餃掂手工餃子雲吞專門店

營業中

休息中

今晚放工後打算去寶琳新都城中心的戲院欣賞電影, 看戲前當然要吃個晚餐, 朋友說不想吃得太飽, 所以便選了在新都城中心2期2樓2037號舖餃掂吃些餃子來填肚。餐廳裡面算是半開放式的, 所有座位均可在外面一目了然, 餐廳內光猛乾淨企理。自家製山楂雪梨水看到餐牌上有這款飲品, 聽說對健康很好, 具有清腸排毒﹑降脂減肥﹑生津解渴﹑美白潤膚等功效, 所以便點了一樽來喝, 味道確實清甜可口。黃金原味皮蛋前菜小食揀選了黃金原味皮蛋, 皮蛋堅韌有彈性, 以鹹蛋黃取代了原本的蛋黃, 令賣相金黃色更加吸引, 味道香濃。野生松茸素餃這款野生松茸素餃是蒸熟的, 最能夠品嚐到原來的味道, 松茸有獨特的濃郁香味, 口感如鮑魚, 潤滑爽口, 配合其他素菜餡料來吃味道最為合襯, 木耳有彈牙口感, 而且味道不會太搶, 令人細味到松茸原來的香味。韮菜豬肉餃這款韮菜豬肉餃我們選擇了湯餃子, 湯底是無味精的狀元九鼎湯, 以九種名貴食材, 以秘製古方餚製而成, 對提高免疫力, 補氣活血, 養顏健身, 促進大腦等甚有幫助, 既美味又健康。韮菜與豬肉一向也是餃子的配搭首選, 爽脆清甜的韮菜與香濃豬肉的味道融合得天衣無縫, 肉汁非常

☆ 餃掂手工餃子雲吞專門店將軍澳貿業路8號新都城中心2期2樓2037號舖✦ 龍鳳松茸餃 跟狀元九鼎湯龍鳳即係黑白松露，每款有4隻，隻隻都包得好靚又飽滿，同埋未食都已經聞到好香，2款都好好食，充滿松露味，另外個湯都幾好飲，清清地唔覺得有味精味。✦ 香煎軟心芝士餃呢個不得了！係我鍾意嘅芝士，仲要有粟米，唔會話覺得好漏，而且煎到金黃香脆，又靚又好食。✦ 壽喜燒牛肉餃唔算好重壽喜燒味，但整體嘅味道都好好，而且係好多肉汁係入面，都好食。✦ 餃子麵 粟米豬肉餃粟米豬肉餃一樣係肥嘟嘟好飽滿，每一隻入面都好好粟米，好正！不過麵質就偏淋一d，如果爽口d就更加正。幾款都好食，而且價錢又唔貴，店員遮遮仲比左d醃蘿蔔我食，幾解膩消滯，唔錯。PS: 大家記得試下佢嘅辣醬

餃掂分店越開越多，一直都未有機會試吓，今次同朋友嚟到狂啪餃子，食到夠皮🤣龍鳳松茸雙湯餃 $92/8隻 呢一款湯餃係跟狀元九鼎湯，個湯用鯪魚、鰂魚等等熬製而成，係家嘅味道，配上一咬開就爆發濃濃黑、白松露香嘅餃子，超正，湯餃都有湯餃嘅魅力💕 想再加重香味，仲可以+$5嗌埋碟松露醬𠻹💯壽喜燒牛肉煎餃 $58/7隻 呢款有驚喜，外皮煎到金黃色又脆口，咬開仲好似生煎包咁爆汁🥟💦雙拼-韭菜豬肉餃、元貝豬肉煎餃 $63/7隻 韭菜豬肉無失望，韭菜香，煎完又多肉汁，好食。元貝類嘅餃子好少食，呢個幾特別，入面嘅元貝都嫩，食到元貝香，口味就比較清淡，可以食得出無味精👏🏻自家製山楂雪梨水 $20/杯 酸酸甜甜，配煎餃子啱哂！蜂蜜檸檬薏米水 $20/杯 檸檬味出，夠哂清新健康👍🏻如果你鍾意睇我嘅食評，不妨關注我，支持吓我，謝謝你☺️💕

有時放工唔知食咩好，都會直入搞掂，好多年前得一間太子店時已經成日去幫襯，依家愈開愈多分店，真係好方便。松茸餃同龍鳳餃都係我咁多年黎既至愛，其實淨餃已經夠飽，但今日返工辛苦，忍唔住叫多幾款小食。🔸至尊松茸煎餃配狀元九鼎湯每粒都脹卜卜落足料，啖啖松茸菇粒，又脆又香口。狀元九鼎湯用左多種滋補材料，健康清甜。🔸四川涼皮揀咗個涼皮做主食，熱辣辣最岩食涼拌！ 涼皮滑捋捋配四川辣汁，超惹味！🔸回味手拍青瓜、麻辣松花皮蛋、山楂雪梨水除咗餃子同主食，另外都點咗手瓜同皮蛋呢啲四川風味開胃小食，中意食辣既朋友千奇唔好錯過！食完煎炸又辣既菜色飲返杯下火既山楂雪梨水就最適合啦。

今日因為工作嘅關係去到寶琳，嗰邊有個好大嘅商場”新都城中心”，做完嘢就順便去咗呢一間專食餃子嘅專門店！事關之前都有喺灣仔食過覺得唔錯至尊松茸餃(中碗）咁我就揀咗灼既，灼就會跟湯 (狀元九鼎湯)先講個湯先啦 絕無味精 我覺得好好飲唔係例湯，真係煲足咁耐先有咁既味道！至於從松茸肉餃子真係唔錯！雙拼煎餃(大碗)大白菜/雲耳椰菜上面嗌咗灼，另一樣梗係叫煎餃啦餡料非常豐富，煎到個皮好香 輕輕焦脆蜜餞雞翼(小）雞翼就冇得輸啦，cp值都幾高豆漿（熱）蜜檸薏米水(杯)冷

今日難得收早，就同朋友去公司附近試吓新嘢，最近想食啲特別嘢就去新都城寶琳嗰邊食餃子，地理位置十分方便地鐵站一出行6分鐘就到，一坐低我哋就點咗三款餃子，一個前菜同埋飲品，前菜方面我哋點咗秘製雲耳，咬落去好爽口加上醬汁簡直係好好嘅開胃菜，而餃子方面我哋點咗壽喜燒牛肉湯餃，粟米豬肉煎餃子同埋芫荽豬肉餃子，三款都煮得好出色，而且份量同埋味道都好滿足，咬落去啖啖肉汁流出來，而且煎餃子個皮剪得好脆口，係我鍾意食嘅味道，除此之外佢有雙拼嘅餃子，但係我哋未有機會食到，飲品方面我哋嗌咗豆漿，正正常常冇乜特別，希望下次可以試更多唔同款式嘅餃子。

我最鍾意既飲子店終於開到屋企附近將軍澳！餐廳係開放式設計，主要圍繞着電梯。- 日本龍鳳蛋溏心蛋上面加左黑松露或白松露醬，味道更加豐富。- 四川涼麵涼麵上面有花生碎、辣椒醬同少少蔥作點綴。涼麵口感帶少少煙韌，而且好掛汁，每一啖涼麵都食到好香既芝麻醬。- 壽喜燒牛肉湯餃餃子煮得啱啱好，完全無糊化，入面肉汁非常豐富，味道同真正壽喜燒如出一轍。- 龍鳳松茸雙煎餃龍鳳松茸雙煎餃係我每次必點。外皮非常香脆，一咬開餃子皮松露既香味撲鼻而來，入面餡料亦好豐富，無論白松露同黑松露一樣出色。- 豆漿豆漿仍然好大杯，甜度適中。餃掂真係香港餃子店No.1，希望餃掂可以好似周星馳食神咁係地圖畫到「勁」字！

餃掂喺疫情之下，愈開愈多分店，差唔多區區都有一間！今次幫襯將軍澳店，閒日晚市都要等位，好旺場！龍鳳松茸雙湯餃（中） $92跟 狀元九鼎湯黑白松露湯餃各4隻，黑松露餃嘅香氣較為突出，而白松露餃就既甜且香，各有特色！韮菜豬肉煎餃（大）$60韮菜味道突出，但都掩蓋唔到鮮豬肉嘅味道，水準之作！重慶鮮肉雲吞 $42/12隻湯底嘅辣度有後勁，仲要係鮮嘅辣味，真係會令人食上癮！鮮肉雲吞一口一隻，皮薄又夠滑！黃金原味皮蛋 $28配陳醋汁，酸酸地幾開胃！蜜餞雞翼 $24/3隻蜜餞甜得嚟又唔會膩，雞翼皮脆肉嫩，唔錯！罐裝汽水 $10

其他分店平日食開，今日就黎試下新店，果然冇令我失望，一樣咁好食😍主食叫左 龍鳳松茸雙煎餃$98，黑松露味突出，夠香，但係又唔會搶左啲肉味👍🏻；重慶鮮肉雲吞$42 ，要左小辣，一定都唔覺🤣下次要挑戰大辣🤭小食叫左兩款，有黃金原味皮蛋$28，皮蛋係溏心的😍，加上特製醬料，食落特別滋味，齒頰留香；蜜餞雞翼$32，蜜糖味濃郁，雞翼大大隻，仲有五隻添，性價比好高👍🏻炎熱嘅夏天叫咗兩杯消暑嘅飲品，自家制山楂雪梨水$28，蜜檸慧米水$20，唔會太甜，又可以解渴，夏日之選😍

夜晚好肚餓嘅時候諗唔到可以食啲乜隨心就坐低揀咗呢間餃子店之前都因為疫情關係食過呢一間餃子店嘅外賣今晚就試一試佢哋新鮮整嘅堂食係點隨行嘅朋友比較傳統所以就選擇左韭菜餃子餃而我就選擇左比較新穎嘅就係芝士留心蒸餃之後睇吓佢哋個餐牌見到佢哋好出名嘅湯原來係叫湯餃嘅時候都會所以就叫咗一份壽喜燒牛肉煎餃再加上元貝豬肉嘅湯餃韭菜餃子之前外賣都試過食過估唔到糖食呢就更加食得出佢哋嗰種新鮮嘅味道而且個皮仲啱啱好唔會整到爛晒個芝士餃仲非常之咁好食因為芝士溶晒再加入買豬肉令到成個味道非常之咁西式向來鍾意食芝士嗰個我十分之喜歡另外不得不提個湯簡直係非常之咁好飲完完全全係好似一個酒樓出嚟嘅湯食得出完全冇味精非常之咁健康本身都係心大心細諗住叫唔叫個壽喜燒牛肉估唔到呢個選擇係完全冇錯嘅呢個壽喜燒牛肉嘅餃子非常之咁多汁食落去嘅汁會流出來而且造成餃子嘅味道仲非常之咁不錯元貝豬肉餃食得出一絲絲嘅元貝都係非常之咁特別出色

當肥妹仔夜晚諗唔到食咩嘅時候，通常都會揀呢一間餃子店食晚餐，貪佢價錢非常相宜，質素之高，抵食之選！煎野生松茸素餃 $58呢一間嘅素餃真係好得！外皮煎到非常香脆，餡料非常飽滿，餡料有白菜，松茸，雲耳等等，因為好新鮮，所以食落去係爽口，味道一d都唔單調，超級香口惹味！肥媽好鍾意呢一款素餃，次次嚟叫呢一款，強推！雲耳椰菜豬肉餃$45另外肥妹仔再嗌多一個湯餃，呢一款湯餃亦都好好食，佢嘅餡料超級飽滿，兩個人叫兩碟真係會飽到到上心口！雲耳爽口彈牙，椰菜同豬肉好香，combined埋一齊非常有口感。而且個味道調得剛剛好，個湯一d味精都冇，肥妹仔好欣賞佢有d似屋企煲既湯，甜！四川涼皮$32呢一個亦都係肥妹仔會嗌記一個小食！涼皮煙煙韌韌，微辣，酸酸地，好開胃。龍鳳蛋 $32日本嘅糖心蛋再加上黑松露醬同白松露，糖心蛋做得到流心既效果，松露醬帶幾香，好食。上湯松茸時蔬 $32菜心好新鮮同埋鮮甜，肥妹仔自己食晒一碟！檸檬蜜糖薏米水$28次次黎一定會嗌，超級清甜，好香檸檬味！

行開新都城中心商場，原來呢度都有 餃掂 分店，之前喺太子食過，就帶老公佢去試吓啲松茸餃子🥟龍鳳松茸雙煎餃8隻$98個皮煎得香脆，底部透透地睇到啲松茸🫢 老公都讚好味。壽喜燒牛肉餃 7隻 $54湯餃 ～跟狀元九鼎湯壽喜燒牛肉餃第一次食，應該係新鮮牛肉幾有咬口，加埋洋蔥都幾好味，個湯望落去幾濃，味道比想像中溫醇。黃金原味皮蛋 $28同普通皮蛋味道一樣😄金金黃黃個樣幾靚蜜餞雞翼 $24甜甜地都唔錯山楂雪梨水 $20蜂蜜檸檬薏米水 $20自家製酸酸甜甜，飲落有啲似酸梅湯〰️

《餃掂》喺香港周圍都有分店，今午嚟到新都城中心都可以食到佢哋高水準又健康嘅餃子喇🥢～餐廳嘅餃子菜單加入咗好多唔同新嘅元素 唔似一般傳統嘅餃子咁單調 適合年青一代嘅口味 餐廳嘅所有菜式都係主打{健康} 全部菜式都冇落味精 連鹽都唔會 可以比客人食到菜式嘅原汁原味 ，我諗住會好淡 一食落去竟然有驚喜 可以食到佢嘅鮮甜 真係連味精都唔使落呀😚-狀元九鼎湯🫕呢個湯採用左 粉葛 鯪魚 赤小豆 鮮排骨等等 熬成嘅，最重點係完全冇落過鹽 可以養顏保健 味道好清甜粉葛味都好濃，而且呢碗湯都係佢哋餐廳嘅賣點 係招牌菜🤩-蜜餞雞翼🐤好適合小朋友 雞翼上面充滿咗好香嘅蜜糖味，充滿肉汁 。-香煎軟心芝士餃🧀好適合年青人口味 絕對唔係傳統餃子一般嘅簡單 ，我第一啖食落去真心有驚喜 推👍🏻👍🏻👍🏻👍🏻而且係外脆內軟 餃子皮煎得好脆。-龍鳳松茸餃～黑白松茸🥟採用左野生松茸製成 營養價值高🤞🏻價錢都好親民，好少用呢個價錢可以食到松露，雖然佢好多松茸，但係佢嗰啲豬肉味都唔會比松茸味蓋過，一啖可以食晒兩種食材簡直係omg😬-自家製山楂雪梨水🍐材料好豐富又健康，採用左雪梨冰糖麥芽山楂片等等，佢仲可以俾

我個人都幾鍾意食餃子，特別係煎餃子，因為夠晒香口，而且味道又唔錯，呢間餐廳我喺西環分店食過，性價比幾高，咁啱去開將軍澳，佢又有分店喺度，所以就帶個朋友去試吓呢間分店嘅座位數量唔算多，不過我見大部份人都係叫外賣為主，拎返屋企食，其實都幾正呢度主要當然係食餃子，但係仍然有其他前菜小食供應，價錢同其他分店差唔多，可以按照你個人嘅口味去選擇食物安排入座之後，望一望枱面，見到有一堆醬汁，放得都幾整齊，而且乾淨，有豉油，醋，辣椒油等等，都幾唔錯，轉頭一定要試試佢先來嘅係我哋嗌咗兩個冷盤，第一個係四川涼寬麵，第二個係辣皮蛋。Send俾大家睇吓呢個四川涼寬，都幾特別，味道有少少酸辣，但係整體味道唔算好強烈，涼寬粉係室溫嘅溫度，食落口，一啲都唔Heavy，所以都幾舒服開胃第二個前菜小食，我哋叫咗呢個辣皮蛋，呢個皮蛋同平時喺出邊食嘅，味道都係比較淡一啲，主要係食皮蛋嘅味道，下面嘅辣油豉油醬汁，唔會完全蓋過晒皮蛋嘅味道，皮蛋食落去非常有口感，都唔錯餃子方面，我哋今晚叫咗三款餃子，一款湯餃子，另外兩款煎餃子，加埋一齊，係咪成個畫面都好吸引呢喺介紹啲餃子之前，一定要推介大家用呢兩個醬汁，左邊係豉椒辣菜脯，右邊係

今晚在寶琳吃晚飯，我最喜歡吃餃子。發現有家餃子店，甚是歡喜。餐牌上除了各式各樣的餃子，有肉餃子，也有素餃子。點了幾款餃子、雲吞和小食。▫️龍鳳松茸餃$92 湯餃子跟狀元九鼎湯，狀元九鼎湯入口雖然沒什麼甜味，但成分單純，有去濕的功效。龍鳳松茸入口有濃郁的松茸味，加上是肉餃子，特別滋味。▫️壽喜燒湯餃子$72 壽喜燒牛肉餃子可以跟一碗九鼎湯。味道最突出，餃子肉汁豐沛，一咬下去，肉汁便濺出來，牛肉配搭洋蔥，味道很香。▫️四川涼皮$32涼皮獨特的口感，加上辣椒和花生末，最適合夏日。入口冰涼煙韌，帶點微辣，十分好吃。▫️重慶鮮肉雲吞$42小小的雲吞一共有十二隻，湯底微辣很開胃，加上芫荽味道更香。