合食落好舒服 暖胃 岩哂入冬時候食仲會有一個骨碗俾客人裝骨呢個細心位加分埋單$67，抵食 推薦大家黎食！…查看更多

喺度食過超過10次,好鍾意個養生藥膳湯,甜甜地唔苦,米線夠煙靭,啲農場雞肉一啲都唔柴,份量夠,龍眼紅棗香甜,基本上每次都叫呢款。整體來講,好味、健康、夠飽。但舖頭比較細,晚餐唔多人唔使等位,推薦附近返工嘅人過嚟試試,或者叫外賣。…查看更多

🍜 黑蒜藥膳農場雞米線 今日試咗呢碗黑蒜藥膳農場雞米線，材料豐富，有蜜棗、木耳、黑蒜、芫茜同雞肉，整體味道好滋潤又暖胃，啱晒秋冬食！🍲 湯底係藥膳湯，帶有淡淡嘅黑蒜香，味道濃郁得嚟唔會太鹹，飲落好舒服。蜜棗帶嚟少少甜味，令湯底更加鮮甜，木耳同芫茜增添咗口感同香氣，整體好有層次。雞肉用咗農場雞，肉質嫩滑，吸收晒藥膳湯嘅精華，食落好入味，一啲都唔嚡。🍜 米線煮得啱啱好，唔會太軟或太硬，吸晒湯底嘅味道，每一啖都好滿足。🌟 呢碗黑蒜藥膳農場雞米線真係好適合秋冬食，湯底滋潤暖胃，材料豐富，雞肉嫩滑，米線彈牙，整體味道好平衡。如果你鍾意藥膳湯或者想食啲暖身嘅嘢，呢個絕對值得一試～ …查看更多

中環嚟講，呢間養生米線價格定位經濟實惠。見好多評論都話侍應態度差，幫佢平反下先。Boxing Day 日晚去食，啲位都已經坐得好full，侍應安排搭枱，好彩都係對住朋友食，空間感都OK嘅。睇定咗嘢食之後搵侍應落單，侍應態度都正常，冇咩特別。🖌️冇熱水提供，一係就買$8礦泉水🖌️冇加一服務🍜藥膳麻油雞米線 HKD68本身叫依個米線係俾佢個麻油味道吸引，米線上嚟後，都有啲失望，因為啲雞冇麻油嗰浸味，懷疑係倒幾滴麻油落碗湯就算。佢個雞湯底算係好好味嘅，不過藥膳味比較淡，整體偏甜。米線好滑，我同朋友碗米線都有雞髀😚😚🍜藥膳桃膠農場雞米線 HKD69平時食桃膠食得多都係甜品嚟，桃膠放米線就好似雲耳咁，爽爽哋冇咩味，冇違和感。個湯底似係一樣，只係多咗桃膠。整體/中環嚟講呢個價算係咁，去開中環想食個快嘅米線，又唔想成日食譚仔可以揀呢間💁🏻‍♀️…查看更多

其實上一次來已經發覺D雞好差，好多雞毛。但真係好鍾意食醉雞麵，所以又再來。呀姐態度一如以往地差😂叫唔該落單，喝返你叫你等陣但小店冇所謂啦但食食下，發現有舊雞入邊係生的🥲仲有舊條毛又黑又粗但湯底係好好飲的如果再嚟可能唔會再叫雞肉相關…查看更多

嚟到中環，同班朋友想食台灣嘢做晚餐，誤打誤撞搵到呢間，行到和安里口，仲以為自己行錯路，要行入啲先見到間鋪。嘢食價錢以中環嚟講算幾抵食我哋三個人，一人叫咗一個唔同味一個食醉雞一個食蟲草花藥膳一個食麻油雞醉雞有酒味藥膳重紅棗味麻油雞有麻油味真材實料餐牌寫用農場雞食得出雞味同埋有走地雞口感最令人覺得驚喜係個白飯竟然用珍珠米唔係一般出面食嘅絲苗食得出米味撈埋啲飯，做湯飯湯飯份量比例啱啱好下次可以再嚟encore😋…查看更多

𐂂 朋友推薦一間主打健康養生湯麵，就在珍姐海鮮飯店旁邊。⸜♡⸝樓高兩層，座位安排較擠逼，午餐時間非常繁忙，是要搭枱吃！｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼藥膳麻油雞米線🍜 $68湯底清甜、重紅棗味，份量足，但雞肉有點柴口，配料很養生，是紅棗和木耳，有時候很需要吃清淡些～✎ ̼藥膳麻油雞手工麵🍜 $78麵底比米線更多些，口感是更帶嚼口。✎ ̼藥膳桃膠農場雞飯$69桃膠洗得乾淨而爽彈！白飯超大碗，建議點單前要少飯！…查看更多

中午路過被門外招牌圖片所吸引 想吃麵了 於是跟朋友一起來試一下藥膳農場醉雞很一大碗 雞肉顏色黃色的 口感有點像海南雞的味道 湯底是很香濃的藥膳和紅棗香味 搭配米線 很好吃😋香辣藥膳牛肉湯👍🏻份量很足 超大塊牛肉🤣 湯底味道不錯 牛肉味足 不是放辣椒的辣 而是整個湯底都是熬出來的味道 辣味融入其中 又香又辣的感覺 搭配手麵條 太讚了👍🏻 為此可以吃完一整碗🤭還有很多小食可以搭配 但是這個湯麵的份量已經足夠了 吃的很滿足 而且沒有加一 下次會再來～😋…查看更多

📍中環 - 【馬祖台灣養生湯麵館 (和安里)】中環和安里6-7號聯安樓地舖及M樓⁡返工lunch間唔中都會過嚟食，上菜速度夠快，order完5分鐘內就有得食🙈同埋喺中環嚟講佢都算比較平，$70～80左右。⁡最多人推介「蟲草花藥膳農場雞米線」，不過自己出街都盡量少食雞，我就揀咗「藥膳養生湯白菜豬肉餃米線」食，一嚟到首先飲一啖藥膳湯，一飲～嘩～甜甜地，好好飲😍我好中意，裡面有紅棗、杞子、木耳、圓肉，感覺非常之養生🙈白菜豬肉餃有六粒，餡料味道都OK，皮唔會太厚，配埋個藥膳湯，好開胃。⁡間唔中lunch嚟食都唔錯，好食又養生👍🏻⁡⁡…查看更多

平時食晏晝我都會揀呢一間，因為佢上菜速度好快同埋價錢真係中環食午餐最平嘅一間。人頭平均$70就識到一個午餐喺中環都幾罕見。我推介嘅食物係佢嘅藥膳米線加雞：呢度嗰個藥膳湯底係好甜嘅，因為入邊落咗好多紅棗，同平時出邊啲藥膳米線唔太一樣。米線入邊嘅雞件非常新鮮，亦都好嫩滑，唔會好鞋。米線量有啲多，如果食唔到咁多嘅話記住要叫少米線。另一個推介係佢嘅藥膳米線加墨魚春卷同埋餃子：佢個墨魚春卷好彈牙，也有腐皮包喺出邊，吸埋啲藥膳湯底真係好好食，而且佢個餃子味道都10分好，入邊嘅肉同菜包得好好食。唯一嘅負評就係呢度冇水同埋冇飲品，只能加錢飲頗貴的一瓶瓶的冷泡茶- 如果佢有得跟餐加飲品就會好啲。…查看更多

星期六下午兩點諗住食lunch ，menu 單一，清一色藥膳湯底，碗都係幾粒杞子同十零粒切半紅棗，估佢應該係雞湯溝出嚟，唔緊要啦，試下醉雞米線。🥢養生藥膳醉雞米線 $69冇其他圖咁靚架，實圖係咁。木耳幾件，雞胸兩件、小雞脾一件、上雞脾一件，米線，加一汁芫茜，冇啦。問侍應有冇清水一杯，佢話冇架，礦泉水$8枝，原來其他飲品都大致係紙包，咁我就算啦。米線正常，醉雞冇乜酒味，雞胸肉厚肉但好鞋，雞脾位都麻麻地嫩滑，雞皮有陣怪味冇食。雞湯飲得嘅，唔算油，但冇乜藥膳味。呢個價錢我去譚仔餐廳，可以嗌幾個小食仲有嘢飲又食得飽，完全係伏。建議去其他地方食雞，水都冇杯，就得呢碗嘢。…查看更多

🍜香辣養生湯農場雞米線 $68雞肉滑，好多舊仲有雞翼，大大碗足料，多紅棗仲有杞子木耳，夠哂養生，湯甜甜地😝，揀左少辣，但加左啲辣油系湯，個人建議叫返淨雞湯唔好揀辣會影響左湯既味道😆.✨上層仲有位，上菜快，多人排隊或等外賣，好彩等左唔系好奈就有位…查看更多

以前返工lunch 成日食，搬 office 幾個月後特登行遠D返嚟食，個湯仲係一樣味，不過好油，用匙羹撇咗幾次都仲有浸油係度。雞俾得少咗，不過而家生意難做都明白嘅。雞肉嘅厚肉位完全唔入味，亦無之前嘅嫩滑，而薄肉位置入唔入味我就唔知了，因為隻雞翼(如圖)啲雞毛咁樣樣，真係食唔落。 至於服務，原本外場最多見過三個人，到另外一枱嘅小姐埋單時，個外場可以完全冇人，小姐企咗喺度呆等俾錢。…查看更多

中環除咗一啲大型連鎖嘅米線鋪，選擇都唔係話好多，呢間主打台灣藥膳米線鋪都係我同同事們keep住會幫襯嘅米線鋪嚟🥰🥩藥膳古早牛肉湯（米線）（$75）藥膳湯底有好濃郁嘅藥材味同牛味，一啖湯一啖米線唔覺唔覺就飲左好多嘅湯🫣不過都唔會覺得解渴👍🏻而佢嘅牛肉都唔會話好韌，亦吸晒啲藥膳湯底嘅味☺️ 不過個人覺得佢啲牛切得比較大舊，細舊番小小就perfect喇！🥟香辣養生湯 白茶豬肉餃米線（$66）香辣養生湯同事嗌左小辣，湯底味道就不過不失啦！不過失望嘅係餃子，個人覺得係同平時屋企食嘅冰鮮餃子差唔多😕額外一題，食藥膳湯底嘅米線成日食完成身都會好暖，如果餐廳冷氣可以大啲就好喇🫣評分：⭐️⭐️⭐️/5人均：~$80-$100…查看更多