餃掂手工餃子雲吞專門店

餃子好多地方都有得食，但就未必間間都好食。今日同朋友去左位於太子嘅餃子店 - 餃掂試下呢間幾有名氣嘅餃子。我地試左 鎮店極品 山珍之皇嘅其中一款至尊松茸豬肉餃 8隻 配狀元九鼎湯狀元九鼎湯 好有中式湯水嘅香濃味，飲落舒服解渴，有滋潤嘅感覺。至尊松茸豬肉餃 望落飽滿，新鮮煮起外皮有咬口但唔會太厚，濕度都控制都好好，食落唔會覺得黏口。食落口味會感覺偏淡，但食食下會有種松茸嘅香味，豬肉饀嘅調味唔太重，所以兩者都幾平衡。香煎韮菜豬肉餃 7隻上枱都感受到新鮮煎起嘅油香，韮菜豬肉餃一咬落充滿肉汁。韮菜香氣撲鼻，份量十足，咬落帶少少爽脆，非常出色。表皮做到脆邊，色帶金黃。同樣係煎餃嘅 香煎芫茜豬肉餃 芫茜份量適中，而且夠新鮮，食落唔會有好攻好重嘅芫茜味，食落啱啱好。

今日同男朋友嚟咗呢間成日經過嘅餃掂，晚市都幾多人，不過佢算坐得幾舒服～呢度除咗餃子之外，都仲有啲小食可以嗌～見佢呢度有個狀元九鼎湯，覺得好似好正，所以叫咗兩個湯餃😋我叫咗至尊松茸豬肉餃八隻 ($80)，佢個湯的確好鮮甜，加埋水餃都幾夾～呢個水餃大大隻，咬開就感覺好香嘅菇味，啱晒我呢個菇怪🤪而男朋友就叫咗大白菜豬肉餃十隻 ($57)，每隻都係非常飽滿，餡料亦都好鮮味👍🏻之後我哋叫咗個香煎軟心芝士餃七隻 ($58)😋入面都有唔少粟米，再加上軟心芝士，邪惡之選😋咁邪惡，我都係食返個上湯松茸時蔬 ($35)先，份量都唔算少，而且仲有杞子同松茸🫶🏻最後呢度亦都有啲特色嘢飲，我哋叫咗一樽山楂雪梨水 ($28)，清清甜甜，解膩一流～呢間餃子店位置方便，而且都幾抵食，絕對值得幫襯～

呢間餃子專門店嘅餃子真係好好食，而且餡料又多又大隻，仲有好多款口味選擇，尤其係松茸系列嘅口味真係比較少食☺️叫左至尊松茸豬肉煎餃，86蚊有8隻，餃子煎到餃皮香脆，黃金色澤，見到都覺得吸引🥰😍餃子入面係滿滿嘅豬肉同松茸，咬落有肉汁，幾鮮甜😆配埋個辣辣地嘅醬一齊食更加開胃🤤仲叫左一款軟心芝士餃，呢款真係要大推😬😬餡料除左有豬肉，仲有埋粟米同芝士，芝士味超香濃，加埋爽甜嘅粟米真係絕配🤤🤤必試🫶🏻另外呢到除左餃子，仲有雲吞麵食，不過就唔係傳統果款，麵係比較爽口彈牙D，雲吞就超多粒，成12粒🙀🙀，仲要粒粒都脹卜卜，包住豬肉同木耳😽狀元九鼎湯都好飲，落左蘋果、生魚、無花果、淮山、豬骨去煲，味道清甜，不落味精蜂蜜檸檬薏米水足料，杯底有勁多薏米，落左蜂蜜好飲😬

好耐之前喺佢哋嘅灣仔分店嗰度食過，記得係好食嘅，所以今次嚟到附近都揀左呢間餃子店！龍鳳松茸雙湯餃 $138其實我本身係想嗌至尊松茸豬肉餃，點知一上枱嚟到嘅時候心諗點解少咗嗰碟醬嘅，問一問就知道自己原來叫咗另外一款餃子。龍鳳松茸即係黑白松露餃子，因為我本身自己都好鍾意松露嗰陣味，所以都幾鍾意呢款餃子。餃子嘅皮好薄，入面係滿滿嘅豬肉同埋松露，一咬落去成口都係嗰陣煤氣味，真係好正呢一款餃子係跟咗一碗湯嘅，碗湯湯好香魚味，飲落清清甜甜。香煎軟心芝士餃 $69芝士煎餃，外面煎到好香好脆，入邊係粟米芝士同埋豬肉。咬落去好多芝士，好似第二張圖咁樣，雖然有好多芝士，不過佢有啲粟米中和番嗰種滯嘅感覺。感覺食煎餃好似有啲熱氣，所以仲嗌咗薏米水清熱去一下水腫另外堂食店員仲免費請咗我哋食酸蘿蔔，唔係講笑，真係幾酸，食落好開胃。另外旁邊仲有呢個辣菜譜醬，呢個辣菜脯醬真係唔好點太多，超級辣，平時譚仔我都可以食到小辣或者中辣，我都覺得呢個好辣，不過唔知點解又會好想繼續食

朋友知我中意食餃子，介紹咗太子嘅餃掂俾我，去到門口見到有好多名字合照，未食都知呢間嘢唔簡單，餐廳整齊企理，座位闊落坐得舒服。龍鳳松茸雙餃龍鳳松茸即係有齊黑白松露餃，一次可以食到兩款人氣餃子啱晒心大心細嘅我。 餃子餡料飽滿而且皮薄，可以透過外皮睇到餃子嘅餡料，筷子夾起外皮都唔易穿，入口煙韌。首先食白松露味，餡料有種獨特嘅香味，第一次食白松露唔肯定係未白松露嘅香味，香味慢慢滲出齒頰留香。而黑松露餡味道偏濃，每一啖都係黑松露嘅香味，兩種餡料都多汁唔油膩，係皮薄餡靚嘅出品，餃子嘅質素係對得住收費嘅。跟餐個湯都好香豬骨味，拍得住阿媽靚湯，佐餃子一齊食都得。黃金原味皮蛋蛋黃流心，黃金皮蛋味道比黑皮蛋味道淡，冇鹼水味相對更食得到蛋黃香味。不得不提餐廳提供俾顧客嘅佐料-菜脯豆豉醬， 辣度輕微味道有層次，食得材料嘅香味，加少少落皮蛋度令整體味道提升好多，有呢個醬唔使餸都食到一碗飯。熱蜂蜜檸檬薏米檸檬薏米酸酸甜甜幾好飲，去濕又開胃好適合春天飲。#nomnomdumpling #太子餃掂

Nom Nom Dumpling is a dumpling specialist with 7 branches in HK. Visited for the 3rd time yesterday and tried some new flavors.◆Pork & Matsutake Dumpling w/ Soup & Truffle Sauce◆Black Fungus, Cabbage & Pork Dumpling in Soup◆Pan-fried Chive & Pork Dumpling◆Choy Sum & Matsutake in Chicken BrothThe soup made with apple, fish, pork bones, fig and yam tasted sweet and delicate. Dumpling wrappers were tender with a pleasant chewy texture. The succulent matsutake dumplings were fragrant with a good amo

今日經過太子，同朋友想食下餃子，就入左呢間餃掂手工餃子雲吞專門店。 入到黎先知原來佢係好受街坊歡迎，因陸陸續續好多人一家大細黎食，呢個情景真係好耐冇見過，係細先見過既熟識感。咁熱我地坐底就叫左杯凍既山楂雪梨水，同凍既檸檬薏米水消下暑先。 估唔到好清涼，真係自己煲既感覺。跟住就叫左8隻煎既龍鳳松茸餃。 未食過呢個味，黎到煎得好靚，咬落真係有好香既松露味，配埋菜脯豆豉醬真係一流。 而且佢既豬肉好新鮮，食落又爽口多汁。仲有佢既重慶鮮肉雲吞都好美味，仲以為好細粒，但好足料肉餡，入面仲有少少雲耳絲，好開胃。 然後再叫左2個小菜，黃金原味皮蛋，第一次見透明既蛋白，食落冇皮蛋咁濃味，但口感都幾好，好Q彈。 而佢地既上湯松茸時蔬都好新鮮，好脆甜既菜芯。 今日真係食到間好正既餃子店。

今日同朋友去咗間餃子店我地揀咗幾款招牌菜，真係幾唔錯。 至尊松茸豬肉煎餃餃子皮金黃脆口，內裡豬肉同松茸嘅組合好鮮美，菇味清清地，唔會太濃郁。仲會送一碗佢哋自家製嘅湯，清清甜甜，配合食餃子好解熱氣。芫荽豬肉餃 推介❤️❤️芫荽嘅清香同豬肉嘅鮮味配合得好好。芫荽愛好者一定鐘意。 餃子皮好薄，而且餡料好大舊。芫荽味好重，個人非常喜歡！ 佢嗰邊嘅辣椒油，唔算好辣，但係非常香。 唔食得辣都可以試吓，好惹味！ 另外有一個豆豉醬，配合餃子食原來又幾特別！ 四川涼麵清爽爽，酸酸辣辣，上邊有麻醬提供。撈埋一齊食又有花生粒，好有口感。 而且唔會好辣。店家嘅自家制山楂雪梨水都好好飲，唔會太甜，清涼解渴。麻辣松花皮蛋同野味酸辣雲耳調味都好好！估唔到餃子店來講呢兩條菜都幾有水準 ，真係好開胃！價錢又唔貴，值得一試，性價比都幾高。👍🏻👍🏻

龍鳳松茸餃：裡面有黑白松露所以松露味十分香濃，雖然係煎餃但唔會食到成口油，價錢對比其他餃子較貴，但考慮到松露既份量不少都可以接受雙拼餃子（元貝豬肉餃+大白菜豬肉餃）（配狀元九鼎湯）：狀元九鼎湯以蘋果、生魚、無花果、淮山、豬尾骨熬成，清淡口味無味精，飲哂成碗都唔會口渴，元貝豬肉餃呢個組合係其他餃子店都冇見過，幾有特色可以一試，大白菜豬肉餃就正正常常。飲品：蜂蜜檸檬薏米水好有驚喜，真係有蜂蜜同檸檬香味，唔似出面果啲薏米水通常都淡而無味，所以我地飲完一枝又再嗌多左枝仲試埋佢地既自家制山楂雪梨水，山楂味濃唔會太甜又唔會冇味，係健康又好味之選太子分店座位闊落舒適，環境乾淨企理，冷氣溫度舒適，除左餃子之外仲有唔少小食可以選擇，想舒舒服服食餐健康既餃子既話係一個唔錯既選擇

對於餃子控的我，平均每星期最少都會吃一次餃子。今天就去到位於太子的餃子店，試試其特色的餃子。餃掂提供各種口味豐富的餃子，從傳統到創新，滿足不同口味的需求。此外，他們還提供一些特色飲品和配料，價格合理。1）龍鳳松茸雙湯餃（跟狀元九鼎湯）這款餃子是餃掂的招牌菜之一，餃子外層鮮嫩，內裡包裹著龍鳳松茸的香氣，入口鮮美。而狀元九鼎湯補氣健脾、生津抗燥。材料用了美國蛇果（蘋果）、生魚、無花果、淮山、豬尾骨，加入餃子來吃，提升了滋味。2）香煎軟心芝士餃這款餃子結合了香煎和芝士的美味，外皮酥脆，內部有著豐富的軟心芝士填充物。每一口都伴隨著芝士的濃郁香氣和香脆的口感。3）重慶鮮肉雲吞（小辣）：重慶鮮肉雲吞內餡包含了新鮮的肉和香料，辣味帶來一種舌尖上的刺激，給人一種獨特的享受。4）黃金原味皮蛋：這道黃金原味皮蛋以其特殊的製作工藝和獨特的口感而聞名，不過我還是喜歡黑皮蛋呢。5）自家制山楂雪梨水及蜂蜜檸檬薏米：自家制的山楂雪梨水帶有微酸的口感，適合消暑解渴。蜂蜜檸檬薏米則是一種健康飲品，帶有微微的甜酸味，還有薏米的獨特口感。餃掂還提供自家制的酸蘿蔔和豆豉菜莆辣椒油作為配料。酸蘿蔔爽脆酸甜，豆豉菜莆辣椒油則帶有

今日同大食男友去食餃子 叫左三款餃雖然個蟹粉餃子唔係係啲好當眼嘅位置 ，但係佢真係好好食。唔會有亂七八糟嘅調味搶晒蟹嘅味道，又大粒。至於當眼嘅位置，呢度就主打依個黑白松茸嘅餃子。我知道黑白松茸本身都比又惹味又香，所以選擇咗食煎餃而唔係食湯餃。食上個口嘅第一啖就冇令我失望，唔好以為大家都係松茸，但係黑同白都味道真係會食得出有分別。餃子外皮煎到金黃色，食落口有啲爆汁。本身驚八隻太多，點知食完仲想食另外我哋仲叫咗個白菜豬肉嘅麵，白菜豬肉餃係最普遍嘅餃子款，但係佢都做得唔錯，配埋個面，多少少主食，增加飽腹感。山楂雪梨水都甜度唔會好高，但係就好有山楂嘅酸味，再配埋雪莉嘅香，會比較解膩。另外堂食仲可以問職員攞佢哋自家製嘅酸蘿蔔食，開胃又好味雖然我間唔中都會自己買材料喺屋企包餃子，但我都覺得會值得嚟呢間舖頭食，因為佢嘅食材都係比較特別，而且味道又做得唔錯，價錢又實惠

紅色短髮戴眼鏡阿姐態度非常惡劣，中午時間在店內大聲辱罵不太想搭枱之食客，叫客下次唔好幫襯。並在該客離開之後高聲同其他店員繼續辱罵，嘲笑食客食幾十蚊食物仲唔想搭枱，點解唔去五星級酒店。已經唔係第一次見到呢位阿姐同客嗌交，平時語氣也很差。其實店內座位頗多，是否可以更合理安排，而唔係癡迷於叫人搭枱。店內餃子質素尚可，同價錢太子附近仲有很多其他選擇。但今時今日咁嘅服務態度，為免食飯仲要聽人嗌交 影響心情，唔會再幫襯。

放假好想食餃子去咗餃掂食餃子。之前食過佢個芝士煎餃好好味，今次一定要再食。其實餐廳仲有好多款特色餃子。除咗煎餃、湯餃仲有蒸餃同素餃子。咁多款選擇真係岩哂我。香煎軟心芝士餃餃子煎到金黃色時間岩岩好。餃子外皮金黃香脆，香濃軟心芝士同餡料既比例岩岩好，食落口感豐富。除咗有香濃既芝士味仲有餡肉既鮮味。大白菜豬肉湯餃湯餃大大隻皮薄多餡，配埋個狀元九鼎湯底好鮮味。原來呢個湯底好健康無味精，真係要飲哂佢。呢個酸蘿蔔都好好味。蜂蜜檸檬薏米水

今晚同朋友嚟到太子買啲野，見到始創廣場對面有間專門食手工餃子嘅店，發現有好多特色餃子出面未見過，於是叫咗啲平日少食到嘅餃子試試。- 至尊松茸豬肉煎餃結合了豬肉和松茸，以煎的方式烹調更突出松茸獨特的香氣，與豬肉的鮮嫩結合，食落淡淡清香。- 元貝豬肉煎餃鮮嫩的元貝和豬肉作為內餡，煎的方式烹調至外酥內嫩。元貝的甜美和豬肉的鮮味相互融合，每口咬落去都有元貝嘅味道湧上黎。- 上湯松茸時蔬松茸和時蔬入湯煮製。松茸香氣豐富了湯的味道，菜心清爽，減輕咗煎餃嘅油膩感。- 四川涼皮涼拌菜主要由寬粉皮和各種調味料組成。微辣口味，並添加了醋、花椒油和其他香料，食落更香濃，令人想追加多一碟！- 自家制山楂雪梨山楂雪梨水係自家制飲品。山楂有微酸甜，而雪梨清新滋潤，兩者結合飲落酸甜清涼，好啱想滋潤得嚟降脂嘅人。狀元九鼎湯

今日和朋友去了旺角, 太子果邊行街, 剛好見到這間餃子店好似幾好食, 便決定進去吃晚餐.非常多不同款式的餃子.龍鳳松茸雙湯餃 ($92):有黑松露和白松露, 兩種都好香, 食到果種淡淡的松露香味.而豬肉餡料都好夠juicy, 多汁又好食, 不錯.另外不得不說的是這個湯餃跟的 "狀元九鼎湯",真的好好飲.原先吃那麼多餃子, 也是有點擔心會溜, 但吃完一隻餃子再喝一口湯, 真的完全不會覺得溜.個湯好清甜, 完全冇味精味, 亦都同餃子係好夾.最後我是真的飲光成碗湯, 好好飲.至尊松茸豬肉湯餃($80):同龍鳳松茸雙湯餃個味有點像, 主要分別是龍鳳松茸雙湯餃是有黑松露味, 而至尊松茸豬肉湯餃沒放黑松露, 就比較食到果種純粹的豬肉香味,  但兩款都一樣好好食, d餡料好足, 好飽滿.這一款湯餃都是跟"狀元九鼎湯", 一樣是好夾同好好飲.飲品: 蜂蜜檸檬薏米水 ($20)蜂蜜甜甜地, 檸檬又幾清新, 薏米水有去濕排毒的功效, 真的好飲又有益.香煎軟心芝士餃 ($69):芝士真的好邪惡, 好香口, 又幾好食, 芝士味好香濃.