馬來椰爺

位於大角咀的一間小店, 最大賣點就是餐廳用十多款材料長時間熬製湯頭, 全無添加味精 😊 食物種類不算很多, 主要以摻摻為主, 正好推廣餐廳最大賣點! 餐廳只有十多個位, 所以如果只吃湯麵turnover還可以的 😌原隻軟殼蟹蜆肉無味精椰爺秘傳叻沙摻摻 $135真椰香榴槤叻香摻摻 $992款湯底其實是一樣, 只不過1款加了榴槤, 首先湯底無添加味精的情況下味道可算濃郁, 帶重椰奶味, 而且濃而不濁 ☺️ 加了榴槤之後會跟椰奶2合為1, 榴槤味雖然突出, 但未至於搶走所有味。原隻軟殼蟹非常巨型, 炸到酥脆, 加了大量蜆肉, 更有豆卜芽菜配搭起來。鮮香蕉流心班蘭椰香手工咖央多士 $38咖央多士一般中間都用牛油為主, 我們點了用香蕉班蘭代替, 啖啖班蘭清香當中有香蕉的香甜, 如果香蕉可以再多點, 有流心效果, 應該會更豐富 😚班蘭椰汁 $18百香果茶 $22~椰汁味道正常, 但百香果茶完全沒有百香果味, 還以為在喝普通水。…查看更多

✨ 真•榴槤椰香叻沙 摻摻（黑醬肥牛拼滷水燉金沙骨）（$99）期間限定，本身係榴槤控好好奇係叻沙上加榴槤會係咩味 😂。榴槤蓉一大舊放咗係面，撈埋摻摻（米粉+油麵）都幾夾～秘製湯底濃郁，椰香幾重，冇落味精去煮我食完飲埋湯都唔會口乾，食到一半可以擠埋青檸落湯到會比較清新少少～肥牛同金沙骨相當入味，整體份量都幾大。✨ 原隻炸軟殼蟹蜆肉無味精椰爺秘傳叻沙摻摻（$135）叻沙湯底有好幾款，第一次嚟就揀返招牌款～原隻岩岩炸起嘅軟殼蟹放係面幾吸睛 😆，湯底同上 😋，去殼蜆肉份量都幾多。✨ 鮮牛油班蘭椰香 手工咖央多士（$38）邪惡之選 😈，上枱店員有提要趁多士焗起脆口盡快食；咖央醬係自家製，帶有椰奶和斑蘭葉香，夾埋牛油鹹鹹甜甜 🫶🏼。✨ 話梅桔仔水（熱）（$16）飲落酸酸甜甜都幾解膩～✨ 斑蘭椰汁（凍）（$18）我叫咗少甜味道上會有少少淡。·大角咀人氣小店，採自助掃Code落單（i人友好～），唯店內空間不大，食堂唔算太好坐。整體嚟講出品有驚喜，也難怪平日夜晚去門口也有排隊的人龍，順帶一提餐廳只收現金，有興趣去要留意 🫶🏼。·🧾 免加一服務費💰 $306…查看更多

朋友話佢舊公司附近好多小店性價比幾高，我就叫佢帶我去試下！凍真百香果梳打杯面有半個真百香果，飲用既時候可以自行將適量既百香果籽刮落梳打水中。梳打水口感清爽岩晒夏天飲，無糖所以飲落好健康！只有百香果果肉帶來微微既酸甜感，亦好夠氣！話梅桔仔水飲品面漂浮著原粒桔仔同話梅，飲品酸甜適中，話梅既鹹香同桔仔味道好夾，飲落都好健康。原隻炸軟殼蟹蜆肉無味精椰爺秘傳叻沙摻摻原隻軟殼蟹超大隻，差唔多成隻碗咁大，質感外脆內軟。湯面上有好多蜆肉，味道鮮甜。摻摻份量好多亦都好掛叻沙醬汁，味道濃郁！食到中間可以落青檸汁，味道更提鮮！榮螺片滷水燉金沙骨香草椰奶湯摻摻螺片份量都唔少，肉質幾鮮嫩，而金沙骨肉質都幾軟腍。湯底濃郁又順滑，充滿椰奶香味，感覺比較清新。雪糕斑斕椰香手工咖央多士（自家鮮製）多士外脆內軟，加埋冰涼既雪糕，口感層次好豐富！食落同時有濃郁班斕同椰香味，兩者味道高度融合，都唔會才蓋過對方既味道。氣炸新鮮滷肉捲拼甜酸醬由於係氣炸，所以一啲都唔油膩！滷肉捲外皮酥脆，內裏口感扎實。再沾上甜酸醬一齊食，就更開胃！…查看更多

大角咀呢個小區真係臥虎藏龍，今日為食🐑去咗呢間「馬來椰爺」，一聽個名就知道充滿馬來亞風味！🔥招牌菜一定係呢度嘅秘製喇沙，每一台必點，呢間店人氣都好旺，店仔細細爆曬場！🦀G4 原隻炸軟殼蟹蜆肉無味精椰爺秘傳叻沙摻摻 $135竟然可以唔加味精？呢個湯底食落去有啲似白咖喱🤍 ，竟然唔加味精味道都夠濃郁，一定煲咗好耐同加咗好多料，呢個湯底咸度適中，主要充滿椰汁香甜味，雖然濃厚但係仍然算清，唔會食到成口渣，食到一半加青檸🍋‍🟩，加咗青檸更加清新！配料方面都好足，大量醃製過嘅蜆肉，重點一定係軟殼蟹，🦀🦀炸得出色，入口淡淡香脆，浸住湯嘅位置就充滿湯底香氣，湯底有好輕微辣椒，但係係完全唔太辣可以放心，入面仲有青瓜同芽菜令到唔會太油膩，推薦！🦐G3越南虎蝦青ロ海鮮椰爺秘傳叻沙 摻摻 $98湯底一樣，配料不同但美味依然，成個感覺都豐富充滿海蝦同埋青口嘅海鮮香氣！「摻摻」係咩？即係米粉+油面，兩溝之下口感更加獨特，米粉可以索晒湯汁，油麵就更加有口感，兩者都可以互相配合！PO2斑蘭椰汁（凍）💚🤍味道都唔錯，可以點，配合惹味嘅喇沙一齊食一流！🩷P03真.百香果茶（凍） $22（少甜，少冰）真係有成個百香果！佢本身都唔係好甜，甜味比較天然，所以唔使叫小甜都得！✨只收現金💰朋友話可以再過嚟食，證明真心OK，另外今次唔記得叫多士，唯一缺點就係有時要等位！…查看更多

呢間餐廳都真係收藏咗好耐，但由於佢都係一間長期人龍小店，所以一直的唔起心肝去食，但嗰日見唔算多人排隊，即刻決定去排一排😗鮮牛油班蘭椰香 手工咖央多士 $38必點‼️ 勁厚身嘅牛油好軟滑，咖央醬嘅斑蘭味好濃郁，多士烘到好脆，所以食落嘅口感好豐富又好舒服，佢真係擊敗香港99%嘅咖央多士❤️原隻炸軟殼蟹蜆肉無味精椰爺秘傳叻沙摻摻 $135一上枱真係嘩咗聲，隻軟殼蟹成半個碗咁大😂 炸到脆卜卜，非常香口，蜆肉都係海量，湯底濃厚，又無添加味精，椰香味好出，辣味慢慢咁滲出嚟，對我哋嚟講係有少少辣，摻摻比例啱啱好，夾埋配料索哂啲湯底，超級惹味🫶🏻 另外仲有一小嚿青檸伴隨上枱，店員話食到一半覺得太膩，可以落落去解膩，相當貼心😌四重香蝦叻沙 摻摻 $108四重蝦就係用咗越南虎蝦、櫻花蝦、爆炒辣香蝦同埋優質蝦籽，湯底嘅蝦味比椰香味更突出，辣味比另一碗叻沙更明顯，湯底亦比較杰身，面頭佈滿大量櫻花蝦，大大隻嘅越南虎蝦經爆香後，外層微微脆身，肉質口感比較紮實，如果鍾意食蝦同埋重口味啲嘅朋友呢個係必點👍🏻芒果椰香鮮奶 $28芒果好甜，椰奶解辣一流😛話梅桔仔梳打 $28酸酸咸咸嘅話梅配上清新嘅桔仔，飲落開胃清新又解膩🥰收藏咗咁耐都唔去真係有啲後悔，個感覺就係相逢恨晚😩 食完之後，你叫我再排嚟食，我都會排，太好食了，未到飯點都會叫個咖央多士外賣拎走啊🥰…查看更多

前幾日睇社交平台，有個foodie 話你間餐廳可能就快結業，之前見好多人都介紹過呢一間叻沙好好食，一於就試試每一日會分兩個時段營業，我哋5點45分左右去到餐廳門口等，好彩當時冇乜人，等吓等吓開始多人，餐廳準時6:00開，餐廳位置唔多，大約只有12個位，我們入到第一輪💪我哋揀咗兩碗叻沙，一份鮮牛油咖央多士，每碗喇沙送一杯話梅桔仔水😋招牌椰爺秘傳叻沙湯麵配炸軟殼蟹和蜆肉，湯底好濃，都幾重椰汁味，蜆肉都幾鮮甜，因為係摻摻，都幾索湯，炸軟殼蟹有少少失色，油膩咗少少，整體嚟講都幾好食四重香蝦叻沙湯摻摻，蝦味超濃，如果鍾意食蝦，應該會幾鍾意，湯底比起招牌嗰款辣少少，食起上嚟都幾惹味重點推介，鮮牛油咖央多士，多士超脆，牛油和咖央醬少少凍，超夾😋😋😋話梅桔仔水，酸酸甜甜，幾開胃唯一缺點，因為始終係小店，位置有限，所以唔算坐得特別舒服整體嚟講，值得再次光顧🎉…查看更多

⁂⁎◝#大角咀🇭🇰 超出色濃味豐富喇沙🥹⁎◜⁂.我諗bookmark左都有一年多既餐廳睇圖片都已經覺得佢地既叻沙好好味終於有機會試 超好食！！竟然岩岩見到呢間小店告急結業 千其唔好🥹.✧虎蝦青口 無味精 四重香蝦叻沙湯摻摻 $108當初就係俾呢碗叻沙吸引到而bookmark賣相超豐富 湯底超濃郁 鍾意鮮蝦湯味既一定要叫呢個😍湯底帶點微辣 好惹味 有兩隻大虎蝦 青口 仲有滿滿櫻花蝦 爆炒辣香蝦 蜆粒&蝦籽超豐富好大碗😗 米粉/意粉好掛汁.✧原隻炸軟殼蟹 蜆肉無味精 椰爺秘傳叻沙摻摻 $135原隻炸起既軟殼蟹大大隻放係麵上面 超吸精😆軟殼蟹外脆內軟 湯底用左好多蜆肉熬製好濃郁好味鮮甜 米粉/意粉一樣咁掛汁.✧鮮牛油班蘭椰香手工咖央多士 $38邪惡之選！！自家製既咖央 牛油味好香🧈班蘭醬都唔吝嗇 店員有提我地要襯熱食 多士岩岩焗起好脆 .✧班蘭椰汁 $18飲品叫左少甜就比較淡味..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 4.5/5𝘙𝘦𝘷𝘪𝘴𝘪𝘵: yes*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍馬來椰爺🗺️大角咀櫸樹街62號富多來商場第二期地下14號舖…查看更多

大角咀除左奥海城，其實仲有好多地區小店今次就跟住小編同友人既腳步，一齊黎到以大角咀，同大家介紹一間吾起眼，行過路過好易錯過既地道正宗馬拉菜 一 馬來椰爺 🌟雪糕椰香叻沙摻摻 $108叻沙湯頭惹味得黎又吾會過辣，摻摻亦好掛到汁，加埋爽彈既虎蝦、青口、蜆肉令到成碗叻沙摻摻更加豐盛，而最特別既系加埋雪糕一齊食，好新奇好有趣🤤👍🏻👍🏻🌟雪糕斑斕椰香手工咖央多士 $48多士烘得非常香脆，食得出斑斕同椰漿既香味，而且加埋雪糕，冷熱既組合，好新奇好有趣🤤👍🏻🌟真榴槤班蘭椰香手工咖央多士 $48多士烘得非常香脆，佢地連內餡既班蘭椰香咖央醬都系自己炒，誠意十足，食得出斑斕同椰漿既香味，而且仲加埋榴槤，必食推介🤤👍🏻👍🏻🌟雪糕班蘭椰汁冰 $56淡淡班蘭清香既椰汁冰，再加球雪糕好消暑🤤👍🏻📍馬來椰爺地址：大角咀富多來商場第二期地下14號舖…查看更多

大角咀真係好多隱世小店，其中一間就係主打喇沙嘅馬來椰爺。餐廳座位不多，繁忙時間要等等位。🍦雪糕椰香叻沙摻掺（虎蝦青口海鮮） $108冰凍嘅雲喱拿雪糕放係摻摻面，店員推薦可先加少量湯，好似撈麵咁食先。熱湯將雪糕半溶，增加椰香湯底嘅奶味和甜度，冰火交融，不論口感或味道都充滿新意，同埋估唔到雪糕同喇沙好夾！夏天食真係非常適合。🦀原隻炸軟殼蟹蜆肉無味精椰爺秘傳叻沙掺掺 $135軟殼蟹好大隻，炸得非常香口酥脆，蜆肉份量非常多。湯底充滿濃郁椰香味，比雪糕嗰款惹味。食一半之後加入青檸汁，增加清爽感。🍞鮮牛油班蘭椰香手工咖央多士 $38多士烘得微脆不會太乾身。班蘭醬濃香，加埋冰凍牛油，夠晒邪惡。🍹話梅桔仔水 $16酸甜解膩，健康解油膩。…查看更多

人氣馬來小店，主打正宗叻沙摻摻，餐廳堅持製作無味精湯底，把十多種材料量好，切好，重頭戲是用足夠猛火力爆炒，把香味逼出，全程最少九小時。非常有心機有誠意。必試四重香蝦叻沙湯摻摻，將虎蝦和帆立貝預先煎香，肉質新鮮。湯底更加入日本櫻花蝦、爆炒辣香蝦、蜆肉及大量蝦籽，湯頭蝦味極濃郁。招牌椰爺秘傳叻沙摻摻也是這裡的大熱，即叫即炸原隻軟殼蟹，份量十足，油麵米粉吸了咖喱椰香湯汁精華，非常重口味，味道層次豐富。鮮香蕉及榴槤流心斑蘭椰香咖央多士 ，兩款多士味道也非常吸引，斑蘭醬加了香蕉及榴槤一起打成，熱辣辣上碟，醬汁瀉出，滿滿斑蘭清香。…查看更多

馬來爺爺（Malay Grandpa）是位於香港大角咀的熱門馬來西亞風味小店，主打高質素且無味精的傳統馬來料理，尤其以招牌叻沙湯麵聞名。餐廳由兩位年輕店主共同經營，他們花費近兩年時間研發自家手工炒製的叻沙醬，力求湯底香濃而不留口乾感，湯底使用大量新鮮東南亞香料如香茅、蝦米等，製作過程長達九小時，使味道層次豐富。馬來爺爺的招牌菜式包括：三重香蝦叻沙湯麵- 這款叻沙湯底使用了多種鮮蝦元素，包括日本櫻花蝦、爆炒辣香蝦和虎蝦，令湯頭蝦味濃郁鮮香，非常適合喜歡重口味的食客。湯汁濃郁而不油膩，帶有椰奶的香滑和香茅的清新香氣，層次豐富。班蘭咖央多士：甜品鹹香適中，厚切牛油是我的最愛餐廳座位不多，氣氛親切，且堅持每日自家炒製新鮮叻沙醬汁，展現手工和匠心。…查看更多

每次去大角咀都會諗起呢一間因為店舖實在太細間，如果有時間係值得排隊等一陣， 佢既味道係勁適合香港人重口味，包你食完會好滿足。軟殼蟹喇沙（期間限定）我好鍾意食軟殼蟹，呢一隻係又大又脆又多肉，湯底超級濃郁好好，大部份拉麵嘅配菜都會有一堆蜆肉，好新鮮好好味，唔好以為配菜咁少唔夠飽，食完真係飽到上心口。四重蝦（第二張相）相比之下呢個湯底好鮮香，睇相會見到好多櫻花蝦米，仲有兩隻炸到脆卜卜，但係肉質好鮮嫩嘅大蝦，一粒類似魚肉蛋，一堆蜆肉，好鮮甜，我每次都將佢個湯飲完。香蕉斑斕咖央 今次唔記得影相，因為太肚餓，一上枱就即刻食完，之前食過牛油斑斕味，好好食，但係實在太肥要忍口唔可以成日食。方包會烘到好脆，放咗一陣食完碗麵再食都仲係咁脆。呢間食過好幾次，我都唔捨得介紹，因為怕之後太多人排隊冇得食。不過好嘢係要share同埋支持嘅…查看更多

講到大角咀出名嘅食肆絕對有馬來椰爺 經常都大排長龍🐉今次一放工黎到先至搵到位😙每張台都有Qr code落單雖然店舖唔大 但每張枱都有掛鉤可以勾住隨身袋 成件事ho warm🥹✨原隻炸軟殼蟹蜆肉無味精椰爺秘傳喇沙摻摻$135真係原隻軟殼蟹上枱㗎🦀而且炸得好酥脆蜆肉都非常之多 仲有豆卜同魚蛋 青瓜絲同芽菜喇沙既精華當然唔少得配油麵同米粉每一啖都充滿濃濃嘅椰香味🤤✨真.榴槤椰香喇沙摻摻$99見到期間限定係榴槤 未望清楚就叫咗發現有黑醬肥牛拼滷水燉金沙骨 再加榴槤差少少以為叫錯🤣🤣🤣🤣因為太多配料 榴槤配上熱食感覺好新鮮食落嘅湯底都有榴槤味滷水燉金沙骨 感覺食緊豬軟骨一樣而黑醬肥牛都好惹味超級極力推介呢碗麵✌🏻#由於係期間限定 所以有得試快啲好試喇😛✨真.榴槤斑斕椰香手工咖央多士$48多士真係新鮮製既 上台時仲熱辣辣而入面嘅淡淡斑斕椰香同榴槤都係凍凍地食落就好似冰火交融嘅感覺 熱得黎有啲凍凍既口感😋✨斑斕椰汁（凍）$18以特飲黎講 斑斕同椰汁呢個配搭黎講香港好少見斑斕加上椰汁又唔會太甜 仲有種開胃感😌…查看更多

原本bookmark很久，見好評極高，對這間的叻沙極高期望。剛好有事去大角嘴，所以即時想起這間餐廳，終於有機會會一會它！門面不好找，只是細細的一度玻璃趟門。一進店面座位是非常狹窄，完全動也不敢動。坐下用qr code自助點餐，我跟友人點了一個大家大推的軟殼蟹椰爺湯跟四重香蝦喇沙，非常期待！出餐很快，湯夠熱，材料非常新鮮！吃得出軟殼蟹是即點即炸，熱辣辣非常脆口！唯一不足是醃蜆肉換成螄蚶會更鮮香。湯底方面椰爺湯底不是想像中的椰子味，只是淡淡的淡奶加蝦水？而蝦湯以為會很濃蝦味即用蝦頭去爆香那種…可惜可惜！只是靠蝦子粉搭伴，湯底不夠蝦味，味道單調！由於天氣炎熱，店內又不是太大冷氣，再加上湯頭很熱，愈吃愈熱，想要店員拿杯水…誰不知是滾燙燙的開水。由於店內太熱跟友人一吃完立刻埋單。在門口見到貼上叻沙的圖片見有匙蝦醬或辣醬？如果可以加建議大家問問店員….不然可能湯底太過單調，也許只是不對我的口味暫時未能打破我心目中最好味的港島叻沙店*湯…查看更多

📍馬來椰爺大角咀櫸樹街62號富多來商場第二期地下14號舖「鮮香蕉流心班蘭椰香手工咖央多士」 真係好流心🤣但嫌個多士唔夠脆🫢「四重香蝦叻沙湯麵🦐」係幾香蝦味，帶少少辣味🤏🏻但係個湯好濁😥 入面有太多料… 食唔出鮮味，只係有種求其拼湊一齊嘅感覺，啲海鮮都唔多新鮮🫥「原隻炸軟殼蟹蜆肉無味精椰爺秘傳叻沙摻摻」好香椰奶味👍🏻但同蝦麵有一樣嘅問題😿整體而言個人覺得店家係以料嘅澎湃度取勝，但我對各樣用料嘅配合度有所保留🫢💰人均~$150 😋總評分: 5/10   #foodlab奧運 #foodlab大角咀…查看更多