風車

營業中

休息中

由於工作關係，大家都未能在正常的食飯時間吃飯，所以這晚我們約了晚上八時半才吃。很久沒見，看到大家都帶着疲憊的身軀來應約，不過大家見面時仍孜孜不倦的說個不停，感覺就好像「叉飽電」似的。話說我們打算找一個「中間點」吃飯，於是就選了大圍，而這裏好像有很多美食～ 走着走着，我們發現了這間吃西餐的，看到裝潢和餐牌都好像不錯，就直接走進去打算試一試。率先來的是鴨胸沙律🥗，是一道有肉吃之餘，又不會太油膩的前菜，完全滿足到meat lover的需求～haha~~😂 接着就是天婦羅🍤與蟹肉餅，值得一讚的是天婦羅很乾身，吃起來沒有多餘的油份。同時蟹肉餅的蟹肉一點也不腥，很怕腥味的我也表示可以接受，而且配上香脆的法包，味道和口感亦很配合。吃過這麼多「乾」的食物後，終於有洋蔥湯可以濕濕喉嚨😜，內有一條條煲過的「真洋蔥」🧅，感覺很足料。最後就是看起來很像雞扒，但實際是外脆內軟的乳豬，而且亦都保留了豐富的肉汁，再配上合適的醬汁來吃，味道很好！！👍🏻其實中間還有一道龍蝦意粉🍝，但是因為龍蝦🦞太好吃的關係，我們吃到中途才記得要拍照～～😂😂😂 欣賞廚師很細心的將龍蝦開邊再起肉，讓我們一叉上來就吃到了！！重點是龍蝦肉質鮮

首先有件趣事分享，就係我朋友打電話去book位但係個邊話full曬，但係5分鐘後我用openrice book檯反而confirm左所以唔知係咪我朋友嘅問題，我地3個人食，唔算大食。入正題：1.黑松露意粉上面個菇菇係有芝士，真係好正，又juicy，意粉都唔會太軟太硬，黑松露味道都濃郁，唔會係hea煮個d2.一口牛個一口牛真係非常好味，無論係肉感，質感，味道都係非常出色！真係超級建議點！一定一定要點一口牛！3.雞翼雞翼都炸得幾好，唔會乾，唔會非常油膩，味道都好好，唔會出面有味，入面冇味道。4.白酒炒蜆呢個就真係唔建議點，因為冇白酒味之餘，又冇蜆味，整體黎講，真係唔好食

Weekend就最適合食返個悠閑lunch，住大圍嘅朋友向我推介風車呢間餐廳，話芝士Burger好好味。作爲芝士愛好者梗係要去試下啦！餐廳位置都既方便，大圍站出黎行幾分鐘就到。食lunch嘅人都唔少，餐廳差唔多坐滿曬，如果再遲少少到就要等位啦~Lunch set包埋沙律或湯同埋一杯野飲，價錢大約都係70-80蚊左右，仲唔洗收加一服務費，可以話係非常抵食。杯果茶有啲甜、南瓜湯太稀，比較一般。不過個沙律就好夠分量，沙律汁味道都唔錯。主菜我地揀咗流心藍芝士牛肉漢堡同埋BBQ芝士焗鷄扒，haha今日係cheese day~ Burger分量十足，仲配有薯條同少少沙律。麵包非常鬆軟，牛肉餅鮮嫩多汁，再加埋滿滿嘅芝士流心，一啖咬落去好正！芝士焗鷄扒味道都唔錯，鷄扒肉質好嫩，芝士好足料。伴碟仲配埋蘑菇同翠玉瓜，好豐富。下次會再黎試下其他菜式~

好耐冇出過去同幾個朋友一齊食飯今日終於出到去咗大圍嘅風車，佢嘅地點比較隱蔽唔喺大街鬧市當中但係環境係相當唔錯嘅。首先來個鴨胸沙律有幾塊鴨胸大大份，鴨胸加埋沙律有種清新唔會覺得你膩感覺。洋蔥湯，其實係我當天最愛。然後呢個蟹肉餅雖然我本身唔係好鍾意食蟹佢整得都幾好食唔會有太腥既感覺。跟住落嚟呢個天婦羅餅應該係有菜喺入面嘅。肉眼扒我哋叫咗五成熟 同埋菠蘿夾埋一齊個味道好新鮮，令人更有胃口想食佢。我地仲叫咗個龍蝦意粉，個味道係幾唔錯，龍蝦都好有肉，份量都唔少。所以食到呢個位我都開始覺得飽了。有d眼闊肚窄。食乳豬，雖然我唔係太鍾意食比較肥既野，但佢都幾有肉。依家先知乳豬係Bb豬，睇黎我d中文真係有d差。總結黎講，係西式既餐廳食到聽落似中式的食物都係一個幾有趣既體驗。

平時放工放得比較晏，難得聽日放假可以出街坐低食餐晚飯，疫情加大家忙碌的生活真係好難約到人食飯⋯咁當然唔可以求其食🙊今次食我鍾意的肉眼扒（50%熟👍🏻）& 波士頓龍蝦🦞意粉🍝😋We ordered a 2-people set dinner, just cost $398 in Louis g the below dishes, very worth to give it a try👍🏻👍🏻The starter comes with a 鴨胸 salad 🥗, healthy dish ~ very fresh A mushroom 🍄 soup followed by intense taste of mushroom Main course comes to a 50% raw steak 🥩 juicy with pepper sauce, the pineapple 🍍 very fresh, and the French fries 🍟 are crispy 👍🏻 my favorite2nd main course is the 波士頓龍蝦🦞spaghetti , ver

今次黎到大圍呢間叫風車既餐廳，雖然格局唔係話好華麗，但裝修睇得出老板都花左幾多心思係呢間舖身上，有唔少有關風車主題既相／擺設，幾有精品裝修，年青既感覺。抗疫環境下，餐廳都有出唔少外賣餐單，性價比都幾高，叫開外送既都可以留意下。主菜叫左佢個春雞，好多脾，唔似得出面果d餐廳將d雞頭雞尾都比你黎充場面，醃得都幾唔錯，味道好重黑淑味，色水都幾夠，食落都多少嫩口，又夠大件夾抵食。薯角夠曬香脆，調味充足，仲搭左2條大大條既露荀，成個餐咁就完美喇。另外，小食叫左個鵝肝面包，面包夠曬脆口，鵝肝都幾大件，而且唔會太熟，油脂感充足。味道唔錯。係度飲返杯咖啡，Chill下，再去大圍踩返個靚單車，就又一個悠閒假期，weekend唔錯既節目。

今日放工，約咗個朋友喺大圍食飯吹吹水，朋友介紹附近有間西餐廳可以一試。呢間餐廳離大圍地鐵站都好近，喺地鐵站行過嚟都係幾分鐘嘅路程。一坐低，侍應好快就遞上餐牌，餐牌裏面嘅食物花多眼亂，最後我哋選擇咗二人餐，既有牛扒，又有龍蝦意粉。前菜係意式田園沙律配煙鴨胸，新鮮嘅沙律菜配上沙律醋，酸酸地幾開胃。跟住嚟嘅係餐湯，我哋分別叫咗蘑菇湯同龍蝦湯，龍蝦湯味道濃郁，而且配上龍蝦肉⋯而主菜係紐西蘭肉眼扒配焦糖菠蘿同埋波士頓龍蝦意大利粉，先講肉眼扒，塊扒我哋叫咗七成熟，水準正常，切開都好juicy！配上焦糖菠蘿，非常醒胃，而且又可以減少肥膩感。另外，佢嘅薯條亦值得一讚，外脆內軟👍🏻最後係波士頓龍蝦意大利粉，呢個意粉真係要推介一下，大大隻龍蝦，意粉配上濃濃嘅龍蝦味，滿足！不得不讚呢個嘅服務，服務貼心，不時主動加水同埋收走食完嘅餐碟👍🏻

有些日子總會心念念吃西餐，但眾所周知西餐價位頗高，想試試價錢比較便宜的西餐。某天在openrice發現「風車」這間位於大圍嘅餐廳，對於身為沙田友的我對相近！於是決定和友人試試「風車」。訂了晚上六時，可能時間尚早，餐廳內人流未算多，餐廳內有消毒濕紙巾提供，在疫情期間食得安心。我們（二人）點了一個二人套餐。前菜是意式田園沙律配煙燻鴨胸，沙拉的蔬菜得新鮮，有四五塊兩隻手指大小的鴨胸，大份挺好吃，作前菜一流！主菜有紐西蘭肉眼牛扒配焦糖菠蘿（點了七成熟），牛扒肉質不錯，未算非常幼嫩但肉質鮮甜有牛味，沒有過熟，切開沒有血水，是誘人的粉紅色！配菜有炸薯條和菠蘿，薯條炸得熱騰騰，菠蘿不知是不是焦糖的原因很甜，但甜度剛剛好！ 另一款主菜是波士頓龍蝦意粉，開邊的半仔龍蝦有整隻碟的長度，肉質爽嫩！ 意粉是龍蝦汁的味道，不過不失。

今日天氣好好 ☀️相約左朋友去大圍踩單車 踩單車之前諗住揾間餐廳食個lunch先 就search下附近有咩食 咁啱大家都想食西餐 就去咗一間叫做風車嘅餐廳 入到去個氣氛都唔錯有一望入去就見到一盞好大嘅水晶燈🤩 睇一睇餐牌見到價錢都好合理 大約70幾蚊就有一個好set 有湯或者沙律主菜仲有埋嘢飲😍我一睇到藍芝士流心漢堡即刻心心眼唔使諗就叫左呢個 而朋友就叫咗烤雞扒拼薯菜另外我地揀咗一個餐湯同埋沙律share 沙律都有啲驚喜 因為啲菜都好新鮮🥗❣️ 而餐湯係酸酸甜甜 幾開胃最期待嘅藍芝士流心漢堡到咗😍 我即刻切開佢睇吓係咪真係流心先 果然不負所望入面真係流心架🤤 個藍芝士未食已經聞到好香一食落去不得了 真係好好味😋係好濃郁嘅芝士香味同埋肉質都好Juicy 好值得再返黎食多次🤤而我都試咗朋友叫嘅照燒汁烤雞扒 烤雞扒都好鮮嫩 個皮唔會有多餘脂肪☺️同個汁好夾食飽飽之後 就諗住叫餐飲 ☕️我見到餐牌上面有水果茶 食完流心漢堡應該可以解下膩朋友就叫咗咖啡飲 水果茶唔會係好淡嗰啲 都幾濃 可以飲到水果嘅香氣☕️ 食到最後我覺得最吸引嘅就係藍芝士流心漢堡我覺得鍾意食芝士嘅朋友一定要嚟試吓☺️👍🏻

其實已經唔係第一次了！上次同老公去這間高評分的餐廳食晚餐，見大家評佢咁好，貴一點都算啦...誰不知，環境、服務和食物質素都非常一般，完全唔值這價錢..；過左成年，今晚單人在大圍想食西餐，俾多次機會佢，仲差！1. 南瓜湯稀到....2. 主菜塊魚🤦🏻‍♀️薄、極爆咸、魚底煎燶曬🤦🏻‍♀️平心，前菜、飲品和件蛋糕係正常的！（唔係特別好，只係正常）差唔多$300的晚餐真係差到呢！🥵🥵🥵很少劣評，大家小心選擇！

約左友人食lunch, 好耐無見，所以要揾間餐廳可以坐得耐又舒服既，朋友話去風車啦。一入到去見到個大水晶吊燈，好吸睛。通常都係啲酒店或中菜廳先見，難得西式餐廳都有👍環境唔錯，坐位闊落，可以慢慢食慢慢嘆Lunch Set價錢合理除左飯，意粉，薯菜，仲有漢堡餐一於試下漢堡餐流心藍芝士牛肉漢堡賣相吸引，似貝殼加珍珠。因為個飽入面既不是漢堡扒，似漢堡球多啲，夠特別👍咬落去漢堡球會爆汁，配埋特濃藍芝士，味道超級捧賣相和味道都一百分，$76就食到，抵食。寶雲酥雞扒塊雞扒外層較特別，有點像麵包康混入大量蒜蓉，焗至金黃色，脆卜卜，但一啲油膩感都冇。入面既雞肉仍保持到鮮嫩有汁，整體唔錯，如果配菜可以多點就更好。餐湯係蘑菇湯，有粒粒蘑菇係到，較濃稠。沙律菜很鮮爽。餐飲可揀水果茶，不用加錢。水果茶以青蘋果做主打，所以酸酸甜甜好開胃。食下野，吹下水，咁就過左個休閒既下午😚😚

水準扎實，印象深刻A good impression這是大圍區最高分的餐廳，但想不到竟然身處於車房舖中。這樣特別的存在，真的不能錯過，決定和家人試菜。This restaurant was highly rated in Tai Wai District.  I came here with an expectation.因友人的關係，第一次喝這杯Mojito。看見那麼多薄荷葉，我原以為味道是較清新的。但入口卻是RUM和甜味。我本身也喜歡RUM ，但這個入口實在太甜了。但我也是第一次喝，所以不知道這個味道是否正常。I ordered Mojito as a pre-drink of the upcoming meal.  I was expecting it tasted fresh because of the mint leaves,  but I was wrong - it tasted sweet, and a bit too sweet for me.  But it was the first time I ever ordered this cocktail, I wa

第一次試呢度，見幾百個好評，心諗唔會太差啦，叫左套餐有肉眼扒，龍蝦意粉，乳豬肉眼扒同龍蝦意粉整得好味，焦糖菠蘿好味，乳豬不錯但好細份，個餐本身近300, 加埋好細既蟹餅，其實蟹餅係好鮮味但份量超細，我覺得一人食都唔夠飽，2人餐相對抵食好多，有個好大既沙律送既甜品好麻麻，唔食唔可惜講返衛生，廚房有師傅全程無戴口罩，樓面叔叔又成日拉低口罩，而家疫情嚴重，停左晚市咁耐，飲食業更加應該注意衛生，最基本戴口罩，洗手都要做，所以下次未必再去

出左大圍工作，搞掂晒啲嘢都八點幾，除咗一大堆中菜打冷之外，好似想食啲西餐都冇乜得揀。咁就同同事求其入左間酒吧加西餐廳🍴環境都幾闊落，坐喺度都係街坊，好有親切感，所以啲待應都俾人感覺好親切，招呼都唔錯。意式炒大蝦薯仔$99呢個菜好開胃成個汁有啲蕃茄同蘆筍，用來做前菜一流，好開心仲有蒜蓉包跟埋。日式蝦肉野菜天婦羅$89整體味道幾好，只係略嫌蝦肉未見影，而且只有兩件，分量略嫌少咗啲，下次可以試吓其他前菜。香煎鵝肝配焦糖蘋果$69呢個晚飯時間$69算係甘，鵝肝煎得香脆，配埋塊多士，鹹度適中，好鬼惹味。韓式醬燒豬鞍$149兩個人叫咗一個主菜，感覺就剛剛好。呢個豬鞍用韓式醬汁醃製，感覺好惹味，啱晒我呢啲重口味嘅都市人。不過，豬鞍下面啲薯菜份量都好足夠，可以平衡返肉類嘅油膩。餐廳整體感覺都可以，行開的話，可以係一個朋友食下飯坐下嘅地方。

今日兩點幾放工之後去咗一間酒吧食嘢，貪呢度環境比較寫意，坐嘅位置好舒服，一啲都唔會逼。餐廳播住一啲柔和嘅音樂。今日食咗個素千層麵，另外佢會配埋啲薯角，即叫即炸熱辣辣，配埋啲茄汁，好香口。呢個餐會包埋個沙律，今日可以食得健康啲。另外會包埋杯凍檸茶，埋單64元，咁就過咗一個休閒嘅下午茶。下次可以嚟試下呢度嘅煙肉芝士牛肉漢堡，見到隔離枱食，個賣相唔錯。食完之後，呢度行返出去大圍地鐵站，大約五分鐘左右，都唔會太遠嘅。