馬來椰爺

營業中

休息中

放飯時間，唔想成日都係食車仔麵魚蛋粉，咁啱又經過富多來商場，見到有間專食馬拉嘢嘅小店好多人排隊等緊位同買外賣，似乎好靠得住！我都肚餓啦，一於試吓先😋小店主要賣四種湯底嘅湯麵，包括：白咖喱湯、香草椰奶湯、秘制叻沙湯同咖哩叻沙湯，全部標榜無味精，咁就食得更健康啦🌿🌿愛食肉嘅我，對於依碗煙鴨胸肉 滷水燉金沙骨 無味精 椰爺秘傳叻沙 摻摻表示心心眼😍 湯頭超級濃郁，椰奶味突出，入口好和諧，好好飲！煙鴨胸同金沙骨份量其多，金沙骨滷得夠淋，骨同肉一夾就分開，加埋其他配料，成件事好豐盛，怪唔得知咁多人都嚟食🤩我決定以後要日日嚟食佢哋嘅叻沙，絕對喺我心目中嘅no.1🥇