飛鷹餐廳

營業中

休息中

朋友突然心血來潮想鋸扒，於是便一行人去深水步的飛鷹餐廳。坐車時眼見金鳳出面好多人排隊，便擔心這間都要要等，好彩剛有一個吉位。朋友點了黑椒牛柳，豬柳，我點了久違的蘇格蘭牛扒。先上大大個麵包，真的好大個，食完都半飽。再加餐湯，這個幾好飲。到牛扒上來時，已經full了一半。蘇格蘭牛扒據了解肉身比較『林』，脂肪應該比較少的。這兒的牛扒不論口感、味道都不俗，只是底層有好多脂肪，或許可能是我一直都搞錯了d資料。因為這裡的牛扒沒有蒜蓉，總覺得好像欠了什麼似的，是全晚唯一的失落。

剛剛過左的星期二同左男朋友黎呢到食飯，皆因男友睇雜誌介紹，所以黎試下，一入到餐廳，環境裝俢都好懷舊，一坐落卡位已經覺得好舒服，之後就急不及待睇餐牌，咩扖都有，最後男友揀左蘇格蘭牛扖(7成熟)，我就揀左蒜蓉汁雞扖共兩set晚餐，個餐包真係好大，從未試過食咁大個的餐包，而且又好食，而個羅宋湯簡直美味到不得了，個湯好濃，好惹味，好鐘意個陣甜酸味，同出面的羅宋湯無得比，而且仲想飲多一碗tim，主菜就冇幾耐黎到，聞到好香的牛扖味，我的蒜蓉汁雞扖賣相又吸引，見到個鐵板好大，塊扖仲大，雞扖好好食，蒜蓉汁好正，廚師的手勢真唔錯，試過的其他餐廳都冇佢咁正，牛扖肉汁又好食，淡淡肉，又唔會"鞋" 同"韌"，價錢同出面普通餐廳差不多，但好食的鐵板真係唔多，所以大家可以試下，一定會愛上。Next time 再黎!!

今天是五月二十日, 第一次和老公囡囡去据扒, 叫了一客Ｔ骨扒($62) 和黑椒牛柳扒($56). 共$118, 再加一服務費共$130. 但馬尾女士應竟收我$131. 連同tips 我比了$132. 出門後, 心想她收多一元可能是甚麼雜費罷了. 回家後, 決定致電問清楚, 先問好價錢, 確定是$130, 但她仍說是$131. 我問她條數点計, 她卻答不出, 竟cut我線. 我再打去問佢\為何cut我線, 她就詐傻, 還說計錯數, 叫我去攞番一蚊, 我說不是一蚊問題, 是誠信及操手問題, 她叫我立即去攞番, 明天就不會比番, 我說不必了, 我好氣頂, 佢\扼錢好低莊, 不知是家族生意還是甚麼, 希望佢\老闆快Ｄ炒佢\.

上兩星期日既夜晚同老公&老公媽咪黎呢度食野,其實都唔係第一次黎呢度食,因為好鍾意呢度d環境,好懷舊呀~~~~~坐係度食扒真係好有feel呢~另外最鍾意佢個包係一個大麥包黎架~正!好過好多扒房只係求其畀個小小甜餐包你!個羅宋湯幾濃下,好味!d扒大部份都幾好食,仲比一般扒房都大份,實食得飽你果隻!而d汁都幾好,仲有d配菜就不過不失啦~飲品亦都OK!持應服務都出奇地好,佢地好有親切感架~黎過幾次,佢地都認得我地,所以會同我地傾下計,記得第一次黎食野,我地諗住用熱水洗洗d刀叉,於是叫佢地畀杯熱水我,佢地送到黎後見到我地原來唔係飲,係用黎洗d餐具,立即主動幫我地用個大d既杯倒過d熱水畀我地,原來佢地話因為之前有客用過細杯洗刀叉,但個細杯原來會頂唔住爛架!!雖然佢地個個都有番咁上下年紀,但我個人覺得佢地既服務仲好多好多新式扒房既年青持應好多囉~整體上以咁既價錢黎講,真係唔錯既選擇,又平過扒王,但又好食過扒王,所以而家多數都會同老公選擇黎呢間食扒啦~

原來有一間咁既餐廳係我屋企後面我都唔知,以後隨時都可以据排了.食完之後最印象深刻既應該係果個好大好軟既麥包,可惜個餐湯遲遲唔到,冇得一齊食,我地已經忍唔住食晒個包啦,叫左黑椒牛柳(6成),男朋友叫左西冷牛配黑椒汁(7成),發覺佢果個香d.唔好既地方應該係我果個生得滯,佢果個熟得滯,又唔比叫6成半(個waiter話冇半)咁可以點?有埋餐飲食到飽飽好滿足每人100蚊都唔洗,我地會再去架

隔金鳳一個巴士站的距離，有這間港澳飛鷹餐廳。愛飛鷹而棄金鳳的原因，除了因不屑後者名氣過盛及無理人龍外，便是因前者不論在食物份量、質素、價錢、環境和清潔度更勝一籌。細閱菜單，已覺頭暈：羅臣尼牛柳、荷蘭牛柳、希臘牛扒...問靚姐是甚麼味道，「呀...我無食過。」只是天天食得太多，分不清了味吧？蘇格蘭牛扒，依然是「傳統」的豉油扒- 不同的，是如鐵板般大、差不多有一寸厚的牛扒，只接受了輕微的梳打洗禮；走汁的牛扒，除了美極鮮醬油味外，便是牛扒本身的原味。更驚奇的，是用塊可以將生番茄「煎」到爛既鐵板上，上一塊要求只要三成熟的牛扒，竟可維持牛扒七成面積仍是殷紅。加一碗湯底厚、茄膏濃、洋蔥生的羅宋湯，一杯似英式奶茶多過似咖啡的咖啡，和一個巨得離譜的甜美餐包，配以快得離譜的上菜速度，又是既豐且盛的一餐。

昔日很多小學同學,在聖方濟或劉皇發讀中學.每次去找他們午飯,一係已執的愛德華,一係金鳳,這頭飛鷹,已經記不起有無去過.午飯人山人海,連坐馬蹄位也會出現"一屋兩伙三姓人"這個場面.更何妨坐二人卡位,坐你對面的食客,會是一個幾十年來不相往還的阿伯?中午吃扒餐似乎有點"掯",午餐$25,踢法經濟.其餐包用麥包,大大隻熱辣辣,很鬆軟.很少西餐廳餐前包會用到麥包.餐湯羅宋湯就比較杰,味道有點怪.洋荵豬扒,要意粉,意粉底用茄汁會過,我喜歡.這是小弟小時候的味道.反而塊豬扒就幾硬,未夠鬆化.中午人客太多,短短一小時可以做三轉生意,可能因此會比較混亂.小弟杯凍檸水,等候時間比上主菜更長.姑勿論點,真係要擇夜來此,吃個扒餐才心息.不過周末就要作客另一"硬飛鷹",Anfield晏飛路是也.PS:硬飛鷹- 為一名網上利物浦死硬派球迷的花名.

一心打算到強記食大排檔，誰不知七點已爆場，搞手宣佈話轉陣到飛鷹，心情直跌谷底。不是說飛鷹的疏打牛好差，起碼較金鳳的疏打牛落手輕，價錢絕對平宜近人，分量足夠兩位女士share，超值，但對間歇性化學敏感的人來說，可免則免，畢竟這區數得出的還有增輝、小菜王等，行過少少鳳城也不錯。要試的早年試勻，今次就叫了德國豬手，今晚先知原來「德國」豬手有毛，同（火合）好後淋蒜蓉味精汁，皮羶肉實，連損友見到都耍手令頭，認真唔夠義氣。損友的蘇格蘭牛扒、西冷，睇唔出有分別，當然阿姐話有就有，損友就吃得津津有味，問味道如何？偶是酒醉醒，蒙混過去。隔涉的老式餐\廳人客唔少，亦有情侶來燭光晚餐\，不打算再來但希望佢\地改善質素繼續做落去。P.S祝兩位生日快樂

我同意呢度的服務水平真係麻麻……二十五號同朋友二人去食餐飯，叫了兩客餐，其中一客聖誕大餐有火雞肉、火腿、石班魚和牛柳，份量十足。不過一路食的途中，有個待應已經不停”招呼”我地，扖都未食完就問我地要咩餐飲…呢個都唔緊要，佢竟然轉頭埋個雪糕甜品黎…救命呀！我食得邊樣先？…咪即刻”麻煩”佢雪住先，得陣先上。差不多尾聲，我和朋友都食得好飽，正在食水果和飲埋杯餐飲之際，個待應收左我隻碟轉頭竟然遞張單過黎…我朋友第一個反應係…”我冇叫埋單喎！”個待應話：多人呀，幫幫手…(因為出面真係好多人等緊位)我即刻無名火起，同佢講：咁你係咪要我外賣杯飲品丫?佢先識得講唔好意思…但都係keep住叫我地幫幫手…我地自認都食得好快，兩個大餐半個鐘多就食甜品，你要做生意都唔係咁趕客呀？一間ok西式餐廳做到好似茶餐廳咁…仲有呀，其實我地係七點十五分去到，諗住問可以唔可以留八點十五分位，佢好冷漠咁話呢度冇留位…但係又俾我地見到佢有D有個留位o既牌喎…一句講晒！嬲！

昨晚吃了黑椒牛柳,真係煎的不錯, 只是配料太少(薯條,菜)份量不太大, 凍飲太細杯,地方有點窄檯也小...總括都ok

一個平均價錢是$55 的鐵板餐，包括了一個鐵板扒，一個湯，一個特大的麵包，一個凍飲～我不是太吃得血的人，應該說是不可以讓我在食物中見到血，所以我通常都會order 6 - 7 成熟的西冷扒。因為廚師弄至6 - 7 成，出到來因鐵板的熱力，就剛剛好沒有血水，但仍有紅色的肉殘留．．．肉身很淋的，雖未至於入口即溶那種，但可以跟你說，在港澳很少地方可以弄至這個水準了（以平民價來說）！而另外要說說的，就是那個麵包了！看上去很像普通的麥包，不知道是不是加熱了的關係，再加上口油，味道是與別不同的。其實在香港吃東西不是真的很貴，只是你們會不會付出時間去找。我明白很多澳門人來到香港，都會爭取時間shopping，而在shopping 的地區，食肆要捱貴租，食物自然貴一點了。這間位於荔枝角道的飛鷹餐廳，絕對不是處於shopping 的地區！而且我絕對有理由相信，舖頭是老闆自置的物業，不用交租。所以囉～～～不過，大家到這家餐廳，不要期望有極好的service，職員有時很健談，有時就黑著面對客人的。不過如果有美味的牛扒，又何需介意這些牛扒以外的事情呢～

記得還是讀中學的時候, 有時行路返屋企時都會經過呢間餐廳, 不過果時又冇乜機會外出食飯, 就算有都係同老爸老媽去樓下o的菜館食小菜, 其後約friends出街食飯又唔會去呢頭. 今日咁o岩同個friend去深水土步買野, 機會黎啦........大概七點左右去到, 只有三四檯客人, 餐廳入面黑黑沉沉咁, 貫徹舊式扒房的風格(即金鳳,金雀,哥登堡等...), 四人卡座甚為迫窄,幸好只坐兩人,檯的闊度尤其短,頂多尺半.坐下冇耐侍者就奉上懷舊餐牌, 主打都係鐵板餐及各式意粉,套餐的選擇都算多,包括餐湯,餐包同凍/熱飲, 價錢都係$60左右我點了黑椒西冷六成熟, 紅湯. 羅宋湯先上,味道非常正宗,口感略厚,餐包好軟熟而且大個,食一半就算費事食唔晒份扒. 不久侍者奉上西冷, 如我所料差不多比鐵板還大, 又係舊式扒房指定動作. 六成熟做得相當準確, 牛扒嫩滑而且腍身,梳打粉應記一功. 不過對個黑椒汁就有少少失望,冇乜黑椒味又唔辣.服務方面唔錯,侍應們都相當有禮,不過真係坐得迫過頭, 兩人坐四座卡位還可, 見鄰檯的四人檯真係細得可憐,放了四份扒後已再放不下其他東西了.總算黎過呢間餐廳,價錢唔算好貴,

幾鍾意去下D老店, 於是去食左個午餐, 地方夠懷(殘?)舊, 但係食物極差但價錢唔平, 係深水步計可以話係貴. 店面兩個女人亦冇乜招呼, 係家庭式食肆.

家中電腦顯示卡出現問題，去黃金買過之後，素聞飛鷹餐廳之名氣，故去之。荔枝角道258號，跟深水步的旺區不算近，也不算遠。步進餐廳之內，一目了然，共有卅多個位子，像一家茶餐廳般的大小；紅色的裝潢、啡色的皮椅、格仔檯布，再配上昏暗的燈光，頗有情調；但美中不足的是墊檯用上日本城那種公仔墊檯膠，有點格格不入的感覺。一坐下，侍應緩緩的奉上餐牌。由於同行友人的信仰問題，不吃牛肉，故點了一客雞扒餐，而自己則因為曾聽過這裡的希臘牛扒餐不錯而亦點了一客。餐湯方面都是點了羅宋湯。先送上兩個餐包，好大的一個，size足足是一般西餐廳的兩倍，單單這個也已先在胃裡佔了二成位置。羅宋湯不過不失，屬OK程度。未幾，先上了希臘牛扒，其實即是牛柳切片碟上，配上生菜、番茄、青瓜等配菜，再淋上厚厚的蒜蓉汁。味道OK，牛柳的梳打粉味不重。聽到旁邊三個父子，他們點了牛柳鐵板餐，聽說很鬆化，應該都是梳打粉的「功勞」。品嘗之間，友人的雞扒亦到了。看看賣相，頗失敗。看雞扒的色澤，好像是隨便被放在油鍋裡炸一樣，半點煎過的樣子都看不出來。切了一點點品嘗一下，雞扒像用不知甚麼醃製過，好難食；實話一句，以雞扒來說就連一般連鎖快餐店都比不上。希

我有次行過入去試~幾好wo我食阿根廷牛扒~大大塊好有肉味~好抵食都好多人幫襯ga(我響森美個食評打錯左'金鷹'..........有冇得改架? =.=")