馬來椰爺

營業中

休息中

喇沙湯底非常惹味，辣度適中，油份也控制得當，少有地把整個湯底喝完，喝完後也沒有一般味精湯底口渴的感覺，能喝得出是用真材實料製作。白咖哩香味濃郁，椰漿足料，而且辣醬以匙羹另上，讓客人自行調整辣度，足見店家細心待客。班蘭牛油多士實在邪惡，整塊牛油加足料班蘭醬，讓人一吃再吃。班蘭椰汁冰亦屬佳品，坊間較少能喝到班蘭飲品，想不到這小店有提供。以小店來說，這個價錢能有這個水準實屬難得，為定期翻食之選。唯現時餸菜選擇較少，期望將來能添加更多不同種類食材。

今天中環收工後，約了幾位朋友去大角咀食晚飯，行了一陣，無意中走進這間餐廳，餐廳雖然外表不太顯眼，但質素很高，喜出望外。性價比很高，廚師還會出來和顧客傾偈，交流煮食心得。另外，廚師亦教曉我們如何食馬拉喇沙麵。今晚長知識了。一間餐廳質素的高低，不在於他的裝修有幾吸引，而是在於食物質素和廚師的心機。這間餐廳一定不是可以打卡的餐廳，但從廚師的心機可以看出他是十分用心。就這一點，就值得我推介給我的朋友。總結，值得一試

今日放工經朋友介紹, 試下係大角咀一間新開既黃店  “ 星馬爺爺 “ . 間餐廳雖然唔近地鐵站, 不過由旺角朗豪坊行過去, 跟google map 行十分鐘就到左右. 聽朋友講如果係奧運站行過去仲快, 五分鐘到就到. 間舖畀我感覺係 , 嘩,好細間呀 ~ 睇落去大家都坐得好迫. 不過好好彩我同朋友夾埋三個人, 可以坐張四人大枱 . 間鋪細細地但裝修都順眼, 睇落幾舒服幾 warm . 間餐廳因為新開, 食物選擇唔多. 啱曬有選擇困難症嘅我. 我自己唔係食得太辣嘅人, 本身係有少少擔心, 但老闆好好人, 佢話我知檳城白咖哩辣度係可以自己調教. 所以我就順利成章 點左招牌菜檳城白咖哩配虎蝦, 而朋友就試招牌喇沙湯配虎蝦~ 白咖喱帶點椰香甜味，就算連不吃辣的朋友也可以品嘗馬莎辣醬味道非常特別, 初初食落去嘅時候係甜嘅, 然後慢慢會有啲辣味滲出嚟,唔係好刺激個種辣,辣醬份量可以自己控制,非常正 . 我好奇問廚師, 原来呢隻辣醬要用十幾個鐘精製而成, 落足心機.小吃試左斑蘭椰香多士 ，非常美味，斑蘭不會太甜總括，材料新鮮、秘製辣醬、無味精食完唔口喝、小吃可口、價錢親民 ~ 下次一定會再幫襯老闆年

疫情解禁後都好耐無食過馬拉菜🇲🇾之後比我喺度搵到一間小店 地方雖然有啲隱藏 但更加想試一試 通常隱世先岀高手😂去到餐廳門口，入面已經爆哂位😂雖然小店地方唔大，但岀面都有幾個人等緊外賣。咁等左大約20分鐘左右就入得去，入面空間真係唔大，但就幾有馬拉特色🇲🇾例如有啲相掛係牆度(有個人踩住單車。鬼仔巷)跟住𥚃面係主要食麵類既。有辣有唔辣，任君選擇。價錢方面都好親民。重點係””堅持冇味精湯底”” 咁我就試咗個招牌虎蝦海鮮冇味精娘惹喇沙摻摻($78)湯味濃郁，好有蝦味同椰漿味👍🏿試得出啲湯係有落過下苦功。跟住摻摻係米粉&油麵，還原度十足🌶🍜配料方面當然唔少得有虎蝦兩隻，蜆肉，豆卜，魚蛋，芽菜，青瓜絲等。材料都新鮮同豐富跟住再叫左幾樣小食。試左個斑蘭椰香多士同馬來炸香蕉🍌😂😂👈🏿睇到個名就想試下斑蘭椰香多士($29) 一送到過嚟麵包熱辣辣，鬆脆香口加上斑蘭醬好多，有種本地Home made 味道👍🏿馬來炸香蕉($28)以我之前去過馬來西亞幾次都冇見過冇食過😂可能我見識少。雖然齋睇個名好似平平無奇，但食落去好香口跟住香蕉味即刻擁晒出嚟 我覺得可以當甜品😋總結:呢個親民價錢可以食到馬來西亞味道🇲🇾夫復

我同老婆經常會到大角咀覓食，通常找的餐廳有兩種，第一種係食環境同貴野，我就喜歡到利奧坊個邊找好野食，第二種我鐘意找一些小店，以食物本身質素為賣點的小店，而依間馬來椰爺係我去過，其中一間最鐘意的小店。我叫左個金沙骨喇沙，個湯底係我係香港食過最好的喇沙，材料好新鮮，食完無咩口喝，食得出係無味精，而且應該用了不小時間烹製，雖然依個係湯麵，但感覺上介乎湯麵和沾麵之間，金沙骨好淋同好有肉味，好好食。另外廚師推介左我地食依個，個餐牌無的，佢話可能遲d 會上餐牌，推介我地試下，話個湯底會有三個不同層次，首先食左椰奶先，最後先食匙羹上的馬拉辣醬，所以味道係由淺味到濃味，個馬拉辣醬都幾特別，有幾種味道慢慢由舌頭滲出來，我老婆選左依個，佢都對依個讚不絕口。餐飲叫左斑蘭冰，飲品就無喇沙咁出色，不過我自己好鐘意食斑蘭，都不錯啦最後我地叫左個班蘭咖央，中間斑蘭食得出好fresh ,個包烘得好好食，整體感覺好幸福。依間餐廳食物質素好高質，食得出係好用心整食物比客人個種，而且價錢便宜，我鐘意依間小店，係因為佢好似香港好多有好多年歷史的老店一樣，用心製作，依家依個年代的新店已經好小見了 （雖然都有，好似之前食個間布拉

有驚喜的小店！虎蝦蝦米香撈干喇沙摻摻 （$78）香濃蝦米味有粒粒蝦米還有螄蚶。虎蝦香口。喜歡蝦香味的可以試試。虎蝦娘惹喇沙摻摻（$78）朋友形容湯地香濃，不錯。班蘭椰香咖央多士香而不甜，驚喜之作！除附羅漢果茶總結店舖強調無味精，難得食完濃味食物也未有口渴嘅感覺。雖然食完喇沙肚仔唔太有位食咖央多士，但咖央多士實在有驚喜！值得一試！結果和朋友堂食一塊外帶一塊下午茶，大滿足！但因小店人手關係，唔趕時間之選。

當日唔食得辣於是轉食「沙茶金沙骨香草特濃椰奶湯摻摻」果然好有驚喜!!香草椰醬溶入湯底, 令湯底更香更豐富裡面用絲瓜代替韭菜唔會搶哂味道重點係多芽菜!!!!!平時出去食, 多數都要叫店主多芽菜呢度唔需要, 就已經好多芽菜加埋摻摻"米粉溝瀨粉" 成件事好有口感我其實唔鍾意淨食米粉摻摻有埋瀨粉就滑好多我朋友食肥牛, 跟金沙骨一樣醃製過下次試埋叻沙先😋😋😋

疫情過後，富多來又開新店。冇記錯之前做街坊碟頭飯既變咗呢間風味小店 -《馬來椰爺》。入鋪頭一眼睇晒；小店四人枱兩三張，靠牆兩人檯兩張；牆上插了馬來西亞國旗，掛了數張東南亞街頭相片。菜單分三種主食： 干撈喇沙 / 娘惹喇沙湯底 / 椰奶湯底；然後各配 金沙骨 / 白魚旦 / 虎蝦海鮮 / 肥牛牛丸等餸菜。當日，我選了肥牛牛丸喇沙湯底。十分鐘上菜，有一層椰汁在湯面，未知是否所講既 「摻摻」？ 喇沙湯底味道濃厚，微辣滲在其中但又給那層椰汁中和了，味道滋味有趣。幼米綫份量足，湯中混了頗多其他魚旦魚片蝦米芽茶，亦見些少疑似所謂黑醬（味道似馬拉菜啲沙巴醬）； 當豆卜滿滿的吸了湯，咬下去在口腔爆汁既衝擊其實幾滿足。👍🏻👍🏻👍🏻👍🏻中午跟餐送羅漢茶，我唸下次會試埋乾撈。小店關係，我留意到收銀樓面大廚其實可能係同一位大哥。呢餐我推介既，但大家趕時間可能要事先考慮考慮。總結：六十幾蚊價位，大大碗見上圖食極都仲有，個湯飲極吾完，推介！

收工搵飯食，試新舖餐牌標明無味精而感到驚喜試左金沙骨湯底椰奶味好香金沙骨口感好好食得出煮製左好耐食埋個甜品都好驚喜馬來炸香蕉本身香蕉麻麻不過老闆推薦就一試香脆不太甜唔會太漏正可以再黎食