風車

營業中

休息中

前排行經大圍積存街，發現呢度有間睇落環境同野食都幾唔錯的西餐廳，價錢亦合理，於是搵左日同朋友黎試下晚餐選擇唔少，不過鑒於二人套餐望落實在係太吸引，而且對選擇困難症人士絕對友好，於是直接揀左二人套餐($398)🥗前菜-意式田園沙律配煙熏鴨胸鴨胸有5大件，而且油醋醬令沙律食落酸酸地，夠曬開胃🍵餐湯(南瓜湯+龍蝦湯)餐湯每日都唔同，今日餐廳係南瓜湯，不過因為見佢menu上面個龍蝦湯睇落幾吸引下，於是+$25轉左其中一碗做龍蝦湯南瓜湯飲得出有南瓜蓉，南瓜味道好香好濃，而且因為加左南瓜蓉的關係，飲落好綿👍🏻不過我最中意的都係個龍蝦湯，一上枱已經聞到好香龍蝦味，飲落更加係完全feel到佢個真材實料，龍蝦味勁足🤤🤤🥘紐西蘭肉眼扒配焦糖菠蘿肉眼扒好大塊，兩個女仔一人一半已經半飽，而且醃得足夠入味，唔需要加其他調味料都已經好好食🤤焦糖菠蘿因為燒過的關係，甜度很足夠伴碟配菜都食得出誠意十足，薯菜上枱的時候明顯係岩岩新鮮炸起，熱辣辣的很脆~肉眼扒我地要左八成熟，不過專業食肉獸朋友表示有少少overcook，應該變左9成熟，但我就食唔出啦😹只係覺得好好食🥘波士頓龍蝦配意大利粉聽聞呢度嘅龍蝦意粉係招牌菜，本身已

Weekend香港一日遊😎今日就去左香港文化博物館睇完展覽就當然去食返個lunch! 今次我地就出左去大圍呢間西餐廳食返個late lunch.🌟頭盤 (田園沙律🥗/是日餐湯🥣)沙律加入左酸酸地嘅醬汁好開胃啱晒夏天食至於今日嘅是日餐湯係洋蔥湯🧅洋蔥湯鮮甜好有牛肉味 洋蔥亦都煮得夠腍而且湯嘅顏色清澈 一啲都唔會覺得油膩.🌟流心藍芝士牛肉漢堡 ($76)藍芝士味道十分濃郁與厚身多肉汁的漢堡扒非常配合🍔麵包亦焗到脆卜卜薯條仲熱辣辣🍟而且佢有返一定嘅粗度可以食到外脆內軟嘅感覺加埋佢啲調味真係好好食.🌟醬燒豬扒土耳其三文治 ($76)三文治入邊有兩大塊豬扒🥪 份量十足包嘅口感係比較煙韌加埋醬燒汁令味道提升另一個層次☺️.🌟荔枝梳打 (+$12)荔枝梳打好清新解渴仲放咗大大粒荔枝係飲品度.🌟水果茶水果茶茶味濃郁🍹仲有少少果味 好清新解膩

去交收後順道跟朋友在附近隨意找間餐廳散熱, 在大圍不起眼的街道上找到這間風車 restaurant & bar大熱辣的太陽下走進來清幽涼快的餐廳, 感覺即時舒緩下來. 下午時份簡單的午餐,  沒有本著特別的期待洋蔥湯清甜主菜是香煎龍脷柳配芥末忌廉汁跟薯菜龍脷柳期待以外的好味, 嫩滑帶魚香朋友的日式燒汁一口牛, 味道偏濃但二人都一致認為最好味的, 是伴碟的薯菜 - 炸得香脆不帶焦, 裡頭的薯肉濕潤帶薯香, 原先以為普通不過的餐廳卻有水準之作

大圍好多餐廳，呢間酒吧風嘅西餐，午市12:00-3:30pm 有午餐供應。價錢由$64-$139不等。我哋每一揀咗一個餐，包沙律🥗或湯及飲品！是日餐湯係洋蔥湯🧅🥣，都幾夠味又多洋蔥。▶️煙三文魚意大利🇮🇹蕃茄包$76麵包軟綿綿，入面搽咗牛油🧈、幾香。包麵有烘過。餡料有生菜🥬、蕃茄🍅及煙三文魚，味道唔錯。唔好以為食包夠唔夠飽，呢個相當夠飽！另外仲有沙律菜及柞薯角，香脆又熱辣辣好食！▶️日式燒汁一口牛$74揀咗配意粉 🍝， 一口牛份量都幾多，牛幾林，味道算唔錯！配料有洋蔥🧅、脆肉瓜等。▶️飲品揀咗凍水果茶及咖啡夏日炎炎，飲杯凍野爽哂

係政府實施新措施之下約老友聚一聚先，今次入咗大圍食，因為朋友一來住附近，二來就是她推介！老友今次比我早到，佢諗住叫定個二人餐，唔駛諗食咩！點知我近期拗柴，要戒食牛肉，立即同服務員道歉聲要改餐，服務員態度很友善話可以將原本餐單的紐西蘭肉眼扒配焦糖菠蘿改為燒春雞配翠肉瓜，仲啱我心水口味，雞肉嫩滑，皮燒到剛剛🈶️少許脆皮，正頭盤是意式田㘢沙律配煙燻鴨肉，沙律菜相關當新鮮，鴨肉完全不肥！是日西式餐湯你蕃茄濃湯，餐廳完全地將蕃茄精華濃縮為一碗香甜的湯，極好飲！主菜還有波士頓龍蝦跟意大利粉，廚師將意大利粉煮得剛好，有少許咬口，不會淋身！龍蝦好多膏，極新鮮，好好味呀！餐飲叫咗一杯水果茶和一杯泡沫咖啡，泡沫好滑！朋友今次冇介紹錯，大圍風車真的好食，下次要再來食其他！

今日去見客所以去咗大圍，身為一個吃貨，去到唔同地方都要試吓當地嘅為食之選啦🤣今次嚟到呢間<<風車>>見到OpenRice有咁多人話好食，所以就要過嚟試吓先！餐廳環境係正常西餐特色，有吧枱位，氣氛都算幾好👍🏻以地方小店來講算做得幾精緻！食物方面見到OpenRice做緊折扣$115就會有西班牙脆皮乳豬，見到咁平梗係要試吓啦，呢個乳豬都算大大隻，而且好脆皮，仲有薯皇，都算好抵食！不過略嫌乳豬乾咗少少，如果可以Juice啲就更好，不過佢肥瘦適中，所以都係靚嘅乳豬👍🏻👍🏻

香港都好多特色餐廳，呢間風車喺大圍都好罕有，想食野加飲少少啤酒傾計，大大推薦呢間。如果黎呢頭踩單車，食埋再執踩，簡直一流。裏面以黑色作為主調，掛咗一個好大嘅水晶燈，坐得好舒服，因為都係沙發櫈。仲有個大電視，佢係播Now新聞㗎。以fusion或者西餐來講，佢嘅價錢都真係幾抵食。我哋叫咗炒蜆意大利粉同埋香煎美國岩魚配香檳汁，仲加咗個生啤，只係$28咋。其實佢嘅漢堡包餐都勁吸引，我諗我同朋友下次會再試下。午餐set lunch可以揀湯或者沙律，今日嘅湯係蘑菇湯，忌廉味比較少，但好重菇味，飲落都有細細碎碎嘅蘑菇。（1）炒蜆意大利粉睇落好似好普通，但係佢嘅白汁一啲都唔漏，食物嘅溫度相當重要，佢都係熱騰騰，有鑊氣。佢呢隻幼身意粉，我都好鍾意好有咬口，啲蜆同啲菇分量多，同啲意粉炒得好均勻，幾香口。（2）香煎美國岩魚配香檳汁有魚有翠玉瓜，佢可以配薯角意粉同飯，我食完之後覺得配意粉仲會更夾（薯條脆脆，但好熱氣）。佢嘅魚配左個較稀嘅香檳汁，鮮鮮甜甜，唔會搶走魚嘅味，最好食係煎皮果部分，啲香草調味同條魚嘅皮，果種肥美，正。（3）「友」生啤好大支，飲落屬於甜味，我覺得就唔澀嘅，但友人飲咗佢就覺得飲耐左，就覺得

約朋友食飯，朋友話想食西餐，但又唔想出旺角，所以就打算過嚟大圍呢邊睇吓有咩好食，啱啱同同事傾開計，介紹呢間餐廳，佢話都好多人嚟食，中午仲會有好多同學仔嚟食飯，所以今日晏晝過嚟試下。門面睇落都有好多選擇，兩點左右去到，仲見到有啲同學仔食緊飯，餐廳唔算好大間，好彩我哋食得比較晏，嚟到都有位坐。上咗分沙律同洋蔥湯，沙律菜好新鮮，配埋沙律醋好醒胃。叫咗個豬扒包配薯條，佢嘅豬扒包好厚，入邊有兩塊豬扒，加埋蕃茄同沙律菜，入口好Juice，豬扒好淋，薯條新鮮炸起，入口香脆。另外叫咗個千層麵配薯條，千層麵上面舖滿芝士，好香濃，千層麵中間夾住蔬菜，入口唔會太肥膩，其實一人一個lunch set都已經好飽，食物質素絕對對得住價錢。

平日放工唔想四圍去，2條友行下行下唔知食咩好，於是行到呢間近近地想幫襯好耐既西餐廳先，留意左佢一段時間，個名叫風車幾詩意，位置離大圍站有小小距離，約5至8分鐘步程。門面係典型西餐廳，暗暗地有d feel，因為早去到，好快入座。餐廳唔夠好大間，但都坐得幾舒服。2個人就簡簡單單食個2人餐啦。頭盤係沙律煙鴨胸，沙律菜又幾新鮮bo, 鴨胸唔會太肥同老。蕃茄湯有d似汁，另外加錢既龍蝦湯有小小龍蝦肉，幾驚喜。主菜係肉眼扒同龍蝦意粉，比想像中大份，個人仲意意粉，幾q, 同埋薯條同配菜都好好味。飲品正常，果茶唔會太甜同夠熱，凍檸茶都夠大杯。下次會想試下生啤，見到隔離好似飲得好爽。2個人埋單4百幾，以西餐廳黎講都算合理同平既。

大圍站都有好多好嘢食，但係西餐廳就唔係好多，通常都係去食小食，不過今日咁啱經過大圍，就嚟試吓呢間餐廳。佢哋食物嘅選擇都幾多，午餐見到佢哋嘅漢堡好似好好食，所以我哋就叫咗一個漢堡同埋一個千層麵試吓。一如以往，西式餐廳通常都會上個沙律菜同埋細湯，佢哋嘅細湯就係洋蔥湯，沙律菜淋上醋一齊食，酸酸地好開胃。先來個豬扒包，豬扒包都幾厚，兩塊豬扒夾中間，連埋蕃茄、菜、芝士一齊食，豬扒好Juicy，另外好欣賞就係佢個包，佢個包唔係普通嘅法包，個包皮好煙韌，整體好好食。另外個千層麵配上芝士一齊焗，好香濃，但係一啲都唔會覺得滯，入面配有翠玉瓜，俾人有種好Fresh既感覺。

在下出省了 座車車到了大圍來多麼懶的我可真神心😆跟親愛的拍拖去👫原本想吃的一家大排長龍所以我們稍移玉步去了這家吃扒（？）有選擇困難症的我看到「辣」字就選好了今天來叫雞吃吧風車辣醬燒春雞 $78跟是日餐湯 和熱水果茶麵身偏硬 不過在下喜歡硬麵帶有淡淡的蒜香🧄配菜伴碟是脆肉瓜（？）和幾粒雞髀菇這幾粒野大概是這碟裡在下最喜歡的😅春雞的肉質有點老 實 擺明老雞扮青春？在下又有少少乾哽的感覺了🤣我想要外脆內滑多汁的呢水果茶香濃而不太甜放久了還略微帶酸在下喜歡💕親愛的的跟餐沙律🥗

今日我地黎到大圍食好西啦今次呢間係叫做風車 離地鐵站行6 7分鐘店舖都幾大夜晚2030去到都唔使等位入面有部大電視 啱哂d人中意邊飲酒邊睇波啊我地由於當日太肚餓啦叫左3樣野食 d菜都上得幾快🔸大蝦薯仔🍤🥔第一樣前菜就驚喜左我最中意係個醬汁 好有蝦味 薯條都幾脆 都唔使點茄汁 點個醬汁勁fit 而蝦係唔使自己剝皮 真係啱晒我呢啲懶人 上面仲有少量菇同洋蔥🧅🔸肉眼扒配焦糖菠蘿🍍超鍾意食牛扒的我，見到個份量真係好開心 勁大塊牛扒 個扒就幾重黑椒牛味 而個焦糖菠蘿係亮點 一啲都唔酸 男朋友表示勁鍾意❤️ 好想encore個焦糖菠蘿🍍🔸龍蝦意粉🦞一直都知呢間係出名龍蝦意粉🍝坐低都聽到隔離枱話呢家一定要食龍蝦意粉 份量都唔細 幾重味Overall, 食物係偏貴，但都對得起個價，環境清靜，服務態度都唔錯，見到我哋食完就提供牙籤俾我哋

This is an exotic and pretty relaxing restaurant. Location was ok, spacious and hence good for friends gathering or dating, as the lighting and environment was actually quite romantic. Food quality is above average. The salad and soup were palatable. The beef is juicy, good control of raw level and the dessert is delicious. Lobster spaghetti is most recommended especially if you are a big fan of seafood!

終於放工開始放長假啦，難得就約朋友去食西餐享受下。於是去左呢間，餐廳環境寬敞，好有酒吧嘅風格特色，服務員嘅態度亦都好好，都好快幫我哋準備晒所有餐具。事不宜遲睇一睇餐牌先，餐牌嘅內容選擇都幾多下，有頭盤，有主菜有沙律有特色小食，有啤酒。服務員於是就為我哋推薦左以下嘅套餐：意大利田園沙律配煙燻鴨胸啲生菜非常之新鮮，加埋啲沙律醬咬落去非常之爽脆鮮甜，再配埋鴨胸肉咸香，將成個沙律配得非常之好！紐西蘭肉眼扒配焦糖菠蘿我哋叫服務員將肉眼扒煮到七成熟，個扒非常之啱啱好，出面煎得非常之香，裏面啲肉汁亦都鎖住咗，食落去非常之肉汁鮮嫩，已配菜亦整得非常之有水準，薯角亦都炸得非常之香脆可口，另一矚目嘅配菜當然就係焦糖菠蘿，將焦糖配係菠蘿上面，酸酸甜甜，非常之好食！波士頓龍蝦意粉龍蝦都好大份，焗得非常之好好，芝士拉絲再配上龍蝦肉，非常之搭配。龍蝦肉非常之爽口彈牙，意粉已經煮得非常之好好，非常之幼滑！仲有好多美食仲未食晒，可以推薦大家過嚟大圍試一試呢間餐廳！

見到門面幾靚，吸引到我睇埋個menu, 價錢比我想像中合理，立刻決定入去光顧！餐牌圖文並茂，方便哂我呢啲唔鍾意睇字既人，用圖去感覺自己想唔想食係最直接嘅！香煎亞拉斯加蟹肉餅～將蟹肉搓成蛋形再煎至微溫並由蒜蓉包墊著，食既時候蟹既鮮味充滿口腔，加上蒜蓉包香脆既口感，雙重口感！正！波士頓龍蝦意粉（$179）～意粉既軟硬度適中，每條都均勻地沾上意粉汁，芝士焗既龍蝦新鮮彈牙！芝味香濃😋西班牙式燒春雞（$209）～雖然係春雞，但非常厚肉，而且已經去咗胸骨，品嘗時非常方便，可保持儀態，香料亦提升了雞肉既雞味。