之前行街路過銅鑼灣已經被餐廳地道嘅越南裝修吸引到，掛滿燈籠好吸晴，上星期終於得閒過嚟食吓🇻🇳 晚市套餐 $248 前菜 - 酸甜柑桔汁無骨鳳爪 多咗柑桔汁🍊成個感覺唔同咗，偏重咗酸同甜夠哂開胃🤤 小食 - 招牌小墨魚春配自製檬粉 小墨魚春新鮮彈牙，食落夠哂煙靭🦑 輕量主菜 - 生牛雜錦湯河 越南必食Pho！湯底好濃郁，肥牛好香，牛丸同扎肉都好出色，河粉吸哂湯汁，配上香料同醬汁，同埋成個feel好似去左越南食咁🇻🇳 甜品 - 越南烏龍茶果凍 茶味香，果凍滑溜，個汁少少酸，搭配好特別～ 飲品 - 特濃煉奶滴漏咖啡 越南signature☕️ 極度濃郁嘅咖啡香配上香甜煉奶，有種好獨特嘅層次，苦中帶香，配埋煉奶飲相當易入口～ 自選小食拼盤 $120 粉包炸兩、柑桔汁雞翼、豬肉卷、甘蔗豬串 (+$28) · 粉包炸兩皮薄餡脆，出色 · 柑桔汁雞翼無搶到個味，淋上汁之後雞翼仲好脆口 · 豬肉卷炸得啱啱好，入面有好多唔同配料，層次豐富 · 甘蔗豬串啖啖肉，少許甘蔗甜搭配上豬肉🍗 越南百分百蔗汁配鹹柑桔 $42 Made in Vietnam嘅清甜配上鹹柑桔，成個感覺好清爽～ 金枕頭榴槤芭菲配荔枝雪糕 $98 榴槤蓉好重手！香而不膩，配上荔枝雪糕好清香，仲有寒天同埋班蘭蒟蒻，大推🍨 餐廳仲有好多款甜品，下次再嚟試吓～

和牛燒肉一郎最近推出超抵食嘅任食套餐，唔執輸試咗佢嘅S2 80品任食套餐 ($288/位)限時100分鐘都夠食，包自助沙律吧、甜品、飲品放題另外加$8仲有得任飲清酒、梅酒、啤酒🍻 超抵價錢就有得飲飽食醉🤤 雖然價錢比較平，但係啲牛肉都唔輸蝕，有嚟自澳洲、美國嘅靚牛特別推薦：M9薄炙牛里脊肉、牛里脊肉、極上厚切牛舌、兩色蔥花牛舌其中薄切和牛燒完之後點壽喜燒溫泉蛋，超滿足😋另外厚切牛舌肉質好嫩，薄切調味好足，食落爽口，不論厚薄都好正🫶🏻 除咗牛肉之外，仲有其他肉類、海鮮、野菜、料理等等，推介蒜蓉牛油帆立貝、蒜蓉牛油海蝦，新鮮又入味～

講起蘭桂坊嘅日本餐廳，其中一定會諗起Tokio Joe，今次食佢嘅Tasting Menu $1100 ea，有成7個course，咁就唔駛煩叫咩食好🤣 前菜 - 有2款bite-size前菜，包括鮮拆蟹肉配魚子醬、同埋白蝦，輕輕調味後，食到食材本身嘅鮮味～ 刺身 - 有迷你吞拿魚沙律、吞拿魚腩、深海池魚、汁煮鮑魚(味噌）、火炙左口魚邊，樣樣都好新鮮，大拖帶油香，有入口即溶嘅感覺👍🏻👍🏻 壽司 - 包括金目鯛、火炙北海道帶子、辣味吞拿魚炸壽司、甜蝦吞拿魚蓉配三文魚籽、北海道海膽，其中炸壽司夠特別，炸過嘅飯食落口好似煎香嘅蘿蔔糕咁，配埋辣味吞拿魚好惹味😆 海膽軍艦味道鮮甜，相機食先後紫菜都仲脆👍🏻 天婦羅 - 有比目魚同辣味三文魚天婦羅，配搭夠特別，麵衣酥脆，點埋個醬剛好唔膩 佐賀和牛薄燒 - 選用A5佐賀和牛，包住香蔥同蒜片帶出香味，入口時好食得到和牛嘅油脂感，如果再薄切啲口感更正！ 龍蝦湯稻庭烏冬 - 用上帶子蝦熬製嘅湯，質地唔算好濃稠，易入口亦唔會有苦味👍🏻 京都抹茶雪糕 - 雪糕入邊有粒粒紅豆，味道香濃～ 除咗雪糕，另外仲有一碟水果𠻹🍉

近排又想減肥又為食，所以試下主打健康低卡嘅手調茶飲mother pearl🤣 茉啡芝麻 $42 黑芝麻味好濃郁，好似芝麻糊咁，咖啡米蓋飲落texture好順滑，配上茉莉奶茶整體好甘香 芒果茉莉 $46 芒果同埋茉莉花茶好夾好清新，雪燕配料都幾特別唔係到到有，夠哂滋陰 麻糬曲奇 +$24加配 原價$34 每款麻糬曲奇都係用純素牛油整，再加上軟糯麻糬做餡 · 英倫伯爵麻糬曲奇 以伯爵茶為主調，呢個伯爵茶味好香，味道細膩，感覺比出面食嘅用料更高級 · 紅絲絨麻糬曲奇 用上70% Valrhona黑朱古力，味道好濃郁，但係唔會太甜 · 抹茶海鹽麻糬曲奇 好鍾意佢抹茶加海鹽呢個配搭，麻糬煙靭好食 3款曲奇都比我想像中有驚喜，上網睇原來係前rosewood餅房行政總廚主埋，難怪咁高質🤤

尖沙咀原來有間開業超過15年嘅和牛燒肉店，主打A4同埋A5宮崎和牛食，今晚專登同男朋友過嚟食！ 和牛拼盤 7款 $998 有齊宮崎和牛同埋澳洲和牛，叫拼盤最好就係配搭好哂，balance哂肉香重同油香重嘅部位💁🏻‍♀️ · 宮崎和牛 特上雪花牛扒肉 油脂感同肉甘比較平均，雪花紋超級引，燒到5成熟啱啱好❣️ · 宮崎和牛 上牛扒肉 (原味) 肉味比較濃，燒到兩邊焦香，肉味會更加香 · 宮崎和牛 上牛扒肉 (鹽汁) 加咗醃料之後，輕輕嘅鹹味令肉味道更突出 · 宮崎和牛 特上肩肉眼 油脂感最重嘅一款，一路燒一路逼出油🤤 食太多真係有啲油膩，但係嗰種日本和牛獨有嘅油香味真係齒頰留香 · 澳洲和牛 橫隔膜 (醬汁) 橫膈膜就少啲脂肪，肉質軟嫩，食落較為清爽一啲～ · 澳洲和牛 牛胃 （鹽汁) 用上ミノ，即係牛嘅第一個胃，以花刀切開，肉厚又好有嚼勁，口感超正👍🏻 · 特上牛舌棒 牛舌棒口感較平時橫切的特別，厚身但肉質仍然好嫩滑，燒耐啲會食到外爽內嫩嘅口感 野菜拼盤 $98 食和牛必點，有齊哂燒肉必備嘅野菜，同和牛間住間住食先可以解膩🤣 個粟米好甜特別好食😋 和牛溫泉蛋丼 $298 有和牛橫隔膜、海膽、三文魚子，再加埋半熟蛋，每啖都好豐富，海膽好新鮮，配上三文魚子同和牛，一啖擺落口，仲記得嗰個味道係口入邊爆發嘅感覺💥 炸迷你甜薯配雲呢拿雪糕 $78 炸迷你甜薯好驚艷，又甜又軟綿綿😌

將軍澳都有牛大人實在太方便，價錢相宜就可以120分鐘任食好食牛肉😋 今次食澳洲極上和牛餐，每位$328就可以食到澳洲和牛！ 跟餐仲送兩粒澳洲M9和牛牛丸🥰 湯底有好多款台式口味選擇，今次試咗白玉酸菜鍋，越煲越香同埋開胃🤣 澳洲極上和牛餐先叫得嘅牛，包括：澳洲和牛M5牛肩卷、安格斯牛小排、手切封門柳、安格斯一口牛肉粒，款款都好出色🫶🏻 大推澳洲和牛M5牛肩卷，油花好靚，肉味又濃👍🏻 另外安格斯牛小排都係心水，比起牛肩卷更濃嘅肉味❣️跟餐嘅M9和牛牛丸比起普通牛丸有好大分別，食落又彈牙又juicy😋 除咗牛肉之外，亦有海鮮嘅選擇，同埋好多台灣特色嘅小食、火鍋料等等，特別推介鯛魚片、脆肉鯇魚腩、黑松露海鮮漿，樣樣都好新鮮，真心唔可以錯過！

之前都有聽過朋友介紹小魚兒，烤魚、串燒、雞煲都有得食，今次去開寶琳就試吓佢最拿手嘅烤魚🐟 老壇酸菜豆花海鱸魚 $308 烤魚我哋揀咗酸菜湯底，越煮越入味，再加埋花椒麻麻哋，食得過癮🤪 而且個湯底唔會太重味，仲食到到魚嘅鮮味～ 海鱸魚都幾大條，厚肉之餘，魚肉都仲係好嫩，食到最尾都唔鞋口😋 鍋入面仲有好滑溜嘅豆腐，同埋寬粉，整體份量都幾抵食！ 炸蝦餅 $48/6件 口痕想食吓炸嘢，估唔到呢到嘅炸蝦餅都ok🤣 當然呢個價錢咁平，就唔好預會好厚身，但過吓口癮都唔錯👍🏻 凍奶茶 $18 西柚乳酸爆珠梳打 $36 如果你鍾意睇我嘅食評，不妨關注我，支持吓我，謝謝你☺️💕

偶爾會想發掘下新餐廳，試下新嘅味道。Gaylord係一間好正宗嘅印度餐廳🇮🇳 由入門口氛圍以及味道都好似令人置身印度咁，服務員都好熱情有禮貌，而食物都好唔錯！ Lamb Galouti $78/2pcs 五香羊肉餅，啖啖羊肉香但一啲都唔羶，反而香料味突出左羊肉香，配上少少芥辣，感覺好特別👍🏻 Southern Scallops $148/4pcs 印度烤帶子伴茄子菠蘿果醬，帶子伴上果醬成個感覺好fresh，做前菜夠開胃 Tandoori Mixed Grill $298 拼盤可以一次試唔同味道嘅燒烤😋包括炭燒雞柳、大蝦、春雞、鮫魚同埋羊肉卷，每款都各有特色，蝦大隻彈牙，每款燒烤調味都略有不同，但都充滿濃濃嘅印度香料味，夠哂惹味又唔會遮蓋食材味道👅 Lamb Roganjosh $178 洋蔥紅辣椒燴羊肉，羊肉煮得好軟腍，而且香味好出色，配上Garlic Naan($46)食係會食唔停口，推薦！⁣⁣ Mango Lassi $48 必試印度傳統飲料，以yoghurt為底，配上芒果，入口好清新，食完濃濃香料味飲就最啱！⁣ Gaylord’s G&T $78 呢款係餐廳50週年嘅special‼️餐廳嘅home infused gin味好醇厚，面頭有玫瑰花瓣夠哂靚🤣⁣⁣ 想試下印度野又驚唔好食，真係推薦你嚟呢間食，一定唔會失望～⁣⁣ 如果你鍾意睇我嘅食評，不妨關注我，支持吓我，謝謝你☺️💕

N+ Burger係全港首間擁有自家牧場漢堡包，實行from farm to burger，用最新鮮嘅食材嚟做burger🍔 ▪️N+ Classics with Bacon $85 (Triple Garlic Sauce +$5) ▪️N+ Limited Japanese Mustard (Wasabi) $105 Burger用咗酸種麵包，望落漲卜卜勁吸引，食落較有嚼勁🥯 牛肉漢堡係100%全天然優質安格斯，夠fresh夠juicy👍🏻 Triple garlic sauce惹味香口，而wasabi sauce就夠哂醒神開胃😋 Make it as combo +$55 可以轉做餐，包fries🍟同飲品🥤 ▪️Crispy Fries (+Honey Mustard) ▪️Wedge Cut (+Cajun Powder) 薯條同薯角比想像中大份，新鮮炸起😛 配搭嘅sauce有4款揀，honey mustard大家都知正，第一次試嘅cajun powder估唔到有驚喜💥 佢係mix咗大蒜粉、洋蔥粉、herbs等等嘅，勁惹味，推介👍🏻 ▪️N+ Sparkling Lemonade ▪️N+ Sparkling Mango Lemonade Lemonade較清爽，Mango Lemonade芒果味香濃，相對甜味較重～ 如果你鍾意睇我嘅食評，不妨關注我，支持吓我，謝謝你☺️💕

燒肉の牛太・本陣已經係我成日食嘅燒肉餐廳，因為牛肉高質而且上菜極快，今次佢地推出咗個夏祭活動，當然要去食吓～ 今次叫咗豪華燒肉放題 $339已經可以食到靚牛肉。 夏祭活動期間，仲可以試到全新口味✨燒肉三重拉絲芝士x辣味燒肉，將燒肉加超濃郁芝士一齊食，芝士味好突出，有韓式烤肉feel～ 今次夏祭活動另設有甜品區，有生果、白玉同埋椰果做配搭，配上花奶一齊食，爽💕 另外有幾款牛肉都特別推介😋 上肩肉 - 肉質比較結實，有咬口，牛味濃郁 牛肋肉 - 脂肪同肉嘅比例啱啱好，肉質柔軟，每咬一啖都咬到牛肉汁 厚切牛舌 - 超級厚肉，咬入去肉汁都流哂出嚟，而且燒到微焦牛舌味更突出 前菜、烏冬同埋溫泉蛋飯都好出色，唔會比牛肉差，樣樣都有叫到嚟試 飲品仲有Asahi罐裝、其他無酒精飲品任飲。 埋完單門口仲有個千本引挑戰，拉起條線就會有小禮物一份，真係好似去咗夏祭咁，好得意☀️ 如果你鍾意睇我嘅食評，不妨關注我，支持吓我，謝謝你☺️💕