餃掂手工餃子雲吞專門店

【中西區】【餃掂手工餃子專門店】早幾日同真正哥試咗中環威靈頓街嘅「餃掂」手工餃子，覺得勁好食，於是即刻將呢個信息通知「餃子控」春哥。而呢件事當然係惹來一輪指責，話我做乜唔帶佢去，咁好啦，我帶埋佢去啦。不過我唔多想翻炒食返同一間，於是就同佢去咗試上環嘅另一間店。不過其實係同一間嘢嚟，連餐牌都一樣，坐低就叫嘢食喇。我高度推薦佢哋嘅松茸餃，所以就試 $86 嘅煎「至尊松茸豬肉餃」八隻，呢款煎餃都有配「狀元九鼎湯」，春哥飲咗都覺得好足料。而餃子方面，松茸味勁香，同新鮮豬肉餡嘅味道非常夾，都好好食。我哋試埋 $58 嘅「香煎軟心芝士餃」七隻，裡面有豬肉、粟米做餡，配合香滑嘅芝士，成件事好邪惡。春哥講明特別要我同讀者提及佢哋煎餃嘅火候相當好，値得推薦。我哋仲試咗兩款小食，春哥勁想試嘅係 $26 嘅「麻辣松花皮蛋」，冇令佢失望，相當濃香。而我哋亦都試咗 $32 嘅「日本龍鳳蛋」，蛋味濃之餘，搭配嘅黑白松露醬亦都好香，正。嘢飲方面，春哥試我推薦嘅「自家製山楂雪梨水」，$20 一杯，佢都覺得好飲。我就試 $20 嘅「蜂蜜檸檬薏米水」，清清哋都好潤。夾埋食咗 $242，係值得一試嘅。。。（地址：上環蘇杭街

我今日去上環辦事，順道約同好友去位於上環蘇杭街100號地舖的餃掂手工餃子專門店食餃子。環境舒適，坐得舒服。我點左香煎軟心芝士餃（10隻）$69，粟米豬肉煎餃（10隻）$61，元貝豬肉湯餃（10隻）$64，韭菜豬肉湯餃（10隻）$57，飲品係熱山楂雪梨水$20。湯底是狀元九鼎湯，用美國蛇果（蘋果）、生魚、無花果、淮山及豬尾骨淆製而成，鮮味濃郁，十分好飲。軟心芝士餃煎得香脆，芝士味濃又好食，粟米粒粒好味，元貝香濃好味，韭菜新鮮好食，山楂雪梨水好飲。

今晚去左餃掂上環分店，佢地既味道依然係好掂👍🏻壽喜燒牛肉餃 (大)(煎餃) $76壽喜燒牛肉餃，個人覺得叫煎餃比較夾，因為餃掂既狀元湯好鮮好濃，同樣濃味既壽喜燒牛肉可以互相會搶走大家既味道煎到金黃色既壽喜燒餃肉汁豐富，香噴噴又滿足重慶鮮肉雲吞(中)(小辣) $44除左餃子好掂，佢地既雲吞都一樣咁掂今次就叫左碗重慶鮮肉雲吞上枱時有少失望，見到湯底比較淡色，可能係因為我叫左小辣但係飲落原來都好夠味，鮮味夠而且香辣栗米豬肉餃子麵（6隻） $57如果食淨餃淨雲吞唔夠飽，仲有餃子麵或雲吞麵可以揀餃子麵仲配6隻餃子，一定夠晒啦蜜檸薏米水 $20杯山楂雪梨水 $20杯兩杯都係健康養生既飲品，而且都好夠甜又好飲又健康，一定係揀佢地

之前食過將軍澳分店，印象中佢嘅餃子味道唔錯，今次經開上環開咗分店，都有唔少人幫襯堂食同外賣，又入去食下comfort food。餐廳嘅餃子口味選擇好多，亦有小食、麵食選擇。餃子可選煎餃或湯餃，亦有大小分量選擇。至尊松茸豬肉餃（$80/ 8個）- 餃子好大隻，再配以松茸醬。松茸和豬肉的味道好夾。搭配上狀元九鼎湯一齊食，味道十分豐富。韭菜豬肉煎餃（$61/ 10個）- 餃煎得香脆可口，韭菜同豬肉味道好出，餃份量一樣十足，個人非常喜歡。蜜餞雞翼（$33/ 5隻）- 有三隻同五隻選擇，雞翼好入味。份量都幾大隻，兩三個人share啱啱好。麻辣松花皮蛋（$26）- 入口唔算好辣，但成功令皮蛋味道更有層次，呢個小食好開胃好味。蜂蜜檸檬薏米水及自家製山楂雪梨水（$20@）- 冷熱可選，份量十足。薏米水充滿蜂蜜檸檬味，山楂味道濃郁，非常足料。

粒粒餃子都漲卜卜至尊松茸豬肉煎餃 （$86）選擇煎餃，仲會送埋佢哋嘅招牌狀元湯，湯頭蓮藕味道香濃，飲落仲好甘甜。餃子外皮金黃酥脆，帶有松茸香氣，豬肉份量夠多，粒粒口感豐富，好驚喜😍韭菜豬肉餃 ($61)韭菜好清香，餃皮煎得香脆，整體味道清新爽口。椰菜雲耳豬肉餃湯餃子 ($57)湯餃子外皮比較Q彈，椰菜和雲耳比較清新，入口皮薄而滑嫩。四川涼麵($30)麵條彈牙有嚼勁，我哋選擇走辣，配搭麻醬和配菜(黃瓜絲、花生碎)，增添了口感層次，大人小朋友都啱食。另外呢度都有好多自家製飲品，我哋order咗檸檬蜂蜜薏米水，有清新檸檬香氣，口感清爽宜人，仲好解膩，配搭煎餃一流！

餃掂手工餃子雲吞專門店📍上環蘇杭街100號地舖🔹龍鳳松茸豬肉雙湯餃呢度既招牌松茸餃，松茸非常濃厚香味，豬肉同松茸完美配搭，一啖一個、食唔停口。🔹壽喜燒牛肉煎餃呢個牛肉煎餃表面香脆，一口咬落去，牛肉既汁水爆曬出來，配合埋壽喜燒既汁，超級juicy好味道👅🔹紅油抄手呢個紅油抄手既雲吞細細粒，可以用湯匙一啖連湯一起食，辣辣地一啖幾粒，而且皮薄餡靚，超級好味道。🔹四川涼皮估唔到呢度居然仲有涼皮，唔單止口感清新滑溜，再配合埋獨特辣椒油，非常惹味。🔹檸檬蜂蜜薏米水呢杯飲品超清新解膩，而且唔係好甜，配搭餃子非常match😜#餃掂 #餃子 #松茸餃 #必食餃子 #餃子推薦 #上環 #上環餐廳 #上環餃子 #hkig #hkfoodie

好食嘅餃子連鎖店，唔經唔覺原來都幾多分店：旺角,灣仔,中環,上環,西環,銅鑼灣,荔枝角,將軍澳，總有一間就腳d，主打手工餃子、新鮮食材、無味精湯底，水餃黎講算質素高，值得試試。🥟龍鳳松茸餃所謂龍鳳松茸即係黑白松露，隻隻都紮實飽滿，水餃皮透薄、晶瑩剔透，好香松露味，黑松露嘅松露味會濃啲 ，白松露就清香啲，食餃都食得矜貴又養生。湯餃嘅話會跟"狀元九鼎湯"，其實可以話係粉葛魚湯，祛濕不錯，幾啱呢排飲。只係個人略嫌淡味d（咁即係應該真正係無味精😆）🥟 雙拼煎餃(韭菜豬肉&大白菜豬肉)除咗湯餃之外，煎餃都好食。煎餃即叫即煎，所以要等一等, 但值得嘅。所有餃子都有分大份/中份，又幾人性化，細食/大食都可以自我選擇；又可以揀雙拼。堂食嘅話，枱面仲有齊豉油、醋、菜脯辣椒醬、四川辣椒醬選擇。菜脯辣椒醬好食❣️山楂雪梨茶，1支既話好大支！生餃嘅話一份12隻，得閒買返去放雪櫃後面都不錯。

至尊松茸豬肉餃呢道菜品以松茸和豬肉為配料，我哋比較鍾意香口，就揀咗煎餃，賣相精美，外皮煎至表面微焦，粒粒都金黃酥脆，內裡餡料多汁，充滿松茸香氣，儘管價格較高，但呢個質素，性價比還是相對不錯🙌🏻四川涼皮涼皮口感滑嫩，配上獨特四川調味料，少辣嘅醬汁，微辣微甜，爽口又開胃。雲吞湯麵第一次食呢度嘅雲吞，雲吞皮略厚，賣相樸實，勝在口感彈牙，湯頭都幾鮮。蜜餞雞翼雞翼入味，帶有香濃蜜糖味道。檸檬蜂蜜薏米水解油膩一流，檸檬、蜂蜜和薏米，檸檬酸味和蜂蜜香甜味好夾，口感清新！上湯松茸時蔬大大條菜心居然一啲都唔老，夾上松茸片，松茸嘅香氣與清淡上湯融合，令菜品口感清脆爽口，唔錯！

我外賣叫左韭菜豬肉同芫荽豬肉湯餃，先講個湯，打開就聞到好香，即刻要飲兩啖，唔會好喊兩款菜餃都好夠大陣味，菜同肉嘅比例好好，唔會感覺偏向一邊，菜仲爽，有咬口，一隻餃份量都算大，皮唔算薄但淥得透同滑👍🏻整體好好，會再幫襯

餃子🥟 = 中國傳統食物，源於古代的角子。餃子原名“嬌耳”，由中國南陽人醫聖張仲景發明，至今已有一千八百多年歷史。現代人稱為「水餃」，除了是節慶食品，更是中國民間主食+地方小吃。餃子多用麵皮包餡水煮而成。香港🇭🇰人氣創意餃子店「餃掂」🥟於上環又添新店，除了傳統口味外，另有多款選用高級食材的餃子，如元貝、松茸。新店裝潢具時尚感🥢壽喜燒牛肉煎餃平凡裏有器用的Fusion 版煎餃子😋 = 十二分驚艷。外表平凡的煎餃子🥟隱藏著多汁壽喜燒牛肉內餡，而且外皮煎至金黃酥脆，既有餃子皮韌性，又有香脆口感 = 非常驚艷的黃金組合，鮮味交織起來毫🈚️違和感。必食推介🌟🥢龍鳳松茸雙灼餃配狀元九鼎湯大大隻皮薄餡靚的龍鳳松茸雙餃🥟非常足料，選用了上等豬肉+新鮮松茸，味道令人驚艷🤩。松茸帶來了淡淡木香+獨特風味，與鮮嫩豬肉相互輝映，再配上湯底醇厚的狀元九鼎湯 = 非常滿足，滋味無窮，每一口都能感受到松茸的細膩風味，無需額外加調味料已其常入味👍🏻。松露控行過路過，不能錯過💖。必食推介🌟🥢狀元九鼎湯自家製粉葛+鯪魚+赤小豆等材料熬製而成的無添健康養生湯，可提升免疫力+溫腎益氣+滋潤腸道+養顏保健。🥢龍鳳日本蛋（松露醬

龍鳳松茸雙煎餃呢款應該係招牌餃子，冇理由唔試吓！黑白松露都各有特色，白松露食落比較為軟滑細緻，感覺多啲肉甜味，如果只點一款會推介白松露。黑松露嘅香味更出更直接。健康啲可以揀湯餃：）香煎軟心芝士餃好鐘意呢款！芝士餃可能多地方賣，但呢間嘅芝士咸香世一，超濃厚，芝士控必點，加埋脆口餃子皮同肉汁，冇得輸！四川涼皮涼皮近似水晶粉，大辣都唔太辣，可放心點四川涼麵呢款比較辣，芝麻醬另上可以自己調控濃度山楂雪梨水自家製，酸酸甜甜，開胃解膩

身為餃子🥟控的我對餃子🥟有要求， 我最喜歡食「餃掂」的餃子🥟！昨天仲帶埋朋友一齊食，他都讚好有住家靚餃子風味！松茸餃無論湯餃或煎餃都各有特色，至尊松茸餃湯餃的更可連湯底都要飲喔，因為湯底都是店鋪皇牌每日新鮮黛的，有順德活鯪魚、香山活鰂魚、鮮排骨等食材新鮮又美味！另外還有韮菜餃等都好惹味喔，店舖原來都有特色飲料🥤： 山楂雪梨水及檸檬蜂蜜蕙米水都幾大杯又解渴的！餃掂手工餃子雲吞專門店上環蘇杭街100號地舖

1. 香煎軟心芝士餃 (7隻) $58即叫即做，有7或10隻選擇，餃子吃煎得好香脆，咬落去有好濃厚的芝士味象仲好流心，加上粟米粒： 及豬肉；口感層次好豐富。🌟 評分: 8/102. 壽喜燒牛肉餃子麵 (6隻) $65壽喜燒牛肉餃子好香牛肉香，入面仲有馬蹄增加口感，皮亦都好薄；麵係上海麵，湯底好清感覺冇乜味精，冇乜油，麵條好滑，而且偏腍。🌟 評分: 7/103. 四川涼麵 $31四川涼麵小辣配麻醬，麻醬另碗仔上，可因個人口味控制份量，黃麵條彈牙，灑上炒香花生碎，青蔥花，撈埋碟底嘅辣油豉油，微辣鹹香好味。🌟 評分: 6.5/104. 黃金原味皮蛋 $30好似係皮蛋同鹹蛋嘅混合體，外層晶體係透明，中間溏心又散發咸蛋黃香，食落好有驚喜。🌟 評分: 7/105. 蜜餞雞翼(小) $25以蜜糖汁慢火長時間燉煮雞翼，色澤金黃同質感濃稛嘅蜜汁好掛汁，薄薄一層咁包裹住雞翼，肉質好鮮嫩，而且好入味。🌟 評分: 8/106. 龍鳳蛋 $18/隻係1隻唐心蛋，日本龍鳳蛋味道好甜，每隻蛋上面都加左少少松露醬，松露醬無完全蓋過蛋味，仍然食到蛋香。🌟 評分: 8/107. 山楂雪梨水 $20自家製雪梨水用上山楂片、

作為餃子控🥟 要食到好食嘅煎餃真係唔容易😌要做到底部夠脆，但唔油膩真係巧功夫🤨餃掂已經係香港有唔少分店，依然保持到質素!! 最鍾意佢哋嘅壽喜燒牛肉餃，喺其他餃子店真係好少見到🥰💕煎壽喜燒牛肉餃 (10隻) $76: 壽喜燒味香甜 牛肉味濃郁👍🏼 一咬即爆汁 仲有少少蔥好香口✌🏼口感好豐富，超有驚喜!!🧀香煎軟心芝士餃 (10隻) $69: 軟心芝士散發淡淡香氣😚 咸香芝士配粟米粒令口感更多層次🌽 芝士份量算慷慨🧀雙拼湯餃（7隻） $50: 韮莱豬肉餃及栗米豬肉餃，兩款都好飽滿🥹😋 跟狀元九鼎湯清甜~蜜餞雞翼 (5隻) $33: 蜜餞甜甜 雞翼好入味😇檸檬蜂蜜薏米水 $20/杯

全香港而家周圍都見到餃掂🥟因為真係質素唔錯 所以先開到咁多分店 有咁多支持者🥰🔥🔥而且都有一啲創新嘅特別款式餃子 🥟味道非常唔錯.🐷壽喜燒牛肉餃湯餃子壽喜燒牛肉餃湯餃子係餃掂嘅招牌菜式之一 平時食開啲餃子都係比較普通嘅味道同埋餡料 壽喜燒牛肉更令人覺得眼前一亮 重點係一定要嗌湯餃 湯底為#狀元九鼎湯 無添加味精 並加入粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗同鮮排骨等材料 味道鮮美豐富 真心好好飲 勁大碗湯但小編一個人飲晒 飲佢個湯仲好過飲水😂 餃子皮薄身肉多汁 牛肉餡料鮮嫩入味 絕對值得一試🤣🤣.🐷煎餃子-粟米豬肉餃及芫荽豬肉餃特別推介粟米豬肉餃同芫荽豬肉餃 兩款餃子有著不同的口感 小編鍾意都鍾意食煎餃子 🥟 因為煎完之後餃子皮更加香 又香又脆 餡料亦都好正 上菜嘅時候仲係熱辣辣🔥一咬落去有少少爆汁嘅感覺.🐷四川涼皮（少辣）如果你鍾意四川菜 咁唔可以錯過餃掂嘅四川涼皮 🤣 呢款小吃以涼皮為主 少辣適合唔係好食得辣嘅人士 涼皮爽滑爽口 配以特製調味料同花生碎 增添層次同口感 味道鮮美 😇🤩.🐷蜜餞雞翼蜜餞雞翼好好味 有啲後悔冇嗌多啲 🥰 雞翼經過蜜餞處理 外脆