餃掂手工餃子雲吞專門店

營業中

休息中

對我嚟講食飯有上限，食麵有上限，但食餃子就冇上限，因為我好多時食餃子食下食下就食咗好幾十粒，所以餃子對我嚟講都係其中一個最愛嘅食物。呢間餃子店叫得「餃掂」應該有番咁上下斤両，所以都入去品嚐，入到去見到個大招牌寫住「天下第一餃」更加要食真啲。大滿貫素餃餡料有姑菌、菜苗、瓜類，食落去唔會好齋反而好有口感，成個口腔都食到好多材料，味道亦唔會太濃郁，想提高味道可以點一些醬料。大白菜豬肉餃，口感較單調，無大滿貫咁多層次，不過煎的音口平衡了單調感，再加上點些辣醬亦都不錯。龍鳳蛋，是指黑和白松露醬，個人鍾意黑松露醬，較重味，搭上半糖沁蛋是特別組合。四川辣椒醬菜甫辣椒醬竹昇麵，麵身唔會太硬亦唔會太軟，煙韌適中。餃子食清光証明本人對餃子的鍾愛程度，亦反映食店的餃子出色。希望食店繼續整更多新口味，提高新意思。

銅鑼灣這條街有很多食肆卧虎藏龍，而且種類也很多選擇，豐儉由人，是夜到這附近行街便走來看看有什麼可吃，沒有特定想食什麼。路過見到這間食餃子店引起了我的興趣，所以二話不說便走入去，食店果然真是主力賣餃子，分為水烚或煎，餡料大致上有粟米、白菜、椰菜、芫茜之外，還引起我注意的是這款壽喜燒牛肉餃，因為記憶中未曾食過這種口味。壽喜燒牛肉餃(煎)$74 10隻外表上同一般煎餃冇乜分別，不過食落去就見到真章，第一口咬落去餃子嘅熱力迫咗出嚟，還食到濃香嘅牛肉香氣同肉汁，我覺得幾正。有兩種醬料選擇，菜脯辣椒醬好食。青瓜同皮蛋唔係突出，ok。粟米豬肉餃(湯)$54 10隻食完煎另外食過湯的，湯是狀元九鼎湯，見到佢哋介紹用好多材料，用粉葛、鯪魚、鰂魚、紅蘿蔔、赤小豆、蜜棗、陳皮、排骨等煲成，如果獨立叫就要20蚊一碗，如果湯餃的湯就不用另外畀錢。粟米豬肉餃的口感清新，粟米同肉嘅比例算係唔錯，粟米一粒一粒幾爽口，同壽喜燒牛肉餃是兩種口味，各有特色。整體嚟講餃子出色，價錢不平但不太貴，間唔中食下滿足口癮係不錯之選。

收工同朋友想食水餃, 於是係CWB搵左間餃子既專門店   之前食過太子店, 第一次入CWB店食  麻辣皮蛋        我本身幾中意食皮蛋, 但呢度既皮蛋就係”O”晒咀       一啖落去個皮係散晒既, 蛋部份就好”實的的”咁       總之俾人好hea既感覺……   手拍青瓜        呢碟比皮蛋好食, 較正常   雙拼水餃 - 雲耳椰菜 & 豬肉粟米        水餃2隻味, 雲耳椰菜一般, 豬肉粟米較好味       個湯底好淡, 朋友話係冇味精可以飲既, 但實在真係好淡呢…..    壽喜燒牛肉煎餃        最後呢個壽喜燒牛肉煎餃係令我有返少少驚喜既       個皮煎得幾香口, 脆脆既, 唔會淋晒       啲牛肉煎完都唔會好乾, 幾好味       整體黎講, 我會中意食太子店多啲   

喺星期五放工發現本身想食嘅餐廳CLOSE左, 所以要快快手搵另一間餐廳食飯。餃掂其實我喺灣仔分店食過, 水準穩定~所以今日我就帶我勁鍾意食餃子嘅老公去試下！黃金原味皮蛋-幾好味,但唔知點解食落有陣蟹味,同埋都有一兩舊重阿摩尼亞味。芫茜豬肉湯餃 配狀元九鼎湯 - 湯好好味, 係粉葛湯~ 芫茜餃芫茜味好濃, 茜人可以試~韮菜豬肉餃 (煎餃)- 超多韮菜, 超好食。 煎得好好, 勁香口~ 可以無限食!!另外我地仲叫咗一杯薏米水, 偏甜~ 不過都算好飲~雖然阿姐係咁大聲傾計, 但淨係計食餃黎講, 絕對值得再嚟食~

呢間餃子店-餃掂, 最吸引我嘅係佢地嘅至尊松茸豬肉餃，餃子每粒都好飽滿，餃子皮柔軟得嚟有口感，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左新出嘅壽喜燒牛肉餃，餃子兩邊都煎得金黃香脆，入口牛肉汁馬上溢出，肉味香濃。唐芹拌豆筋，唐芹爽甜，豆筋味道簡樸，拌上麻辣醬料惹味非常。龍鳳蛋，溏心雞蛋加上黑白松茸醬，呢個食法別有一番風味。上湯松茸時菜，蔬菜翠綠爽口，加入上湯提味不少。山楂雪梨水清甜滋潤，甜中帶點山楂酸味，很醒胃 。

🥟 Any dumplings lovers?—————🥟Dumplings w/ Matsuke Mushrooms & Pork 至尊松茸豬肉餃 (12 pcs) HKD 107The matsuke mushrooms were so fragrant! These are very meaty dumplings and definitely on the more satiating side. A little pricey but delicious regardless! 雖然定價較貴，真係有別於一般的香菇，松茸的味道好香，滿滿的肉餡，比較飽肚但係真係好滿足！🥟 Dumplings w/ Black Fungus, Cabbage & Pork 雲耳野菜豬肉餃 (10 pcs) HKD 54We get these every time we visit, a good balance of veggies and meat. A very basic type of dumpling, but definitely a classic and very reason

中午時段想吃餃掂，經常要等位，今天改為晚上來，果然不用等。雙拼湯餃選了粟米豬肉和莞茜豬肉，我喜歡點湯餃，因為餃掂的湯底是狀元九鼎湯。狀元九鼎湯以順德活鯪魚、粉葛、香山活鰂魚等熬煮，具温腎益氣、提升免疫力和滋潤腸道功效，入口温潤，每次必喝光。餃子飽滿足料，而且豬肉新鮮，不會夾雜一堆肥膏或筋。龍鳳松茸雙灼餃以黑松茸和白松茸入饀，香氣濃郁，餃皮不厚，配搭出色。黃金原味皮蛋賣相晶瑩剔透，蛋黃呈流心狀，兩三人點一份剛好。

又係食餃子嘅一日！今日去咗呢間餃掂，距離Sogo都近，步行應該五分鐘左右！雖然已經係夜晚九點但餐廳仍然有為數不少既客人！👯‍♂️惹味唐芹拌豆筋 (HK$32)開胃菜！雖然我麻麻地唐芹，但係豆筋好食，辣的有少少過癮！😬回味手拍青瓜 (HK$25) 正常發揮，都係開胃菜之一！😀韮菜豬肉餃 (湯) (HK$43)推介之選🎈！岩晒鍾意韮菜既朋友！皮薄餡足，仲有清清地既湯添，非常不錯！👍🏿粟米豬肉餃 (煎) (HK$47) 第一次試呢度既煎餃，比想像中好食，香口又不油膩，下次可以試下其他煎餃！🐷埋單約HK$80一位。

今日返半日工, 放工後因為想到銅鑼灣🍎apple store買手機配件所以到附近搵餐廳食晏, 黎到呢間餃掂, 裝修新淨企理, 餐廳充滿韮菜既味道。我地跟OPENRICE食評叫左最多人讚既至尊松茸豬肉餃同我私心每次去親餃子店(如果佢地有賣)都會叫既香煎軟心🧀芝士餃(建議芝士餃一定要嗌煎, 試過嗌湯餃真係唔夾, 芝士配湯好怪)。豆漿同可樂。至尊松茸豬肉餃 - 跟一碗狀元九鼎湯, 湯飲到有粉葛同魚既味道不過好淡。餃子皮薄有菇味但同樣有味道非常淡既呢個問題。食得出餃子係新鮮制作, 有食住家飯既感覺, 但就比媽咪煮既野仲要清淡。真心懷疑今日廚師係唔係唔記得落調味。香煎軟心芝士餃 - 呢個好D, 因為芝士本身有鹹味。豆漿 - 麻麻地, 感覺有溝水。

同朋友喺銅鑼灣行完街 見到呢一間叫搞掂 見到入邊食嘅餃子好大隻 大家都不謀而合地講不如食呢間！ 入到去環境幾靚裝修好乾淨 餐牌有勁多選擇 傳統味道重新派味道都有 我地叫左元貝豬肉餃-呢款我地叫左湯餃 湯底叫狀元九定湯 聲稱無味精 飲洛真係好足料老火湯 飲得出淆左好耐既老火湯！估唔到元貝同豬肉好夾 配埋個湯基本上是油都唔使點已經好好味芫茜豬肉餃-我哋叫咗煎餃 一共有七隻 芫茜味好出 配買新鮮豬肉 大大好足料 傳統餃整得好食就知道呢間餃子店真係名不虛傳 果然係餃掂！非常出色韭菜豬肉餃-呢款同樣叫左煎餃 煎得好香口 個皮仲有小小脆口 基本上點小小醋已經好好食 皮薄餡靚 好好食 我地一隻接一隻咁食 停不了上湯松茸菜心-個菜好新鮮青綠 而且份量都唔少 非常健康龍鳳旦-旦有黑松露同白松露醬 第一次見呢個配搭估唔到又好夾喎 大大推介！個蛋做到好流心自家製山楂雪梨水-呢個雪梨水好明顯係自家製 因為完全係天然嘅雪梨甜味 完全唔覺得好甜 非常好飲

餃子專門店香港有好幾間，我偏愛呢一間，款式多，最啱貪新鮮的我，每次可食不同口味。壽喜燒牛肉餃日本菜中的壽喜燒食得多，用來做餃子真是第一次食。餡料的調味是壽喜燒的特性，比較濃味。好喜歡混入了馬蹄，食起來有口感。九鼎狀元湯採用多種材料餚製而成，味道濃厚，滋潤好味。野生松茸素餃另一款餃子選擇了煎的方法。表面煎得香脆，裡面保持濕潤。有大量蔬菜配合松茸，非常適合素食人士。食餃子可配合醋，辣醬....案個人口味添加。

《餃掂👍🏻》———————————————-#餃掂手工餃子雲吞專門店-呢間舖頭一如店名，認真餃得掂！-最抵讚嘅係香煎軟心芝士餃，煎餃的外層煎成金黃色，香脆可口，芝士微微溶化，外脆內軟！豬肉加埋粟米，口感唔錯😘-而壽喜燒水餃嘅牛肉咸咸地都幾惹味，飽滿大大隻，啖啖肉🥟可惜嘅係可能因為水煮嘅關係，口感有啲韌😢-⭐ 參考價錢︰香煎軟心芝士餃：$62壽喜燒餃子麵：$52🍌 抵deal 指數：7/10💰 人均消費：$57

玩完港島區 staycation, 第二天可以遲到7點先check out, 咁近市區都係食埋晚飯再返去都未遲。諗起銅鑼灣登龍街『餃店』， 好想飲鼎王湯！疫情之下已經好耐冇去登龍街覓食， 好擔心鋪頭還在不在～ 有幾間地舖 人去樓空， 星期六的晚上 ，從未見過如此的寂靜登龍街。。還好餐廳 依然健在， 店內只有 一，兩枱食客。以往店家提供嘅泡菜醃蘿蔔，似乎已成過去了，是因為疫情嗎～？ 可惜了点，因為這也是我想來的原因～叫了三款人氣餃子，當然係湯餃 因為會附送鼎王湯。 鼎王湯果然仲係咁好飲， 舒服順喉， 精心淆製。元貝豬肉餃， 用了高一級材料所以價錢比其他略貴， 元貝絲咸香而且份量足， 餡料也是超飽滿， 美味可口！芫茜豬肉餃， 係咁多款餃子味道做得最好， 芫茜嘅香氣突顯豬肉餡料嘅鮮味！ 一連吃了很多隻方能滿足。韭菜豬肉餃麵， 麵條出色， 又爽又滑， 韭菜都好新鮮不過味道就冇芫茜咁突出。

Dumplings Feast🥟 餃子餐—————Great spot for a quick dumpling fix. Fillings were fresh and juicy, skin was smooth but a little thick for my liking.Don’t underestimate the calories in these little guys though, especially the ones with meat fillings because they do mix in a good amount of fat. A good tip is to order half half veggie dumplings and half meat dumplings so that you get to enjoy a solid dumpling feast without going overboard!.🥟雲耳椰菜豬肉湯餃：好多汁😍🥟大白菜豬肉湯餃：好豐富、肉較多、好飽肚🤔🥟野生松茸素灼餃：新鮮清淡的感覺🥰整體感覺不錯👍🏻 餃子餡料

朋友好鍾意食餃子, 我就介紹左一間餃子專門店畀佢啦, 多款得黎, 性價比又高喎餃掂嘅餃子款式非常多，做法亦都非常多可以選擇 湯餃，蒸餃，煎餃！蒸大滿貫素菜餃，包含菇，菜苗，瓜類，口感層次非常豐富。 食素菜嘅 好啱口味。韭菜豬肉湯餃， 非常有 heart, 湯底為葛湯，清香清甜， 餃子嘅皮不會過厚，正！壽喜燒牛肉煎餃邊度外層非常香脆， 內層嘅餡料亦都非常多， 餡料滿滿又juicy非常滿足。龍鳳蛋做到流心效果，入口綿綿蛋香十足！ 再配上松露粒更加加分。