風車

營業中

休息中

生日飯揀左去大圍食，在OpenRice 發現呢間野評論唔差，就揀呢間野。預先訂定枱，怕星期六人多冇位，去到發現8成座位係空，心知不妙。叫左個二人套餐再散叫芝士大啡菇松露意粉同pizza 1️⃣紐西蘭肉眼扒叫5成熟，欣賞煎既生熟程度掌握幾好，但肉味就無乜2️⃣波士頓龍蝦意粉龍蝦稍為over cook ，意粉唔係彈牙，係硬，做唔到掛汁，個汁同龍蝦湯一樣味😂3️⃣德國腸大蝦pizza餅底多數現成叫貨，味道正常冇咩特別，幾多芝士😜4️⃣芝士大啡菇松露意粉意粉一樣唔係彈牙，係硬，松露汁好似水咁5️⃣西班牙脆皮乳豬個皮係唔脆，超肥，比例8成肥，2成肉6️⃣餐湯一個龍蝦湯（跟餐加$25），一個係蘑菇湯（不過唔記得影相）。兩個湯偏水，味道唔算十分濃，如果要揀一款湯既話龍蝦會好啲，蘑菇湯有啲菇既（腥味）。7️⃣堤拉米蘇跟餐送既甜品，冇乜咖啡味⏩總括嚟講，埋單約$1100，食過一次就算，食物份量偏細，餐廳環境似一個酒吧咁。食完餐飯父親要求去第二度再食過😂

今天下班拿月餅給親戚，順便大家一起吃個飯，就選了他家附近的一間西餐廳吃飯！德國腸及大蝦薄餅（１５９元）薄餅是薄底的那款，烤得薄餅邊非常脆，薄餅的料也挺多，每一塊都有德國腸和大蝦，整個吃起來爽滑芝香，十分惹味！波士頓龍蝦意大利粉（１７９元）這個非常意外的是竟然將龍蝦鉗預先幫你拆肉了，幫你放蝦身上一起去焗，這樣真的非常方便，不用動手輕輕鬆鬆就吃到龍蝦肉！龍蝦尺寸不算大，但有龍蝦膏，肉挺厚，肉質彈牙，吃起來又有芝香，又拉絲，挺不錯！意粉就帶點鹹的海鮮口味，煮得剛好！露筍帕爾瑪火腿沙律（９９元）這個份量不錯，火腿給得挺多的，吃起來鹹香，肉質嫩滑，配上帶點酸的沙律，剛好中和了火腿的油膩感！

今日收工同朋友係大圍覓食咁岩見到呢間餐廳睇到menu上都幾多食物選擇所以就入咗呢間餐廳餐廳環境好舒服，地方夠闊落枱與枱之間有足夠既距離夜晚同朋友嚟呢到食飯傾計幾適合👍🏻👍🏻👍🏻講下啲食物整體質素都唔錯第一個上菜既係蟹餅非常足料！！蟹肉既份量岩岩好餅都係好脆口配埋個餅可以一啖食得哂，good😊😊配菜既沙律都好開胃份量兩個人share都係剛好唔會食到太飽但又可以令大家餐前胃口更好😊之後就係大蝦pizza一上菜我地都比佢吸引咗！！因為成個Pizza都係落足料每啖入口都食到豐富既材料😊平時胃口好細既我都食咗兩三塊😋😋😋最後就係龍蝦意粉意粉既汁就偏少但係重點既龍蝦都係好新鮮～～😋

今日放假同朋友經過大圍呢頭，行街行到腳仔軟，見到呢間風車餐廳&酒吧！個肚又餓餓地…就決定入去食個豐富晚餐先。呢間酒吧餐廳都幾有情調，又有氣氛，坐低就見到一盞好大嘅水晶燈，有氣派，地方乾淨整齊，坐得舒服。見到餐牌，唔想咗唸又唸，就點咗呢個二人套餐，見到都好豐富吖，有意式田園沙律配煙燻鴨胸，是日西式餐湯，紐西蘭肉眼扒配焦糖菠蘿，波士頓龍蝦意大利粉，甜品及飲品。好快職員先送上頭盤，意式田園沙律配煙燻鴨胸，沙律菜份量都唔少，加上黑醋味醬汁酸酸甜甜特別開胃，鴨胸肉質鮮嫩有彈性又唔會太膩。是日西餐湯係蕃茄羅宋湯，跟一般羅宋湯入口時有d唔同…係帶着濃郁嘅蕃茄味道飲落更夾。兩道主菜，先黎紐西蘭肉眼扒配焦糖菠蘿，朋友揀咗7成熟，配埋濃濃洋蔥汁，肉眼扒肉質鮮嫩多汁唔韌，配上蕉糖菠蘿，味道香甜。而配菜有洋蔥、磨菇、鮮露筍及烤薯仔。特別係薯仔連皮烤喎，味道更加突出。跟住仲有波士頓龍蝦意大利粉，龍蝦蝦頭有膏再加上些少蟹子，肉質鮮甜美味，意粉彈牙有咬感，配上洋蔥同磨菇味道，合大眾口味。而精選甜品係Tiramisu，上層鋪上朱古力粉，口感較為結實，下層配有原味海棉蛋糕，呢個配搭味道又幾特別喎。最後當然係兩杯餐飲啦，

今晚和朋友去大圍吃晚餐，他說想食西餐，我們走到大圍積存街，見到一間西餐廳叫風車，名字好特別，就走了進去。餐廳很有氣氛，很清靜，適合和朋友倾心事。我們見到一個2人套餐，包括以下食物：頭盤：意式田園沙律配煙燻鴨胸沙律醬酸酸甜甜，好好味，開胃，鴨胸也好吃。是日餐湯：番茄湯有濃濃的番茄味主菜：1.纽西蘭肉眼扒配焦糖菠蘿肉眼扒肉嫩，美味，菠蘿加上焦糖，表面有層薄薄的焦糖，咬下去脆脆的，再加上菠蘿的酸甜味，好特別。2.波士顿龍蝦意大利粉龍蝦好大隻，多蝦肉，醬汁好味，意大利粉好食。我們還選了水果茶，茶味濃郁，好香果茶味，好飲。最後還有一件芝士蛋糕，芝士味濃，蛋糕好味，我們吃完還想再吃，如果大件些更好。我和朋友很滿意，覺得這間西餐廳很不錯。

今天約朋友在沙田大圍，朋友介紹呢間西餐廳食個午飯，順便聚聚。餐廳在屋村對面，離地鐵，5分鐘左右步程，交通尚算方便。同朋友一入去，發覺餐廳充滿情調，燈光不是很耀眼，適合情侶或朋友談天說地。而服務員態度也親切，很有禮貌主動上前，問我們是否需要什麼幫助，知道我們來吃午飯後，就馬上安排坐位給我們。先嚟了磨姑湯，啖啖磨姑香，湯底尚算濃郁，不錯。👍之後，有一個雜菜沙律。這個還算可以。黑松露野菌炒意粉，意粉軟硬適中，鮑魚姑與冬姑切粒，配以黑松露醬及洋蔥炒意粉。可謂十分足料。😍至於醬燒豬排土耳其三文治，三文治裡有兩塊豬排，用料充足。而且三文治鬆軟美味。口感一流。🥰跟餐餐飲，除了咖啡或奶茶，還有果茶可以選擇，不用額外加錢。😋👍

屯馬線開通左之後，搭車勁快勁方便今日係尖沙咀上完堂，就係尖東一野搭到落大圍搵食，好爽！今日黎到呢間風車，門面勁靚，好有bar既feel入面裝修都好靚，令人一入黎就好想飲野menu都好多款式，我同fd就揀左個2人set dinner先黎既係是日餐湯，蘑菇湯好濃郁，入面仲有一粒粒蘑菇係入面，好有口感好好味！煙鴨胸沙律，平時食開都係得約粒切到細細件既鴨胸，呢到好重手，差啲見到鴨胸見唔到沙律。鴨胸咸咸地配上沙律食一流芝士波士頓龍蝦意粉，見到一層金黃色芝士係龍蝦上面，勁吸引，令人食指大動龍蝦好鮮甜，肉質彈牙，好正！意粉亦煮得岩岩好，唔好太淋，唔錯！紐西蘭肉眼，我地叫左5成熟，煮得好好，食落牛肉好軟身，無乜血水，牛味亦好出，好出色！

一入到去，個環境好有歐式風格。個水晶燈好靚，啲燈光啱啱好，幾有情調。我叫左佢地個二人套餐set，價錢好抵又5收加一。頭盤個意式田園沙律配煙鴨胸肉，首先啲沙律菜都好新鮮，配上酸酸甜甜嘅醬汁。食落去個味道好清新，同埋都好開胃。個鴨胸竟然會去皮，令到成個口感冇咁油膩。不過鴨胸會有少少偏鹹，配埋沙律之後呢度就啱啱好。餐湯係南瓜湯，湯嘅南瓜味都唔錯，亦冇想像中咁濃稠。而係有少少似羅宋湯嘅南瓜湯。味道好特別。主食方面，紐西蘭肉眼扒我叫咗五成熟，嘅程度掌握得啱啱好，首先個肉眼扒質量好好，佢都冇太多嘅調味品，係簡單嘅鹽就已經令到個肉眼扒好多汁好食。我都不讚佢嗰個焦糖菠蘿🍍。個菠蘿勁切成薄片之後再加焦糖，令到外皮有少少脆。菠蘿嘅酸甜加上焦糖嘅甜令到成個菠蘿更加好食😋而佢嗰個波士頓龍蝦意大利粉，龍蝦好新鮮肉質好彈牙，個意大利粉用咗淡忌廉煮之後更加濃奶味，每一啖都好重奶油味。不過味道就篇淡啲，但係好啱呢啲唔重口味嘅人。最後到甜品係提拉米蘇，正常好食嘅甜品。在蛋糕表面灑上一層可可粉而成，口感細膩飽滿。

平時都經常係大圍出沒 但係都好少搵下附近有咩好野食😆唔搵 唔知都其實幾多好野食😏😏今日就見到有間西餐個feel唔錯就入去試下😚😚 係門口已經見到有menu都有好多選擇🤩🤩入到去見到個環境都幾有feel 燈光暗得來好有bar feel🤓眼花撩亂嘅選擇入面揀左幾款試下😋😋🦀️香煎阿拉斯加蟹肉餅頭盤食蟹肉餅 香脆多士上面放上一大舊蟹肉餅😚😚多士脆得來都仲有啲溫熱 蟹肉味道ok 處理得不錯唔會食到腥味👍🏻拌碟有啲沙律菜夠fresh🍍紐西蘭肉眼扒配焦糖菠蘿牛扒叫左5成熟 牛味不錯 菠蘿面上有層焦糖 一齊食酸酸甜甜 夾埋牛一齊食 味道都幾得意😚最值得讚嘅係佢嘅配菜好多而且好味😋 除左有菜玉瓜仲有啲洋蔥、蘑菇同埋有薯角🥰🥰薯角非常香脆 食個不停🤪🍝芝士大網菇黑松露意粉呢個一上檯撲鼻而來好香濃嘅黑松露味☺️☺️賣相都唔錯 面頭有個大啡菇都加入左兩款芝士一起焗 非常juicy😝😝 意粉軟硬適中 非常掛汁 味道也濃郁 當中都有啲洋蔥 杏鮑菇、蘑菇🍄 好豐富 洋蔥偏生🥲 整體不錯整體食物不錯 環境都舒適👍🏻

The lobster bisque and the spaghetti is a bit salty. Other elements of the meal such as the pork chop sandwich and fries were decent. Coffee was a bit too sweet too. Overall, the meal was unsatisfactory but okay for its price (but still a bit too overpriced for its quality). The environment and decor was okay and hygiene is moderate as well. Overall, wouldn’t recommend coming here if you want to eat a good, well-rounded meal.

難得放假，同媽咪去大圍買嘢就喺附近搵間餐廳食。下午茶時間嚟到，點左兩個午餐。見網上啲人介紹食意式豬扒包，所以嗌咗一個豬扒包配薯條，媽媽好鍾意食魚，所以嗌咗一個魚嘅意粉。晏晝午餐會跟湯或者沙律同埋嘢飲。湯同沙律嘅份量都好大。沙律淋上咗黑醋，好開胃。是日例湯就係蘑菇湯，都係好大碗，蘑菇味都好濃郁。豬扒包個調味唔錯，醬汁加埋蔬菜好清新。如果豬扒厚啲嘅話口感會更好。好可惜嘅係豬扒包個麵包唔脆，如果脆啲嘅話一定更加好食。至於芥末魚意粉，魚煎得幾脆，意粉係蒜蓉意粉。仲加咗啲蔬菜，幾健康。整體還好。

大圍多隱世餐廳，之前黎開大圍見到依間餐廳已經有興趣想食，今日難得約左住係附近嘅朋友，專程過黎一試。餐廳環境好有情調，高樓底加大水晶燈。稍暗嘅環境，好適合同親朋密友慢慢食飯飲酒傾下計。我同朋友兩個人叫左三款菜式。頭盤鴨胸沙律份量好足，鴨胸夠厚又惹味，沙律菜配上黑醋足夠開胃。主菜我地叫左德國腸大蝦pizza同紐西蘭肉眼扒。pizza係我鍾意嘅簿批，配上鮮蕃茄醬同芝士，同埋份量十足嘅德國腸同大蝦，口感豐富。值得一讚係佢啲蝦全部都好肥美彈牙，食得出用料新鮮。我自己特別鍾意佢個鮮蕃茄醬，開胃唔膩口，我一個女仔連續食左三塊都唔會覺得漏。稍為美中不足嘅係個pizza火喉稍重，個餅邊會食到有少少焦味。紐西蘭肉眼扒肥美大件，肉質鮮嫩多汁，每咬一啖就會伴隨住濃郁嘅牛味，好味到食唔停口。伴碟嘅菠蘿超級甜。再配埋薯角一齊食真係大滿足。餐廳食物有一定水平，環境有情調，坐得舒服，地點又方便。有機會會再黎幫襯。

之前成日經過呢間餐廳都係夜晚，好多人食，初初以為佢只係一間酒吧，完全唔知原來佢有得食lunch，直到有一日中午經過認真望下門口嘅餐牌，見到餐廳上嘅嘢食幾吸引，已經決定要搵日去試下。見今日都係約左fd係大圍呢頭，所以就話不如一齊去試下啦，叫左2個set，有頭盤沙律，餐湯，仲有餐飲。入去個環境都幾唔錯，靜靜地，好岩我哋呢啲想有個地方食下嘢同朋友傾偈為主。我哋叫左個士多啤梨醬豬柳，流心芝士牛肉漢堡。個炸豬柳配上個士多啤梨醬，成個感覺好清新，食落都無咁滯。另外仲跟左個意粉。而個位流心芝士牛肉漢堡，好有驚喜係入面竟然係藍芝士，呢種芝士味道比較重，唔係個個人接受到，朋友就對呢種芝士一般，但整體感覺都幾好。

好耐都無食西餐喇！今晚同老豆撐台腳，佢一向都係大圍搵食，帶咗我去呢間有得食飯又飲嘢嘅餐廳。適逢奧運，有特大電視睇住直播，真係好興奮🤩由於阿爸揸車，所以我都陪佢唔飲酒。但係已經諗定下一次要happy hour🍻今次就試咗鑊仔一口牛$99 炒得好香，夠鑊氣。醬汁酸酸地，都好開胃。肉質本身都好林，冇乜筋👍🏻Parma Ham Pizza $159呢個不敗之選，鍾意佢餅底夠薄，芝士夠哂份量，呀爸一口氣食哂大半個😂芝士大網菇黑松露意粉$179呢個真係最令我滿意，因為佢個蘑菇鎖得住啲菇汁，保存本身嘅鮮味，加上佢嘅芝士夠多，好似熔岩咁流出黎，啖啖滿足🥰黑松露味好香～ 意粉都好彈牙，好有𡁻勁❤️而且服務態度都好好，下次會再嚟食😋

今晚約咗老公喺大圍二人世界撐枱腳，搵到這間《風車》，一入就見到大水晶吊燈，吸睛之餘更不失浪漫，幸好今天我都有悉心打扮襯襯個環境二人餐menu都算抵食，但今餐想試出名的鵝肝及pizza，決定食得豪點香煎鵝肝多士色香味都有，成半寸厚厚的鵝肝油而不膩，夾著水蜜桃及脆多士，不枉我為它放棄二人優惠餐。食pizza我鍾情海鮮，所以選擇了大蝦薄餅，真的滿滿鮮蝦，仲有大肉腸，雖然少了海鮮有點失望，但脆皮大肉腸卻有點驚喜的好味。老公喺menu見到有羊食，叫了羊柳，我不太習慣西餐羊的羊騷味，老公卻食到津津有味，話煎得香口不油。今餐7xx元有蝦有羊有鵝肝，加上洗手間乾淨企理，有大電視睇住東奧直播，服務亦算周到，都算大圍隱世美食勁推之一。老公話下次要約幾位老友來換杯睇足球。