馬來椰爺

營業中

休息中

呢間餐廳都真係收藏咗好耐，但由於佢都係一間長期人龍小店，所以一直的唔起心肝去食，但嗰日見唔算多人排隊，即刻決定去排一排😗鮮牛油班蘭椰香 手工咖央多士 $38必點‼️ 勁厚身嘅牛油好軟滑，咖央醬嘅斑蘭味好濃郁，多士烘到好脆，所以食落嘅口感好豐富又好舒服，佢真係擊敗香港99%嘅咖央多士❤️原隻炸軟殼蟹蜆肉無味精椰爺秘傳叻沙摻摻 $135一上枱真係嘩咗聲，隻軟殼蟹成半個碗咁大😂 炸到脆卜卜，非常香口，蜆肉都係海量，湯底濃厚，又無添加味精，椰香味好出，辣味慢慢咁滲出嚟，對我哋嚟講係有少少辣，摻摻比例啱啱好，夾埋配料索哂啲湯底，超級惹味🫶🏻 另外仲有一小嚿青檸伴隨上枱，店員話食到一半覺得太膩，可以落落去解膩，相當貼心😌四重香蝦叻沙 摻摻 $108四重蝦就係用咗越南虎蝦、櫻花蝦、爆炒辣香蝦同埋優質蝦籽，湯底嘅蝦味比椰香味更突出，辣味比另一碗叻沙更明顯，湯底亦比較杰身，面頭佈滿大量櫻花蝦，大大隻嘅越南虎蝦經爆香後，外層微微脆身，肉質口感比較紮實，如果鍾意食蝦同埋重口味啲嘅朋友呢個係必點👍🏻芒果椰香鮮奶 $28芒果好甜，椰奶解辣一流😛話梅桔仔梳打 $28酸酸咸咸嘅話梅配上清新嘅桔仔，飲落開胃清新又解膩🥰收

笑話：「🤔咦 點解又有油麵又有米粉既？嗯⋯一定係比錯左，可能上家食油麵一齊煮，唔覺意撈左啲落我米粉到，呢個廚師真係大懵丫🤥！！」以上係我n年前第一次係摻摻既諗法😂Ok笑完啦係咪！？🤣入正題啦！😋weekend下午等左十令分鐘，舖頭細細座位唔算闊落，特別係我要孭住Kala👶🏼動作大少少都驚整爛野🤣職員態度有善，定價略貴，不過好食的話都叫值！另外留意店家只收現金哦😌 ❙ 黑醬肥牛·滷水燉金沙骨·椰爺秘傳叻沙掺摻 ❙ $88 ❙ 魚肉片·滷水燉金沙骨·椰爺秘傳叻沙摻摻 ❙ $88叻沙都分好幾種，難得黎到就緊要試招牌啦🤤香噴噴既叻沙帶有啲啲椰香，食落偏甜，零辣度，淨返一半時落啲青檸汁會無咁膩，雖然食完唔口渴，但我食到起晒痰🤣🤣不過都係覺得好食！！尤其史生勁滿意囉😚金沙骨好味！非常入味而且骨肉易分離，完全唔柴👍🏻另外肥牛都好正，份量慷慨，食唔出黑醬係咩味，總之就好味啦😂魚肉片唔夠邪惡，正常表現😌 ❙ 鮮香蕉流心班蘭椰香手工咖央多士 ❙ 跟餐$33第一啖係食到香蕉既香甜，嗒下嗒下就慢慢滲啲班斕既獨突清香，整體對我黎講甜左少少🤏🏻史生就覺得好好食，我會視佢為甜品多🤪一試無妨既

📍馬來椰爺大角咀櫸樹街62號富多來商場第二期地下14號舖「鮮香蕉流心班蘭椰香手工咖央多士」 真係好流心🤣但嫌個多士唔夠脆🫢「四重香蝦叻沙湯麵🦐」係幾香蝦味，帶少少辣味🤏🏻但係個湯好濁😥 入面有太多料… 食唔出鮮味，只係有種求其拼湊一齊嘅感覺，啲海鮮都唔多新鮮🫥「原隻炸軟殼蟹蜆肉無味精椰爺秘傳叻沙摻摻」好香椰奶味👍🏻但同蝦麵有一樣嘅問題😿整體而言個人覺得店家係以料嘅澎湃度取勝，但我對各樣用料嘅配合度有所保留🫢💰人均~$150 😋總評分: 5/10   #foodlab奧運 #foodlab大角咀

主打馬來地道小食同麵食，選擇多元，價錢合理，口味正宗，氣氛輕鬆，適合想一嚐南洋風味嘅朋友。🍞 鮮香蕉流心班蘭椰香 手工咖央多士 $38呢款多士好有驚喜！外層烘到微脆，入面夾住香甜嘅班蘭咖央醬，加上新鮮香蕉流心，口感層次豐富，香甜但唔膩，必試推介！🍜 招牌椰爺秘傳喇沙湯 魚片頭鹵水金沙骨摻摻 $88喇沙湯底香濃帶微辣，椰香味突出，魚片頭新鮮，鹵水金沙骨鹹香惹味，摻摻口感夠豐富，每啖都有料到，食完超滿足！🍜 檳城白咖哩湯 肥牛金沙骨摻摻 $82白咖哩湯底偏香濃微辣，唔會過重椰味，肥牛滑溜，金沙骨依然出色，鍾意濃味湯底嘅朋友可以試呢個。🥤 話梅桔仔水 $8酸酸甜甜，清爽解膩，食完濃味嘅麵食飲返杯，好舒服！🥥 班蘭椰汁 $10椰香突出，班蘭味清新，夠特色，甜度啱啱好，南洋風味滿滿！😋 整體評價馬來椰爺水準幾穩陣，特別推介咖央多士同喇沙湯系列，味道正宗，份量足，價錢合理，想喪食南洋風味又唔想飛嘅話，呢間係個唔錯嘅選擇

🍴原隻炸軟殼蟹蜆肉椰爺秘傳叻沙摻摻($135)呢款係佢哋招牌必食推介🌟平時食軟殼蟹🦀最怕食到啲腮同腸係呢到食完全唔洗擔心呢個問題😌佢哋會事先清除晒軟殼蟹炸得幾脆👍🏻仲有啲蜆肉仔可以食湯底方面呢款無乜辣味 但勝在椰奶味夠香🥥仲帶點甜配料上都有好多料😆魚蛋 芽菜 豆卜 青瓜絲店員推介🌟食到一半記住吱返啲青檸汁落去 食落無咁膩女仔成碗食晒真係堅飽😂記得揾朋友仔share————————————————————————🍴虎蝦青口四重香蝦叻沙湯摻摻($108)呢個蝦湯叻沙🦐真係超級有驚喜🤩海鮮味係極重😚湯底會相對比較濃稠同辣啲其實本身佢哋係有款三重香蝦湯底😂但係點解都要食四重呢 因為呢款湯底仲加埋蝦籽！蝦籽真係將個湯昇華左🤭好似食緊蝦籽麵咁除左有蝦籽之外 仲有櫻花蝦係面😏店員推介唔好撈匀先食 直接進食可以增加口感湯底唔單止有蝦既鮮味 加埋有青口同蜆混合佢哋既鮮味整體係超級大推‼️‼️‼️————————————————————————🍴鮮香蕉流心班蘭椰香手工咖央多士($38)食得咖沙 當然試埋咖央多士之前都無見過香蕉配班蘭呢個配搭🤭又真係估你唔到幾好食 多士入面既香蕉蓉唔算多但已經足以帶到勁香香蕉味🍌

馬來椰爺餐室 @ 大角咀大角咀好介紹第一篇篇 … 如果你鍾意叻沙的話…咁你一定要黎呢間用心小店試下…呢度有好多款馬來湯底選擇…一定有款啱你…呢度絕對係bak bak想食叻沙其中好快諗到既小店…有幾好味…已經返兜幾次就知啦秘傳叻沙 呢個係椰香味比較濃既叻沙…辣度bb級…仲試左另一款馬來咖哩…呢個就帶咖哩同香料味…辣度高dd。 呢度會跟一舊青檸…店員溫馨打示食完一半加入青檸汁…可以為個湯提鮮。 呢度個湯絕對好好飲…最緊要無味精…所以每次黎都飲哂d湯呢度既叻沙基本配料已經有魚蛋…豆卜…芽菜同青瓜…呢度既魚蛋同出面既魚蛋味道有d唔同…魚味會出d…豆卜係食叻沙不能少既item…好索湯…炸軟殼蟹蜆肉…軟殼蟹即叫即炸…黎到時仲焫口…size都好大隻…夠哂酥脆…絕對必點。 跟麵既蜆肉份量慷慨…配合個麵/湯一齊啪入口更覺鮮味榮螺片金沙骨馬來咖哩叻沙 金沙骨炆到一撕就骨肉分離…滷得好入味…螺肉鮮甜有嚼頭。 (如果有豬軟骨仲正…唔洗lun骨)虎蝦海鮮叻沙 虎蝦size好大隻…而且肉質結實…絕對新鮮貨式。 除左虎蝦仲有好多櫻花蝦鋪面…連湯飲更加香甜呀！其實佢地既黑醬肥牛都好好味…唔知回歸左未小食試左黃金炸魚

最近見到Thread推介呢間【馬來椰爺】📍大角咀，專做馬來西亞菜，鋪頭細細間但人氣唔少🔥！對於喇沙控嚟講，見到咁吸引嘅湯底，點可以唔試吓😋？🦐越南虎蝦青口海鮮 椰爺秘傳叻沙 摻摻（$98）呢碗叻沙湯底濃郁🥥，帶有椰香🍛，香料味適中，唔會過份辛辣但夠惹味！摻摻即係米粉+油麵🍜，份量足，基本上見唔到湯😂豆卜吸湯力極強，咬開滿滿湯汁！芽菜同青瓜絲令口感更爽脆🥒！特別要提嘅係經醃製過嘅蜆肉，佢好似想扮螄蚶，幾特別！青口、魚蛋中規中矩，而主角虎蝦唔算特別大隻🦐，但蝦味尚算濃郁！🔥三重香蝦叻沙湯 摻摻（$98）呢碗嘅重點就係湯底有蝦味🦐！除咗越南虎蝦，仲有櫻花蝦🦐同爆炒辣香蝦🌶️，湯底比上一碗更有蝦鮮味，而且帶點辣勁🔥，不過香料味相對冇咁重，適合鍾意海鮮味更突出的朋友！喺香港食喇沙，有時會怕落太多味精，飲完湯會口渴😵，但呢度完全唔會！相對馬來西亞當地食到嘅喇沙，呢度嘅還原度算高✨，香料味可能冇當地咁強，但已經比市面好多馬來西亞餐廳更足料💯喺香港咁多間馬來餐廳嚟講，呢間確實係數一數二好食😋，值得試！

一直都有聽朋友推薦我黎呢間位於大角咀的馬來椰爺，今日終於食到！佢地個叻沙聽講就好出名，同埋標榜無味精呀🫢🤩好識打健康人士同掩尖香港人主意🤣🤣黎到呢到係會有選擇困難症的，因為款款都好似好正好多料咁，我今次就選擇左四從香蝦叻沙摻摻，個湯好舒合重口味人士，D櫻花蝦碎爆多，又爆香，仲有少少辣蝦好惹味，又有青口同大蝦各兩隻咁，超豐盛💕💕蜆仔份量仲要好多，食極都食唔晒😝麵條又掛到湯，啖啖都相當之暖胃，個湯濃郁又唔會比人覺得有味精 (😂😅😂😅佢地已經強調無味精)，所以個回頭度可以話係高的🤭朋友 果碗都係極之多料，仲有大粒元貝添，食到捧住個肚走人，真係抵晒，值得回頭再訪👍🏻👍🏻👍🏻

朋友講左想食好耐嘅餐廳😇今日終於抽到時間夜晚去食喇🥹門面好低調🥸行過左都唔知🤔🍞鮮香蕉流心班蘭椰香手工咖央多士有啲失望🙍🏻‍♀️見好多人都推介佢👀所以就試吓呢個唔常見嘅香蕉咖央🍌本身驚佢好快凍😮‍💨所以已經食完碗麵先落單🤠點知上枱即刻食都已經係凍🌬️不論個包定個饀都係凍嘅…不過多士都幾脆🥺班蘭醬好流心 鮮香蕉加埋椰香咖央都幾香嘅😄不過$38就唔太抵食只收現金💰記得撳定錢啦

🧀 芝士斑蘭椰香手工咖央多士（自家鮮製）（$48）多士係新鮮即叫即整，熱辣辣好香脆，而且餡料好足，估唔到咸香嘅芝士同甜嘅斑蘭咖央配搭一齊味道會咁夾，令我同朋友都好驚艷，順帶一提，呢個係限時推出嘅新品🧀 芝士四重貝椰爺秘傳叻沙摻摻（$99）呢個都係期間限定嘅菜式，叻沙係用左9小時自家製無添加味精嘅手工醬烹調而成，結合埋英國嘅水牛芝士同車打芝士，加上元貝、螺片，青口同蜆肉仲有深海魚蛋，豆卜等等，整碗摻摻份量十足，芝士叻沙湯底好香濃惹味之餘帶少少辣，摻摻同配料（特別係豆卜）吸收哂湯底嘅味道，店員特意提我地食到一半要加青檸，加完青檸之後整體味道層次豐富及突出👅🥥 滷水燉金沙骨香草椰奶湯摻摻（$62）呢個摻摻味道比起上面芝士四重貝比較清淡而且唔辣，啱晒啲比較鍾意食清淡嘅朋友，湯底椰香味比較重，而滷水金沙骨好入味之餘咸度啱啱好，而且燉得好腍，基本上一咬落去，金沙骨嘅肉同骨就直接分離，非常方便亦啱哂我呢啲懶人🐟 甜酸醬炸黃金魚片頭（4粒）（$22）魚片頭炸得金黃香脆，食落香口，肉質彈牙結實🫔 氣炸新鮮滷肉捲（4件）配酸甜醬（$28）滷肉捲外層包左腐皮，肉質比較結實，因為係氣炸嘅緣故，所以食落口香脆唔

大角咀無味精叻沙湯底小店內環境唔大，但食物幾高質🙈👍🏻。湯底完全沒有添加任何味精。湯底有四大類，分別是檳城白咖喱湯、香草椰奶湯、招牌椰爺秘傳叻沙、馬來香濃咖喱叻沙湯。我們選了兩款湯底都非常濃郁，價錢在100左右。‼️提提大家只收現金。‼️中午繁忙時間可能有45分鐘限，不過餐廳上菜快。🔸️班蘭椰香手工咖央多士 $38 牛油濃郁厚大件，斑蘭甜入心扉，多士煎得香脆。超級邪惡但好好食。🙈🔸️原隻炸軟殼蟹蜆肉椰爺秘傳喇沙摻摻 $ 135超級足料摻摻，麵上有一隻大軟殼蟹，麵面勁多蜆肉。當然還有魚蛋、芽菜、豆卜、青瓜絲等。軟殼蟹好脆，一咬開全是蟹膏👍🏻。小店總有食物令人驚喜。湯底好香椰奶香氣，非常濃稠但又唔油。食到一半，擠上青檸檬就更清新開胃。 🔸️四重香蝦叻沙摻摻$108 這款新品是一款小辣香蝦叻沙湯及較杰身湯，味道更濃。本人太喜歡重口味。整碗都是櫻花蝦和爆炒辣香蝦，還有兩隻炸了外殼的虎蝦和青口。面底是米粉和油麵，麵都非常掛湯，食完都不會口乾。.

[ #大角咀美食 #caloriefoodie大角咀 ] • 馬 來 椰 爺 •🐿-大角咀有間叻沙摻摻嘅人氣排隊小店🇲🇾湯底一流✨自家製叻沙湯底絕無添加味精經歷爆炒、熬煮、發酵過程超過9個鐘⏱️飲一啖湯底 已經感受到餐廳嘅用心🤍難怪雖然店面細細 但平日夜晚都要等位!!摻摻食到一半 再加青檸 湯底味道更多份清爽感-🧀 芝士四重貝椰爺秘傳叻沙 摻摻 💰$99🆕 店家新品 叻沙湯底加上水牛芝士及車打芝士配上四種貝類食材 有帶子、螺片、青口、蜆肉叻沙味道偏重椰奶味 比起坊間叻沙唔會覺得辣加上雙重芝士後 湯底味道更柔和咗 幾特別-🦀 原隻炸軟殼蟹蜆肉香濃咖哩叻沙 摻摻 💰$132咖哩叻沙湯底帶微辣 味道比原味叻沙更惹味初初怕會好辣食唔到 但絕對係可接受嘅辣度(利申 譚仔10小辣) 而且湯底飲落都幾順口炸軟殼蟹夠晒香口 入面仲有蟹膏食 正!!-🍞 鮮牛油班蘭椰香 手工咖央多士 💰$38某程度上唔知算唔算咖央多😹好似無咖央醬但就有鮮牛油同班蘭醬 多士烘得脆身咬落脆卜卜 而牛油、班蘭醬又軟淋淋 味道甜甜 -🥭 芒果椰香鮮奶 💰$28原本打算叻沙湯會好辣 所以叫杯椰奶解解辣但最後都用唔上 味道上還好 可

今日放工就去左呢間bookmark左好耐位於大角咀嘅呢間「馬來椰爺」食馬拉菜😋原隻炸軟殼蟹蜆肉無味精椰爺秘傳叻沙摻摻 $135一上枱除咗嘩一聲都唔知講咩好😂原隻嘅軟殼蟹🦀有半隻碗咁大隻！而且有份量相當之多嘅蜆肉😬湯底亦十分之香濃！食得出非常之真材實料，仲要係冇味精👍真係好好味😋越南虎蝦海鮮 檳城白咖哩湯 摻摻 $82呢個白咖喱湯底配上香濃椰汁，真係冇得頂呀！湯底亦鮮味十足！虎蝦又大隻又彈牙👍份量十分之多，岩哂小編呢啲大食人士食🤪鮮牛油班蘭椰香 手工咖央多士（自家鮮製） $38新鮮即製！熱辣辣脆卜卜，鮮牛油🧈同班蘭嘅香味！真係絕配👍好邪惡😈但太正啦😋斑蘭椰汁 $18芒果椰香鮮奶 $28

“原隻炸軟殼蟹蜆肉 椰爺秘傳叻沙 摻摻”($135)“芝士四重貝 椰爺秘傳叻沙 摻摻”($99)“鮮牛油 班蘭椰香手工咖央多士”($38)“真・百香果梳打”($28)大角咀不嬲都多特色小店今次就嚟咗呢間食馬來西亞嘅餐廳☺️餐廳提供多款湯底嘅麵食好似叻沙,咖喱叻沙,白咖喱,椰奶湯另外仲有唔少小食我地點咗2碗唔同口味嘅招牌叻沙湯麵分別係原隻炸軟殼蟹🦀,芝士四重貝🧀呢道嘅叻沙用上自家炒製手工醬爆炒熬煮發酵9個鐘以上,仲要冇加味精每碗叻沙都已經配有魚蛋,豆卜,芽菜等上枱後先飲一啖湯,真係好濃椰奶味超香🤤炸軟殼蟹大大隻又香脆😍芝士四重貝係期間限定款式有元貝,青口,螺片,蜆肉好豐富加上水牛芝士同車打芝士又幾特別😋我地仲點咗份鮮牛油班蘭咖央多士滿滿嘅班蘭咖央醬配上牛油真心邪惡😍飲品點咗真・百香果梳打有成半隻百香果,酸酸甜甜好清爽😙

朋友介紹依間人氣小店💕第二次再過嚟食💪🏻食物水平keep到😋專門食叻沙掺摻同佢招牌咖央多士，啱啱開業嘅時候起碼要排一個鐘以上🥹大家記得早點來，逢星期一休息✨原隻炸軟殼蟹蜆肉椰爺秘傳叻沙掺摻 $135超大隻原隻軟殼蟹😍口感外酥內嫩，啖啖肉✌🏻椰爺秘傳叻沙醬超級濃郁‼️老闆建議就咁飲一啖，然後再加青檸汁，增加層次感✨麵嘅份量剛好，蜆肉嘅鮮甜與蟹肉鮮美夾絕👍🏻四重貝椰爺秘傳叻 $108湯底同以上軟殼蟹係一樣，完全係冇添加味精😚配料不一樣，原隻帶子新鮮，蜆肉特別細小，口感特別😋仲有蠔、豆卜和魚蛋鮮香蕉流心班蘭椰香手工咖央多士 $38手工多士外脆內軟，值得一試😚香蕉與班蘭搭配夾，香蕉可以再多少少，唔夠流心芒果椰香鮮奶 $28有口感😝食到粒粒芒果果肉，清爽可口，加咗芒果醬係底，椰汁濃郁，口感滑順👍🏻📍馬來椰爺大角咀櫸樹街62號富多來商場第二期地下14號舖