飛鷹餐廳

營業中

休息中

七月十一日, 今日係 Winnie 既正日生日, 當然要請佢食餐飯啦!不過今晚真係好唔好意思, 因為工作比較多嘢做, 搞到好晏先返到去同 Winnie 食飯,我哋諗嚟諗去, 都唔知食乜好, 最後我提議咗帶佢嚟試吓呢間幾懷舊既扒房据扒!講噃先記得, 原來 Winnie 住咗係呢區咁耐都未入嚟食過嘢架!我係都例牌叫噃個「黑椒牛柳鐵板餐」, 而由於 Winnie 唔係牛既關係, 所以叫咗個「蒜蓉雞扒鐵板餐」。先嚟呢度既招牌 -- 超大麥包, 每人一個, 最鍾意呢度既餐包係一個咁大既麥包!今晚我都幾肚餓, 所以食晒, Winnie 就只係食咗半個咋! 跟住係羅宋湯, 呢度既羅宋湯都係偏杰身, 不過都 OK 幾好飲既。再嚟主角, 我既「黑椒牛柳鐵板餐」, 雖然唔講得上件牛扒好好食, 好新鮮, 或者好似和牛咁正,但份量足, 又唔覺難食, 普普通通咁, 最正係個黑椒汁, 以咁既價錢嚟講, 食埋個勁舊式既裝修, 算係好抵啦!「蒜蓉雞扒鐵板餐」, Winnie 話都 OK, 不過我個汁好食啲喎!最後一人一杯飲品, 我要咗熱檸蜜, 飲埋真係好飽好滿足!呢度既服務就真係普通, 態度都算係咁, 但就成日都

十居其九都係食鐵板餐, 所以無理由唔叫咁笨。羅未湯好好味, 好多菜, 係一啲好舊式既餐廳先可以食到呢種味道。個麥包就超大個,係平時既2倍, 心諗食鐵板餐全部都係肉巳經會飽死, 仲要食多個咁大個既包, 真係滯上加滯, 所以都只係食左半個, 因為個包係暖, 所以好好味。要了個雜扖餐走牛, 但係都好多樣, 有雞扖, 豬扖,雞翼, 火腿同腸仔, 配黑椒汁, 好好味, 不過就越食越咸, 可能醃左好耐。個雞扖出奇地好味, 好耐都未食過咁喎既雞扖, 好回味, 反而豬扖就唔係好得, 太硬同乾。見到好多人都點呢個雜扖, 應該係好抵食。

來這裡的主要原因，是那貨真價實的舊式裝橫，和懷緬舊式的豉油西餐風味。經過門口不知多少次，以為客人不多，七時半下已坐滿八成。先上的大型麥包和羅宋湯，前者確是大個，後者口感來點杰口，加上湯內配料不少，看得出是下了一些功夫的。到主菜上場，牛柳上面淋上黑椒醬汁，鋪在燒紅的鐵板上，立時煙霧四起，醬汁不斷起泡。牛柳叫個五成熟，切開肉心果然是粉紅色的，不需太用力已可鋸開，十分軟熟，說沒下鬆肉粉是騙人的，但到肉心仍吃到本來味道，有人話佢麻麻地都好，個人來說已是合格有餘。其間聽到隔離桌有人叫「六成熟」，通常都是選rare、medium和well-done大路三種，六成熟是否真的介乎五成和七成之間?吃甚麼東西就有甚麼樣的要求，來這裡吃這種舊式鐵板餐，已預了是甚麼的一回事，甚麼manner和正宗暫且抛在一旁，黑椒汁不計較重手確是惹味，興之所以加點李派林來吊味更添食趣，最後來一杯凍檸茶作終結，實在滿足。臨走再向前行，幾條街口後就是「金字頭」的競爭對手，蔡生效應下，竟然是人客堆滿門口的等籌場面，未吃過味道作不得準，但如果只是同一風味，那代價未免過大了。

因為鍾意0的懷舊野所以就特登過去食super嗌左黑椒牛柳,T骨扒個牛柳幾好,有牛味T骨扒就好差,一0的太林一0的就好un最好係個大包,熱辣辣,有埋提子乾就最好0的野食唔貴,但係0的服務態度都幾差

經常在此餐廳附近見客, 亦在這餐廳吃過午飯. 午市出奇的多人, 因為午餐價錢可以罷 ! 與快餐店差不多. 可惜, 食物亦和快餐店差不多, 差 !!預了是梳打牛/豬扒, 加上價錢定位,根本沒希望有驚喜. 要食得飽 (大大個餐包), 附加懷舊潮流, 埋單每人只是數拾大洋, 乎復何求 ??只希望待應們對客人禮貌點, 老闆放點心做好餐廳, 三贏嘛 !會支持懷舊豉油餐廳. 努力 !!

之前經過飛鷹門口覺得好有金鳳feel,今次終於有機會試下, 去到已經有班人等緊位,好似好有人氣咁, 先講環境,入到去因為間鋪樓底矮,感覺唔舒服,好有壓迫感 我地得兩個人要同人塔枱,迫上加迫,張枱又細,枱布有又污漕 商量一番決定order兩個餐 1. 葡國雞飯：極度一般，貼近以後唔會再叫的底線　 2. 鐵板牛扒：好淋，做得比金鳳好，仲食到牛味，不過唔算好 餐連餐包同餐湯，白湯可以唔叫，因為唔好飲 餐包好大尚算ｏｋ，睇番好多OR FANS勁鑽飛鷹ｄ餐包，本人覺得就算餐包做得幾都好，如果主菜做得唔好 都要KO.

12-7-2008 後補食評與家人去了老字號的懷舊餐廳"飛鷹餐廳"叫了3個吃黑椒牛扒餐--->>黑椒牛扒味道幾十年如舊的好~五成熟啱啱好~(最怕叫五成,又比七,八成的九唔搭八既餐廳),老公叫了T骨扒-->>一樣的正~另叫了一個生炒雞絲飯比女兒吃~如像往日一樣,超級巨型的熱辣辣麵包~吃完個包,都飽幾成了~共叫了4個扒餐,一個炒飯套餐,埋單360元~(5大+1個小朋友吃)(整體來說,來這兒只適宜吃扒餐,因為,炒飯,麵都不好吃的~)____________________________________ (對於這間餐廳有一重說不出的情懷,因為,在我幾歲至十歲時,爸爸成日帶我們三姐妹來這餐廳吃扒的,MENU都沒甚麼變似的~變的只是扒餐價錢,那時好似係20多元至30元左右吧~現在60元了)照片參考: http://hk.myblog.yahoo.com/kitypanghk/article?mid=4723&fid=-1&action=prev

好耐無過嚟食餐,中午經過突然心血来潮就行咗入去,正如佢自已講係懷舊老西,好有六七十年代feel.中午有快餐$28但唔啱食,就豪D食番個牛扒餐($60),以午餐嚟講唔算平.要咗紅湯,都好多料,味道OK,個餐包好巨型,比一般大幾倍,仲係熱嘅,抵讚.塊扒係鐵板上,阿姐響開面淋咗汁至上,幾細心,牛扒夠大件,好淋都預咗係梳打牛,無乜肉味不過都無梳打味,全靠個黑椒汁,凍奶荼反而OK,又唔駛加錢,淨係呢樣似西餐廳.呢D老西唔知仲可以捱得幾耐,當人人都討厭梳打牛時就係佢嘅未日.

同女友好耐都冇食過港式豉油西餐,又成日經過呢度,咁咪入黎試吓囉~唔知係唔係唔識叫佢d招牌野,叫左個什扒同豬扒,什扒應該有豬扒,牛扒,腸仔,煙肉,一隻雞中翼,但我將牛扒轉左做雞扒,咁就出事喇~舊所謂雞扒同隻雞中翼一樣size囉,咩都貴左既話都唔係咁呱!個豬扒餐就ok~個餐包鬼死咁大個,食完都飽咁滯,個羅宋湯唔得,杯熱檸荼ok,個太子爺個面口似做緊白事囉!下次都係食金鳳好過!

雖然食就真係唔係咁好食~~~但係幾平~~我叫左個德國豬手餐~ ( 我以為係鐵板~但原來唔係!)都ok既~要求高既就應該唔係好接受到...但我要求比較低~~~但我好鐘意個環境~ 真係好正~好懷舊~~另外~我去果晚係星期6~ 超多人~但我覺得d侍應做野都幾有條理~~黎d野又快~~唔錯~~咁平既一個扒餐黎講~我都幾滿意!!

飛鷹..都好多年冇食過..真係好多年..因為對上一次食已經係小學o既時候同阿爸阿媽黎食今日同幾個朋友係旺角行行下街諗緊食乜好o既時候有朋友提意金鳳行到金鳳附近..突然有個朋友話好似附近有間叫飛鷹o既..幾出名但係未去過咁o岩我做紡織業o既..成日係果附近買布..所以識路咁就帶左佢地幾個去喇去到冇人龍..不過都要等一陣等左一陣之後就有位..6個人坐果d半圓型檯其實我唔係好介意環境.所以冇乜所謂之後各人叫野食..不過其實我唔係好識分西冷..蘇格蘭同希臘牛扒有乜分別..不過我諗都係一般梳打粉牛扒..所以就叫左蘇格蘭牛扒3成用碟上點解會叫3成咁生熟..?因為例牌唔會黎3成..我叫3成又好..4成又好..佢都係會俾塊5~6成o既我..但係其實我真係想食3成..牛扒..一如所料..都係冇乜肉味..不過唔太緊要啦..幾十蚊..我唔會太高要求..反而個包幾好食..又大個~又熱又軟熟同埋佢地冇趕客走丫..我地6丁友..吹水又吹得大聲..佢地冇話多人叫我地走之餘..反而見我地傾得耐..飲哂d水.仲走黎問我地駛唔駛加水.結果我地吹水吹到成11點..最後一檯走人阻住人地收工都有d唔好意思..總結黎講我覺得黎得

環境 ---> 80年代feel服務 ---> OK 食物 :扒餐 ---> 冇肉味 (牛柳比其他扒會較好)餐包 ---> 勁大個 (食晒個包都夠飽)餐湯 ---> 羅宋湯 : 今次唔錯 (上一次比較淡) , 忌廉湯 : OK (亞仔成碗飲晒)餐飲 ---> 凍奶茶 + 凍鴛鴦 : 茶餐廳好飲d

諗起成日都想黎....終於特登黎一趟.....唔想等位....6點半已經到.....侍應安排搭檯坐馬鞍位....地方係迫....不過都算OK~~個麥包同紅湯都好好味......食完都飽左一半......什扒餐 - 本身唔食牛....比左老公食...佢話好"UN"..... 不過我食其他就OK LA....都係一般咁味....黑椒牛柳- 同什扒個舊唔同......好味好多.....其實幾十蚊.....我唔會要求太高.....

一提起所謂嘅"港式扒房西餐"，就一定會諗起三個地方 : 花園、金鳳及飛鷹...灣仔嘅波士頓亦相類似，但感覺上應稱之為"高級版港式扒房"...花園就由細去到大，金鳳亦然，反而號稱風靡粵港澳湛嘅飛鷹就未來過...上一次路過，見到條人龍都唔想入。今次下定决心，六點半前就坐定定。諗起都有D傻，未食前都可以expect係乜嘢水準，咁緊張做乜 ?最大嘅賣點，對小弟來講，絕對係嗰個size極大嘅麥包。望落真係有小弟隻手板咁大，可稱之為"大頭麥包"食味只是極普通，勝在夠大個，食完已經半飽...羅宋湯味頗濃，菜及蘿蔔亦夠多，足料。用來伴大頭麥包吃，對胃納較少嘅女士嚟講，已可作為正餐la...牛柳一如所料完全係梳打牛，肉味全無。食呢D港式扒餐，基本上order塊扒幾多成熟係絕對沒有任何意思的，味道只是一個之餘，扒嘅軟韌度亦然...反而有D期待個大蝦多士，但食落就有點失望。麵包雖炸得金黃夠脆口，但蝦嘅份量就少得可憐，有時情願佢哋用蝦膠，都好過現在見到嗰隻得手指頭咁大隻嘅蝦仔...不過諗一下，六七十大洋可以有扒鋸，諗番以前嘅青葱歲月，又幾值得懷緬嘅...

lunch 食左一個牛柳扒餐，一個咖哩雞飯餐。羅宋湯，唔掂，似汁多過似湯。咖哩唔係正宗馬來咖哩，好快餐店feel，味道ok啦，但都好失望。個扒，ok 啦，好過大家樂ge….個奶茶，西式奶茶law, 但係無乜茶味law…