影片
更多
2022-01-06
186 瀏覽
呢間街口嘅西餐廳，評價一直都唔錯，見佢換咗新餐牌，就去試吓。一入餐廳，就俾佢棧大水晶燈吸引咗目光。柔和嘅燈光，令人入到去好放鬆。餐牌上邊選擇都唔少，大部份係類似西班牙菜，佐酒小食咁樣。啤酒選擇仲有幾多，有香港嘅手工啤飲！小食我哋叫咗一個鴨肉生菜包，細細件可以用手拎住食。鴨肉上邊加咗少少燈籠椒辣椒醬，有微微嘅辣味，同個鴨肉好夾。加埋生菜同埋入邊嘅蕃茄粒，味道好清新！另外都叫左個水牛城雞翼，雞翼新鮮炸出嚟，好香脆。上邊嘅酸辣汁味道都啱啱好，唔會太辣。加埋一杯香港手工啤，正呀！🤪我哋仲叫咗個蘑菇湯，入邊食得出一粒一粒嘅蘑菇，真材實料！主菜非常精彩叫咗一個經典嘅fish and chips, 一上枱見到咁大份，嘩左出聲🤩件魚肉雖然大嚿，但係肉質都好嫩。兩個人食，差啲食唔晒餐廳仲有兩部大電視，可以睇波添得閒經過大圍，會再嚟食多次👍🏼👍🏼
一入餐廳，就俾佢棧大水晶燈吸引咗目光。柔和嘅燈光，令人入到去好放鬆。
餐牌上邊選擇都唔少，大部份係類似西班牙菜，佐酒小食咁樣。
啤酒選擇仲有幾多，有香港嘅手工啤飲！
小食我哋叫咗一個鴨肉生菜包，細細件可以用手拎住食。鴨肉上邊加咗少少燈籠椒辣椒醬，有微微嘅辣味，同個鴨肉好夾。加埋生菜同埋入邊嘅蕃茄粒，味道好清新！
另外都叫左個水牛城雞翼，雞翼新鮮炸出嚟，好香脆。上邊嘅酸辣汁味道都啱啱好，唔會太辣。加埋一杯香港手工啤，正呀！🤪
我哋仲叫咗個蘑菇湯，入邊食得出一粒一粒嘅蘑菇，真材實料！
主菜非常精彩叫咗一個經典嘅fish and chips, 一上枱見到咁大份，嘩左出聲🤩
件魚肉雖然大嚿，但係肉質都好嫩。兩個人食，差啲食唔晒
餐廳仲有兩部大電視，可以睇波添
得閒經過大圍，會再嚟食多次👍🏼👍🏼
張貼
