餃掂手工餃子雲吞專門店

到太子想食頂級手工餃子， 我會推介 餃掂。搞掂主打都係手工餃子， 今次就叫咗一客煎餃子 一客湯餃。一客湯餃， 叫咗芫茜豬肉湯 餃， 芫茜味好重 鍾意食芫茜的朋友一定要試下 豬肉好新鮮。 配合秘製的湯 青甜美味。此一客煎餃 又叫咗素食餃子， 野生松茸 素餃子。 松茸好清甜， 素食餃子清新可口。配上秘製的豉油 蘿蔔 又醒胃。呢度有好多唔同種類的餃子選擇， 就係鍾意食北方餃子的朋友。最後我叫咗一杯熱豆漿 暖笠 今天飲最啱 透心溫暖。呢度啲餃子全部即叫即煎 非常之 新鮮好味。

今日中午約1:20分進入店，想等埋另一個朋友到位再落單，大約幾分鐘左右一個服務人員過來話我坐咁耐都唔落單，當時表示朋友來緊1:30朋友到，客不滿座的，同朋友就慢慢邊食邊傾，2:48分岩岩服務人員過來話我們食小小野就坐咁耐，係味要食埋晚餐啊，語氣態度極度惡劣☹️

喂喂喂，同班老友gathering，梗係要搵間舒服嘅小店食餐好嘢啦！今次我哋揀咗呢幾樣，真係正到無朋友呀！😋**韭菜豬肉湯餃:** 熱辣辣嘅湯餃一上枱，陣韭菜香即刻湧晒出嚟，加上 juicy 嘅豬肉餡，一啖咬落去，啲湯汁喺個口爆開，真係人間美味！🍜🤤 冬天食返碗，真係暖笠笠！**龍鳳松茸雙煎餃:** 一碟煎餃，兩種口味！一邊係鮮味嘅松茸餡，一邊係經典嘅豬肉餡，煎到金黃脆卜卜嘅外皮，一啖咬落去，咔嚓咔嚓聲，超級滿足！🥟🤤 蘸啲醋，更加惹味！**狀元九鼎湯:** 呢碗湯真係不得了！材料豐富，味道鮮甜，聽講飲咗包你金榜題名！🤣 就算唔考試，飲返碗暖下身都好正！🍲👍**四川涼皮:** 酸酸辣辣，爽口彈牙嘅涼皮，配埋香辣嘅醬汁同爽脆嘅青瓜絲，真係夏天消暑神器！雖然而家冬天，但同朋友開心share，都好過癮！🌶️😋**麻辣松花皮蛋:** 皮蛋本身已經好有風味，再加埋麻辣調味，真係食到停唔到口！😈 呢個係一道非常開胃嘅小菜，同朋友吹下水，唔覺意就食晒成碟！🥚🌶️**自家制山楂雪梨水:** 酸酸甜甜嘅山楂雪梨水，解膩又fresh，為呢餐中式盛宴畫上完美句號！🍹🍐 同朋友一齊分享，更加sweet！今次同

今日去咗食餃子我哋叫咗兩款餃子、兩個小食、兩個飲品1. 至尊松茸湯餃（八隻）2. 韭菜平芹菜湯餃（10隻）3. 黃金皮蛋4. 惹味唐芹拌豆筋5. 山楂雪梨水（一杯及一支）1. 至尊松茸湯餃（八隻）松茸餃子好香嘅，而且可以見到入邊有一粒粒嘅松茸，佢配嘅上湯都係唔同口味，又好濃郁嘅魚湯味，店員仲提我哋呢款餃子唔好點醋嚟食2. 韭菜平芹菜湯餃（10隻）芹菜同韭菜都好香，最鍾意就係佢啲菜唔會切得好碎，而且蔬菜仲係好爽口3. 黃金皮蛋同普通皮蛋差唔多味道，但係就外貌好靚，佢本身冇麻辣味，但可以撈返枱面個麻辣汁，一樣咁惹味4. 惹味唐芹拌豆筋豆根好香豆味，配麻辣汁加少少黑醋仲香口5. 山楂雪梨水（一杯及一支）今日天氣其實都幾熱，呢個雪梨水都好開胃，一杯就$20 ，一支就$28，大家覺得邊支抵飲啲？佢仲有個酸蘿蔔，免費試食，都唔錯，幾好味

四川涼皮 $33因為朋友食唔到太辣，所以嗌左小辣🌶️涼皮入口時冰凍順滑，面頭帶點花生碎🥜增加口感，撈埋花生碎、青瓜絲和辣醬食，層次口感豐富，後勁帶麻香微辣😛香煎軟心芝士餃 $69煎過既餃子外脆內軟，入面爆多芝士同粟米粒既口感，口感立即豐富左，真係食唔停口😆好彩叫左10隻🙊唔係唔夠喉龍鳳松茸雙餃 $92依款叫左湯餃，就叫左8隻🥟本身唔知道松茸係乜嘢，原來係白松露同黑松露，撞正我同朋友都係松露愛好者，我地都覺得入口好香，但唔會過重口味😆下次要試下煎餃先得！自家製山楂雪梨 $20本身以為山楂好酸，點知唔會過酸過甜，岩岩好，好解膩，加上雪梨潤喉，食餃子配呢杯嘢絕對係無得輸👍🏻蜂蜜檸檬薏米水 $20味道清新，檸檬帶微微酸味，加上蜜糖潤喉，好啱而家嘅天氣飲👍🏻

平時經過上環分店都見排長龍，今日見太子好大間，唔使排隊可以入座，便即管一試！☺️龍鳳松茸雙煎餃🖤🤍冇仔細睇餐牌，食落先知原來龍鳳係黑白松露，都幾驚喜😋喺新鮮豬肉做，煎得好香口👍🏻香煎軟心芝士餃🧀係芝士控嘅恩物🥰半熔芝士同粟米都係絕配！所以叫咗10隻，眼闊肚窄🤭雲吞湯麵正正常常，有啖熱湯落肚OK👍🏻自家製山楂雪梨水+凍豆漿味道偏淡，香港地難得遇到🤭係適合平時叫飲品鍾意叫少甜既人！👍🏻👍🏻👍🏻

因為本人灣仔返工關係 呢間嘢食過無數次，灣仔店服務好，一直都冇問題 今晚今日去旺角所以喺太子店試一試。一入到去已經俾三個阿姐截住唔俾我自己揀位，逼我要坐路中心，明明四周都有位，跟住仲有個喺裏面坐低咗嘅阿姐對我大聲呼喝。全部都超級冇禮貌，跟住我堅持要坐另一個位，佢哋肯先俾我坐。所以唔該做好員工培訓，對於老顧客有咁嘅體驗非常唔好。仲有太子店嘅狀元九鼎湯，亦都非常之希冇魚味，應該有偷工減料之嫌，同灣仔店個湯爭好遠。

超級鍾意食餃子嘅我，早排去咗「餃掂手工餃子雲吞專門店」食😍.至尊松茸豬肉煎餃子配狀元九鼎湯(8隻)🥟入口松茸菌香同豬肉鮮美互相配合🍄‍🟫🥩亦可沾上四川辣椒醬同菜脯豆豉醬🌶️味道變得更加香口😗狀元九鼎湯則是以鯪魚🐟鰂魚🐠扁豆、赤小豆🫘陳皮、排骨🦴紅蘿蔔熬製🥕調味相對清淡😌.香煎軟心芝士餃子(10隻)🧀金黃餃子皮包住芝士🫕豬肉🐖粟米🌽既鹹香又清甜🤤好味道☺️.野生松茸素煎餃子(7隻)🥢餡料有松茸、韮菜🥦雲耳等🖤味道層次豐富😉帶淡淡松茸香👍🏻.壽喜燒牛肉湯餃子配狀元九鼎湯(7隻)🥣餃子入面牛肉🐄洋蔥等🧅壽喜燒味道香甜😋.四川涼皮🍜涼皮煙韌滑順😆加上蔥花、花生🥜青瓜🥒同埋酸辣醬汁🌶️少少麻辣令味道更加開胃清爽😛.豆漿(2杯)🥛

太子有好幾間餃子店 🥟「餃掂」係我其中一間愛店❤️餃子有湯餃、煎餃、蒸餃三款 仲有提供外賣生餃👍🏿✨自家製酸蘿蔔免費試食 蘿蔔酸爽開胃✨大白菜豬肉餃拼粟米豬肉餃心多多的我點了雙拼口味🥟餃子皮薄多汁 餡料鮮味十足 兩款也做得不錯👍🏿✨元貝豬肉餃元貝餃𥚃面有乾瑤柱、芹菜、金針菇、豬肉，香氣四溢 肉汁滿滿狀元九鼎湯🥣湯頭鮮甜美味 ✨香煎軟心芝士餃子🥟（大）芝士餃子一定選煎餃，煎餃外脆內軟，配熱溶芝士絕對係Prefect Match ❤️✨蜂蜜檸檬薏米水薏米水健脾胃 不太甜

上次食過荔枝角間分店，咁啱今日去太子始創嗰邊買嘢，見到呢間餃掂快線，諗起上次食完覺得幾高質，今次同朋友又再食多次。今次encore番龍鳳松茸湯餃，野生松茸剪素餃，一份上湯松茸時蔬，飲品叫咗一杯凍蜂蜜檸檬薏米同一杯熱嘅自家制山楂雪梨。總括嚟講佢啲餃子皮薄餡靚，份量偏大隻嘅。堂食仲有醃蘿蔔食，同埋都有兩款醬揀。食物質素都係咁好食，先講個龍鳳松茸湯餃，咬落去啖啖肉，分湯上，但係唔係烚到乾身，仲充滿肉汁，連埋啖湯去食，充滿咗肉汁同埋松茸嘅味道。另外煎餃都係咁好食，真係好鍾意食素餃，佢嘅餡料都好充足，食到有唔同種類嘅蔬菜，超健康。飲品方面，兩杯都飲得出係健康同養生，啱晒秋天滋潤身體。

呢間中式雲吞餃子專門店，真係要試下。佢哋嘅龍鳳松茸煎雙餃，一上枱就已經聞到陣陣松茸香，餃子皮煎得金黃酥脆，咬落去嘅時候，裏面啲餡料仲係多汁，松茸同蝦肉完美融合，真係令人一試難忘。至於芫荽豬肉湯餃，湯底清甜，帶有淡淡芫荽香，豬肉餡唔會太肥膩，入口滑溜。每粒湯餃都係手工製作，皮薄餡靚，令人食完一碗又想再叫多一碗。元貝豬肉湯餃就更加特別，元貝嘅鮮甜味完美提升咗成個湯底嘅層次，餃子入面嘅豬肉鮮嫩，配合湯底真係一絕。飲品方面，佢哋嘅自家製山楂雪梨水清爽解膩，飲落去有少少酸酸甜甜，好適合用嚟中和餃子嘅油膩感。而蜂蜜檸檬薏米水就更加清新，薏米嘅淡淡香氣加上檸檬嘅酸同蜂蜜嘅甜，真係令人一飲愛上。整體嚟講，呢間專門店真係無論食物定飲品都交足功課，服務態度亦都非常好，店員親切有禮。無論你係鐘意食煎餃定係湯餃，呢度都一定會有你嘅心水之選。下次如果你想搵間地方好好享受下餃子嘅美味，呢度就係你嘅不二之選。#nomnomdumpling

餃掂手工餃子雲吞專門店 (太子)間唔中就會好想食餃子今次嚟到於港九新界有多間分店嘅餃掂！為咗保持新鮮堅持每日即日包製店內座位算多而且每枱有足夠嘅位置所以坐得幾舒服餃子有湯餃及煎餃款式相當多單係選擇要食咩款餃子都要D時間呢到仲要有幾多小食款可以揀添例如涼皮，皮蛋，雞翼等*留意煎餃係即叫即煎 需時大概20分鐘落咗單後店員就會送上一碟仔-自家制酸蘿蔔酸度剛剛好用嚟開胃非常適合！龍鳳松茸雙煎餃 （中8隻) $98-仲有大12隻 $147可以揀 除咗煎餃外都可以配湯餃 龍鳳松茸餃即係黑白松露配松茸豬肉餡各4隻 喜歡松露嘅人一定要試吓 因為兩個款松露味都相當明顯 豬肉唔肥膩 而且餃子皮薄 個底仲煎得好香脆香煎軟心芝士餃 （7隻） $58-仲有10隻$69可以揀 但軟心芝士就只可以做煎餃 裡面有芝士豬肉仲有粟米！ 粟米中和咗芝士嘅膩感 食食吓會有陣清甜嘅味道 大推呢款！雙拼湯餃 $55韮菜豬肉餃+芫茜豬肉餃-湯餃湯底為狀元九鼎湯 用咗美國蛇果（蘋果）生魚無花果淮山豬尾骨熬製 一飲就知無落味精 清清甜甜 湯餃同樣樣薄餡靚 韮菜同芫茜味同樣突出自家製山楂雪梨水 $20

係附近行完街，去左呢間係大街的餃子店醫下個肚。店前仲貼左歌手同食家嘅相，令我期待睇下呢間連鎖店係唔係做到高水準。差唔多7點到，唔洗等位就有得入座，叫左：🔹龍鳳松茸雙煎餃 ($98)呢個煎餃外脆內軟，煎得剛剛好，黑白松露嘅餃子，真係第一次試，落足料，味道香濃，鍾意松露嘅朋友值得一試。🔹芫茜豬肉餃($53)芫荽餃子就係一個驚喜，煎餃鎖住肉汁，加上芫茜嘅香味，真係無得輸，全餐嘅亮點。如果食得落，真係想叫埋其他蔬菜餃。🔹重慶鮮肉雲吞 ($44)麻辣湯底濃郁，一碗已經有12隻，皮薄餡靚，食落去好有滿足感。🔹蜜錢雞翼($25)蜜糖醬汁，少甜油帶豉油香，可以過下口癮。🔹踏入秋天叫左滋潤嘅自家制山楂雪梨，同行朋友亦叫咗蜂蜜檸檬薏米，解膩開胃。整體嚟講，呢度嘅餃子非常足料，煎餃出色，而且款式好多，價錢合理，仲可以外賣生餃子返屋企煮，下次一定要試多幾款。

成日都喺太子經過呢間餃掂手工餃子雲吞專門店，今次終於有機會同朋友一齊試吓佢哋出名嘅手工餃子同埋飲品！🥟🥬 上湯松茸時蔬🍂菜心煮得啱啱好，保留住脆口嘅口感，味道清甜，吸收咗上湯嘅精華，簡單但好健康！🍲🍗 蜜餞雞翼雞翼煮得好入味，蜜餞嘅甜味加埋少少鹹香，平衡得唔錯。第一啖擺入口嘅時候，味道令我覺得係家嘅味道！🍯內裡肉質嫩滑，食落去啖啖肉，好滿足！🍖🍜 四川涼皮呢個涼皮真係好辣好醒胃，真係會食上癮！🌶️涼皮超級彈牙，辣勁十足，配埋花生碎同黃瓜絲，口感豐富，食落去有陣陣麻辣味。🔥🧀 香煎軟心芝士煎餃呢個芝士煎餃真係一試難忘！外皮煎得金黃香脆，咬開嘅時候感受到啖啖芝士，真係好邪惡！🧀餃子餡料豐富，芝士同粟米嘅配搭好夾，食落去香濃但又唔會太膩！🥟🥩 壽喜燒牛肉湯餃（中碗湯另上）呢個湯餃真係好有驚喜，湯帶清甜，餃子皮薄餡靚，入面嘅壽喜燒餡好有牛肉味，仲有微微嘅洋蔥味，超級特別！返嚟一定會再叫呢個餃子，呢個真係必試推介！🍜🍐 自家制山楂雪梨水飲品方面，山楂雪梨水飲落去好清甜，仲帶有少少山楂嘅酸味，飲完覺得好清新！🍐食完餃子飲返啖，真係解膩又潤喉！🍷🍋 蜂蜜檸檬薏米水薏米水嘅清甜加上蜂蜜檸檬嘅酸甜味，飲落

咁耐以來幫襯過超過無數次，由白楊街搬鋪去基榮小學隔籬都一直有幫襯，不過啲嘢食越嚟越唔掂，以前啲醃蘿蔔自己夾，到之後淨係嗌餐會比一小碟你，而家連嗰一小碟都冇埋，越嚟越庹縮。另外我食完嘢先記得原來要食藥，但係我杯嘢飲已經飲晒，湯都飲晒，問個侍應有冇水佢話冇，我話真係諗住送藥，兩啖水就夠啦，佢都話冇，我又唔係冇幫襯佢嗌嘢飲，好冇人情味，好失望，本身啲嘢食已經冇以前咁好食，縱觀咁多樣嘢，我以後唔會再幫襯。