餃掂手工餃子雲吞專門店

營業中

休息中

壽喜燒牛肉煎餃（$74/10pc)一咬入口冷不防爆了滿口的牛肉湯汁，材料有新鮮牛肉、馬蹄、京蔥，材料簡單但調味頗重，加上餃子外皮煎得香脆，整體除了太重口味外，實在會令人忍不住一餃接一餃。至尊松茸灼餃 （$84/8pc)外表看到漲卜卜的餃子已食欲大增，一咬下去立即嘗到的是松茸味道，然後就是有稍為調味過、淡淡的豬肉味，配上特製的醬（套餐），整體味道很搭又有齒頰留香的感覺，比牛肉煎餃出色多了麻辣雪花皮蛋（$28）點這個只為解決「突然很想吃皮蛋」的欲望，餐牌上寫著「麻辣」但入口實在沒有很麻辣，甚至稱不上辣呢。這個價錢不太合理。下次還是多點客餃子好了餃掂手工餃子雲吞專門店 (銅鑼灣)銅鑼灣景隆街19號地舖

每次去銅鑼灣接阿女放工，如果天口熱冇咩胃口，都會諗起去餃掂食下煎餃同湯餃。餃掂都食過好幾次，比我印象好乾淨，每枱都預放有豉油、醋、辣椒油、辣菜脯等...尤其辣菜鋪，每次都ko 唔小先收手架🤣佢嘅店舖餃子🥟種類好多有煎餃、湯餃、蒸餃、前菜小食等等.....🥢上湯時菜、回味手帕青瓜🥒，青瓜爽脆嫩綠，我最鍾意夾埋辣菜脯一齊入口🤗⋯⋯增加辣度同口感😋。🥢煎韮菜豬肉餃🥟，每隻都肥嘟嘟，餡料非常飽滿，外層兩邊都煎到蕉蕉香香，中間餡料嘅半肥瘦肉碎，肥瘦交疊，入口鮮香，韮菜份量同豬肉配合得非常出色，一啖咬落去非常滿滿嘅豬肉汁係口腔爆發，真係做到皮薄餡靚🥟。🥢龍鳳松茸雙灼餃，跟埋碗絕無味精嘅狀元九鼎湯，碗湯其實係平時我哋喺屋企飲嘅粉葛鯪魚赤小豆扁豆湯，非常之去濕清熱，碗湯好濃郁，足見真材實料，材料十足👍🏻。🥟龍鳳松茸蒸餃，由於係蒸嘅關係，一眼就見到非常晶凝通透，真真正正做到皮薄餡靚，一啖咬落去，滿滿嘅黑松露香味衝入口腔，超級香，肉汁亦隨即係口腔衝入味蕾，非常好食嘅蒸餃🥟👍🏻。

驟眼睇覺得價錢唔貴，叫完之後發覺原來餃子Overpriced 涼皮$30幾蚊，味道唔錯，算係抵食。雖然沒有餸菜，不過單靠醬料，味道都出色😅雲吞上海麵， $49 ，唔錯，係好一般的上海麵，同埋好一般的迷你超級迷你雲吞，不出色，不過不失，算係吞到落肚😅雙拼煎餃子🥟$70/10隻質素好一般，唔係難食，只係一般味道，平均要$7/ 1隻，雖然唔係貴野，不過真係定價過高，如果呢個價錢，應該要提供更好質素！例如大隻少少，或者唔好比啲煎爛咗嘅餃子啊！🥴😖😰😰😰

有時候就係無啦啦想食餃子有十多款口味😨 普遍啲韮菜/白菜豬肉/粟米都有既然係餃子專門店 試特別啲款式Size分7隻或者10隻煮嘅方式有煎、灼、湯餃 三種我地都有試煎餃香口啲 灼比較乾身又快變凍我較喜歡湯餃 狀元九鼎湯 即係魚湯底 無味精👍🏻.壽喜燒牛肉餃 煎 $56元貝豬肉餃 湯 $49野生松茸素餃 灼 $48.壽喜燒牛肉餃用新鮮牛肉製作整隻餃子都係肉 有壽喜燒嘅甜味元貝豬肉餃好食😋 多份鮮味入面一絲絲元貝絲 餃子皮薄配菜脯係必須 但真係好辣呀🥵

餃掂手工餃子雲吞專門店 位於銅鑼灣景隆街19號地舖，由地鐵站步行約3分鐘地達，非常方便就腳。餐牌有十多款餃子選擇，有芫茜豬肉餃、香煎軟心芝士餃、壽喜燒牛肉餃、大滿貫素餃、野生松茸素餃、元貝餃等等，以幾款餃子都比較特別，除了餃子、亦都有湯麵、四川小食等。龍鳳松茸雙煎餃-我地叫左餐廳既招牌龍鳳松茸雙煎餃，分別有白松露和黑松露各4隻，餃子皮厚薄適中，每隻都脹卜卜，清晰見到黑松露餡料，黑松露、白松露味道天然，芬香撲鼻，不會完全蓋過豬肉味。粟米豬肉餃-我比較喜歡煎餃，所以都點了煎餃，煎餃煎得非常香口，每隻都好飽滿，豬肉和粟米比例剛好，餡料結實多汁。自家製山揸雪梨水-味道酸酸甜甜，既開胃又消脂，而且仲要大大杯。

最近學識包餃子，雖然手勢還未成熟，但對包餃子興趣大增，閑時會去餃子專門店，幫襯之餘，順便偷偷師。公司附近呢間餃子專門店知道有好多分店，質量好和價錢都非常親民。野生松茸素餃餃子皮好薄，隱約見到內餡。松茸那香氣四溢，混合素菜，好正！喜歡灼的煮法，原汁原味。龍鳯松茸雙灼餃黑，白松茸混合肉，粒粒飽滿，有口感。呢款跟狀元九鼎湯，湯味濃，火喉十足。食餃子建議蘸醋，會更加滋味！另有一款菜莆辣醬，辣度適中，惹味！

上次係灣仔經過已經好想食，今次比我無意中見到，即刻坐低入去食。12點到達不算太多人，之後1點左右愈來愈多人，9成滿座，而且不停聽到很多人來買外賣。餐廳裝潢有別於傳統的餃子店裝潢，餐廳簡潔明亮，環境乾淨整齊，全部卡位，坐位舒適寬敞。元貝豬肉煎餃（$53/7只）煎餃兩邊煎成焦糖色，外皮非常香脆，而且不硬身，食到一絲絲的元貝，元貝味非常想香，好鮮味。香煎軟心芝士餃（$62/10只）香煎軟心芝士餃要襯熱食，外皮煎得香脆，餃子入面有豬肉、香甜粟米，芝士還呈半流心狀態，而且還有拉絲效果，半溶芝士份量剛好，芝味濃郁，香而不膩。豆漿（$15）好大杯，豆味香濃

細細個我就好鍾意食水餃，講到食水餃，餃掂呢間水餃店都係我喜愛嘅其中一間，更係蔡瀾推介嘅。松茸擁有健脾養胃、養顏養生嘅效果，而呢間水餃店嘅食材就正主要用松茸去做。龍鳳松茸灼雙餃，有黑松露和白松露雙拼，松露味十分之濃郁，皮薄，餡料結實，不容易散開。跟狀元九鼎湯，材料有粉葛、鯪魚、紅蘿蔔、扁豆、赤小豆等，清甜滋潤，有提升免疫力、養顏保健的效果。芫茜豬肉餃，好香芫茜味，但又不搶豬肉嘅香味，芫茜控必食之選。另外粟米豬肉餃，大粒香甜粟米配上豬肉，十分有口感。壽喜燒牛肉煎餃子，一口咬落去，噴出肉汁，外表煎得金黃香脆，內裏牛肉好Juicy。如果食得辣嘅話可以試吓去呢度嘅自家製辣椒醬，用嚟點餃子食，惹味十足，仲有樽裝帶返屋企！

銅鑼灣有好多唔同種類嘅餐廳，今日嚟景隆街試下呢間餃子專門店。豆漿 - 飲落豆味清香唔算太甜。黃金原味皮蛋 - 第一次食金黃色嘅皮蛋，咬落口感煙韌，味道比較清淡。重慶鮮肉雲吞 - 雲吞size比較細粒，餡料豬肉結實。揀咗小辣略嫌唔夠辣，好在檯面有辣椒醬自己再加。韭菜豬肉餃 - 餃子好飽滿足料，韭菜同豬肉嘅比例啱啱好，味道鮮甜多汁好好食。龍鳳松茸雙煎餃 - 龍鳳係指餡料分別用咗黑同白兩款松茸，白松茸味道帶淡淡清香，而黑松茸有好濃郁嘅松茸味。外層餃子皮煎得金黃色好香脆。四川涼皮 - 涼皮表面灑咗大量花生粒，撈勻一齊食更有口感。涼皮食落清涼口感煙韌，撈埋麻辣汁食更加惹味。

餃子控又出場了，每次朋友問去邊度食餃子，我都會推薦「餃掂手工餃子雲吞專門店」，站是我最喜愛的餃子店，今次與友到訪銅鑼灣分店 ，位置就在銅鑼灣站D4出口，約行3分鐘就到，非常方便。每次也會吃「至尊松茸豬肉餃(跟湯)」，這餃子是鎮店極品，餃子皮薄餡靚，入口有鮮甜豬肉香， 再配上松茸醬更添滋味。跟湯是「狀元九鼎湯」可單點或跟餃子，材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗及鮮排骨等。這個湯絕冇味精，而且還能提升免疫力， 溫賢益氣及養生保健，健康之選。「韮菜豬肉餃(煎餃)」，煎後餃子香脆可口，韮菜惹味再加上豬肉的香甜，傳統經典口味，值得一試。新款餃子推薦是「壽喜燒牛肉餃 (煎餃)」，超甜惹味，日式和風口味，有驚喜，好吃到手指大動!小食「四川涼皮」麻麻辣辣，涼皮滑溜，滿口花椒辣油香，好過癮。飲食推介「自家製山楂雪梨茶」及「檸檬蜜糖薏米水」，味道十足，滋潤養生，非常健康。不論任何分店都keep到一樣水準質素，「餃掂手工餃子雲吞專門店」的確是我心目中的餃子界第一位。

帶兩老去嚐他們喜歡的煎餃，本來是開心事。可是被態度惡劣的女侍應一下子就破壞了氣氛。老人家行動較緩慢，入座時自然稍微慢了點，一位女侍應在後面就大聲吆喝:「快啲坐低啦，唔好阻住我哋做嘢！」唔理餃子好唔好食，這樣的服務態度已經令人倒胃口！點了松茸素餃、雲耳椰菜肉餃、白菜肉餃，全部都是煎餃，味道水準仍然保持不錯，與灣仔分店的水準一樣，值得一讚。再encore了松茸素餃(灼)，灼餃和煎餃各有特色，是該店的特色餃子。

餃子係北方飲食文化重要一環，漲卜卜尤其飽滿，可以煎又或蒸熱食，加上餃子外形似元寶，亦係新年必食既賀年食物。晚市堂食有條件延至十點，久違放工外出用餐既生活已有頗長時間，好興奮吖。我地都應一應節，食餃子🥟之前都黎過呢間餃子店，喜愛其種類配搭多兼定時推新口味，黎過幾次總會有新鮮感未嫌厭！今次黎點份龍鳳松茸雙灼餃($86/8隻)， 可說是鎮店餃子黑白松露各4隻，皮薄得黎有咬感，黑松露本質味道濃郁強勁，白松露相對而言比較幽香內斂夾起餃身，粉嫩既豬肉加埋黑松露蓉隱約透出餃皮外，肉質鮮嫩加埋一片片既松茸令味道更有提昇效果。灼餃跟一碗狀元九鼎湯先呷一口九鼎鰂魚湯暖胃，有住家feel，飲得出有粉葛赤小豆扁豆既味道非常重本，鮮甜味美呢度既餃子有煎/灼，中碗同大碗之分，我地2個人又想試多幾款，所以香噴噴既煎壽喜燒牛肉餃就點中碗($56/7隻) 咬落去外層非常乾身香口入面陣陣牛肉香，肉質較乾身但不乏肉汁 黃金原味皮蛋，呢款皮蛋唔係用鴨蛋製成，而係用雞蛋造皮蛋，金黃既蛋白位有如水晶般，蛋黃溏心香滑。四川涼皮薄薄的晶瑩剔透，配上青瓜絲、蒜粒、花生碎、葱花，醋汁，伴勻配料食特別香辣惹味！上湯松茸時蔬，菜心清甜翠綠，

晏晝間唔中都來依度食下，有時晏晝唔想食咁heavy ,食碗湯餃子加菜飲杯健康嘢飲都幾好，現在今天兩個人來到這裏就叫食下其他款～推介煎牛肉餃子🥟好香😆😆😆我一咬落去好Juice，噴走咗啲汁😂幾香幾好食！另外食咗元貝湯餃，龍凰湯餃～鍾意食餃子就唔好錯過！有啲湯浸住都幾好飲～ 可以飲埋碗湯，個四川粉皮是新產品，辣辣地😽啱晒鍾意食辣嘅我😻佢個菜心都有幾次所以我覺得成個套餐都好健康囉！啲嘢食都唔油幾好！個鳳凰皮蛋上面有兩個漿用來送冷麵就一流啦，下次會試吓個冷麵吖！

今日突然好想食餃子，於是搜尋一吓銅鑼灣附近嘅選擇，最後決定試試新嘢揀咗呢間店里面裝修簡潔，但有唔少特色擺設睇完餐牌揀咗香煎軟心芝士餃即叫即煎，要等5-10分鐘，一嚟到見佢熱辣辣，加上有芝士嘅野當然要趁熱食，眼見餃子一面金黃香脆，另一面就皮薄餡多，隻隻都脹卜卜，咬開可以清楚見到有唔少芝士，比起其他餃子店嘅同類產品更足料，食落似係車打芝士，口感有啲creamy。餡料有一定嘅肉汁令到即使係煎餃都唔會太乾，栗米嘅清甜亦係點綴之一。唯一要吐苦水嘅就係價錢比較貴，只可以久不久食一次。

同事推介試呢間. 就同另一個朋友黎試下.價錢一般, 係特別既黑,白松露餡會貴D!皮蛋龍鳳松葺雙灼餃 $86 / 8只. 跟狀元九鼎湯.個湯流流地... 佢其實係赤小豆粉葛湯黎不過就好淡口. 少赤小豆同埋好稀下.飲左幾啖就棄左.賣相靚仔, 無散開.試下白松露先. 香味就夠. 食落唔夠濃.黑松露個味濃D.  不過呢個價錢我會EXPECT 多D, 濃D 爆出黎.明白堂食有鋪租, 但佢外賣生餃係一樣價錢家.如果真係好中意黑松露, 推介網店--孖妹, 一打先係$5X.. 抵好多又爆哂累松露味..另外再左個香煎軟心芝士餃. $62 十只.我見佢又芝士又粟米.係我愛既野, 所以就算唔係灼餃都試啦..一灼一煎試真D.上到黎..UMMMM 好油...油到一個點!! 可能佢入面係芝士既關係, 又油又膩搞唔掂!!另外要講一講. D 醬料,  四川辣椒醬同菜脯辣椒醬...想問係咪D 辣椒假GA? 冇辣味... 錯哂.. 菜脯應該係乾身, 佢又浸哂係D 辣油入面.. 梅菜咁...冇哂口感同味道..錯哂呀!!!