飛鷹餐廳

營業中

休息中

Jan 24, 2008 (Thur) Lunch早上一起床收到好友sms說想在這『重要的一天』一起吃lunch，哈，不錯的主意！去了她ssp的公司找她，她問我有沒有興趣去『懷舊餐廳』，我說有一時半，很多學生，等了一會，格局與『金雀』很似所謂的『四人座位』其實每邊只可緊緊容納兩個『普通女仔』，我坐出面也間中給行過的人踫到@@，所以要不停閃避是日午餐（$26）：超平-大餐包一個（加牛油好吃點）：吃完包已飽了一半，這個最吸引-餐湯：紅湯不辣，而且幾好飲，朋友說其實是蕃茄湯，飲完湯其實又飽了其餘的一半-雞扒意粉（不要黑椒汁，換了燒汁）：意粉有點『林』，雞扒份量不平均；我的最少，朋友的最多，她弟弟的適中-餐飲：熱檸水nth special；朋友的凍奶茶好『袖珍』帶著腸胃炎的我也吃完整整一個set，勁吃飽，上路！謝謝好友及她弟弟的祝福p.s. 喜歡懷舊的感覺，但檯布真的很污糟，一切要眼不見為淨！

食過金鳳大興,點可以唔食埋飛鷹呀!有比較先有競爭,有競爭先有進步嘛!一個黑椒牛柳餐要包,一個蘇格蘭牛扒要意粉.羅宋湯雖然多菜渣,但相信冇落牛腍煲,本人較喜歡大興的羅宋湯.麥包大大個,但食唔到麥香味.黑椒牛柳好假,乸到成舊粉咁,又腍又冇味.蘇格蘭牛扒有少少牛味,但又韌咗啲.餐飲冇特別.應該唔會再去.

尋晚同男朋友去左食~ d牛柳真係勁好味呀!!! $58加一真係好低呀~ 而個麥包又真係幾好食~ 一個女仔食個飽同個湯都已經七成的啦~ 所以件扒都係食到一半咋~ 但會下次再餓d先去~~~ 而d待應服務都幾好, 係d制服真係七十年代了點~ ^^期待再去呀!!!

一直都想黎試,,見行開鴨記同男友去飛鷹,,可能晚上6:00緣故仲未多人,,得我地同另一位客人,,所以環境&氣氛都唔錯bor,,我地都唔係好餓,,只order左一個牛扒set&香蕉船,,7成熟牛扒夠林,,好好味,,紅湯足料,,麥包又夠熱溶d牛油,,以錦既價錢真係去邊度搵,,之不過我都幾認同有d食評話"留座"問題既評語,,我地走既時候有3位客人覺得4人座位大逼,,飛鷹點都唔肯俾有"留座"大卡位佢地,,逼住佢地坐方桌,,我走gor陣又真係唔係好多人jei,,服務真係要檢討下,,所以我諗依道只係適合2人晚膳,,會再黎,,

朋友極力推介..., 嘩~ 最喜歡這些老餅餐廳.其實工作員工既態度都唔錯, 食物都好"WOW", 哈哈, 小師奶心態, $58+10%一個西冷扒餐, 有大大提子包,好好味忌Lim雞湯,大大塊西冷扒喎..而且水準不錯, 同金X差唔多, 所以可以一試.

同老公、未來奶奶及姐姐去咗「飛鷹餐廳」食晚餐,都好耐冇嚟過呢度食嘢喇!! 好掛住呢度個大麥包呢!!四個人都係叫餐食, 所以一人一個大麥包! 正!!都係飲番羅宋湯, 唔知點解呢度既羅宋湯比較杰啲同cream 啲既呢?不過又幾好飲架喎~~!! 又係叫噃我既例牌「黑椒牛柳鐵板餐」三成熟少汁, 以呢個價錢嚟講, 質素係得架!姐姐既係「西泠扒鐵板餐」配蒜蓉汁, 不過差唔多樣所以冇映到,而老公既係「豬手餐」, 試咗半件, 都唔錯喎~~ 個賣相亦幾靚仔!未來奶奶就食咗個「海鮮餐」, 啲材料主要係龍利柳, 仲有魷魚、蝦仔等等,加埋勁多薯蓉同少少芝士一齊焗, 都好吸引喎~~~ 不過有少少膩既感覺呢...每個餐約五十幾蚊, 加埋一後, 埋單$260, 都真係幾抵食!鍾意嚟呢度食嘢既主因除咗幾平之外, 就係鍾意佢個裝修依然Keep 住舊!!呢間餐廳已經三十幾年喇! 未來奶奶仲講過話以前廿幾歲時已經嚟幫襯啦!不過呢度個老闆娘真係唔明佢諗乜, 成日都將兩張大既沙發檯放「留坐」牌,我哋去到時都冇乜位, 但都唔肯比個兩張檯我哋坐,最後我哋坐咗方檯, 但係到我哋食完, 個兩張檯都仲係未有人嚟坐囉!!

叫了西冷扒餐~餐包是麥包~更是冇提子的~good~好甜~仲超大個..正!!忌廉湯很香~很濃~西冷扒真係大件夾抵食~很嫰~真係很好食~~餐飲冇咩特別~都係一般的coffee or tea~d阿姐既態度都ok既!!!

近排想去据下扒, 黎喱到取下經, 睇到喱間飛鷹都唔錯, 就不如試下啦!裝修同服務我都唔係太著重, 最重要都係食物質素。(應該要有ga服務都做到被你)首先黎ga係餐湯, 我要ga係羅宋湯, ok啦, 不過頗甜。(唔係蔬菜甜, 係落太多糖ga甜)餐包真係好巨型, 熱吼吼, 加埋牛油食, 估唔到又幾好食, 最正係冇提子(個人喜好)。到餐飲, 叫左檸檬茶,被普通茶餐廳細1/3 , 但係好好飲, 值得一叫。到主打ga牛扒, 我叫左2份西泠牛扒, 都係七成熟, 一份蒜容汁, 一份黑椒汁。飲完湯, 食完包, 飲淡餐茶, 因為都唔係太差, 對於等一陣份牛扒都好期待。牛扒一到, 巳經淋左汁, 份量無想像中甘大同甘厚, 牛扒外觀有小小唔對路, 見塊牛扒有半煎炸質感, 我都試過好多喱種類型ga扒屋, 未試過有喱種牛扒出現。放舊牛扒入口, 覺得有種食中式牛柳ga感覺, 即係塊牛扒走過油, 落梳打, 牛肉味唔突出, 唔覺自己据緊扒, 反而似食緊塊嫩滑牛肉。我個黑椒汁淋得好小, 啖而無味, 而另一個蒜容汁就過多, 都幾ok好食。配菜就好劣作, 薯條竟然只得3條, 据扒据左甘耐都係第一次, 蕃茄同椰菜唔食唔可惜。總

明知佢態度差, 幾大都早d 入去7 點鐘就坐定定我要牛, gf 要豬麥包好正, 嘖晒煙, 大大個, 夠林湯一般般喇牛, 好林, 冇肉味有人話飛鷹好過金鳳, 如果係咁, 金鳳不試也罷豬, 好少少最少會知道自己食緊豬野飲難飲p.s. 臨走時開始多人, d 侍應開始發作佢指住一枱客話, 你地搬黎呢邊但果枱客已經食到一半老實講, 食完個包可以走ga la

睇完呢度的介紹，我同老伴走左去試下，我叫左個黑椒牛柳，我老公叫左個德國咸豬手。首先，講來個二個大麥飽，又大又香，講真本人對麥包一向麻麻，但真係覺得個包真係好鬆軟同好香。紅白二湯，我個人認為頗為清淡，可能我們比較夜先去，唔夠賣加左水。不過，件牛柳真係好正，我叫六成熟，輕輕切一下，已可將牛一開二，味道好好，連我老公唔鍾意牛肉都係咁食我的牛柳，好彩我食左個包打左底！至放豬手，本人覺實需一般。以前想食扒會諗起金鳳又平又好食，現在又多一個點了。

舊式環境為左可以坐更多客人走廊位放左好多桌....根本就係令到坐sofa位的人出唔到黎='=好逼員工應變能力好差又無記性....態度唔好又求其唯一安慰的係食物唔錯小麥餐包大件又抵食湯食又濃郁排類又大件我叫的串燒牛柳鬆軟又甜XDDDD男友的西冷牛排又香又入味不過想慢慢享受都好難食完放低叉...員工立即執哂野走='=(間接叫你快D走)老闆娘又嘈....人地食緊野仲同D客講:『佢地就走喇~佢地就走喇....』(='''=)不過由於員工同老闆娘問題最後tips都無比~現兜兜比左$123佢PS:比花園餐廳好味

細佬成日都話飛鷹餐廳掂，疏打牛得黎無疏打味，大件夾抵食。都係架，$56一份蒜蓉西冷扒餐，$62一份嘅T骨牛扒餐，有湯、麥包、大過塊面嘅扒同飲品。紅湯比白湯香濃足料，麥包同麵包鋪買到嘅麥包差不多大細，一般女士食完呢兩樣野都已經飽晒，想飲凍檸樂，但係要加$8，所以都係飲凍檸茶算啦，埋單$130。

05年留過一次食評, 果時覺得好食,不過最近去食.......d扒麻麻地service又超唔好, 好似打仗咁, 食得好趕, 好好好迫,係,我明白果陣係busy hour.......係假期......所以我以後唔會再黎打攪la,你地努力busy落去labye

早幾晚同朋友仔去左o係深水步有多年歷史既飛鳳据扒一早已經聽聞佢d餐包好大個但估唔到真係咁大喎大到有男人拳頭咁大仲要係好實淨既一個包搽d牛油或者浸落d湯度都一樣掂呀食完已經飽左一半雖則等份扒出係耐左少少但裝修好有懷舊風味羅宋湯足料又好味杰杰地少少辣好野味牛柳夠淋又係好味但感覺上同朋友仔既西冷牛扒除左個汁唔同之外肉質無乜大分別成個set都唔駛60蚊加埋一兩個人都唔駛130蚊埋單都算抵食丫

雖然我咁講，但係其實去過好多次，因為佢個扒真係好抵食，最記得兩個人都食黑椒牛柳加凍檸茶的話，就係HK$123。不過佢地O既服務態度真係咁多年都冇變囉，唔係話態度惡劣O個種，只係真係跟唔上潮流，今時今曰咁樣真係唔得。例如多人時4個人迫一張所謂「四人卡位」迫到切唔到不在話下，O個幾個女人仲要成日好多白癡O野講，唔知係咪做生意，好似「你地等位出去等啦，唔好阻住。」之類，皆因我都幾驚佢地一陣會O係我塊扒度吐口水，所以都冇向佢質詢一番。又例如佢地呢度冇訂位，而等位都要人齊先可以入座，有次我早到成6:30去等，坐個所謂「六人坐位」o既4人卡位，當期時真係冇乜人，佢就話唔得，我都知會咁，就話「有人黎時我先轉位，我而家坐住呢度先」佢就勁話唔得，要坐就坐細檯，我就索性唔理佢照坐，佢又真係勁到連水同menu都唔俾我，時運高到睇我唔到。知道點解金鳳咁多人幫襯嘛，人地識做宣傳，又開分店又剩喇，好心飛鷹O個個老伯伯老細睇清楚自己做生意有咩問題，唔好再因循守舊。BTW，牛柳同T骨都好味，蘇格蘭怪味。