聽朋友講係麥花臣球場對面有一間樓上舖叫Mobin，係一間墨西哥餐廳，好好味。今日我就約埋朋友一齊去食。 呢間墨西哥餐廳的入口雖然隱蔽，但是好容易揾。餐廳正在播放輕快嘅音樂，綠白色嘅配搭，好特別，特別大的玻璃窗，好有墨西哥情調。 服務員好殷勤咁介紹餐廳裏面特色嘅菜式，我哋揀咗以下幾種： 💗15香料肉鬆炒飯配煎蛋(辣)$115 我哋揀咗野菌做配料，辣度是小辣煙燻香，係炒飯上面放咗一隻煎蛋，炒飯有少少辣，好香，每一啖都可以品嚐到15種香料嘅獨特風味，好好味。 💗南乳版德國豬手紫酸菜芝士餡餅$88 係餡餅內夾左德國豬手肉、紫酸菜和芝士，配上自家製嘅牛油果醬和蕃茄粒粒，一起食口感好豐富，我地非常喜歡。 💗纽约芝士蛋糕配自家製龍舌蘭焦糖醬及雲呢拿雪糕$68 係芝士蛋糕上加焦糖醬一起焗，蛋糕微微暖，焦糖好脆，甜味更突出，再加上冰凍嘅雲呢拿雪糕，一冷一熱，好配合。 💗發酵水果氣泡水(無酒精)$60 用時令的水果和水果乾製作，好特別，係飲嘅時候可以飲到粒粒水果肉，有菠蘿味，氣泡水好清新，好飲。 💗香料蜜糖檸檬薑汁氣泡水(無酒精)$60 鮮榨薑汁，再加上蜜糖檸檬汁和氣泡水，甜甜酸酸微辣，多層次的味道，非常有特色。

朋友叫我去尖沙咀爵寓2樓嘅The Grill Room食飯，我地上到去已經有唔少人，好彩已經book左位。 餐廳內環境氣氛好，好有格調，適合2人拍拖或和朋友相聚。不論用料和賣相都好講究，味道吸引美味。 🩷北海道刺身帶子沙律$158 用刺身帶子鋪底，帶子切成薄片，鲜美清新，口感似魚生刺身，再配上沙律菜和三文鱼籽，好開胃，好特別，好有層次感。 🩷香草燒半羊架配烤蔬菜$408 我好鍾意食羊架，呢度嘅羊架完全冇騷味，有口感，有4大件，羊架下面鋪左薯蓉和雜菜，好配合。 🩷燴蕃茄牛面肉扁意大利麵$168 我最鍾意食嘅是呢碟，份量唔小，牛肉大大件，以低火慢煮，彈牙有咬口，醬汁用新鲜蕃茄，味道濃郁，蕃茄味香，意粉煮得啱啱好，吸左濃郁的蕃茄汁，真是好味。

我同朋友鍾意捐窿捐罅去搵嘢食，今日我地去葵芳行街，係恒景商場發現一間台式小店紫宸，食物好有特色，價錢亦好抵。 店舖唔係好大，但係好乾淨。大約六點鐘，我地就去到，但已經有客人喺度食緊晚飯，無幾耐越嚟越多人。 招牌藥燉排骨 一放低就嗅到一陣好香嘅藥材味，排骨燉得好淋，好咬口，藥材湯好濃郁，好好味，再加上一碗台式滷肉飯，同藥材湯和排骨好夾。 中東牛肉蛋餅 切開有5大舊，牛肉餡料好足，牛肉好滑，有咬口，外面包左蛋餅，牛肉同蛋香配合，好味推介。 蚵仔煎 好有台灣味道，蚵仔多又大隻，加上酸酸甜甜的汁，好特別，好開胃！ 通菜新鲜，加上肉碎好惹味，再加上2杯豆漿，好滿足。

今日好想打邊爐，走左去尖沙咀婚紗街嘅金碧閣食滾爺火鍋，門口有大大隻字好易揾。 滾爺火鍋係地牢，一落去就比入口大大隻嘅迪迪仔吸引，有卡座，又有包房，好有私隱。我地揀左卡座，前面仲有一部大電視。 芫茜皮蛋鍋 芫茜皮蛋好清甜，有好多皮蛋，切到好大舊，裡面仲有大大舊滑豆腐，好清新好味。 白牛柏葉 牛柏葉好爽脆，大大碟，好多件，份量足。 棉花魚肚 魚肚爽口大碟，有好多件，軟硬適中。 彈牙手打蝦滑 真是真材實料，啖啖原粒蝦肉，好鲜味，每啖都有蝦味，爽口彈牙，手打果然與別不同。 台灣三寶丸6粒 有三款唔同的丸，款款大粒好食，芝士牛丸裡面嘅芝士爆醬超吸引，仲有金沙魚丸和香芋包心上貢丸，三種丸都好彈牙，好好食，全部自己製造。 皇帝菜 菜是打邊爐嘅靈魂，可以解腻去油，新鮮好味。 可樂 打邊爐梗係要飲啦，無左可樂點似打邊爐！

與好姊妹食飯，搵左間大家都鐘意嘅style嘅餐廳，就係呢間有種小清新泰菜館，啲裝修唔似啲舊式老字號泰國菜館。野食選擇同樣比較新穎，都有啲fusion野夾雜下，價廉物美，係幾好嘅餐廳。 呢碟係煙三文魚忌廉汁意粉，上面有個脆香蒜蓉包，材料有煙三文魚外仲有車厘茄。食落啲汁好creamy,不加味精，好好食。 叫碟就泰式海南雞配香茅油飯（半隻），啲雞有好多！！！真係好鮮嫩，有三款醬可以點，款款都好食。香茅油飯好香好開胃。 甜品係女人第二個胃，大家都搶住食個芒果紫糯米，crazy😂啲芒果鮮甜到咁唔搶真係唔得，紫糯米我不嬲好鐘意，果種質地入口好好食。

我哋不嬲都鍾意捐窿捐罅揾好野食，今日去左荃灣南豐紗廠行街，就去咗附近呢一間位於工業大廈地舖嘅冰室食飯！🤭 入到去係另一片小天地，地方幾大，座位都幾多，環境企理👍🏻 我地叫咗兩個炒粉麵飯，份量好足架！大大碟岩哂同朋友share一齊食🤩 🐮 芝士燴牛肉飯 $56 上菜有驚喜！😻 燴飯嘅醬汁好濃芝士味，非常多汁好好送飯！😚而且牛肉份量多，口感好腍好滑，好好味！😋 🐷 豉椒排骨炒麵 $53 我去到茶餐廳最鍾意叫炒麵食，面底脆卜卜，豉椒排骨非常惹味，好入味，重口味寶寶必選！😜

今日突然好想食燒肉，就同老公一齊去尖沙咀搵嘢食，見到 Otto Hotel 2樓嘅鹿兒島燒肉店，就走去試下。 餐廳環境寬敞舒適，氣氛好，枱與枱之間有適當嘅距離， 服務員服務一流貼心，見到我們立刻介紹餐牌內嘅美食。 餐牌內有不同種類嘅牛肉，有貴有平，我哋睇中左每人268蚊嘅2人套餐，有沙律、海膽多士、鰹魚昆布蛋花湯、不同部位嘅牛肉 ，食物多元化。 💢薯絲沙律配日式芝麻醬 薯絲炸咗好香口，沙律菜好新鮮爽口，口感好，配上芝麻醬好開胃。 💢蟹膏蟹肉味噌海膽多士 海膽好大件，係新鲜嘅海膽上加上蟹膏蟹肉，再配上脆口嘅多士，一口咬落去，成口海膽，好正！ 💢鰹魚昆布蛋花湯 昆布好彈口，鰹魚香，再加上蛋花，真是唔錯！ 💢燒肉拼盤有不同部位的牛肉，包括三筋肉薄燒、牛後腿肉、澳洲和牛三角腩、澳洲和牛西冷和牛腹肉，牛花分佈平均，口感不同，燒的時間也各異。 燒三筋肉薄燒嘅時候，只要見到它在燒網上收縮，约2-3秒後，就將它放入鲜雞蛋中，令它沾滿蛋醬，鮮蛋汁與牛肉混成一體，又滑又嫩，放入口中，再配上白飯，完全不覺油膩，美味極了！ 牛腹肉夠薄，咬落去有好香嘅牛脂味，入口即溶，好吸引。 💢甜品可以任食，有多款日式雪糕和雪條任客揀選，想食多少都可以，但不可以浪費。我地食左黄豆牛奶味麻糬、红豆香草味麻糬、抹茶红豆味麻糬和朱古力曲奇碎杯裝，仲有其他味道，下次再試。

今晚同朋友去尖沙咀The One行街，係5樓見到一間日本料理，門外放左好多放大的食物相，好吸引，就走左入去。 可能仲早，只是6點，連埋我地只有三枱客。座位好寬敞，適合情侶、朋友和家人聚會。一坐低，侍應殷勤送上茶水，我地打開餐牌，見樣樣都好吸引，卷物好有創意，有好多款，就點左幾款。 雜錦刺身沙律 賣相靚，係沙律中有八爪魚、三文魚、油甘魚、吞拿鱼和魚籽等，好有咬口，配搭好，好食，好開胃。 金龍卷 有8件，係三文魚卷中間放左香脆炸蝦，脆脆的炸蝦再配上柔軟的三文魚，好有口感。 龍卷風 有8件，係彈牙嘅鰻魚卷上灑上薄脆，口感好豐富，好有特色。 鹿兒島黑豚荔枝卷串燒 係黑豚肉下包住荔枝，一口咬落去，有好濃厚的荔枝味，荔枝好甜，好好味，一D都唔油膩。 鹽燒白鰻 白鰻肉質彈牙，無骨，外皮燒得脆卜卜，曬上檸檬汁更加惹味。 食到7點，餐廳已經坐滿人，如果早D來，就唔駛等位。😀😀

今日我同朋友出來食飯，唔想只是食野，仲想有D野玩，竟然係openrice揾到一間有得食，又有得玩嘅樓上Cafe，真係無得顶。 上到去，地方唔算好大，但好適合一班人上去玩。我地見到有好多唔同的board game任我地玩，款式多，好多種類。 我地先叫左2款花茶，一邊飲，一邊玩，一款是護肝花茶，較深色，很適合日常工作忙碌，又夜瞓的香港人，有淡淡的清香，真不錯！ 另一款是潤喉花茶，比較淺色，有甜甘菊係裡面，自然甜，好好飲，很適合最近天氣，可预防感冒，正！ 玩到咁上下，我地覺得肚餓先叫野食。羅勒海鲜，有蝦，魷魚和蜆等海鮮，好鮮味，香料吸引，螺絲粉好味有咬口。 卡邦尼煙三文魚意粉好吸引，三文魚有好多片，配上卡邦尼醬汁，好creamy，調味好，好配合煙三文魚。 如果大家都想去玩下食下，記得用電話预约呀！

本身唔係住係黃大仙，不過見社交平台啲討論區間唔中都有人介紹呢間都開左好耐既小店，佢地主打潮州菜，亦有一啲充滿香港特色既菜式，價錢唔貴又唔收加一，真心好食性價比高

炸鯪魚球六粒 $45
有六粒可以同朋友share，粒粒都好大粒，真材實料加左鯪魚肉好鮮，另外仲有啲陳皮加左，平時好似比較少見，值得一試，外皮脆脆地入面都好爽彈

秘製豬扒麵$37
豬扒麵雖然冇佢地個蠔仔泡粥咁出名，不過味道都好好食，大大塊豬扒軟諗又夠味，麵質爽口，個湯底都好好食，值得一試