風車

營業中

休息中

今晚和朋友去大圍吃晚餐，他說想食西餐，我們走到大圍積存街，見到一間西餐廳叫風車，名字好特別，就走了進去。餐廳很有氣氛，很清靜，適合和朋友倾心事。我們見到一個2人套餐，包括以下食物：頭盤：意式田園沙律配煙燻鴨胸沙律醬酸酸甜甜，好好味，開胃，鴨胸也好吃。是日餐湯：番茄湯有濃濃的番茄味主菜：1.纽西蘭肉眼扒配焦糖菠蘿肉眼扒肉嫩，美味，菠蘿加上焦糖，表面有層薄薄的焦糖，咬下去脆脆的，再加上菠蘿的酸甜味，好特別。2.波士顿龍蝦意大利粉龍蝦好大隻，多蝦肉，醬汁好味，意大利粉好食。我們還選了水果茶，茶味濃郁，好香果茶味，好飲。最後還有一件芝士蛋糕，芝士味濃，蛋糕好味，我們吃完還想再吃，如果大件些更好。我和朋友很滿意，覺得這間西餐廳很不錯。

今天約朋友在沙田大圍，朋友介紹呢間西餐廳食個午飯，順便聚聚。餐廳在屋村對面，離地鐵，5分鐘左右步程，交通尚算方便。同朋友一入去，發覺餐廳充滿情調，燈光不是很耀眼，適合情侶或朋友談天說地。而服務員態度也親切，很有禮貌主動上前，問我們是否需要什麼幫助，知道我們來吃午飯後，就馬上安排坐位給我們。先嚟了磨姑湯，啖啖磨姑香，湯底尚算濃郁，不錯。👍之後，有一個雜菜沙律。這個還算可以。黑松露野菌炒意粉，意粉軟硬適中，鮑魚姑與冬姑切粒，配以黑松露醬及洋蔥炒意粉。可謂十分足料。😍至於醬燒豬排土耳其三文治，三文治裡有兩塊豬排，用料充足。而且三文治鬆軟美味。口感一流。🥰跟餐餐飲，除了咖啡或奶茶，還有果茶可以選擇，不用額外加錢。😋👍

屯馬線開通左之後，搭車勁快勁方便今日係尖沙咀上完堂，就係尖東一野搭到落大圍搵食，好爽！今日黎到呢間風車，門面勁靚，好有bar既feel入面裝修都好靚，令人一入黎就好想飲野menu都好多款式，我同fd就揀左個2人set dinner先黎既係是日餐湯，蘑菇湯好濃郁，入面仲有一粒粒蘑菇係入面，好有口感好好味！煙鴨胸沙律，平時食開都係得約粒切到細細件既鴨胸，呢到好重手，差啲見到鴨胸見唔到沙律。鴨胸咸咸地配上沙律食一流芝士波士頓龍蝦意粉，見到一層金黃色芝士係龍蝦上面，勁吸引，令人食指大動龍蝦好鮮甜，肉質彈牙，好正！意粉亦煮得岩岩好，唔好太淋，唔錯！紐西蘭肉眼，我地叫左5成熟，煮得好好，食落牛肉好軟身，無乜血水，牛味亦好出，好出色！

一入到去，個環境好有歐式風格。個水晶燈好靚，啲燈光啱啱好，幾有情調。我叫左佢地個二人套餐set，價錢好抵又5收加一。頭盤個意式田園沙律配煙鴨胸肉，首先啲沙律菜都好新鮮，配上酸酸甜甜嘅醬汁。食落去個味道好清新，同埋都好開胃。個鴨胸竟然會去皮，令到成個口感冇咁油膩。不過鴨胸會有少少偏鹹，配埋沙律之後呢度就啱啱好。餐湯係南瓜湯，湯嘅南瓜味都唔錯，亦冇想像中咁濃稠。而係有少少似羅宋湯嘅南瓜湯。味道好特別。主食方面，紐西蘭肉眼扒我叫咗五成熟，嘅程度掌握得啱啱好，首先個肉眼扒質量好好，佢都冇太多嘅調味品，係簡單嘅鹽就已經令到個肉眼扒好多汁好食。我都不讚佢嗰個焦糖菠蘿🍍。個菠蘿勁切成薄片之後再加焦糖，令到外皮有少少脆。菠蘿嘅酸甜加上焦糖嘅甜令到成個菠蘿更加好食😋而佢嗰個波士頓龍蝦意大利粉，龍蝦好新鮮肉質好彈牙，個意大利粉用咗淡忌廉煮之後更加濃奶味，每一啖都好重奶油味。不過味道就篇淡啲，但係好啱呢啲唔重口味嘅人。最後到甜品係提拉米蘇，正常好食嘅甜品。在蛋糕表面灑上一層可可粉而成，口感細膩飽滿。

平時都經常係大圍出沒 但係都好少搵下附近有咩好野食😆唔搵 唔知都其實幾多好野食😏😏今日就見到有間西餐個feel唔錯就入去試下😚😚 係門口已經見到有menu都有好多選擇🤩🤩入到去見到個環境都幾有feel 燈光暗得來好有bar feel🤓眼花撩亂嘅選擇入面揀左幾款試下😋😋🦀️香煎阿拉斯加蟹肉餅頭盤食蟹肉餅 香脆多士上面放上一大舊蟹肉餅😚😚多士脆得來都仲有啲溫熱 蟹肉味道ok 處理得不錯唔會食到腥味👍🏻拌碟有啲沙律菜夠fresh🍍紐西蘭肉眼扒配焦糖菠蘿牛扒叫左5成熟 牛味不錯 菠蘿面上有層焦糖 一齊食酸酸甜甜 夾埋牛一齊食 味道都幾得意😚最值得讚嘅係佢嘅配菜好多而且好味😋 除左有菜玉瓜仲有啲洋蔥、蘑菇同埋有薯角🥰🥰薯角非常香脆 食個不停🤪🍝芝士大網菇黑松露意粉呢個一上檯撲鼻而來好香濃嘅黑松露味☺️☺️賣相都唔錯 面頭有個大啡菇都加入左兩款芝士一起焗 非常juicy😝😝 意粉軟硬適中 非常掛汁 味道也濃郁 當中都有啲洋蔥 杏鮑菇、蘑菇🍄 好豐富 洋蔥偏生🥲 整體不錯整體食物不錯 環境都舒適👍🏻

The lobster bisque and the spaghetti is a bit salty. Other elements of the meal such as the pork chop sandwich and fries were decent. Coffee was a bit too sweet too. Overall, the meal was unsatisfactory but okay for its price (but still a bit too overpriced for its quality). The environment and decor was okay and hygiene is moderate as well. Overall, wouldn’t recommend coming here if you want to eat a good, well-rounded meal.

難得放假，同媽咪去大圍買嘢就喺附近搵間餐廳食。下午茶時間嚟到，點左兩個午餐。見網上啲人介紹食意式豬扒包，所以嗌咗一個豬扒包配薯條，媽媽好鍾意食魚，所以嗌咗一個魚嘅意粉。晏晝午餐會跟湯或者沙律同埋嘢飲。湯同沙律嘅份量都好大。沙律淋上咗黑醋，好開胃。是日例湯就係蘑菇湯，都係好大碗，蘑菇味都好濃郁。豬扒包個調味唔錯，醬汁加埋蔬菜好清新。如果豬扒厚啲嘅話口感會更好。好可惜嘅係豬扒包個麵包唔脆，如果脆啲嘅話一定更加好食。至於芥末魚意粉，魚煎得幾脆，意粉係蒜蓉意粉。仲加咗啲蔬菜，幾健康。整體還好。

大圍多隱世餐廳，之前黎開大圍見到依間餐廳已經有興趣想食，今日難得約左住係附近嘅朋友，專程過黎一試。餐廳環境好有情調，高樓底加大水晶燈。稍暗嘅環境，好適合同親朋密友慢慢食飯飲酒傾下計。我同朋友兩個人叫左三款菜式。頭盤鴨胸沙律份量好足，鴨胸夠厚又惹味，沙律菜配上黑醋足夠開胃。主菜我地叫左德國腸大蝦pizza同紐西蘭肉眼扒。pizza係我鍾意嘅簿批，配上鮮蕃茄醬同芝士，同埋份量十足嘅德國腸同大蝦，口感豐富。值得一讚係佢啲蝦全部都好肥美彈牙，食得出用料新鮮。我自己特別鍾意佢個鮮蕃茄醬，開胃唔膩口，我一個女仔連續食左三塊都唔會覺得漏。稍為美中不足嘅係個pizza火喉稍重，個餅邊會食到有少少焦味。紐西蘭肉眼扒肥美大件，肉質鮮嫩多汁，每咬一啖就會伴隨住濃郁嘅牛味，好味到食唔停口。伴碟嘅菠蘿超級甜。再配埋薯角一齊食真係大滿足。餐廳食物有一定水平，環境有情調，坐得舒服，地點又方便。有機會會再黎幫襯。

之前成日經過呢間餐廳都係夜晚，好多人食，初初以為佢只係一間酒吧，完全唔知原來佢有得食lunch，直到有一日中午經過認真望下門口嘅餐牌，見到餐廳上嘅嘢食幾吸引，已經決定要搵日去試下。見今日都係約左fd係大圍呢頭，所以就話不如一齊去試下啦，叫左2個set，有頭盤沙律，餐湯，仲有餐飲。入去個環境都幾唔錯，靜靜地，好岩我哋呢啲想有個地方食下嘢同朋友傾偈為主。我哋叫左個士多啤梨醬豬柳，流心芝士牛肉漢堡。個炸豬柳配上個士多啤梨醬，成個感覺好清新，食落都無咁滯。另外仲跟左個意粉。而個位流心芝士牛肉漢堡，好有驚喜係入面竟然係藍芝士，呢種芝士味道比較重，唔係個個人接受到，朋友就對呢種芝士一般，但整體感覺都幾好。

好耐都無食西餐喇！今晚同老豆撐台腳，佢一向都係大圍搵食，帶咗我去呢間有得食飯又飲嘢嘅餐廳。適逢奧運，有特大電視睇住直播，真係好興奮🤩由於阿爸揸車，所以我都陪佢唔飲酒。但係已經諗定下一次要happy hour🍻今次就試咗鑊仔一口牛$99 炒得好香，夠鑊氣。醬汁酸酸地，都好開胃。肉質本身都好林，冇乜筋👍🏻Parma Ham Pizza $159呢個不敗之選，鍾意佢餅底夠薄，芝士夠哂份量，呀爸一口氣食哂大半個😂芝士大網菇黑松露意粉$179呢個真係最令我滿意，因為佢個蘑菇鎖得住啲菇汁，保存本身嘅鮮味，加上佢嘅芝士夠多，好似熔岩咁流出黎，啖啖滿足🥰黑松露味好香～ 意粉都好彈牙，好有𡁻勁❤️而且服務態度都好好，下次會再嚟食😋

今晚約咗老公喺大圍二人世界撐枱腳，搵到這間《風車》，一入就見到大水晶吊燈，吸睛之餘更不失浪漫，幸好今天我都有悉心打扮襯襯個環境二人餐menu都算抵食，但今餐想試出名的鵝肝及pizza，決定食得豪點香煎鵝肝多士色香味都有，成半寸厚厚的鵝肝油而不膩，夾著水蜜桃及脆多士，不枉我為它放棄二人優惠餐。食pizza我鍾情海鮮，所以選擇了大蝦薄餅，真的滿滿鮮蝦，仲有大肉腸，雖然少了海鮮有點失望，但脆皮大肉腸卻有點驚喜的好味。老公喺menu見到有羊食，叫了羊柳，我不太習慣西餐羊的羊騷味，老公卻食到津津有味，話煎得香口不油。今餐7xx元有蝦有羊有鵝肝，加上洗手間乾淨企理，有大電視睇住東奧直播，服務亦算周到，都算大圍隱世美食勁推之一。老公話下次要約幾位老友來換杯睇足球。

收咗工知道一個好開心嘅消息就係香港終於得到首面嘅金牌！咁開心嘅事 梗係食好嘢慶祝吓啦位於大圍嘅風車 性價比高 嘢食好食—鴨胸沙律（$89）沙律其實同平時食開嘅差唔多但欣賞餐廳細心嘅地方在於鴨胸去咗皮對於女士黎講 食得方便之餘又唔怕肥兩個人一人幾啖好快清晒—肉眼扒（$199）叫左5成熟 牛扒都夠肉味最特別係配菠蘿而呢個菠蘿並唔係平時普通菠蘿咁表面上加咗一層焦糖 令到成個菠蘿食上去更加甜一啖牛扒再加一啖菠蘿 未到出奇地夾再配上類似薯粒 翠玉瓜 唔錯—火腿Pizza （$159）呢個Pizza份量唔算大兩個人食啱啱好火腿係用Parma ham平時好驚會好鹹 好彩呢個Parma ham 唔會味道啱啱好—最開心嘅係餐廳設有大電視可以同其他食客一齊睇頒獎典禮慶祝全場一齊為香港人歡呼嘅感覺真係好好令成餐飯更加難忘

為咗迎接又一個忙碌嘅星期，週末夜晚真係要好好咁慰勞自己😤於是就去咗大圍同好朋友食咗呢間人氣小店風車。朋友話之前都有幾次想嚟食dinner，但成日都多人要排隊，好在今次有我小食神坐鎮，好快就有得食🥳🐖西班牙脆皮乳豬配彩椒汁（$219）啲乳豬煎得好香脆，而且睇得出兩面都烹煮得好均勻，肉質自然都會keep得好，夠嫩夠juicy。配埋啲彩椒汁會食到停唔到口😋配料唔係一般薯條而係薯角，感覺又再高級啲開心啲😚🐠珍寶海鮮脆棒（$159）所以成日話唔好以貌取人就係咁解，就咁睇樣可能你會以為入面只係一堆粉，或者頂多加啲蟹柳之類炸出嚟嘅嘢，原來佢係一份非常有內涵嘅食物！👏🏼就咁叫幾啖已經食到好多蝦、魷魚、菜等等，而且炸完都唔會太油膩，餡料好多充實到爆😻🦆意式田園沙律配煙燻鴨胸（$89）啲鴨胸好嫩滑，沙律菜加埋黑醋酸甜度調和得好平衡，健康得嚟又好食，做開胃菜一流🤤整體嚟講食物質素真係幾正，而且環境非常有情調，地理位置近地鐵站但又唔會太多人流，稍微有返嚟隱世feel，好適合消遣😽 ———————————————#風車風車 (大圍)大圍積存街50號葵偉樓地舖

搵大圍有咩食個陣，見到呢間西餐評語唔錯，二人餐好似幾抵咁，去試吓先。係openrice訂咗座1830，去到只有一枱客，冇乜人，食到走都冇乜人，唔洗等位。叫咗個二人餐，有前菜、餐湯、一個扒、一個意粉、甜品、餐飲，都算豐富。前菜鴨胸沙律平時唔太喜歡食鴨胸，但呢個唔錯，鴨胸肉唔臭，唔大煙味，肉質嫩，唔鞋，唔乾沙律就一般，用黑醋餐湯南瓜湯正常，算濃味龍蝦意大利粉個龍蝦幾大隻，肉嫩又彈牙不過意粉就一般，比較乾同硬，唔夠汁牛扒配薯條薯條好粗身，內有好多薯仔，熱辣辣好味牛扒都算嫩，只有少許筋，牛肉味都濃叫左5成最後有7成熟左右不過都唔錯單點咗個清酒蜆配蒜蓉包d蜆冇沙，肉彈牙，唔霉個汁幾好味，好多汁蒜蓉包好脆好香蒜蓉甜品芝士蛋糕好香芝士，唔錯，唔會太甜餐飲水果茶桃茶、青蘋果茶但睇落一樣😂飲落係唔同嫁，好香茶味，有d甜總結環境ok，店員有禮食物不錯，價錢適中二人餐豐富但份量略少，有d唔太飽

今日同媽咪撐枱腳☺️ 咁就當然係佢話想食咩就食咩啦😌 今次佢話想食西餐 咁我就揀左呢間起大圍既 風車啦～～ 火車站行7-8分鐘左右 都幾易搵 入到去店員好有禮貌👍🏻 同媽咪一人叫左一個lunch set😌有頭盤、main同埋set drink 頭盤係可以揀田園沙律或者是日餐湯咁我哋就揀咗各一 而今日嘅餐湯係蘑菇湯🍄 🥗田園沙律 正常味道 份量都唔會話好少🍄蘑菇湯 好香食得出 有打爛到啲蘑菇放左落去 又唔會好漏 🥪醬燒雞扒土耳其三文治 $76好好食😋 包入面係有芝士蕃茄生菜同埋豬扒 豬扒煎得乾身又唔會話好硬咬唔開果隻 個醬又好味 麵包煙煙韌韌 加埋一齊好夾好好味 大推👍🏻仲配左啲粗薯條同沙律 都唔驚唔夠飽😌 🍓士多啤梨脆香雞球 $64呢個係媽咪話想試下 我本身仲心諗士多啤梨醬禁怪😂 點知又幾夾個味都幾新鮮 都不錯呀😍 仲可以揀配意粉/飯/薯菜 咁媽咪就揀左意粉同埋佢既雞炸得黎又唔會好厚炸粉 同埋真係脆身唔會好油 讚呀👍🏻 另外跟餐有2杯野飲凍咖啡凍cappuccino +$10 正常味道唔會太甜👍🏻 整體來講 lunch set呢個價錢食到呢個質素都算幾抵 仲要服務態度好好 環境舒服