馬來椰爺

營業中

休息中

呢間大角咀嘅小店店面唔大，但主打嘅馬來湯麵絕對係誠意之作。佢哋嘅湯麵主要有四款湯底：招牌椰爺秘傳叻沙、馬來香濃咖喱叻沙、檳城白咖喱湯、三重香蝦叻沙，款款都好惹味🤤🦀原隻炸軟殼蟹 蜆肉 無味精 椰爺秘傳叻沙摻摻 $118呢間嘅炸軟殼蟹比其他餐廳嘅大隻同埋唔會好油膩廚師仲要細心到去埋蟹腮同蟹腸，可以原隻咁食夠曬方便；蜆肉嘅份量都好多！叻沙湯底唔算好辣，非常香濃惹味；加埋青檸汁就更清新😋🐖滷水燉金沙骨 無味精 檳城白咖喱湯 摻摻 $69滷水燉金沙骨軟稔到有啲似豬軟骨，啲豆卜、深海魚蛋同青瓜絲亦都好入味。比起叻沙，呢個白咖喱湯底更有層次，由咖喱嘅惹味，加埋椰奶後嘅香滑，然後到落埋辣醬嘅刺激，非常適合鍾意食辣嘢嘅你😋🍌鮮香蕉流心斑蘭椰香手工咖央多士 $38我本身麻麻哋香蕉，但見香蕉同斑蘭椰香呢個組合幾有趣，所以就試吓。個人認為香蕉味遠大於斑蘭同咖央味，同埋如果多士可以加多啲牛油烘得燶啲就好啦！但我估鍾情香蕉嘅朋友應該會好鍾意食呢個多士🤣🤎三色冰奶茶 $28 跟餐-$8一開始飲呢杯用黑糖掛杯嘅三色冰奶茶時覺得個黑糖味好香濃，攪勻之後覺得唔會太甜，奶香同茶味都飲得到😄🥭芒果斑蘭椰汁冰 $28 跟餐-

經過一日嘅忙碌工作，點都要食餐好嘅慰勞自已😍心思思想食摻摻，咁就一定要嚟依間馬拉餐館感受地道嘅南洋風味情啦～首先飲返杯芒果斑蘭椰汁冰消暑先，芒果肉夠熟，青綠色嘅斑蘭椰汁一睇就知用上好多嘅斑蘭葉製成，好香🌿🌿我嘅comfort food金沙骨黑醬特級肥牛 無味精 香草特濃椰奶湯 摻摻只係$75，肥牛油脂豐富，金沙骨醃得入味，特濃椰奶湯香料味濃，椰奶味重，入口順滑，摻摻嘅掛湯力驚人🍜雖然已經好飽，但呢個馬來炸香蕉作為甜品實在最好不過，酥炸新鮮香蕉外脆內軟， 煉奶更加係亮點，好好食呀

屋企樓下有間專食星馬叻沙嘅餐廳，我同屋企人都成日去幫襯，佢哋嘅食物除咗份量多之外，老細仲堅持唔用味精，100%真材實料煮湯底，對出品有堅持同執著💕🥢原隻炸軟殼蟹 無味精 馬來香濃咖喱叻沙 摻摻 ☕️跟餐加配 南洋手工拉茶依碗咖喱叻沙飲晒啲湯都唔會口渴，濃厚嘅湯底淋上椰奶同咖喱醬，味道微辣且甜，散發住濃濃嘅南洋風味😋拉茶表面嘅泡細緻，完美地將奶混合於紅茶中～🥢虎蝦帆立貝海鮮 無味精 椰爺秘傳叻沙 摻摻🥤跟餐加配 三色冰奶茶秘傳叻沙係招牌湯底，湯底稠滑味濃，椰香蝦香味明顯，每一啖湯都係老細嘅用心，虎蝦微微煎香，肉質彈牙😋三色冰奶茶茶底甘香，入口回甘，高質！如果你都追求一碗落足心機燉煮嘅叻沙湯麵，一定要嚟試試，但你唔會失望🤩

媽媽係馬來西亞華僑，對於叻沙等湯麵有好高嘅要求，為咗滿足佢，我專登帶佢嚟大角咀嘅呢間叻沙名店，睇吓佢收唔收貨先🫢我哋總共試咗以下嘅食物：⭐️參巴麻辣蜆肉紅卜卜嘅辣油浸住青瓜絲同蜆肉，加上招牌參巴醬，好刺激好開胃～⭐️金沙骨黑醬特級肥牛 無味精 香草特濃椰奶湯 摻摻 $75特濃椰奶湯好有驚喜，湯底味道有層次，飲得出有青檸、香茅、檸檬葉嘅味道，而且椰漿嘅甜完美平衡青檸嘅酸，唔經唔覺成碗湯都飲晒😋⭐️原隻炸軟殼蟹 無味精 馬來香濃咖喱叻沙 摻摻 $115咖哩叻沙湯比起一般叻沙更重口味，湯底濃厚不在話下，加入炒過嘅咖喱令依碗叻沙摻摻同時具有甜、辣同椰香味，炸軟殼蟹同麵條完全吸晒湯底嘅精華，媽媽大讚惹味正宗！飲埋杯話梅桔仔水，好舒服好涼爽🍊腌尖嘅媽媽好滿意佢哋嘅湯底同醬料，見佢食得開心我都開心😌

依個年頭，搵一間用心烹煮食物嘅餐廳唔容易，所以要更加支持仍然用心對待食物嘅小店💪🏽💪🏽大角咀嘅馬來椰爺就係其中一間努力經營嘅小店，佢哋嘅湯頭絕不落味精，值得respect!🦀原隻炸軟殼蟹 無味精 馬來香濃咖喱叻沙 摻摻🥣炸軟殼蟹原隻上大大隻，非常抵食～咖喱叻沙配料超多，有魚蛋、芽菜、豆腐卜等等……摻摻係油麵加米粉，麵質爽口，掛湯力強，每一個細節都處理得好好👍🏻🧈鮮牛油班蘭椰香手工咖央多士🍞班蘭椰香咖央醬都係由小店自行調配，醬嘅份量充足，每件多士都塗滿哂醬，脆身嘅多士夾住凍冰冰嘅牛油，冰火交融好過癮😋每樣食物嘅CP值高，價錢合理水準極高，諗起又想去食啦☺️

依間馬來椰爺喺區內名店，好多街坊都會嚟依度食碗麵飲杯椰汁冰，非常之受歡迎😎店仔座位唔多，牆身掛滿馬來西亞唔同景點嘅畫作，令人好醒神🤩除咗叻沙出名外，白咖哩湯摻摻都令人好上癮，今次我揀咗🦐虎蝦海鮮 無味精 檳城白咖喱湯 摻摻 $82🦐白咖喱湯嘅靈魂參巴醬係店家用上多種辛香料炒製而成，食得出足料嘅紅蔥頭、蒜蓉、辣椒、蝦米味，無得輸🤤虎蝦大隻爽口，仲有帆立貝同蜆肉，全部都好新鮮🌊參巴麻辣蜆肉亦都係我嘅至愛，當然唔少得惹味嘅參巴醬，仲有香辣椒麻嘅辣油，辣得好過癮🌶我跟餐加錢揀咗杯🥭芒果斑蘭椰汁冰🥥，斑蘭椰汁清甜，加埋芒果嘅調配比例完美，飲完成個口都充滿斑蘭獨有嘅香味，正！

今日同朋友係大角咀誤打誤撞食到一間超有特色嘅星馬菜小店，無論湯底同埋小食都令到我哋好驚喜，所以一定要將呢份好味分享比大家知道✨小店嘅佈局乾淨企理，一入去已經聞到好濃烈嘅香料味，老闆話俾我知，佢哋嘅醬料全部都係自己炒，所以特別傳統同足料，試過包我哋返唔到轉頭🙈先試試金沙骨黑醬特級肥牛 無味精 香草特濃椰奶湯 摻摻，🥥椰奶湯適合素食人士，成份天然，用咗椰奶、姜、糖同香草燉煮，湯底稠密鮮甜，絕不膩口！另一款老闆推介嘅係虎蝦海鮮 無味精 檳城白咖喱湯 摻摻，白咖喱湯附有一羹參巴辣醬，可以按自己喜歡嘅辣度自行加減。白咖哩湯顏色乳白，辛香帶甘甜味，味道好有層次，十分神奇！同場加映參巴麻辣蜆肉小食，秘製參巴醬帶出蜆肉嘅鮮甜味，加埋青瓜絲口感清新🥒

試過好多連鎖式嘅馬來西亞餐廳，食物都係普通水平，而且食完口喝無比，要灌水先可以解喝，可想而知佢哋嘅湯底係落幾多味精☠️不過，今日食嘅依間小店絕對係清泉，一定要推薦俾大家！🙌🏼小店環境雖小，但有Staycation既感覺，又乾淨企理。食物製作一啲都唔馬虎～叫咗一碗［虎蝦海鮮 無味精 檳城白咖喱湯 摻摻］白咖哩湯入口溫順，湯底用咗大量香料同材料長時間熬煮，底韻十足，摻摻亦都索滿白咖哩湯，每一啖都係店家嘅精心之作～👏🏼👏🏼試埋［鮮牛油班蘭椰香手工咖央多士］，班蘭醬同樣係店家自製，甜度適中無搶走班蘭葉同椰子本身嘅香味，加埋厚切鮮牛油，令人回味無窮😋跟餐嘅［話梅桔仔水］冰凍消暑，酸酸甜甜，飲完暑氣全消☀️成碗摻摻連湯都全部俾我清哂，無落味精果然就係與眾不同，欣賞👍🏻👍🏻隱世小店，大角咀必食

自問係馬來西亞菜達人，最鍾意食班蘭製品同叻沙😻記得朋友曾經推介過喺大角咀有間隱世名店專食叻沙同班蘭多士，立即去會一會佢先！👣💚芒果班蘭椰汁冰芒果當造所以好甜，淡淡嘅班蘭味同椰汁渾然天成，整體甜度合適，飲完透心涼🌀💚鮮牛油班蘭椰香手工咖央多士 $38非常欣賞佢個班蘭咖央醬，由於係新鮮製作，班蘭味寧舍突出，醬嘅質感綿密，多士烘得金黃焦香，班蘭fans不容錯過！🧡煙鴨胸肉 滷水燉金沙骨 無味精 椰爺秘傳叻沙 摻摻 $88佢哋嘅叻沙都係數一數二咁好味，湯底極之濃郁，真材實料唔落MSG都好惹味，我願意為咗呢啖湯專登嚟大角咀，支持支持！😽

近排天氣好熱，令我諗返起去馬來西亞旅行嘅日子，好掛住當地嘅叻沙同拉茶😫為咗一解相思之苦，即刻上網搵吓邊到有正宗嘅叻沙食😙依間「馬來椰爺」位於大角咀，食物款式唔多但樣樣精，好有馬來西亞小店嘅感覺，令人食指大動🤤虎蝦帆立貝海鮮 無味精 椰爺秘傳叻沙 摻摻 $98—果然係秘傳叻沙，口味偏甜微辣，叻沙醬同椰漿嘅比例啱啱好，重點係所有醬都係鋪頭自制，絕對唔係普通來貨，非常有誠意，造就咗一碗原汁原味嘅叻沙摻摻😍南洋手工拉茶—茶底係用咗斯里蘭卡高山紅茶，茶味香醇帶有香料獨特嘅味道，係一杯上乘嘅手工拉茶☺️一碗叻沙同拉茶，就帶我去到馬來西亞，「馬來椰爺」果然犀利！

放飯時間，唔想成日都係食車仔麵魚蛋粉，咁啱又經過富多來商場，見到有間專食馬拉嘢嘅小店好多人排隊等緊位同買外賣，似乎好靠得住！我都肚餓啦，一於試吓先😋小店主要賣四種湯底嘅湯麵，包括：白咖喱湯、香草椰奶湯、秘制叻沙湯同咖哩叻沙湯，全部標榜無味精，咁就食得更健康啦🌿🌿愛食肉嘅我，對於依碗煙鴨胸肉 滷水燉金沙骨 無味精 椰爺秘傳叻沙 摻摻表示心心眼😍 湯頭超級濃郁，椰奶味突出，入口好和諧，好好飲！煙鴨胸同金沙骨份量其多，金沙骨滷得夠淋，骨同肉一夾就分開，加埋其他配料，成件事好豐盛，怪唔得知咁多人都嚟食🤩我決定以後要日日嚟食佢哋嘅叻沙，絕對喺我心目中嘅no.1🥇

今日放假，當然要帶媽咪出去食吓好嘢❤️之前我喺大角咀試過一間好好味嘅馬拉餐廳，而且味道正宗，仲要冇味精。啱晒食開住家飯嘅媽咪☺️今次我叫咗金沙骨黑醬特級肥牛 無味精 香草特濃椰奶湯 摻摻 。個湯底超濃超香😍再配埋自家製冇味精嘅醬汁，完全突出左肥牛嘅鮮味😋連埋摻摻一齊食。真係超正😋 而媽媽就叫咗原隻炸軟殼蟹 無味精 馬來香濃咖喱叻沙 摻摻 。成個湯有好香濃嘅咖喱同椰汁嘅味道😋軟殼蟹炸到好脆，而且好多汁。湯入邊嘅椰汁令到個係咪更鮮味😍呢個媽媽食完都話超好食😋我哋仲叫咗兩杯嘢飲，分別係話梅桔仔水。味道酸酸甜甜，非常清新😍啱晒啲咁熱嘅天氣飲☺️芒果斑蘭椰汁冰。有好多嘅芒果肉喺入面😍，一飲落口真係啖啖肉😍。有好香濃嘅芒果同椰汁味，而斑蘭汁令到芒果嘅味道更甜。非常好飲😋

知道屋企附近有一間食馬拉嘢嘅餐廳，長期都好多人排隊。所以次次都冇食。難得今日見到冇咩人排隊。梗係即刻入去試吓😋餐廳唔算大間，俾人嘅感覺有啲似外國Family經營嘅餐廳，馬來風格。侍應嘅服務態度非常好，仲主動推介左幾樣嘢俾我食😍呢樣嘢我覺得幾好👍🏻1)虎蝦帆立貝海鮮 無味精 椰爺秘傳叻沙 摻摻 $98- 湯底嘅海鮮味非常濃郁😍而且味道鮮甜。因為冇味精嘅關係，所以就算飲咗好多都唔覺得口渴😋虎蝦同帆立貝都好大隻，而且味道好新鮮😋啱晒鍾意食海鮮嘅我😍加埋煮到爽口彈牙嘅摻摻一齊食。真係超正😍2)鮮牛油班蘭椰香手工咖央多士 $38- 賣相好靚。香脆嘅多士夾住一cm厚嘅牛油😍再加埋自家製班蘭椰香咖央醬。口感非常豐富，而且有非常濃郁嘅牛油同椰香味。真係勁好味😋3)參巴麻辣蜆肉- 自家製嘅麻辣醬加埋大大粒嘅蜆肉，味道非常惹味。麻辣嘅味道令到蜆肉嘅鮮味更突出😋連埋清甜爽口嘅青瓜絲一齊食。可以減輕麻辣嘅感覺。唔錯唔錯！間餐廳唔單止好食，價錢仲要好平，而且服務又好。性價比真係高。而且值得推薦朋友嚟食。

今日同男朋友出去大角咀食飯，平時我哋都係食開日本嘢同西餐，但今日竟然俾我哋搵到間食喺香港麗港數一數二好味嘅馬來西亞嘢食嘅小店。咁當然要入去朝聖啦😋餐廳嘅面積唔算大，但裝修好有特色👍🏻完全係馬來西亞嘅風格😍而且侍應嘅服務態度好好，真心值得讚👍🏻我哋先叫咗金沙骨黑醬特級肥牛 無味精 椰爺秘傳叻沙 摻摻 ，湯底完全冇味精， 但味道仍然都係非常濃郁。加埋佢特製嘅金沙骨黑醬，令到肥牛嘅味道更突出。連埋佢整得好出色嘅摻摻麵一齊食，全部嘅味道都好夾。超好味😋虎蝦帆立貝海鮮 無味精 椰爺秘傳叻沙 摻摻 。虎蝦同帆立貝非常新鮮，口感彈牙。湯底又好濃郁嘅海鮮味同椰汁味。味道非常鮮甜。食摻摻麵嘅時候，連埋湯一齊飲。真係超滋味，好容易食到停唔到口😍食完主食，我哋就叫咗個馬來炸香蕉🍌做甜品😋。非常薄嘅炸粉包裹住香蕉😍再喺面上面加左煉奶。食落口外脆內軟。煉奶嘅味道令香蕉味更濃郁。 因為超級好食。真係好少可以食到咁好味嘅炸香蕉😍呢個真係超推介

經友人介紹來試一試這家馬來西亞餐廳，店面不大，裝修也比較簡樸，主打無味精湯麵&撈麵，有多種湯底選擇。因為不太清楚不同湯底的區別，店員很耐心地解釋給我們聽，並根據我們的個人口味進行推薦～𝕄𝕖𝕟𝕦>>原隻炸軟殼蟹 無味精 椰爺秘傳叻沙 掺掺 $118湯底非常濃郁，椰奶香十足，少少辣味，好易入口。餐廳非常貼心地準備了青檸，如果覺得膩還可以擠一些青檸汁～(๑˘ ₃˘๑) 軟殼蟹非常酥脆，蟹肉厚實且吸收了湯汁的味道，配著兩款面一起吃，別有一番滋味。>>虎蝦帶子海鮮 無味精 椰爺秘傳叻沙 掺掺 $98虎蝦和帆立貝都非常大隻，鮮嫩彈牙，還有很多蜆肉，配料和面的份量幾乎是等比的！吃到最後一口也有足足的配料，心滿意足(๑´ㅂ`๑) >>虎蝦海鮮 無味精 檳城白咖喱湯 掺掺 $82白咖喱這款湯相對而言比較辣，個人覺得叻沙湯更好味。>>鮮牛油 班蘭椰香 手工咖央多士 $38多士烤得很鬆脆，自家製的班蘭椰香咖央醬配上厚厚的牛油，入口即溶，滿口留香。>>馬來炸香蕉 $28炸香蕉現做現炸，需要等多一些時間。外脆內軟的香蕉淋上煉奶，熱量