餃掂手工餃子雲吞專門店

營業中

休息中

向來鍾意食餃子，但就唔太like雪藏預製餃，多數搵間餐廳即叫即食，呢間小店標榜全部餃子人手即包，街坊價錢但絕不馬虎。餃子皮煙韌得嚟唔厚粉，豬肉餡日日新鮮剁，仲玩埋新派fusion口味，難怪晏晝未到12點已經要等位！至尊松茸餃(中碗) $80/8隻一上枱就聞到陣菌香，隻隻脹卜卜透住啲松茸碎。湯餃版本配嘅黑松露醬絕非裝飾，真係撈到松露粒！建議先飲啖狀元九鼎湯吊味，湯頭清甜無味精，跟住試原味，咬落勁多肉汁，松茸香同豬肉鮮甜層次分明；再點少少黑松露醬即刻味道昇華。牛角鮮蝦豬肉煎餃(6隻) $60造型夠晒gimmick，兩邊蝦尾翹起真係似足牛角。煎功了得，金黃脆底咬落「咔嚓」聲，蝦肉爽彈仲keep到汁，豬肉餡調味偏濃但唔會搶鏡。黃金原味皮蛋 $30真係全隻金黃！蛋白似啫喱咁滑，流心蛋黃帶淡淡茶香，配埋秘製醬汁，開胃首選。四川涼麵 $31麵質夠韌性，麻醬同辣油分開上自己撈，建議落多少少花椒油，麻香即刻出晒嚟。山楂雪梨水 $28 / 蜂蜜檸檬薏米 $20雪梨水酸度明亮唔死甜，飲到底仲有雪梨渣；薏米水微甜爽口，好多粒粒薏米係杯底，夠清熱！

食物好一般 類似價錢其實有好多其他選擇 幫襯過幾次 今次煎餃直頭多油多到搞唔掂 價錢貴 而且併餃要加錢店員一句無提 我係睇菜單先睇到 仲要唔比取消唔比改 真心我覺得可以多啲幫襯隔離泰國菜/ 扒房仲好

本身我好鐘意食餃子， 咁今日下午大嘅五點幾入嚟，都唔係繁忙時間， 坐低左無人招呼， 唔緊要啦！ 可以等下， 跟著有位員左岩岩返入鋪頭，就問我要咩， 我好清楚咁講左要啲咩， 跟著仲想叫飲品時，個員工已經好唔耐煩咁想行左去。成個感覺都係好差， 佢俾我自己可以qr code落單無咁嬲。

#20250618 🤍📍 #餃掂手工餃子雲吞專門店 @nomnomdumpling銅鑼灣景隆街19號地舖 🍽️將軍澳｜太子｜灣仔｜中環｜上環｜西環均有分店➖➖➖➖➖➖➖➖➖➖➖➖➖➖➖➖➖#野生松茸素餃 $58/7隻💭 一咬落口係好重陣松茸味，唔鐘意食菇菌既朋友仔建議食其他，因為鐘意同唔鐘意都可以幾極端🙈入面有啲金菇又有啲馬蹄所以爽爽地都幾有咬口，素食無肉食多幾隻都可以🍄‍🟫.#大滿貫素餃 $58/7隻💭 另一款素餃入面包晒有黃豆乾、中芹、冬菇同紅蘿蔔，一食就係素菜館啲野食既味道，可能因為係素餃而個湯係魚湯既關係，所以兩款素餃都無得揀湯餃，唔煎就要揀灼，揀左煎都幾香口，唔會成口油幾好🥟.#壽喜燒牛肉餃 $55/7隻💭 呢個口味有啲特別，係出面啲餃子舖比較少見，個餡入面唔只得肉仲有滿滿既洋蔥🧅所以咬落有返啲爽口，味道既還原度好高，而且啲牛肉帶少少筋位寧舍好味🐮.#元貝豬肉餃 $51/7隻💭 一咬落口真係啖啖既元貝絲，個名一啲都無違反商品說明條例😂可惜個餡處理得麻麻，仲食到好大陣醃肉果啲酒味，浪費左啲元貝，唯一解救既辦法就係每啖都落啲辣菜脯，但唔食得辣既朋友仔就難搞啲😅. 🥢 #狀元九鼎湯

最近好似成日見到呢間餃子咁，前排終於同朋友試左😋鋪頭環境唔錯，位置闊落坐得幾舒服！我地叫左雙拼煎餃，有韭菜豬肉+元貝豬肉。我地兩個都鐘意韭菜豬肉多啲🥰韭菜豬肉餃啲餡料勁香🤩韭菜新鮮爽口，豬肉嫩滑多汁✨個餃皮煎到金黃香脆，底部焦香惹味。兩款餃子個皮都煎得恰到好處，外脆內軟🔥一啖咬落去仲會爆汁，正！龍鳳松茸灼餃龍鳳松茸雙灼餃都係一絕，一上碟見到隻隻餃子飽滿之餘仲晶瑩剔透😍可見每一隻都皮薄餡靚！雖然唔係好食到兩款餃有咩大分別😂😂但兩款餃一入口都食到好重嘅松茸味🙆🏻‍♀️鐘意食菇類嘅人一定唔可以錯過！四川涼皮四川涼皮就啱晒夏天食！個面彈牙十足👀而且配料豐富：花生、青瓜絲，樣樣齊。最正係佢個汁👅麻香過癮，又唔會太重口味，食完成碗都唔覺漏。蜂蜜檸檬薏米水🫶🏼蒠米水清甜爽口，加埋蜂蜜同檸檬，酸甜適中，仲可以食到啲蒠米🥳軟糯有嚼勁，好解膩！👏🏼👏🏼

今日心血來潮好想食湯湯水水，所以就去左位於銅鑼灣既餃掂手工餃子雲吞專門店啦。水餃皮好彈牙又唔會散開哂，食完真係超滿足！🔶至尊松茸豬肉湯餃松茸豬肉湯餃另配黑松露醬。未點醬前，緊係試下湯餃原味係點啦。一咬落去豬肉餃非常juicy，每一淡都夾雜住香濃既香菇味，好正。之後又試下點黑松露醬。黑松露醬夠哂香，點餃一流。另外，餃子亦送狀元九鼎湯，湯味鮮甜都好夾餃子。🔶壽喜燒牛肉湯餃子麵估唔到原來壽喜燒都可以成為餃子。牛肉味濃，加埋壽喜燒湯底夠哂惹味。🔶 黃金原味皮蛋第一次食依款蛋！原來成舊真係金黃色，絕對無呃你。味道都醃得唔錯。🔶 四川涼麵麵條爽口彈牙，撈埋辣醬同麻醬非常開胃！最重要係辣度同麻醬比重自己決定！🔶上湯菜心菜心夠曬鮮甜，配埋上湯清清地都唔錯。🔶檸檬薏米水食左咁多heavy野，加埋依排濕濕地最岩就似薏米水啦。酸西酸甜度，清熱一流

今日喺銅鑼灣試咗間新餐廳，點咗幾樣好食嘅小食，包括至尊松茸豬肉餃、香煎軟心芝士餃、山楂雪梨水同埋蜂蜜檸檬薏米水，真係好滿足！🍽️首先，至尊松茸豬肉餃（$120/10隻）餃子皮薄滑，咬落去好有彈性，餡料入面嘅豬肉好鮮嫩，加上松茸嘅香氣，味道非常特別，真係令人一試成主顧！每一口都可以感受到松茸嘅香味，配搭啲醬油真係絕配！👍🏻然後，香煎軟心芝士餃（$69/10隻）就更加驚喜！一咬落去，芝士即刻流出，濃郁嘅芝士味道搭配香脆嘅餃子皮，簡直係天作之合！食完之後，口中還留有芝士嘅香滑，令人回味無窮。🤤飲品方面，山楂雪梨水（$20）清爽可口，酸酸甜甜，特別適合夏天飲用，幫助消暑！而蜂蜜檸檬薏米水（$20）就更加健康，薏米嘅香味搭配檸檬嘅清新，飲落去唔單止好味，仲有美容效果，真係一舉兩得！🍋總括而言，呢間餐廳嘅小食真係好過癮，無論係味道定係價錢都好抵，特別適合喜歡嘗新嘢嘅朋友。如果你喺銅鑼灣，絕對要去試下呢啲美味！推介指數：⭐️⭐️⭐️⭐️⭐️#nomnomdumpling#causewaybay

今次去咗呢間出名食餃子嘅專門店，真係一試難忘！店舖雖然唔大，但餃子全部人手包製，新鮮足料，絕對係街坊隱世美食！ 首先試咗龍鳳松茸雙灼餃，一碟有齊兩種口味，松茸香氣突出，肉餡鮮嫩多汁，跟埋碗清甜湯底，飲完暖笠笠好舒服！韭菜豬肉煎餃就更加正，煎到金黃脆底，韭菜同豬肉比例啱啱好，咬落爆汁，蘸少少醋同辣油，簡直無得彈！ 小食叫咗蜜餞雞翼，外皮甜甜哋又帶少少蜜糖香，肉質嫩滑，好入味！上湯時蔬就清清哋，菜心嫩綠爽脆，上湯唔會太鹹，正好平衡返成餐飯。 飲品方面，凍山楂雪梨水酸甜開胃，消滯一流；熱蜂蜜檸檬薏米水就滋潤養生，飲完成個人暖晒，好適合秋冬飲用！ 總括來講，呢間餃子店真材實料，價錢合理，每款餃子都做得用心，絕對會再幫襯！

星期五夜晚上勁多人，堂食又要搭枱不過餃子真係好食都值得等一等食過這間店舖幾次最掛住就係佢嗰個湯底至尊松茸 豬肉餃煎餃都配個湯呢個配搭好好鍾意一睇就自己煎得夠鑊氣隻隻都脹卜卜脆卜卜上次就已經見到芹菜豬肉餃 今次就試一試皮厚度適中，唔會太過厚又唔會太薄 隻隻都冇爆開餡料滿滿配埋個湯底食完都冇口渴我鍾意呢個菜心真係完全健康， 其實真係唔使咁多油同咁鹹一樣咁好食， 我就會加埋落啲湯裏面食每次嚟都係叫蜂蜜檸檬薏米水抵嗰度真係有薏米又有得食又有得飲

臨急臨忙想搵地方食個飯，就入咗呢間餃類專門店，因為好肚餓，就同朋友叫咗三款餃share嚟食～因為即叫即煎要等一等，就同朋友叫咗個前菜「黃金原味皮蛋」食住先，話咁快就上枱，隻皮蛋仲好彈牙～跟住先嚟既係「至尊松茸豬肉餃」(8隻)，勁大隻，皮薄但餡勁多，一咬落去真係食到松茸味～再等多一陣就煎好咗餃，我地分別叫咗「香煎軟心芝士餃」同埋「壽喜燒牛肉餃」，即煎即上，熱辣辣到放唔到入口，平時喺屋企都好難煎到咁香脆，但餐廳將兩邊都煎到好脆口！芝士餃入面有爽甜粟米，芝士反而唔係最多，唔會好漏～壽喜燒就有甜甜豉油味～另外叫咗山楂雪梨水同埋蜂蜜檸檬薏米水各一杯，食完煎餃飲返杯飲品就最正啦！無論係湯餃定係煎餃，全部都咁大隻，初頭有啲擔心食唔晒，但好彩餐廳冇趕人，再坐一陣吹吓水，食吓食吓就食晒了～！

餃掂嘅餃子每日新鮮用人手包製，餃子皮煙韌有嚼勁，餡料用高質梅頭豬肉，創作咗多款傳統同新派口味嘅餃子。至尊松茸豬肉餃 (煎餃)招牌之一，絕對不容錯過！餃子皮煎得外層金黃香脆，內裡保持煙韌，松茸嘅濃郁菌香滲透每一啖，配合鮮嫩嘅豬肉，味道層次非常豐富。粟米豬肉餃子麵 (6隻)湯底清甜，令人飲得出係用心熬製。粟米豬肉餃嘅餡料加入咗大量粟米粒，帶有鮮甜嘅口感，配上嫩滑嘅豬肉餡，味道輕盈又開胃，適合鍾意清淡口味嘅人。韭菜豬肉餃子麵 (6隻)韭菜嘅辛香味融合豬肉嘅鮮味，每啖都充滿濃郁嘅香味。餃子皮煙韌細膩，保留咗內餡嘅鮮嫩多汁。黃金原味皮蛋用秘製醬汁醃製，入口軟滑，蛋白帶有微微鹹香，蛋黃係細膩濃郁嘅半流心狀，味道豐富而唔會過重。蜂蜜檸檬薏米水清甜解膩，仲帶有淡淡嘅薏米香氣。

喺銅鑼灣放工諗住搵啲平平哋嘅嘢食，原來銅鑼灣都有餃掂，食過咁多次實好食。涼皮係必叫，因為我會用佢啲汁嚟點餃子食。同埋芫荽控最鍾意嘅芫荽豬肉餃。不過呢排個人比較熱氣，所以兩個都叫湯餃。超級多芫荽，正。另外叫咗松茸餃，因為其他地方都冇得食，所以嚟到呢度一定會叫。個人鍾意呢種味多過松露。同埋佢個葛湯都ok冇味精，飲過好多次都冇覺得口渴。飲品就叫咗薏米檸檬水，清清熱氣。兩個人喺銅鑼灣呢個價錢食到勁飽加好食，覺得都好抵。

今日嚟CWB本來想試就快執笠果間burger店但太多人排隊就放棄了突然想食餃子，男朋友就帶我嚟呢間食👉🏻我地叫左🥢手拍青瓜🥒 $26碟青瓜係大路野，肯定唔會難食的🥢我叫左份芹菜豬肉湯餃子🥟(大~10隻) $62本來想食芫茜 / 韮菜餃因為我好鍾意食d菜好濃味見到有芹菜就點嚟試下d餃子包到勁大粒，想講入面d豬肉肯定係全熟但顏色係偏少少粉色d芹菜食落仲有少少爽，菜同豬比例做得好好但跟個粉葛鯪魚湯底我覺得淡味左d男朋友就叫左2款口味煎餃🥢🍄松茸豬肉餃🥟 (中~8隻）$86🥢軟心🧀芝士🌽粟米豬肉餃🥟（7隻） $58想講隻🍄松茸幾濃味味道唔錯，而且皮煎得好脆隻芝士餃入面係放左粒🧀芝士去煎🧀芝士食落口軟冧冧幾好味同埋芝士配粟米🌽又幾夾呢份芝士粟米係偏甜味餃子而頭先🍄松茸同芹菜係偏鹹味既餃子因為份松茸餃係特別會跟埋個粉葛鯪魚湯但我想講之前份芹菜湯餃子d粉葛鯪魚湯我覺得啖口點知呢份跟松茸送既粉葛鯪魚更加啖口似係用好少鯪魚，或者冇咩肉去煲個湯底所以個湯勁啖口，味精唔重冇加一，加埋支可樂，2條友食左$242，勁飽雖然呢到d湯勁啖口，但餃子真係唔錯可以再encore

在銅鑼灣逛街，順便吃午餐。這家餃子店環境乾淨，食物質素也不錯。⭐️至尊松茸豬肉餃餃子外皮薄韌，包裹著鮮嫩的豬肉餡和松茸的香氣，口感層次分明，讓人每一口都能感受到松茸的獨特風味。⭐️龍鳳松茸雙湯餃這道餃子搭配了湯底，清爽而不油膩，襯托了餃子的鮮美。餃子松茸的味道很突出，很棒！⭐️自家製山楂雪梨水這款飲品清新爽口，酸甜適中，正好中和了餃子的油膩感。⭐️壽喜燒牛肉餃餃子的內餡充滿肉汁，搭配濃郁的壽喜燒風味，讓人一口接一口，完全停不下來。

超喜歡這家的餃子！只要路過也會進去吃一遍😋尤其是松茸系列，有種獨特的香氣是其他菇類都不能及松茸是貴價食材所以這系列的餃子價格也是較高的但這味道是試一次就會著迷一向吃煎的，皮脆，松茸味更香顆顆飽滿🥰這款是素餃，半客（7隻）$58一個人輕鬆吃起來天氣冷了就叫湯餃湯底是叫狀元九鼎湯可下火清熱，喝著無味精將餃子浸著，吸收湯汁後更美味這款是龍鳳松茸雙餃內裡有黑白松露！自家製山楂雪梨水酸甜balance得恰好！配煎餃一流下次再來下次再來太好吃了！