馬祖台灣養生湯麵館 (和安里)

營業中

休息中

今日約咗朋友去中環食晏，佢提議嚟和安里呢間「馬祖台灣養生湯麵館」。之前幫襯過銅鑼灣登龍街新店買外賣，如果唔係朋友提起，都差啲唔記得咗佢中環都有分店添。舖面細細，座位唔多，不過都坐得幾舒服，環境乾淨企理。點咗一個飯同一碗米線，另外再加咗兩客小食同飲品。藥膳養生湯台灣花枝丸拼福茂貢丸米線率先送上，湯底用上雞殼再加十多種藥材熬製，味道非常香甜，每一口都散發著濃濃的藥材香氣。花枝丸彈牙又爽口；貢丸Ｑ彈爽脆，肉質充滿纖維感。米線索滿湯汁，味道濃郁突出，夾埋丸子一齊食，口感好豐富。蟲草花藥膳農場雞白飯亦相當有水準，湯底除了用藥材同雞殼熬製外，仲加入咗蟲草花。蟲草花性質平和、不寒不燥，配埋個藥膳湯底，滋補又養生。雞件雖然係用冰鮮雞炮製，但肉質嫩滑，充滿鮮甜雞味。小食點了滷水雞翼 同 上湯白菜豬肉餃，雞翼唔算好大隻，但滷得非常入味，質感嫩滑有肉汁。餃子亦值得推介，餃皮厚薄適中，餡料飽滿，豬肉味道頗香，而且肉味夠濃又不死鹹，每一口都超 Juicy，十分抵讚。飲品選擇都幾多，除咗罐裝烏龍茶、薑母茶、牛蒡茶等之外，更有兩款自家製嘅冷泡茶供應。食完飯我哋仲傾咗一陣偈先走，店員亦沒有催促我哋埋單，服務頗不錯。

去完新開張既donki,再去揾野食，行到去和安里見再有間馬祖台灣麵，仲要係養生系列，岩哂而家入秋既天氣，真係要補補身呀！menu1-12款飯麵食，叫左份香辣養生湯墨魚春卷拼白菜豬肉餃米線，湯底配上勁多滋潤養生既料令到個湯底好天然甜！大量既紅棗，杞子令到個湯底好出色，餘韻帶點辣勁！都幾惹味呀。墨魚春卷好爽彈既感覺，還有少材墨魚碎粒在內，變得更有口感！qq彈彈好正，而白菜豬肉餃個外皮唔會過厚！內面既餡都幾足料又入味！米線份量十中幾多！好夠食。藥膳古早牛肉湯手工麵，手工麵不得不提，食起來更有層次感更加彈牙感！牛腩幾香濃又入味！唔乾身，幾正。冷泡桂花烏龍茶，非常清香又清甜，好解渴，必叫！店員服務都幾友善，更加加分！

大大碗 熱辣辣 健康養生手工麵～～～最近wfh很久 好耐都冇喺中環返工 今日去為咗睇新donki 特登過黎一趟 行完Donki之後 我哋就嚟咗蘭桂坊呢邊搵嘢食 最後睇黎睇去 都係想食健康啲 所以就黎咗馬祖 ～～～我哋大概八點幾嚟到 依然非常多人 等咗5-10分鐘左右先有檯 睇完餐牌 我地就迅速地選了兩個麵 一個菜 和兩個飲品～～～藥膳古早牛肉湯手工麵：彈牙嘅手工麵 配搭粉嫩嘅藥膳古早牛肉 久遺的味道讓人吃得非常懷念 甜甜的湯底 熱辣辣的麵條 整個配搭都是天衣無縫的 而且這次來吃 感覺整個份量都比上次多了～～～桃膠農場雞米線：桃膠份量超級多 農場雞塊也是大大塊的 還有雞腿🍗的部分 嫩嫩的 非常好吃 米線盡吸收湯底的精華 每一條都是那麼的入味 香甜 而且那個甜味 還是天然的 不是糖 而且 紅棗和桂圓肉的甜味 超級健康 特別適合女生補身體吃～～～然後他們連菜都是用藥膳湯泡著 讓菜變得很美味 連我這個不愛吃菜的人也很愛吃他們的菜～～～最後呢 飲料方面 我們叫了雀巢冷萃咖啡雲石牛奶和牛蒡茶 一個提神 一個解膩 兩個都非常好喝 是忙碌又愛瘦身的中環上班族的飲料好選擇～～～推薦度：🔥🔥🔥🔥🔥🔥🔥🔥🔥

嘩！ 呢間馬祖成為我既午膳飯堂！🥰🥰我本身好鐘意藥膳味道，之前食過農米莊覺得幾好味，食完呢間之後發覺呢間仲好味！相對而言，農米莊味精重啲。而且中環搵食黎講，價錢算好抵！ 所以午飯時間都好多人排隊～ 坐得有點迫😅蟲草花藥膳農場雞米線🍜藥膳麻油雞米線🍜價錢大約$60-70幾一碗，但係大大碗，似有一份半米線份量🤔。佢既藥膳湯底好清，有啲紅棗粒，唔覺好多味精；米線彈牙（最驚食淋哂果種😆）; 農場雞幾滑，一碗都有4-5件！每次都食到湯底都清埋！👍🏼🤤 *原來麻油雞都係農場雞，只係後加啲麻油落湯底度😅店員好有禮貌，服務態度好好～👍🏼👏🏻

因為桃膠所以被吸引了🤎·藥膳桃膠養場雞米線用藥膳做湯底 配上紅棗雲耳 雞仲好滑身 桃膠好咬口 個湯飲落好清甜 好滋補🤎仲有芫荽係面 正💚·香辣藥膳牛肉湯米線有3款辣度可以揀個湯底好香濃牛肉味 蘿蔔索哂個牛肉湯 好林仲好甜 牛肉都好大舊肉質林 愛牛者必食·上湯白菜豬肉餃🥬見到有水餃 點可以唔叫黎食下先講湯底 有紅棗杞子 成個湯飲落去同麵既湯底完全唔同 直程係燉湯咁呢個我真係好鍾意♥️個白菜豬肉餃好足料好入味 唔怪得咁多人點佢啦🥟

第一次試係外賣自取 因為距離office有啲遠一打開勁靚仔 個湯好有紅棗嘅甜味 藥味得少少 但係係好食嘅 雞唔會老 幾大舊多肉 雲耳大塊 蟲草花個份量都夠 下次會去堂食🤤唯一唔好就係㨂走餐具冇走到😐

去中環搵野食，第一個感覺就係貴，想搵d平靚正真係要比心機尋找，老蘭範圍原來都有。可惜店面唔算大，繁忙時間都要等下位。藥饍我本人不嬲中意，但香港做得好既唔多，尼間首先唔貴，價錢幾十蚊碗，有雞有面，藥材足料，湯夠香。我叫左碗香辣養生湯農場雞米線，d雞好滑，夠大件，啖啖肉，唔中意雞既朋友叫餃子都唔錯。湯頭先介紹過，佢裡面仲有d木耳，杞子紅棗，超養生，食完碗麵唔知係咪藥材關係，成個人暖粒粒，不過夏天食就好熱 lol

第一次食呢間野，去到叫外賣，唔係好多人，等5-10分鐘就食得，叫左藥膳雞米線，非常好食，米線夠淋，雞有4舊，一樣夠淋一d都唔老，重點係個湯，非常鮮甜，好足料，有紅棗桂圓妃子，食到一半已經feel到個人熱熱地，好補，如果係冬天仲正，下次一定會再幫襯。

🇭🇰馬祖台灣養生湯麵館·我成日都feel like食啲有湯既野 呢次就試左呢個養生湯麵 都幾驚喜😍😍我原本以為佢會係比較淡啲既 點知完全唔會 食落超舒服 係可以encore嘅粉麵🤤·蟲草花藥膳農場雞米線 $67佢一擺上枱嘅時候係好大浸藥材味 我仲以為自己會唔鍾意🙊但係食落其實係滋補味重啲 唔算太重藥材 唔好俾佢嚇親🤣佢啲米線都幾好食 而且啲雞好嫩 整體都唔錯😋😋·藥膳上湯墨魚春卷（6粒） $30呢個我自己幾鍾意 佢個質感幾好 而且中間有啲墨魚肉 口感幾好不過佢係似韓式嗰種魚餅咁既 所以比較粉 我男朋友就麻麻哋啦🤭😂😂·#rbyeat#rby台灣菜#rby中環 #rby天后 #rby荃灣·📍中環和安里6-7號聯安樓地下及M樓📍天后留仙街3號雅景樓地下B號舖📍荃灣大河道100號海之戀商場地下G03號舖

馬祖台灣養生湯麵館中環和安里6號地下及閣樓對於每餐都差唔多要靠外出佞飯, 其實出街食多油同調味, 食得多都唔係咁健康。夏天又熱無乜胃口, 加上呢排又小做運動. 因為公園GYM ROOM 等等都關閉了一個月, 身體除了差了, 仲肥左唔小。晚餐一於搵健康清淡架,$67 蟲草花藥湯農場雞, 可跟飯或麵, 要了飯啦!蟲草花是橙色一條條長身, 食落都幾爽口而且有豐富 AMINO ACID。個湯帶陣陣淡藥香, 甘而不苦易入, 仲幾好飲添不過好甜落了好多糖, 成本一定比普通湯高, 有誠意。可以加小小飯變成湯飯吃, 雞都幾好食, 大約有3-4件雞件塊 吸了點藥湯味。 追加上湯時蔬$22, 始終外食男一問題就係小菜, 攪到肚谷谷, 盡力食返多D FIBER, 我唔想老左過多十年8年照腸出事架!!現代人飲食想健康, 不妨食碗藥湯啦。幾時飲都咁滋補, 有肉有菜一餐都唔洗一百。

今日要陪女皇大人要出中環整d文件野~~~整完都差唔多兩點，所以就即刻睇下附近有咩醫肚經過見到之前朋友話過呢間餐店既湯麵味道唔錯，主打養生湯底既麵線！！養生湯好岩女皇大人既口味，所以就決定一訪呢位馬祖(台灣養生湯麵店)啦餐單上見到有不同口味配搭既藥膳湯底，除左可以配上米線麵條外，亦可配上白飯呢日我地每人揀左款米線，加左個小食一齊分享我揀左既係“藥膳古早牛肉米線”HKd$75超大既一碗，份量好多！！！有四大塊牛肋肉，滷得好入味仲有無渣味甜既白蘿蔔米線掛湯既同時都可以保留應有既爽度女皇大人話佢既“藥膳養生湯農場雞米線”HKd$65都唔錯小食要左一份“藥膳上湯墨魚春卷”HKd$30，一份有六件，湯頭較清，但都飲得出藥材味我地仲每人要左一枝“冷泡桂花烏龍茶”HKd$15添

響我眼中 👁近乎係完美 😍超合口味米線 🍜台灣藥膳養生湯 🍲從未見我如此讚嘆 🤭約咗好耐終於有機會 🤤話說年紀大真係要進補 🥴本身聽到藥膳有啲驚味濃 😬如果勁大藥材味未必鍾意食 🤔做過資料蒐集之後發覺唔係咁 🤩即刻約我好姊妹一齊挑戰新口味 🥰有我鍾意嘅蟲草花同寶寶嘅黑蒜油 🧄先講我個清甜蟲草花藥膳農場雞米線 🤗無睇錯我個湯真係甜㗎所以先話啱哂我 😂食落滋潤但又無苦澀藥材味米線索湯彈牙 👍🏻加上滑得泥結實嘅農場雞雞肉成個無處挑剔 👏🏻想要更香更濃嘅朋友仔可以揀黑蒜麻油或香辣 🌶寶寶果碗無咁清甜但多咗份濃郁香蒜味道同油香 ☺️ 當初低估咗份量又高估咗大家嘅胃口叫咗兩個小食 🙄麻辣白菜豬肉餃同藥膳上湯墨魚春卷每份唔洗三十蚊 🥟不過下次再來相信我連小食都唔洗叫因為飲湯已經滿足 🤪最後想提一提大家不妨試吓佢個清香解膩嘅自家製冷泡茶 🍵馬祖台灣養生湯麵館：中環和安里6-7號聯安樓地下及M樓

一直想試藥膳湯米線 今日就同阿媽黎左中環呢間馬祖試下位置唔算太高 都好易搵價錢合理環境舒適阿媽叫左桃膠藥膳雞湯米線一飲個湯 哇！好似飲緊燉湯咁濃味 好強烈既紅棗味 雞件份量都好多好大件 除左桃膠仲有雲耳添 味道一流！我就叫左香辣藥膳牛肉米線中辣對於我黎講一啲都唔辣但我覺得辣味為呢碗米線帶來鮮味 推薦大家叫辣牛肉大大舊 啖啖肉 比起傳統台式牛肉麵湯頭唔太甜 很好 最正係個兩舊白蘿蔔 好林好索湯 冇渣仲叫左個墨魚春卷小食 幾好呀唔係炸架係藥膳湯 唔洗怕熱氣！仲食埋個時菜 非常滿足最後梗係嘆下茶啦天氣咁熱最岩飲冷泡茶！清清地！好滿意的一餐！

喺唔同嘅區都見過呢一間麵店， 琴日於去中環一試呢間養生面。一入到去已經到藥膳味。叫左 黑蒜藥膳農場雞飯，個 黑蒜味好出，煮到隻雞都好有味。雞件夠大夠滑，一睇就知即叫即整，唔會煮定。另外叫多支 自家製冷泡四季春，茶味十足埋單先83蚊， 必定回頭。

已經好耐冇去中環落吧飲野了，眼見老蘭之前咁冷清，就醒起之前同事話果頭有間湯底超掂的馬祖，就即興約朋友同我來食米線了。我先叫了香辣藥膳牛肉湯米線（小辣），個個湯底小小辣好濃郁的藥材味，我喜歡每一小口米線連湯一啖過，呢碗牛肉份量都有四大舊，牛肉炆得夠淋，仲加兩大舊羅白，羅白好甜。而我朋友就叫了藥膳養生湯台灣花枝丸拼福茂貢丸米線， 甜甜的藥膳湯令我朋友不斷讚，兩隻丸都夠彈。小食就叫左老水雞翼， 都好入味。飲品叫左自家制桂花烏龍冷泡茶和自家制四季春冷泡茶，個樽好靚好特別， 食d濃湯米配一口凍茶，夠哂爽，飲一口茶又可清一清膩的感覺。朋友食完都讚有水準，仲約我下次再來。