馬祖台灣養生湯麵館 (和安里)

營業中

休息中

#籣桂坊台灣美食 #藥膳養生湯麵 #養顏桃膠 #農場雞香港人平時返工咁辛苦，而家連唯一去旅行放鬆下嘅機會都冇，日子真的很難過。好彩香港係美食天堂🌈，想食乜野國家嘅菜都有。今次就約埋朋友去食「馬祖台灣養生湯麵館」。我最鍾意健康美食，呢度供應的全部都係藥膳養生湯底，啱晒我，好滋補😌。一坐低我已睇中<藥膳桃膠農場雞飯>，湯底好甘甜散發陣陣藥材香味，忍唔住不停飲😋😋。原來湯底用咗十幾款藥材，紅棗、當歸、北芪、黨參、杞子等，每天新鮮熬製超過5小時，唔怪得味道咁香濃，送飯一流👍🏻。加上有得食養顏桃膠嘅湯麵店真係唔多，幾有特色💕。一碗湯麵價錢唔算貴，份量多又好足料，抵食！另外自家製四季春冷泡茶幾好飲，清香解暑，啱晒呢個天氣飲❤️。

餐廳在中環中心地帶，位於蘭桂坊的一條橫巷(和安里)，米線大碗又好食，價廉物美。餐廳冷氣開得好足，係炎炎夏日黎講真係好正好醒神，員工有善有禮貌😳👍🏼。.🍲蟲草花藥膳農場雞米線💲67湯底真係好養生好滋陰😍，落左桂圓、紅棗、蟲草花、木耳，仲有4件雞件，全部都好嫩滑彈牙又好有雞味😋，用料一啲都唔馬虎，湯底濃郁到米線索水索到變了深色🤤，最尾食哂啲米線仲飲左好多啖湯底😆👍🏼。.🍲黑蒜藥膳農場雞白飯💲68黑蒜藥膳湯底既味道有啲似食拉麵既黑蒜醬油，聞落去同食落都好香好吸引，湯底濃郁又惹味。.🥟上湯白菜豬肉餃💲28豬肉餃皮薄餡靚👍🏼，一碗有5隻餃子，超抵食。.冷泡桂花烏龍茶💲15大支健康又無糖。.Tempo 紙巾💲3餐廳冇廁巾供應，現場購買3蚊包@@。

明白進入餐廳需要強制量度體溫但服務員告知必需低於36.8度才可進入。（ 服務員表示是公司規定）。當時體溫議顯示36.9度所以不准進入。而且當晚男性服務員沒有任何禮貌, 我們一進店就拿起體溫議指向我們額頭沒有出過一句聲，其實被他的行為嚇了一跳，因為一般都會先知會一聲。一直很喜歡這間店， 雖然今次被服務員拒絕進內用餐，希望店主可以檢視一下人體正常體溫範圍再作出修正 ，以及給服務員一點培訓。

今日去左中環閒逛，見到有間馬祖台灣養生湯麵館，主打藥膳養生湯底，環境簡潔企理，試試先~餐牌以各款藥膳養生湯為主，亦設香辣養生湯，設三個辣度，可選手工麵/米線/白飯。可追加小食，而飲品種類頗多。藥膳養生湯農場雞 HK$65加左HK$10轉手工麵，麵條較粗身，彈牙有咬口，湯頭回甘香濃，飲落有淡淡當歸味，仲有大量紅棗、杞子、圓肉等，好足料，啖啖清甜滋補!農場雞件質感滑嫩，啖啖肉夠哂滿足。藥膳古早牛肉湯HK$75手工麵口感爽滑煙韌富嚼勁，湯底醇厚濃郁夾雜藥膳香，牛肉炆得入味，口感軟腍，蘿蔔清甜無渣，實在有驚喜。滷水雞翼 HK$39/5隻滷得入味，香味濃郁，肉質嫩滑，味道富層次。自家製桂花烏龍冷泡茶 下午茶送HK$10內飲品，超過補返差價就得，呢支自家製冷泡茶加HK$5就有~清香典雅烏龍茶夾雜清新芳馥桂花，順口溫潤。自家製四季春冷泡茶香氣清逸，帶綠茶清香，甘甜易入喉。

今次約咗個在中環返工嘅朋友去食台灣麵睇到養生，已經即刻好想試😍我哋兩位叫咗👇🏻🌟香辣膳牛肉湯(手工麵，小辣，走芜茜)牛肉好諗好入味，蘿蔔好甜無咋，手工麵吸收曬個湯底，份量好大👍🏻👍🏻👍🏻👍🏻👍🏻🌟鹵水翼(3隻)，好入味☺️🌟麻辣白菜豬肉餃，辣味適中😋🌟上湯杞枝丸(6粒)，彈牙爽口☄️🌟上湯墨魚春卷(6粒)，個湯頭都係藥膳架🤩🌟Nescafe冷萃咖啡飲料雲石牛奶😊

入到黎呢間小店，座位唔多，不過感覺好舒服☺️桃膠湯麵第一次見。點佐個藥膳桃膠農場雞手工麵同自家製桂花烏龍冷泡茶。‘藥膳桃膠農場雞手工麵’ 飲第一啖湯好有驚喜，湯底好甜而且有雞味，忍唔住繼續飲。另外雖然係藥膳，但係唔似馬來西亞肉骨茶咁好大陣藥材味。d 桃膠好QQ 有咬口🤪，d 雞啖啖肉😋，仲有個手工麵好彈牙😍‘自家製桂花烏龍冷泡茶’好中意個茶💓個樽好靚。桂花既幽香配埋烏龍茶好夾。再講多次，💖個樽好靚好中意💗Overall 黎講，呢餐好滿意🥰。 d 野好食又養生。而且價錢方面係物有所值👍🏻碗野份量比較足料，建議女士們可以叫少麵😉

今日星期六難得有假放，决定同朋友出街，去中環舊區行下影下相輕鬆一下。行行下見到有間台灣養生湯麵館，望望餐牌好似都幾吸引，於是乎就決定入去坐低，食返個休閒午餐🥣。湯麵館主打養生湯同埋藥膳，大部份餐都可以配手打麵、米線同埋飯仲有各款不同小食。朋友同我就一人叫左一個湯米線。朋友食藥膳養生湯農場雞米線，飲罐裝檸檬茶。本人就食藥膳古早牛肉湯米線，飲荔枝烏龍茶，另外我地仲叫左個滷水雞翼（五隻）。上餐速度都相當快，可能鋪頭當時客人唔算多。食物賣相相當唔錯，無論雞肉或者牛肉都大大嚿,對於食肉獸黎講相當吸引，但湯底方面望落就比較油。而味道方面呢，湯底味道偏鹹，同望落一樣比較油膩，藥材味亦都唔算突出，以主打藥膳來講比較遜色。米線方面相當彈牙，係本人鍾意嘅口感。雞肉食落口亦都比較滑，而牛肉就係普遍台灣滷水牛肉味，滷得入味肉質腍滑唔會打渣。最令人喜出望外嘅就係個小食-滷水雞翼，入味之餘雞肉嫩滑，非常好食。價錢方面以鋪頭係中環呢個地理位置來講都唔算貴，加埋都係食咗$199。但舖頭位置唔算寬躺，坐滿人客都係20位左右。座位尚算舒適，都適合情侶或者三五知己吹吹水。總括黎講，都算係食咗個愉快午餐！！😁😁

今日去中環食飯，見天氣開始又濕又熱，想試下有藥膳又保健嘅食物，我同朋友便去試一試這一間藥膳麵舖，菜單入邊 面有好多選擇，主要是農場雞和牛肉米線，主打是養生湯， 價錢比較相對中等，亦都唔算太貴，中中間間但又食到養生功效既店鋪實屬不多，我叫了一碟藥膳農場雞米線， 農場雞米線湯很濃， 食落去又一大浸淡淡嘅藥味，感覺上食落都比較健康雞望落去同咬口都比較滑同光身，質地無好粗身感覺，同埋面嘅份量呢都比較多，而我朋友叫了一碟牛肉麵， 牛肉質地好厚但又好淋身，唔錯唔錯，如果大家中環番工，大家可以一試，又養生又健康

平日返工食晏經過小店，都見到很多上班一族來食吃飯，全因為餐廳的藥膳湯底。招牌藥膳農場雞米線，湯底用十幾款藥材和配料。散發陣陣藥材香，味道香濃帶甜。餐廳環境乾淨舒服，好清新簡單既裝修風格。黑蒜藥膳農場雞米線:黑蒜超高的營養價值，具有抗氧化、抗酸化的功效，而且味道仲好香😍雞肉好滑！好嫩！好好味，送餐時會附上個碗比客人裝骨頭，非常細心。藥膳養生湯花枝丸拼福戍貢: 湯底有桂圓同埋紅棗，感覺好滋補。貢丸同花枝丸都好正宗，肉質彈牙，真係同一般喺凍肉舖買嘅丸差好遠口感。😍自家製桂花烏龍冷泡茶 :烏龍茶味香甜，清暑消熱。💕

米線我就食得多，作為「資深米線控」，港九新界嘅米線店都會去嘗試，而中環蘭桂坊呢間專食藥膳農場雞米線就真係百試不厭！食客之間保持距離是Fu已經成為常態，酒精搓手液同口罩膠袋或紙袋都係好體現到餐廳對食客嘅誠意👍🏼藥膳桃膠農場雞米線（$67）雞肉嫩滑不在話下，桃膠分量非常多，淡淡雞湯同桃膠真係好滿足好養顏。🤗🤗🤗😘湯底見到有杞子紅棗同圓肉，無論男女老幼都好補身！另外一大特色就係藥膳醉雞米線（$67）份量又係好大碗，酒香濃郁，就算唔食晒個米線飲晒啲湯都好滿足😆😆😆😆啱曬D酒鬼（依家無得去酒吧不如用酒養生下啦哈哈）同朋友分享通常都會叫多幾個小食。呢個墨魚春卷$30有六條都係一個唔錯嘅選擇，墨魚春卷好彈牙，內裏咬到粒粒墨魚肉。 叫埋個菜就差不多啦（$22）似乎所有湯底都係雞湯喎！

大環境惡劣，更加應該支持小店，今晚去「馬祖」吃養生湯麵，喜歡湯頭真材實料而沒有霸氣的藥材味，而且味道帶甜，我的藥膳桃膠農場雞手工麵滋陰味佳，$77/碗吃至飽飽，物有所值！藥膳湯麵在台灣頗普遍，濃郁藥材味是賣點，但香港人多燥底，亦受不了那種霸氣藥材芬芳，而且習慣浄飲湯，所以唔多見有食肆做。我卻很喜歡，發現了這家「馬袓台灣養生湯麵館」之後，來過兩次。湯飯湯麵選擇十多款，主打農場雞湯，配搭不同養生材料，例如蟲草花、桃膠，牛肉湯頭兩款，亦可選擇餃子、貢丸等。不過，相信主湯頭是一樣的，也許加了杞子，味道是甜甜的，濃郁但藥材味淡，容易接受且可口。藥膳桃膠農場雞手工麵 $77加了不少桃膠，添加滑溜口感，雞肉嫩滑，不過本地雞雞味淡，不及台灣的走地雞出色。喜歡手工麵，台灣風格，粗而扁，潤滑柔韌有力。藥膳古早牛肉湯 $75牛肉湯色澤深色，味道同樣帶甜，非常清，味寡唔算香，但作為湯水飲適合。大大件的牛肉煮至腍嫩入味。兩款比較，同伴喜歡味更濃的牛肉湯，而我認為雞湯勝。上湯福戊貢丸 $30水準符合期望，配上養生湯頭，性價比高。上湯浸時蔬 $22養生湯頭配新鮮生菜，沒有投訴。份量足，價錢相宜，中環區難得找到的親民

呢度既養身湯麵，我間中都會去食，今日收咗工同朋友又去食，閒時食吓養生麵........👏👏次次想飲呢度自家制既冷泡茶都賣晒，今日終於飲到😋四季春茶——茶夠香，飲落有點像鐵觀音味道，又香又濃郁清新感覺😊桂花烏龍茶—-好香濃桂花味，喝下又香又像有清新香桃的味道⋯⋯好喝又健康的冷泡茶香辣湯花枝丸拼貢丸米線—-小小辣的藥膳湯暖胃帶清甜，花枝丸爽口彈牙，貢丸香濃冬菇🍄的豬肉，爽口彈牙，藥膳蟲草花農場雞湯米線—-清甜的蟲草花雞湯濃郁藥材昧道，雞肉鮮嫰肉滑，食包包米線之後又飲哂D靚湯⋯⋯😋上湯墨魚春卷——小食墨魚春卷，湯入面滿滿紅棗，芫茜，甜甜的湯😋😋😋時刻都保持到水準，所以閒時都要間中養生又養心黎昵度食吓養生藥膳湯麵........👍😋

依家啲餐廳防疫工作都做得好足！呢一間係廳仲俾埋口罩袋，好貼心！餐廳入邊食物嘅種類唔多，但全部都係一啲養生嘅湯麵。餐廳亦都有好多嘅提醒，確保餐廳嘅衛生。朋友帶咗呢個湯麵入邊有春卷、水餃等等，亦都有木耳、杞子養生嘅食材。啲春卷有四條咁多食落口，好有口感。水餃入邊啲料都好足而我嗌左雞翼同埋雞飯，啲雞都好入味好香嘅杞子味！啲飯多到我都食唔晒！啲雞翼都有五隻咁多，啲雞翼雞肉都好嫩滑！下次去中環都應該會繼續食！

很久沒有去台灣旅遊，非常想念台式食品，今天便來到中環的台灣麵店。香辣藥膳牛肉麵$77 ，手工麵是粗身的麵條，麵質爽口彈牙，藥膳湯底，味道清甜，辣度適中，牛肉採用了牛腩條，軟腍入味，整體都是中上之選，如果湯頭濃度減輕些更好。藥膳農場醉雞配白飯$67，雞件肉質鮮嫩，雞味十足，而藥膳醉雞湯底的藥材味道濃郁，放白飯在湯內，味道更佳。上湯福戍貢丸六粒$30，貢丸是正宗台式貢丸，肉質彈牙，味道鮮甜可口。自家製桂花烏龍冷泡茶$15 ，烏龍茶味香甜。

今日在中環買了少少日用品後打算吃過簡餐就回家了途經這一間小店，想起自己很久沒有吃米線就去了試試這間餐廳風格是台灣菜，招牌是養生湯底 感覺相當健康一碗米線大概60多元，有10多款選擇自己就選了黑蒜藥膳農場雞$68要了米線朋友則叫了個藥膳古早牛肉湯$75要了米飯飲品叫了自家製桂花烏龍冷泡茶和自家製四季春冷泡茶在加了一個滷水雞翼小吃 $28十分豐富菜式很快到來 湯底味道足料 聞起來也是濃濃的雞湯味道雞件大件 還有紅棗 木耳等等相當豐富朋友的牛肉湯麵牛腩大大件10分好吃 湯底也是非常濃烈偏甜 不錯吃雞翼作為小吃也相當不錯飲品清涼很好喝加起來每人也只是$100性價比十足！