餃掂手工餃子雲吞專門店

營業中

休息中

🥟 餃掂手工餃子雲吞專門店 🥟🥟至尊松茸豬肉餃 $80跟左一碗狀元九鼎湯 好耐無飲湯水了 飲落好似葛湯 但顏色無咁深松茸豬肉餃食落好Juicy記得要點埋個醬🥟香煎軟心芝士餃 $58記得要趁熱食 放耐左啲芝士就會凝固熱辣辣果時食真係好正 芝士拉絲呀煎到個餃子皮少少脆得來又唔會太硬入邊仲好Juicy添~🌶️四川涼皮 $33咁熱天時一定要食啲涼浸浸既野配料蔥花 花生 辣椒 蒜頭 撈埋一齊食落口感豐富 過足口癮🌶️麻辣松花皮蛋 $26唔錯 個皮蛋中間仲有少少流心麻辣得來又唔會太辣好惹味🧃自家製山楂雪梨水 $28/支🍵自家製蜂蜜檸檬薏米水 $28/支最鍾意呢啲自家製養生飲品解渴得黎又養生 叫支裝仲可以拎走飲添

將軍澳唔係成日去，所以每次過嚟都會睇吓有咩好食，呢間餃子店之前已經想試，但係因為佢鋪嘅位置唔多，成日都會滿座。今次經開將軍澳又過去睇吓有冇位食，平日未到lunch去到有好多位，我兩個人去食，不過朋友泊車，之後先到，我去到行去二人枱，坐都未坐低。一入去阿姐見我一個人即刻呼喝我，一個人坐埋一邊吧枱啦！🗣️🗣️🗣️🗣️我話我兩個人，佢就冇出聲。🙄🙄🙄其實都即刻嬲嬲地唔想食🙄諗住要兩款試下，見佢煎餃要等20分鐘就叫住先，突然好快地煎餃5分鐘就俾到我，我問阿姐有冇醋同辣椒醬，佢又呼喝我話：你自己喺隔離攞啦！😠佢咁嘅態度真係一肚氣，我就同朋友講唔好嚟！食咗佢走喇！食第二間！ 韭菜餃子不過不失，未去到嘩好好味，係油淋淋咗啲，如果$50/7隻嚟講算貴，食好多地方嘅煎餃平均都係$4-$6一隻質素都差唔多。人哋隔籬枱有人叫我自己去拎辣椒醬同醋😒😒

本人一向有幫襯開依間連鎖店，去過不同分店，都覺得餃子不錯，那湯底也很合我清淡的要求。最近有幾次幫襯新都城分店，食物質素也保持到，但覺得職員們工作態度令人側目，令我不想再光顧！首先，該分店係開放式廚房。我見到那幾個操普通話的大媽廚師，竟不斷大聲聊天，坐在遠處的客人也聽到，十分吵耳。更離譜的是，她們全都沒有戴口罩，有個只係把口罩擱在下巴，她們大聲聊天飛出的口水就這樣落在客人食物上！很噁心！另外，出餐很慢，很大程度歸咎於職員們不專心工作，只顧大聲聊天！侍應待客態度也欠佳，向她落單，大都一言不發，都唔知佢聽唔聽到。

男朋友唔係好舒服，清清地決定去食餃子就算😫第一次食寶琳分店，餐廳個面積好奇怪，好似夾硬間一個位做餐廳咁😅好彩都冇話坐得唔舒服🌟壽喜燒牛肉煎餃7隻 $58煎到金黃嘅餃子皮薄餡靚！真係有壽喜燒味嗰下好搞鬼🤣🤣但又冇壽喜燒嗰種甜，而且每隻煎餃都有肉汁，創意滿分！ 🌟大白菜豬肉湯餃7隻（配狀元九鼎湯） $46個湯底係用粉葛同鯪魚熬製，飲落偏清淡，完全冇味精嘅感覺👏🏻餃子餡料比較鬆散，白菜同豬肉比例剛好，呢個冇壽喜燒餃咁濃味，但配住個湯飲好舒服😘🌟至尊松茸湯餃8隻 （配狀元九鼎湯） $80松茸控必試！每隻餃都包住粒粒松茸，咬落去菇香爆炸😝比起大白菜餃，呢款餡料實淨好多，個湯仲可以提升松茸嘅鮮味，佢再跟兩款醬不過食唔出咩味，冇咩記憶點😗好食係好食，不過我覺得小貴😫🌟蜂蜜檸檬薏米水 $28有杯裝同支裝選擇，我哋揀咗支裝，飲落去蜂蜜嘅味道好突出，後有檸檬嘅清新，酸酸甜甜啱啱好。大部分薏米已經煲到溶化，粒粒薏米都好散，整體解膩一流🤩-餐廳每一款餃子都可以自行選擇湯餃定煎餃，亦都有中份量同大份量😗特別要讚吓店員，因為本身係諗住將白菜餃轉做煎餃，但係個店員主動提出話倒不如將壽喜燒牛肉餃轉做煎餃會更加好食，

自己一個吃飯最重要是快，吃餃子最快。不過晚市生意很好，要等位。⭐️香菇雞肉餃餃子皮薄而帶微微韌性，內餡以日本厚菇和雞肉混合，菇香濃郁，雞肉嫩滑多汁，咬下去鮮味瞬間爆發。配上清淡的九鼎湯，加了不少食材，有去濕的功效，健康美味。⭐️龍鳳松茸雙湯餃這款湯餃是店家的鎮店之寶，一上桌就聞到濃郁的松茸香氣。餃子內餡包含松茸，每一口都是滿滿的菌香。⭐️酸蘿蔔店家自製的酸蘿蔔爽脆開胃，酸甜度平衡，帶微微辣味，非常解膩。

【雷門為食街 Layman's Yummy Guide】星期六晚去寶琳，剛剛好6點半入座仲有位!!! 過多5分鐘已經要等位!!! 睇Menu先記得之前食過太子分店(現已搬舖)，叫返上次食過的壽喜燒牛肉餃，水準依然值得二刷 👧🏻🍴餃掂手工餃子雲吞專門店@將軍澳寶琳欣景路8號新都城中心二期2樓2037號舖先來一碗韮菜豬肉餃湯麵 ($57) ☺️有6隻大大隻 >>> 個麵係正常麵，因為主要係食餃，所以對麵無咩要求~~朋友叫咗壽喜燒牛肉湯餃配狀元九鼎湯 ($55) ☺️ 入面有京蔥+滿滿牛肉汁，食落甜甜地幾好食👍🏻👍🏻👍🏻 >>> 不過呢款餃無得雙拼，如果可以MIX其他餃試多幾款會開心啲~P.S. 店內座位大約20個，大部分都係Bar枱，無乜位置放袋~ 所以大家如果拎住好多嘢，建議等等有幾張枱仔!!

經過見到餃掂，又突然間想食餃子🥟座位唔算多，排咗一陣就可以啦～有數十款餃子選擇，一次過都食唔晒咁多🫣龍鳳松茸雙湯餃🥟係招牌之一餃子有黑松露、白松露而湯餃會跟九鼎狀元湯黑松露嘅餃子特別香，一咬開見到滿滿嘅黑松露松露香氣同鮮肉汁好夾🤤鍾意食松露嘅，一定要試吓！香煎軟心芝士餃🥟試完有驚喜～鮮豬肉加粟米粒、芝士煎香啖啖都食到粟米粒嘅香甜芝士呈半溶狀態，流心口感好邪惡～壽喜燒牛肉餃🥟揀咗煎餃～餃子皮超香脆牛肉加咗洋蔥、馬蹄，餡料十足有陣陣嘅壽喜燒香甜味，比起傳統嘅豬肉餃更有特色😋蜂蜜檸檬薏米，清潤鮮甜加入檸檬更加潤喉🍯就算食煎餃子都可以減低熱氣感～

今日同朋友去將軍澳寶琳食飯，新都城二期有間食餃子好出名，叫餃掂。7點幾晚飯時間，都好多人排隊，就知道好食嘅嘢一定多人幫襯，等咗一陣終於入到去。睇完餐牌點咗個香煎軟心芝士餃，係招牌菜之一，另外點咗個雲吞麵，餃子麵，麻辣皮蛋，豆漿，同埋飲品推介嘅山楂雪梨水，等咗一陣就上菜啦。講吓個香煎軟心芝士餃，望落去煎得好靚，咬落去芝士味好重同啲肉好夾十分之好食。另外個雲吞麵有分大少辣，我揀咗個小辣，小辣一啲都唔辣，但係又油辣香，很惹味，另外個雲吞皮薄餡靚，肉汁鮮甜。另外餃子麵就揀咗配韭菜餃，餃子大大隻，裏面嘅韭菜亦都十分之新鮮。之後到麻辣皮蛋，皮蛋辣得來唔會遮蓋皮蛋味，入口香甜，配麵食都好好食。山楂雪梨水，山楂開胃。另外雪梨清熱止咳飲落去令人好舒服，食完餃子配依個飲品絕配，所以值得推介。

呢日黎到新都城呢間餃掂食晚餐, 成日經過都聞到好香既味道, 一路都好想食佢既煎餃子! 我地叫左兩款煎餃, 一款係韭菜餃,另一款係至尊松茸餃, 呢度既煎餃真係冇得輸, 特別係韭菜餃, 食餃子真係必叫韭菜餃, 佢既至尊松茸餃都好特別, 都好好食! 真係要讚下佢既煎餃, 煎到熱辣辣, 個皮勁脆, 真係好好食! 我地仲叫左重慶鮮肉雲吞, 唔好睇佢紅卜卜, 其實都唔算好辣! 另外仲叫左個酸辣雲耳, 酸酸地真係幾開胃! 飲埋杯檸檬意米水真係一流! !!!

「龍鳳松茸雙湯餃」（配狀元九鼎湯）：試咗呢款招牌餃子，好有驚喜✨！餃皮薄而且餡靚，佢分為黑松露同白松露豬肉，咬落去鮮嫩多汁，食得出用料夠新鮮🍄。黑松露帶點泥土嘅深沉味道，而白松露就清雅高貴，兩者混搭出奇地和諧，啖啖都係享受👌。湯底就係鮮香嘅魚湯，仲有淮山嘅清香，啱啱好中和咗松露少少霸道嘅味道，令到成件事濃而不膩🤤，超級正😍。「芫荽豬肉煎餃」：試完湯餃想食埋煎餃，所以叫咗試咗呢款。煎得啱啱好，餃底夠脆口，咬落去「卡滋卡滋」超滿足🔥。芫荽香氣撲鼻🌿，豬肉嫩滑多汁，食落 juicy 得來唔油膩👍。嘢飲我哋叫咗蜂蜜檸檬薏米水，正正常常幾好飲🍹。另外，值得推介嘅係佢哋嘅酸蘿蔔同埋辣椒豆瓣醬，配餃子超夾，大推！

陪同事去將軍澳交收，之後去新都城中心行下，有啲肚餓去咗餃掂食餃子，餃掂喺香港有多間分店，每日店內新鮮手工包製，餃子大大隻，飽滿足料，非常紮實。食過真係唔錯，煮法分湯餃和煎餃，亦可選7隻或10隻。芫茜豬肉餃（煎）：餃子即叫即煎，餡料飽滿有湯汁，芫荽的香氣鮮明融合於肉末中，吃起來又香又鮮，味道層次更見豐富。軟心芝士餃（煎）：餃子除左芝士仲有粟米粒，芝士同粟米完美融合，有流心效果，味道鮮甜。芹菜豬肉餃湯跟狀元九鼎湯：芹菜氣味清香，配搭鮮肉比例啱啱好，味道爽口鮮美，狀元湯用粉葛鯪魚煲成，無味精，充滿住家味道，呢個湯仲可以單點，非常好飲！韭菜豬肉餃子麵：韭菜口感鮮嫩，香氣十足！麵條爽滑。蜂蜜檸檬薏米：味道甜中帶酸，有除濕祛熱，利水消腫效果。

今晚，我和老婆選擇了將軍澳新都城中心二期的餃掂手工餃雲吞專門店享用晚餐。這家店的餃子和雲吞口碑不錯，讓我們充滿期待。老婆點了壽喜燒牛肉餃子麵，這道菜的特色是將嫩滑的牛肉與香濃的壽喜燒醬結合，搭配6隻手工餃子，湯底濃郁，讓人倍感滿足。她還點了一碗熱豆漿，完美平衡了餃子的鹹香。我則選擇了韭菜豬肉餃子麵，6隻餃子裡包著新鮮的韭菜和豬肉，口感鮮美，湯底清爽，讓人一口接一口。用餐過程中，我們感到還不夠過癮，於是又追加了一些小吃。首先是小辣重慶鮮肉雲吞，這道雲吞以其獨特的麻辣醬汁而聞名，讓人食指大動。最後，我們還點了香煎軟心芝士煎餃，7只餃子裡包著融化的芝士，外皮金黃香脆，內餡濃郁，實在令人難以抗拒。整體而言，這頓晚餐不僅美味可口，更是一次愉快的用餐體驗，我們享受了餃子和雲吞的多樣風味。

呢日黎到新都城, 搵到呢間食餃子好似唔錯, 於是乎就應試試佢! 我地經過聞到好香餃子味, 仲要係即叫即煎, 好多人叫生餃番去食~ 我地叫左軟心芝士餃, 韭菜餃, 另外仲叫左元貝餃子配麵, 四川涼皮同埋狀元湯, 個湯好好飲! 真係好鮮甜, 煎既餃子真係好香口, 外脆內軟, 令人食完一舊仲想食第二舊，同埋佢既煎餃唔會好油,超好食! 涼皮就好fresh ,份量都好多~ 佢枱頭仲有醃蘿蔔可以食, 好解膩好好味! 我地都食到停唔到口! 超正呀!!!!!!!!!!!!!!!!!!!!!!!!!!!!!!

有日行新都城唔知食咩好，突然間個店員親切咁問候「食左野未啊？試唔試下新鮮包餃子」 就係呢句我就決定同朋友入去試下啦。點完單好快就蒸好餃子，啲餃子熱辣辣，啲料好足，好適合冬天凍冰冰既時候食！

今晚放工喺屋企附近諗住食餃子，入到去咁啱見到我同事喺度，所以就搭枱一齊食。我哋叫咗個龍鳳松茸雙煎餃，韭菜餃同埋鳳凰蛋，由於我哋都鍾意食韭菜餃，但係我鍾意食湯餃，我同事鍾意食煎餃，所以各叫一份。聽我同事講龍鳳松茸雙煎餃好食，所以叫咗例牌，第一次食呢隻餃子感覺好特別，有好重嘅松露味，同埋個餡好豐富非常有口感味道非常特別，係坊間好少見到松露味嘅餃子。之後分別叫咗煎嘅韭菜餃同湯韭菜餃，雖然我偏向鍾意食湯嘅韭菜餃，因為感覺湯嘅韭菜餃嘅料係多啲，煎嘅韭菜餃感覺餡冇咁多，但係佢煎到成隻都係脆卜卜非常有口感，再嚟佢啲材料新鮮韭菜同埋個餡一入口就知係新鮮材料，唔係一般嘅凍格雪凍過嘅餃子，食咗幾隻就開始有飽嘅感覺。跟住我哋叫咗個龍鳳蛋，其實睇外表就係一般嘅溏心蛋揭開咗一半之後喺上面加咗啲醬，我一啖食咗落口感覺好特別，雖然外型好似一般嘅糖心蛋，但係味道就一啲都唔同，可能因為糖心蛋上面個醬嘅關係入口嘅感覺有點帶松露嘅蛋味所以好特別好好食。好彩我同事早咗過嚟，我過嚟嗰陣已經冇晒位已經爆晒棚。#餃掂手工餃子雲吞專門店