馬來椰爺

營業中

休息中

💛馬來椰爺餐室 Malay Grandpa Restaurant大角咀富多來商場新開無耐就去左試, 第一次去已經好欣賞個叻沙同白咖哩湯底招牌虎蝦海鮮 無味精 檳城白咖哩湯摻摻 $78Tigers Prawn Seafood Penang White Curry Mee with Mixed Noodles, no added MSG其實小店只有2人, 樓面同廚房各一. 但每次上麵都會由廚師親自送上, 再解釋番呢碗應該先mix 白色帶椰香嘅先食, 再慢慢按喜好撈埋隔離個微辣叄巴醬食, 可以食到唔同層次. 頗有匠人feel. 個湯底, 店menu 好強調無MSG, 用左自家炒叻沙醬爆炒熬煮超過9小時, 真係好鮮味香濃, 好推薦🤤摻摻兩款麵texture 都剛好, 唔會太腍. 虎蝦燒過, 蝦肉結實. 深海魚蛋彈牙. 試左朋友叻沙麵一啖都唔錯, 不過更喜歡呢碗白咖哩. 三色冰奶茶 $28跟餐半價, 下最底係黑糖, 因為怕甜最後都無攪勻哂留左好多係底. 個奶茶ok 嘅. 鮮香蕉 流心班蘭椰香手工咖央多士 $38Pandan Kaya Toast with Banana 第一次去試左menu 兩個

呢排天氣真係好熱，都完全唔想去戶外活動。所以最適合就係餐廳食下野。咁我早排行過旺角附近，發現有一間食馬來西亞嘅馬來椰爺好正宗。👍😏呢間餐廳既首選肯定系虎蝦海鮮摻摻，用了無味精 檳城白咖喱湯，全部加持自家製作，大大兜，蝦肉好滑好彈牙，夠爽脆。椰香味都好香濃，幾好飲。配料方面，除咗蝦之外，仲有魚片，熟蛋，芽菜同豆蔔，最好食嘅當然係豆蔔，因為粒粒吸滿湯底，一啪入口，再爆漿，其味無窮，其他配料都好好食。個湯底唔會太酸太辣，岩岩好，好正宗。🍜今餐真系大滿足，中意食馬來西亞菜既朋友都可以來試試！🤤🤤

今次真係要上嚟讚下呢間位於大角咀嘅馬來椰爺，算系香港數一數二叻沙名店！真係食到好爽，🍜越食越好食，而且質素好高所以大家都可以嚟試下。金沙骨黑醬特級肥牛 摻摻 ，香草特濃椰奶湯底帶椰香，鮮甜唔會過鹹，配料除左大大塊肥牛之外，仲有半隻蛋同埋好多豆蔔、芽菜。另外蔥、辣椒粒、芫荽。因為鍾意食辣，所以我落左好多辣椒粒🌶️湯底既辣味唔會太辣，伴隨椰香，好正～🥳原隻炸軟殼蟹 無味精 椰爺秘傳叻沙 摻摻🍜 同埋鮮香蕉 流心班蘭椰香手工咖央多士都好正。間野都算交通方便👍，而且服務相當周到有禮貌，下次會同朋友再來！

朋友系馬來西亞人，因為疫情好耐沒回去，所以特登同佢試下呢間位於大角咀既餐廳，餐廳採用醬汁全部都係自己炒的醬汁，連我朋友都讚係好正宗，而且價錢都好實惠.飲品來左杯南洋手工拉茶，採用精選斯裡蘭卡高山紅茶，甘香可口。鮮香蕉 流心班蘭椰香手工咖央多士，系自家鮮製，香甜美味。🍵原隻炸軟殼蟹摻摻同埋虎蝦帆立貝海鮮摻摻🦐，所有既海鮮都好新鮮，而且個湯底系椰爺秘傳叻沙，堅持無味精。軟殼蟹炸到香脆，虎蝦超級大只好抵食。而且室內裝修都好別致，有東南亞都既味道🤗，贊!大家快來食啦！

見到網上呢間餐廳超高評價🍝，算系香港數一數二叻沙名店所😆，以我特登就同朋友嚟咗呢間位於大角咀嘅餐廳食野。間野既裝修都幾有特色，好多東南亞元素，而且座位寬闊舒服，加分！煙鴨胸肉 滷水燉金沙骨 無味精 椰爺秘傳叻沙 摻摻 $88🍜，中意煙鴨胸肉既人既首選，D鴨胸肉夠曬入味，完全同D湯底融為一體。金沙骨就夠淋，同埋好香口，肉味好濃鬱，越食越想吃。鮮香蕉 流心班蘭椰香手工咖央多士（自家鮮製）都系超正宗味道，配合一杯自家制芒果斑蘭椰汁冰清爽解辣，最岩岩岩夏日解暑。🥪總括而言，性價比好高，值得下次再來食。哈哈！😬😬

我本身好鍾意馬來西亞菜，宜家沒得去旅行，🤤唯有系香港揾好野食啦。 點知比我發現係大角咀呢間廳真係好正，算系香港數一數二叻沙名店，全部醬汁冇味精，湯底超濃。🍽️金沙骨黑醬特級肥牛摻摻🐂 $75，價格非常親民，而且好大兜，全部既醬汁豆子自家製作，堅持無味精，食落去又非常濃既香草味，仲有一個特濃椰奶湯。 肥牛肉汁鮮嫩，肥瘦比例完美，齒頰留香。鮮香蕉 流心班蘭椰香手工咖央多士（自家鮮製） $38，都系必試之選，椰香滿溢既餡配合香蕉肉，鮮甜軟糯，一試難忘。最後來一杯，話梅桔仔水消暑解膩。🥤另外，佢交通都幾便利就腳，經過附近的話，大家可以試下。☺️

世界尚未回復到想飛就飛既時代我成日都好掛住當年留學新加坡既美食所以成日都會揾星馬餐廳食下，以解個半份鄉愁今次呢間無失望之餘，仲有驚喜！虎蝦叻沙香濃足料！斑蘭椰汁冰兩者相映成趣，唔會搶左對方既味道！最後黎埋我最期待既kaya toast!! 係呀我食完碗麵再飲埋杯野之後先食所以可以話係飽左8成但係真心好味到我忍唔住問廚師哥哥點解可以整到塊麵包咁乾身咁脆，係香港真係未試過食番呢個口感!!!!! 好回味！廚師哥哥當然唔會答我點整啦唯有下次再去食PS 點解我會同到廚師哥哥講野？因為廚師哥哥好勵害咁一邊顧住個廚房一邊行出黎問下大家既意見！抵佢生意咁好！

星期日返完教會與3位姊妹到大角咀富多來商場2期櫸樹街62號試食新小店, 話說朋友好想去馬來西亞, 而家未去得便食咗當去咗。朋友由此店最近傳媒介紹, 好吸引, 故來試吓。我哋食咖央多士, 勁厚牛油, 超級好味! 另一人一碗叻沙,  虎蝦海鮮, 肥牛, 金沙骨好滿足。炎炎夏日當然要飲番杯三色奶茶, 朋友好 like 話梅吉仔冰!店內佈置令你感到去咗馬來西亞一樣! 

前排唔知係咪天氣關係 極想食喇沙(˙𐃷˙)搵左呢間大角咀呢間開左半年左右既馬來椰爺 @malay_grandpa小店非常強調喇沙醬料都係自己炒爆炒熬煮發酵總時間超過9小時而且係無MSG 真材實料.ᐟ‪‪‬更新左新餐牌後 湯底總共有四款我地叫左招牌椰爺秘傳喇沙同檳城白咖喱店主介紹話前者比較偏向新加坡風味後面就馬來西亞口味一啲食落簡單講就前者近似我地香港食開既喇沙 好濃香後面雖然都係喇沙底 但較清澈上面有一大灘椰漿店主教可以就咁食先慢慢撈埋森巴醬一齊食 由淡食到濃最後愈食愈好食撈哂全部兩個湯底我地都飲到無哂( ͡° ͜ʖ ͡°)配料我地同樣都選擇左虎蝦海鮮虎蝦處理都有落心思炸過既蝦殼好香 忍唔住要啜下其他海鮮包括有蜆肉 帶子同魚蛋我地另外叫左份鮮牛油班蘭椰香手工咖央多士咖央都係店家自製架( ˙꒳​˙ )多士慢慢烘到脆卜卜咖央醬好香班蘭味 唔過甜質地偏creamy加埋大大片仲凍凍地既厚牛油(*´∀｀)我地加左一杯椰香手工拉茶都係天然既味道 唔死甜又香椰味～✿✿✿✿✿✿✿✿✿✿✿Follow @lastbitematters for more

朋友介紹嘅馬來西亞菜小店 早排同幾個好耐冇見嘅朋友一齊去試試佢😆🇲🇾去到嗰陣可能因為啱啱坐滿咗 加上我地要大枱 門口望入去見到得兩張大枱 所以我地都等咗一段時間先入到 好彩野食黎到就發現所有嘅等待都係值得架！！舖入面嘅裝修好有馬拉地道風味 牆邊掛咗啲當地特色嘅畫同相 感覺好溫馨第一碟黎嘅係鮮牛油斑蘭咖央多士💛💚咖央超級香甜🥹🥹❤️好味到我差啲想問老闆可唔可以就咁買啲醬返屋企自己平時整早餐食 老闆話個醬係佢地親自調制 唔係就咁係出面訂返黎嘅醬 的確係我食過最好味嘅咖央醬！真係必試！💯💯而且多士烘得啱啱好 （細節見心機 真係唔係間間都做到）之後就開始上湯麵 我地因為想儘量試多啲湯底所以叫咗幾款唔同湯底嘅麵share （淨係記得影第一碗 之後已經太投入食野唔記得逐碗影低🥲）第一碗黎嘅係虎蝦帶子海鮮咖哩叻沙摻摻😋😋一上枱香味已經十分濃郁 老闆仲好nice咁教咗我地食到一半左右可以落啲青檸汁落個湯到我地急不及待咁每人夾咗啲試 因為我自己唔係好食得辣 聞到咁香咖哩味本身仲有啲擔心會唔會太辣 點知佢係小小辣嗰種令人上癮嘅辣度 忍唔住一啖接一啖🫣落青檸汁之前湯底好香好濃郁 適合比較鍾意重口味嘅朋友 落咗

上星期先試完碗軟殼蟹叻沙,味道好到不得了,係我食過最好食嘅叻沙, 自家制9小時煮出黎嘅湯,用料充足,味鮮、濃、香,仲標榜無味精,食完麵飲埋啲湯,又真係唔口乾喎！講完必定返食,今日3號波都未落就去返食了.好在今次早到先有位,12點開門,12：15已經坐滿（小店只有十個位）.今次點了虎蝦帶子海鮮叻沙 及只限堂食嘅流心香蕉斑蘭椰香咖央多！！！叻沙保持水準, 虎蝦炸鮮甜香脆齊哂,真係冇得輸.重點黎喇, 係個咖央多,好邪惡呀！！！係好好好邪惡呀！！！！！重點如下：1）流心2）香蕉3）斑蘭4）椰香咖央話說我係海南人,從小食家鄉自家制咖央大,外面啲咖央好難吸引到我。咖央用椰子做,椰香就緊㗎啦,加咗改斑蘭嘅咖央多了一份清香斑蘭味,加以即烤脆多士,本原已殺死人,但今以個吸引我嘅,係原來香蕉同咖央係咁夾！咁好食！唔識用文字形容了.....多謝小店做出如此人間美食

雖然食物種類不多，不過湯底的確真材實料，好好味，完全無味精既感覺。如果小食選擇可以多一點會更好👍🏻上每一道菜都會細心解釋最佳食法，睇得出係好用心同認真去經營，加油！

開左個零月一直都想試，見今日唔駛等就食左，分別嗌左檳城白咖哩沙配金沙骨同娘惹喇沙湯配金沙骨，小食嗌左斑蘭咖央。但肚餓得滯唔記得左影相，只有一張白咖哩湯既相。湯底吊打上海街同大全街既馬來式食店！喇沙湯飲第一啖已經知唔係普通野，白咖哩湯都好香濃，辣味適中，聽番老板講醬係為求新鮮，自己收鋪時間炒，供不應求，所以做得好吃力。而且我比較大食，碗摻摻夠飽肚，唔會好似蘇x咁食完唔夠飽。另外一提，咖央既斑蘭醬勁多，而且自家製，出色。兩位年輕老板都好虛心聽食客意見。有態度有心機，繼續堅持，我認為終有一日要排住隊食既！

自從上次朋友食過介紹呢間值得一試，最近約咗朋友過嚟試吓。地鐵站行過嚟都好近方便唔難搵。一開門見到剩返一張吉枱，嗱嗱聲同兩位飲飲食食朋友入座真係好彩！🤪由於肚餓關係，直接嗌左朋友介紹的推薦。正餐個鮮蝦海鮮喇沙白咖喱摻摻，好足料味道好獨特本。本身我一食開唔新鮮嘅海鮮啲皮膚都會生粒粒，今次食完冇事證明夠新鮮！😋食完一場嚟到試埋之前個朋友介紹加上係店長推介嘅嘅鮮牛油班蘭夜香多士。呢個真係唔覺得笑超邪惡😈煉奶控嘅我黎講又係超鍾意👍🏻呢個小吃絕對可以Encore ! 食完正餐再食呢個都唔覺得漏。埋單價錢合理，支持小店經營👍🏻

同朋友路經大角咀,肚餓想搵間小店試試. 見到有人排隊,行去一睇. 食牛的,咁就同佢無緣了. 因為我係素食者.但望望旁邊的餐廳, 係食叻沙,心諗,又無野食.點知朋友話:唔係wow入得.於是就入去試試.鋪仔細細，平日夜晚，入到去有一台客。我叫左個專為素食者出的摻掺, 話梅吉仔水。朋友叫咗金沙骨白咖喱摻掺同埋三色冰奶茶.上餐果時老板好好心機話我地知要試左啖湯先, 之後後撈埋啲醬同個湯. 一啖飲落個湯度，發覺有浸好香嘅香草味。再撈埋個椰奶感覺好特別。朋友食個金沙骨，表示好多肉.仲係咁話個湯底好正,叫我試.老闆話為咗煮呢個素食摻摻,特登用另一個煲煮湯底。真係好有心!!!!雖然食完個掺掺已經好飽,但見隔離枱上左個炸香蕉，斑蘭咖央.忍唔住加埋呢兩個甜品.炸香蕉一上到枱，已經有陣陣香味。隔咗一陣冇咁熱，放入口個, 一咬,香蕉肉流心一樣。表面層粉又夠薄，所以好快已經俾我哋食晒。到貨斑蘭椰香咖央多,啲漿好似屋企自己整一樣。一嚟唔會太甜，個麵包又夠脆.大推❗️