風車

營業中

休息中

難得請左假休息下寫下文，想出下去chill一下😎想去近d地鐵、坐落舒服、野食ok、價錢合理的店真係有時都幾難找cafe我又唔飲得茶同咖啡(基本上即係去黎都唔知做咩🤷‍♂️🤷‍♂️)打算去大圍望望d cafe有無d坐得耐d又望落唔係出名野飲的... 結果就去左呢間野(好啦佢唔係cafe黎🤣)um... 點講好呢... 佢坐落真心好啱我係度靜靜享受假期中的lunch野食方面 (其實除左望落環境好，當然都係望落野食吸引先入去啦😛)我叫左水牛城雞球配意粉，餐湯好快個餐湯就黎左，係蘑菇湯，濃，夠菇味，夠熱，唔水，d菇大粒細粒夠口感層次，利申自己有自己整過，佢d料同我自己整差不多咁多😆😆水牛城雞球，炸得夠透，脆，個酸辣醬佢甜酸辣醬度剛好，有d個醬會太甜佢唔會，d肉幾嫩，粉唔多啱啱好，調味夠，食得出有黑椒同香草更重要係，佢個雞我食到最後都仲脆脆地，肉唔乾，食完又唔覺膩👍意粉比我自己整煙韌d，食得出煮時落夠鹽(我自己煮好多時唔會落咁多鹽，因為成日覺得係屋企煮放咁多鹽好浪費🙈)配菜有誠意，脆肉瓜+蘑菇+洋蔥，有黑椒+鹽調味，明顯有處理過(煎過)

今日好難得咁入去大圍車公廟還神，早左過去搵食，以前住過大圍，但好耐冇番去唔知有咩食，睇openrice先知原來有間食西班牙菜！感覺幾有特色，睇裝修應該開左一段時間，不過今次係Lunch去 冇叫到西班牙菜😂😂今次叫左藍芝士流心漢堡同埋龍蝦湯！藍芝士流心漢堡 $7* 漢堡的包是脆的，不錯，但是漢堡肉有點縮水，說是流心，比較像是流汁，唔係果種有一堆芝士流出來果種，但漢堡肉有滿滿的藍芝士味，不過我可以再食重味啲，哈哈，整體既味道幾好，但我就厭份量有啲細～龍蝦湯 +15元龍蝦湯竟然只係加15元！本身以為似M記果啲！但點知超高質！ 指得住酒店既龍蝦湯啊！ 超抵飲🤤🤤🤤🤤🤤下次去試埋晚餐西班牙菜先～ 不過唔知幾時再去🤭

呢間街口嘅西餐廳，評價一直都唔錯，見佢換咗新餐牌，就去試吓。一入餐廳，就俾佢棧大水晶燈吸引咗目光。柔和嘅燈光，令人入到去好放鬆。餐牌上邊選擇都唔少，大部份係類似西班牙菜，佐酒小食咁樣。啤酒選擇仲有幾多，有香港嘅手工啤飲！小食我哋叫咗一個鴨肉生菜包，細細件可以用手拎住食。鴨肉上邊加咗少少燈籠椒辣椒醬，有微微嘅辣味，同個鴨肉好夾。加埋生菜同埋入邊嘅蕃茄粒，味道好清新！另外都叫左個水牛城雞翼，雞翼新鮮炸出嚟，好香脆。上邊嘅酸辣汁味道都啱啱好，唔會太辣。加埋一杯香港手工啤，正呀！🤪我哋仲叫咗個蘑菇湯，入邊食得出一粒一粒嘅蘑菇，真材實料！主菜非常精彩叫咗一個經典嘅fish and chips, 一上枱見到咁大份，嘩左出聲🤩件魚肉雖然大嚿，但係肉質都好嫩。兩個人食，差啲食唔晒餐廳仲有兩部大電視，可以睇波添得閒經過大圍，會再嚟食多次👍🏼👍🏼

好多人覺得九龍區多美食，其實新界區美食都唔少架😜今次就黎到大圍區覓食🤩原來大圍區都新開左好多新食店😳最近就同朋友黎大圍食左呢間 風車@windmill_restaurantandbar 既Set Lunch，有沙律🥗或餐湯🍄，仲配有Set drink，餐廳主打西班牙菜式😋午餐份量相對大份，性價比高既餐廳🍽·🐷日式照燒雞肉脆豬🐥外層包好脆身，一刀切落去都聽到脆卜卜嘅聲音，照燒雞扒肉大大份，仲大嚿過個包，最開心係包既底部都有芝士餡🧀薯角好脆身👍🏻·🍷紅酒燴牛尾🐂牛尾肉質好淋身，配上紅酒汁，味道相當之夾，可以揀配意粉/飯/薯菜，身為薯仔控既KAT就必揀薯菜😳·📍 風車 (大圍)大圍積存街50號葵偉樓地舖

今日中午去大圍cafe再直去風車食Dinner 2丁友叫左個自選套餐我叫左個👇🏻英式啤酒炸魚薯條259配BB鴨蕃茄莎莎生菜包是日餐湯係蘑菇湯，我敢肯定佢個蘑菇湯一定係自己整嘅唔係買現成叮熱嘅😂 蘑菇有磨到，好香，真材實料我再加$69要多咗一個香煎鵝肝配焦糖蘋果呢一個之前喺燒烤堂食過同款但係對比大圍風車出嘅鵝肝，我覺得呢間好食啲，唔知係咪因為真係食西餐嘅地方，我覺得佢煎呢一個鵝肝嘅技巧好好，成個組合甜而不漏😋❤️‍🔥❤️‍🔥BB鴨蕃茄莎莎生菜包本來諗住揀蟹肉餅同佢二揀一，最後都揀咗呢個生菜包 ，好新鮮，未食過呢個組合，兩個人一人一件啱啱好，鴨皮好脆嘅，蕃茄粒同生菜唔會有太多水份，變咗一劈野咁，女仔將呢一個再一開二咁食都無問題呀重頭戲嚟㗎，呢一個主菜英式啤酒炸魚薯條附上他他醬和蕃茄醬，即叫即整，分量仲好大，好彩無加多個小食😂真係比想像中大，香軟脆骨佢個餐配咗支啤酒俾我呀嘛我上網睇係呢一隻，又幾好飲喎容易入口之餘，又同佢個炸魚薯條好夾🥳成張單埋411我覺得係cp值好高嘅，因為其實我哋都飲咗兩支啤酒🍻兩個湯，一個大嘅炸魚薯條，一份鵝肝同埋一個生菜包，真心飽Btw 佢個場有好大個電視，仲要插viu

經過門口黑添添，帶點新秘及詭異，睇完lunch menu搵到啱食就試吓不過再睇睇dinner都頗貴，收得呢啲價錢應該有水準；先小試lunch 睇睇🧐香煎𩶘魚配香草忌廉汁$78魚煎得剛好，滑嫩，不錯可跟飯、薯菜🤗西檸雞球$68⋯⋯由於時間太早，西泠汁未準備好。改為水牛城汁，唔係原本想食之味道😣肉醬意粉🍝$68⋯⋯意粉太硬，好大碟，超飽肚😚😚粟米湯香甜🤩晚上應該變身為雞尾酒🍹餐廳落左糖水都唔夠甜，可另外再取糖水😸

今日朋友主動邀請到大圍食飯一聚 , 平時除左踩單車好少去開果邊 , 大圍乃是佢既主場 , 即管睇下佢有咩好介紹今次佢推介的<風車>如果係大圍站出步行6-8分鐘去到該舖因為同朋友夾岩時間8:30PM先至入座 , 所以避過繁忙時間 , 唔駛等位直接入座目測店面800-900呎 , 餐枱10餘張 , 估計都可容納60多人座位寬敞 , 坐得舒服店員也頗有禮 , 好客氣週圍佈置都是偏向走fine dining風 , 燈光暗暗地幾有情調中間有瑰麗大吊燈 , 兩邊盡頭均有大電視 , 有時播足球賽事 , 岩晒一眾足球發燒友一邊睇波一邊隊啤餐牌方面也設計精美 , 分類也簡單同朋友打左少少底過黎 , 所以嗌左3樣菜就算數意式田園沙律配煙燻鴨胸 $89煙鴨胸做得不錯 , 每塊都好大SIZE , 沙律菜新鮮 , 黑醋汁酸酸甜甜好開胃鴨胸味道少許重 , 建議一啖鴨胸連埋沙律菜一齊食perfect池芝士大網菇黑松露意粉 $179大網菇size好大 , 芝士舖滿在面 ,咬落去菇汁濃郁而意粉好爽口彈牙 , 掛汁滿滿 , 松露汁香濃調配得宜 , 梗有大量蘑菇拌菜 , 實為必食之選意大利帕爾馬火腿薄餅 $

與朋友聚餐在大圍這小店。地方寬敞！環境好特色，有一盞大水晶吊燈，好華麗！。我哋叫了龍蝦意粉，菠蘿肉眼扒，帕馬火腿薄餅，及頭盤是煎鵝肝。煎鵝肝好肥美！加上蘋果伴食，一點都不肥膩。龍蝦意粉的意粉吸收龍蝦汁，非常美味！菠蘿肉眼扒的燒菠蘿好多汁，又香甜！肉眼扒的煎得剛好！鎖住肉汁及香氣！好好味😋帕馬火腿薄餅的餅皮好薄及好脆，非常香口！配上帕馬火腿的鹹香，好惹味！有配芝士餅甜品，好香忌廉芝士！味蕾非常豐富！

Vegetarian Lasagna was tasty and large quantity.Pork burger had two pieces of pork chop which were very juicy and tender. There was black and white sesame on the burger. Roasted chicken burger was big and juicy. Chicken rice was sour and sweet. It was very delicious. It is recommended to have meal in this restaurant. We will introduce to friends to come.I enjoy the meal very much

今日踩完單車，去到大圍搵嘢食，大家都知道大圍有好多好出名嘅餐廳，但係起一條巷仔裏面，亦都比我發掘到呢一間餐廳，裏面已經充滿着聖誕嘅佈置，又播住悠閒嘅音樂，令人心情舒暢。🥗意式田園沙律配煙燻鴨胸薄薄嘅煙鴨胸，鹹香好足夠，配上清新嘅田園沙律同黑醋汁，成為左一個唔錯嘅頭盤，令人食指大動。🍝芝士大網菇黑松露意粉用一個鐵鍋上枱，熱辣辣，黑松露醬汁好多，食落滿滿嘅奶油香，不過味道相對淡晒。意粉好掛汁，加上多汁既大菇同雜菌粒，完全唔會覺得好油膩。🍕意大利帕爾馬火腿薄餅批底厚度適中，邊位好脆，鋪上適量嘅芝士，都可以做個拉絲效果。火腿一大片放係每塊Pizza上面，誠意十足！每張枱都放咗黑胡椒同玫瑰鹽，方便自己額外調味！

星期日去完大埔新達廣場個市集之後約左朋友係大圍食飯大圍開左好多新餐廳今日去左積存街既風車食西餐餐廳環境光猛坐得都幾舒服約埋朋友摸下酒杯底傾下計就啱哂啦同朋友太耐無見主要都係想傾下大家既近況所以我地叫左一個頭盤、一個主食同一個意粉share食就算BB鴨番茄莎莎生菜包 ($99)頭盤我地揀左鴨胸生菜包鴨胸表面煎到金黃色配埋番茄粒同生菜一齊食無咁漏仲有個自家製既莎莎醬辣辣地又幾好食烤露筍煙肉雞卷 ($199)呢個絕對係心思野首先將煙肉片包住露筍再用雞肉包住煙肉卷煎香左咬落好有層次感加埋啲蔬菜伴碟好好食😋波士頓龍蝦意大利粉 ($189)意粉方面我呢個海鮮控當然叫左個波士頓龍蝦意粉啦有半隻芝士焗龍蝦上枱嗰陣已經聞到好大陣芝士味龍蝦肉爽口彈牙意粉用龍蝦汁炒到好香加埋啲菇同露筍好夾朋友要揸車所以今晚就無叫酒飲見到佢有 “友” 既手工啤酒飲下次有機會要試下先

好似咁耐以黎都冇咩分享過大圍美食😂 要食盡港九新界緊係唔可以漏左佢啦😝其實大圍站附近都有好多選擇👍🏻 不過假日咁多人黎踩單車😅好自然間間都迫爆🙈 所以今次特登簡左間遠離單車徑嘅餐廳🚴‍♂️ 唔洗同人迫之餘仲可以慢慢坐😚今次去左✨風車✨呢間西餐廳 其實係地鐵站行去只係大約十分鐘😂 不過可能係內街嘅關係 所以座位相對比較充裕😛 而且睇睇餐牌價錢都幾合理🤑 除左牛扒之外大部分lunch set都係8️⃣0️⃣以內 見佢性價比咁高 一於試試佢😎👉🏻 醬燒豬扒土耳其三文治🥪💰HKD 7️⃣9️⃣呢個三文治用左意大利香草包 同港式面包比會有口感少少同時都會多左份香草嘅味道🤪 豬扒有兩大塊🐽 口感都好扎實 唔會食到鬆肉粉既味道👍🏻 特製醬汁味道有啲似芥末加少少chilli sauce🌶 辣辣地都幾開胃🤗👉🏻 風車辣醬燒春雞 配意粉🍗🍝💰HKD 6️⃣8️⃣呢個價錢包左半隻燒春雞🐥 性價比都幾高🤑 跟餐醬汁相比豬扒包辣多少少 不過我唔食開辣都接受到🤪 仲覺得幾好味添😋餐廳仲有吧枱位 晚上開到晏一晏 想吹水睇波黎呢到就岩晒啦🥳加一服務費❌

因為喺大圍附近返工，所以經常都會喺附近食飯,近排同事都鍾意去呢度食,除咗價錢合理,食物方面都係做得幾好呢間西餐廳裝修得好光猛整潔，而且座位與座位之間嘅空間預留好足夠，坐得多比較舒服，餐廳中間有一盞大吊燈望落去都幾有情調今日就選擇食午餐，68元，性價比好高，跟個湯，加一個特色飲品就加$12忌廉蘑菇湯蘑菇湯入口非常綿滑而且仲有好香濃嘅忌廉味，加埋蘑菇粒更加有口感又香又滑 正西檸雞意粉 西檸雞炸到非常香脆，炸到金黃色，雞件皮酥脆而雞肉仲係好嫩滑，加上個汁酸酸甜甜，特別開胃而且啲意粉亦都煮到啱啱好，火候控制得好好唔會太硬，有少少大牙，有嚼勁墨西哥辣肉醬豬扒飯呢個墨西哥辣肉醬做得好出色，醬汁酸酸辣辣但有蕃茄嘅甜味，又開胃味道又好，豬扒份量有好多，而且肉質非常嫩滑，入口香濃多汁，配埋啲墨西哥辣肉醬，令到豬扒麵更加突出，口感同味道都好有層次荔枝梳打 荔枝味道好清香，而且飲落去好清爽，加上有啲荔枝肉，成杯梳打都好香整體來講食個晏都係幾十蚊，食物嘅份量都好多性價比好高有時同啲同事收工都會過嚟坐吓，因為佢呢度有Cocktail飲，有生啤，三幾個同事有時喺度傾偈，都係唔錯嘅選擇如果喺大圍附近想搵嘢食試吓呢間

同朋友行開大圍經過呢個餐廳, 環境唔錯, 有梳化位可以同朋友傾計坐得耐D, 又唔太貴就入左去。我地叫左 4 個 lunch set, around $60~$100, 素菜千層面, 水牛城雞球, 日式照燒雞扒脆豬, 同醬燒豬扒土耳其三文治。每樣上台都大大份, 賣相好靚, 素菜千層面 D cheese 岩岩整起熱焫焫, 可以拉絲,  真係食到我地 lam lam 脷 =P朋友大推: 醬燒豬扒土耳其三文治,  因為唔單止好大份, 有 2件豬扒, 豬扒仲好多汁好入味,  配埋芝士其他醬料夾埋一齊放落口, 真係好滿足, 好耐無食過咁大咁足料既三文治包!! 抵食!! 免費跟餐有沙律/餐湯, 或加 $15 就有龍蝦湯, 我地試左都OK, 幾濃味, 餐飲有咖啡/茶/水果茶,  我地試左水果茶, 加錢試玫瑰 Latte, Cappuccino. 個人非常喜歡 : 玫瑰 Latte, 好有玫瑰味, 唔係淨係得個樣/甜, 飲落好舒服。4個人賣單都係200幾蚊!! 好抵! 另外, 餐廰有大電視適合睇波飲啤酒, 氣氛應該唔錯。

自從屯馬線開通後，到大圍變得好方便，今次簡左呢間bar & restaurant食晚飯。呢到離地鐵站大約6分鐘路程，都容易搵到。 餐廳用上大型水晶燈，有氣派得黎又有情調。我地兩個人人食得唔多，只係叫左3樣野食。芝士肉醬墨西哥脆片香濃芝士肉醬配上墨西哥脆片，入口滿滿芝士味，咸淡適中，估唔到咁夾😋，用黎送酒都幾合適，不過因為我呢排要戒酒精，無得飲返杯有d可惜😣意大利帕爾馬火腿薄餅🍕薄餅邊烤得很脆，而且薄底係我鐘意既薄底pizza,帕爾馬火腿配上鮮蕃茄同芝士，芝士份量十足，口感一流🤤波士頓龍蝦意大利粉🍝呢個意粉好好食，有半隻龍蝦，都幾大隻，用芝士焗，一上碟已經聞到濃濃的香味，切開意外發現仲有蟹子添😳，蝦頭有肥美既蝦膏，意粉煮得岩岩好，唔會太淋又唔會太硬，每一條意粉都沾滿濃濃的龍蝦汁味，仲落左菇同竹筍一齊炒，好好食，食唔停口😋