餃掂手工餃子雲吞專門店

營業中

休息中

一早已經聽過呢間鋪頭既大名，出名食餃子，上星期終於經過有機會試一次喇!先叫左一杯豆漿，雖然普普通通冇乜特別，不過唔係太甜幾岩我飲。我朋友叫左一份湯韮菜餃，個湯好好味冇味精，d料又夠多，菜同肉比例剛剛好，好推薦~我自己就叫左松茸煎餃，好香，入面有d黑白松露，食落口好特別，又好好味，鍾意黑白松露一定要試下叫，我相信都冇其他地方有。另外仲叫左一份芝士豬肉餃，作為芝士迷既我覺得真係好好食，d芝士溶溶地，好香滑。下次有機會一定會再去食，餃子迷仲想試埋其他特色口味，一次實在試唔哂！