餃掂手工餃子雲吞專門店

去完大館影相就係附近食野，餃掂係平靚正之選。手拍酸辣爽脆青瓜 $25: 青瓜好爽，酸辣幾開胃龍鳳蛋 $18: 有黑白松露幾香蜜餞雞翼 $24 入口甜甜哋，雞肉嫩滑。龍鳳松茸雙灼餃 $92配有狀元九鼎湯，有粉葛、鯪魚、香山活鯽魚、紅蘿蔔、扁豆、陳皮等，好適合現在的天氣飲，夠滋潤。黑、白松露松茸配豬肉餡，松露味好香，豬肉餡夠飽滿，用上新鮮豬肉，有肉香。雙拼煎餃 $55有雲耳椰菜豬肉餃，皮薄餡多，椰菜爽脆清甜。韮菜豬肉餃香口

第一次食咁貴嘅餃子，叫咗龍鳳松茸餃同軟心芝士餃。龍鳳松茸餃係黑松露同白松露嘅組合，咬落非常香口。軟心芝士餃入面有粟米粒，配埋芝士簡直一流，而且仲一啲都唔漏，下次再試埋元貝豬肉餃先😋

中環小小店舖，餃子及湯標榜無味精 松茸灼餃有8隻～太肚餓食咗幾隻餃先記得影相餃子大大隻，有松茸香味加上豬肉，再加一口無味精湯，有住家的味道煎餃唔會煎得油膩，脆口不膩帶有松茸香甜味，食完一口再一口，煎餃有跟湯，湯是沒有湯渣，清甜的老火湯，給人滋潤感覺黃金皮蛋～不滯膩配上甜酸醬汁，開胃醒神自家制山楂雪梨水～甜度恰好，清甜可口，解暑解熱飲品首選食物整體好味新鮮可口，唯獨小店坐位有限，比較迫夾，但環境給人感覺舒服

今日一放工就趕去睇醫生，睇完都差不多七點幾啦，行過見到呢間餃子舖頭，諗住輕輕鬆鬆食完先返歸。🤣🤣店內裝修簡約，地方清潔，店員態度都幾好，未嚟到啲嘢食嘅時候，仲有一啲酸嘅蘿蔔提供，俾你食住先，仲話咁樣可以令到食慾提高。🧐🧐我叫咗一個龍鳳松茸雙煎餃，所有餃子都係手工製作，松茸就係餐廳嘅招牌菜式。🥳🥳餃子皮好薄，外皮金黃香脆，內裏實淨新鮮🤩🤩龍鳳其實即係黑松露同白松露，自己鍾意食黑松露多啲，因為味道比較濃

勁中意食餃子嘅我，目標係試匀晒全香港好食嘅餃子店🥟，今日就叫咗以下呢三款，大部份都可以比你揀煎或湯餃，揀湯嘅會跟一碗狀元九鼎湯🥣。龍鳳松茸煎餃 $157/12隻係黑松露加白松露餡餃子，入面更係落足料，一咬開松露嘅香氣已經撲鼻而來。香煎軟心芝士餃🧀 $57/7隻本身以為芝士會好漏，點知越食越停唔到口，入面仲有粟米🌽，配豬肉🐖簡直一流，好後悔冇嗌到10隻。壽喜燒牛肉湯餃🐮+狀元九鼎湯🥣 $72/10隻皮薄餡靚，好似真係食緊壽喜燒咁。而個湯主打零味精，而且仲好補，雖然味道比較清淡，但配埋餃子一齊食，成件事就會好match💯。另外仲嗌咗個麻辣松花皮蛋 $25味道唔會話太辣，啱晒唔食得辣嘅我🤣，而且份量都算多。

-餃掂手工餃子雲吞專門店 🥟林芝蓮除左中意食🍚之外 仲有就係餃子🤭 呢日係中環行街果陣心血來潮好想食餃子所以就咁openrice 左最近既餃子店🥟龍鳳松茸雙煎餃 （$98/8隻）其實龍鳳松茸就係指黑白松露煎餃皮薄餡令 而且煎得外皮好香脆入面仲可以食到啖啖松茸菇粒🥟韮菜豬肉湯餃子（$45/隻）- 跟狀元九鼎湯：用左多款材料熬制而成 包括粉葛 / 順德活鯪魚 / 香山活鰂魚 / 紅蘿蔔 / 扁豆 / 赤小豆 / 新會陳皮 / 蜜棗 / 鮮排骨等等係提升免疫力 滋潤腸道 養顏保健等等既功效足料好味之餘 仲可以養生 岩晒我~🥟重慶鮮肉雲吞（$42/中）每粒雲吞既尺寸都係一口 食多左都唔覺湯底比想象中少辣 食落唔會覺得辣 少少清甜🥢四川涼麵（$30）揀左小辣 加上落晒成兜左芝麻醬大大降低左辣度 所以完全唔覺得辣加上有大量花生同蔥花 個麵又好掛汁 食落好香四川辣汁同時好惹味~🥤蜂蜜檸檬薏米水（$28/枝）🥤豆漿（$15）2款野飲非常清新清甜 岩晒食完餃子飲

經過開中環大館 想食d健康d又唔太貴既野食，就搵到附近既一間餃子鋪頭。鋪頭空間唔大，大概容納到十幾個人，但係都坐得舒服。我地一行兩人叫左兩款餃子韭菜煎餃❤️ 每次去餃子鋪最愛叫韭菜餃，煎得十分香口，韭菜和肉的比例一半半，香氣十足松茸餃配九鼎湯。湯頭較淡，但完全沒有味精味。餃子很大，咬開松茸的味道十分突出🤤🤤🤤另外仲叫左恰菜心同埋原味既黃金皮蛋。不得不說黃金皮蛋加了醋的調味，令皮蛋吃上去更清新🤤最後還叫了兩杯飲品，分別係豆漿同埋薏米水，為這一餐完美做結。

人生好像餃子，毅力是皮, 信心是饀，歲月和經歷是餃子上的摺痕-HK$86 至尊松茸餃（煎）配狀元九鼎湯~金黃色的外皮, 一口咬下去便發出"嗦"的一聲，外脆內餡軟熟又多汁。不論蘸上香辣松露或原味松露或什麼醬料也不蘸, 各有風味特色。狀元九鼎湯~這碗湯非常足料,有順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨。我呷過第一口, "嗄"了一聲, 條氣順了好多。重點此湯沒有味精，又有助解熱袪濕, 真是非常合適少湯水的我。- HK$18龍鳳蛋~軟滑的蛋白、蛋黃半熟的溏心蛋配上「西方三大珍饈」之一的白松露及黑松露醬, 簡直齒頰留香-HK$蜜餞雞翼~咬下去已經感受到清甜的蜜糖味, 肉質結實又嫩。-昂貴食材的餃子的味道形同店名一樣, 怪不得當天惠顧, 外賣單及堂食源源不絕。

依間餃子食過返尋味，一於試埋中環分店。行咗條大斜路，終於搵到。舖頭細細，大部份都是二人枱。這餃子店很有特色，聽日門口已掛了很多松茸的畫，主打同心松茸餃。叫咗麻辣粉皮，豬肉松茸餃，壽喜燒牛肉餃，流心蛋。壽喜燒牛肉送湯，鮮甜美味，每啖咬落都有壽喜燒的湯汁，好似打緊邊路咁。留心蛋有陣陣煙熏味，配上從茸醬，加了一份菇的鮮香。豬肉松茸餃多餡飽滿，啖啖肉，豬肉鮮甜。麻辣粉皮很辣很刺激，加上花生，香香辣辣很有咬口。

今日想食餃子，即刻諗起餃掂，同朋友一齊嚟食～有一段時間冇嚟，嗌啲未試過嘅嘢呢個黑白松露豬肉煎餃，一粒黑同一粒白松露咁～煎餃煎得啱啱好，金黃色的！好香好脆入面好足料 豬肉新鮮黑松露味好濃，唔係得隻色白松露本本身相對無咁濃松露味，如果唔鍾意太濃松露味嘅可以單點白松露㗎～每次都會叫呢個粟米餃 因為好香甜好好食😋個湯係自家製嘅九鼎狀元湯 好清甜最緊要佢唔係味精湯好足料～嚟到呢度另一樣會嗌嘅就係呢碟菜唔好話我連菜都讚 但呢度啲菜真係好食😂好新鮮好大碟 好抵食😂涼皮都幾大份 個口感好好煙韌得嚟唔會咬好耐先咬得開薄薄地咁 唔會太飽肚啲花椒八角都好香 撈埋一齊好好食個蛋好搞笑 貪得意嗌咗都幾好食 蛋新鮮呢個自家製嘅山楂雪梨水有驚喜唔會太酸或太甜 入口幾清爽 好啱配涼皮/煎餃食～

行完山落返中環諗住同一班朋友食餃子就揀咗呢間餐廳呢間餐廳之前喺太子已經食過幾多水準都唔錯所以今次特登帶埋朋友一齊食呢間我哋分別叫咗韭菜湯餃同埋香煎芝士餃子啲餃子都隻隻好飽滿大粒芝士餃子重要爆曬啲芝士鍾意食香口野又鍾意食芝士嘅朋友仔非常推薦食呢款餃子至於韭菜餃水準就中規中矩唔算有太大驚喜但係好鍾意佢個湯飲得出係好有心機煲嘅湯頭冷盤就嗌咗涼拌雲耳味道酸酸辣辣係好好嘅開胃菜整體體驗都好好係一間會再幫襯嘅餐廳

餐廳空間細，坐位有限，好多中環區officer都幫襯，相信抵食兼有質素😍四川涼麵 $30原來係芝麻醬，個底加左鎮江醋，再加少少辣椒醬，味道唔錯，麵質感比較淋，我會希望有更煙韌嘅質感韮菜煎餃子 $49 / 7隻餃子皮煎得非常香脆，餡料好飽滿，唔會有太多空位，用料十足重慶鮮肉雲吞 $ 42湯底萬變不離其中，我食得出係淡湯加鎮江醋同辣椒油而成，小辣基本上唔辣，雲吞比餃子更加實淨，食落係冇空氣，一口一粒好爽加上有蔥同芫茜，非常香又清新

星期日同朋友去中環PMQ上完workshop之後落返地鐵站附近搵野食，經過呢間位於威靈頓街既餃掂，見到佢地既Menu有齊湯餃同煎餃，餃子控一定要試下~餐廳環境乾淨企理，可以舒舒服服涼住冷氣食餃子真係好爽🍄🥟至尊松茸豬肉餃配狀元九鼎湯 (中碗8隻$86; 大碗12隻$129)呢個人氣推介既松茸餃我地一坐低已經寫左，可以揀湯餃或者煎餃，我地就揀左脆卜卜又香口既煎餃，皮薄餡靚仲食到啖啖松茸菇粒，配埋個狀元九鼎湯就最perfect😍呢個狀元九鼎湯超足料，用左多款材料熬製而成，包括順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨，天氣咁熱成日開冷氣，平時屋企都會煲粉葛鯪魚可以袪濕同降骨火，呢個湯仲有解熱袪濕、生津止渴既功效，又清甜又有益🥟芫茜豬肉餃 (中碗7隻$52; 大碗10隻$65)朋友係重口味+芫茜控二話不說見到呢個芫茜豬肉餃即刻😍😍😍將芫茜同豬肉餡混合，估唔到咁夾，口感好清新，煎餃外脆內軟，爆餡餃子好高質😚重慶鮮肉雲吞 ($42)試左兩款煎餃店員推介我試埋佢地既鮮肉雲吞，湯底清甜，雲吞皮嫩滑，內餡好juicy，一口size忍唔住食多幾粒🥰🥰四川涼皮 ($32)今日天氣

💰$159💸白菜豬肉湯餃、椰菜雲耳豬肉湯餃同韮菜煎餃味道/😐/餃子比較細隻，荃灣餃子屋、長沙灣甜記餃子同埋美味餃子店都大隻好多🫣餃子煮嘅時間啱啱好，好彈牙，值得一讚👍🏻煎餃落完單即煎，上枱熱辣辣，多啲餡嘅話食落去會更豐富😋最令人失望嘅係個湯，超淡，以招牌嚟講非常失色☹️服務/😐/正常，但感受到樓面姐姐有啲急燥環境/☹️/地方偏窄總結/😐/食其他可能開心啲，但真係好想食餃子嘅話都可以一試

當日一家3口到中環依間舖諗住用膳， 與坐近門口位女職員確定有位先入舖，並已經自動掃安心出行等。 好喇問題嚟喇， 我哋3個一入舖， 眼見已經無4人枱， 即係要搭枱喇， 所以我就直接問果位女職員我：請問座位點安排？ 我哋有3個人，2大1細女職員： 你哋自己搵位坐就得當時女職員係坐係門口左手邊， 完全無諗住帶位或安排我哋點坐咁好喇，我哋就揀咗門口果張2人枱，搭隔離枱， 個女職員就好大聲話： 你哋唔可以咁坐，我先生忍唔住出聲： 咁應該點坐？ 問又話自己搵位， 依家搵咗你又話唔得， 即係點？ 原來佢意思係唔準搭枱， 咁好喇， 我哋就問果位原本搭枱嘅男士介唔介意調一調位， 因為後一張枱有一張2人枱， 如果佢調位， 會有2張2人枱鄰近，我同小朋友同先生就可以坐埋一齊， 果位男士未出聲， 個女職員又插嘴： 唔得丫， 你哋唔識佢， 點解要佢調位。 我果下即刻撻著， 忍唔住駁佢： 由我哋入嚟， 你由頭到尾坐係度， 正常係咪應該帶下位， 正常點坐係咪應該你去安排， 你乜都唔做，淨係話唔得， 係咪咁嘅服務態度？ 仲有，調唔調動位置正常係咪由你哋去盡量安排？但依家你乜都無做， 仲係度指責返我哋轉頭？ 我同我先生