風車

營業中

休息中

今日到家姐帶我去大圍蒲啦~係巷仔見到喱間叫左風車既酒店~~細細地WEEKDAY又唔算好多人, 試試佢!首先, 我地叫左一份三色蕃茄多士($99), 有三文魚﹑咸牛肉同埋PHAMA HAM三種款式~主角多士既份量合理, 都算大塊, 入口脆身, 配搭本身比較咸既三文魚﹑咸牛肉同埋PHAMA HAM, 用黎做佐酒小食都係個唔錯既選擇。主菜方面叫左一份炸魚薯條!($199), 本來EXPECT喱個係酒吧, 食物應該都係一般般, 但係炸魚薯條出奇地有十分驚喜!!雖然等待既時間比較長, 但好野係需要時間等既!!上菜時明顯見到炸魚薯條係新鮮出爐夠熱，份量勁多，咬落表面脆口而入面既魚肉仍然非常滑嫩，薯條夠脆係即叫即製~另外為左送酒我地亦叫左一份白酒煮蜆($99), 質素亦唔錯~~白酒煮蜆配左3舊多士XD, 可以點白酒汁食~蜆大隻肥美啖啖肉~喱個菜式本身既蒜同洋蔥味比較出, 喜歡既人都可以試試。飲品方面叫左兩杯, 分別係Cosmopolian($82)同Margarita($82)~~喱到畢竟都係酒吧~~酒既質素本身非常卓越個人比較欣賞Margarita, 酒味較出加上有檸檬做陪襯~層次分明又唔會太濃烈

現在有東鐵線真係好方便趁今日假期去大圍踩下單車🚲還車後搵間餐廳晚餐先原來大圍站A出口～成條街越行越多小店食舖！今次同朋友2人試下呢間意式西餐廳先！餐廳裝修：🕋💡🪑🛋️一入去有個大電視播放足球， 喜歡睇足球啱曬～一邊睇波一邊飲啤酒～一樂也！ 座位寬闊及舒服，天花仲吊咗盞宮庭水晶燈，感覺好high服務態度：👨🏽‍🦱👨🏼‍🦰👱🏽‍♂️👱🏾6：00pm入座～每個侍應都好有禮貌！仲略略講解下已選菜式的味道！讚😍食物方面：🦐🥬🥦🥔🍺🥤🍝選擇了三款食物及兩杯飲品：1） 意式炒大蝦薯仔 $99好有意大利風味～ 大蝦煎得好爽脆！加埋辣辣地有黑椒味薯仔，味道一流！😋2） 大啡菇黑松露意粉 $179意粉上檯已見到大大啡菇，厚厚芝士舖上面，切落去菇汁及芝士已流出！好Creamy嘅黑松露配埋爽口彈牙嘅意粉，絕配！3） 烤露筍煙肉雞卷 $199露筍好少食，今次食落口清新香甜！配以煙肉味道好大分別～ 雞烤得剛剛好及嫩滑，最後order埋兩杯飲品：分別係水果茶及嘉士伯！呢晚真係好豐富！

又是買餸前覓食是日大雨，12點左右見到未要排隊，價錢又相宜，就選了這家座位十分寬敞，樓底高到可放盞水晶燈，空間感十足分午餐menu和漢堡餐，各點了一款跟餐的番茄湯，少少酸，少少甜，幾開胃加了$25轉的煙三文魚配田園沙律，煙三文魚大大塊，田園沙律配上甜甜地的醋跟餐的水果茶(是日的是熱情果口味)，唔太甜，幾好；另一杯是普通的凍檸水流心藍芝士牛肉漢堡$79漢堡包皮焗得香脆，上層沾滿烤到半溶的芝士，下層則塗滿牛油，牛肉漢堡都幾厚身，一切落去就流出很多肉汁，好juicy，藍芝士的味道又不會太搶，夾住生菜、番茄片，夾埋整體幾好食有跟田園沙律和薯條，食完好飽😂韓式醬燒豬鞍配飯$68三條大大條的豬鞍，切下切下其實都幾多肉，醃得入味又惹味，配有翠肉瓜，啖啖肉得來又感覺健康、均衡飲食一點午市不用加一👍🏻有一定的性價比😉

風車 (大圍)去左大圍搵朋友食午餐😊😊食西餐happy👍風車鑊仔早餐$92🥗🥓黑松露炒蛋、煙三文魚、煙肉、沙律菜、香腸、牛角包🥐好豐富，好好味，黑松露炒蛋好惹味，煙三文魚肉質鮮嫩😋😋牛角包好重牛油味🥰🥰食得好滋味😗😗流心藍芝士牛肉漢堡 🍔$79藍芝士濃郁🧀🧀牛肉肉味濃，口感一流✨✨喜歡食牛肉朋友必叫😆😆好好味😊😊仲有埋薯條🍟同沙律菜🥰🥰薯條炸到好香脆👍👍跟餐南瓜湯跟餐沙律跟餐仲有南瓜湯/沙律，好抵食❤️❤️沙律菜配埋黑醋好夾，新鮮🥗🥗南瓜湯味道都唔錯🥣荔枝梳打+$12🍹🍸飲品仲有荔枝肉，荔枝味香濃，清甜解渴👍👍水果茶🫖☕️水果茶有多種水果口味，都幾好飲😊😊餐廳環境🏖🏝餐廳環境都幾舒服，仲播住輕快嘅音樂，好啱同朋友一齊食飯傾偈🤩🤩地址：大圍積存街50號葵偉樓地舖整體評分：5/5味道：4/5環境：4/5抵食：5/5

聽名可能覺得風車係一間cafe，實際上佢係一間食西餐嘅酒吧。當時正值晚巿，但時間較早，進入餐廳嘅時候侍應都問我哋要唔要揀啲冷氣無咁大嘅座位，服務方面有質素。我哋叫左頭盤前菜各一，再加上兩個主食。食物等左幾分鐘開始送上。先上枱係頭盤嘅三色多士。多士底部嘅麵包脆身但唔硬，一次過試哂火腿、煙三文魚同咸牛肉，送酒或做前菜一流。跟住上枱嘅係前菜炒大蝦。廚師炒香煙薰香腸，以腸嘅鹹味做基底炒大蝦同配菜，加上少許沙律菜以清新做平衡，味道恰到好處。主菜之一嘅黑松露意粉，意粉上有配以芝士焗嘅大啡菇。大啡菇焗得啱啱好，香味濃郁之餘切開更有大量汁液。而意粉用上唔少嘅松露醬，拌以炒香嘅蒜片，味道香濃。而意粉本身亦煮得啱啱好，唔會過軟或過硬。最後送上係紐西蘭肉眼扒伴焦糖菠蘿。牛扒比想像中大塊，並按要求嘅五成熟烹調好。扒身無筋，而且食得出好濃嘅牛肉味。菠蘿比較少作為牛扒嘅配菜，不過當日所食嘅菠蘿香甜多汁，清新嘅味道出奇地平衡返濃味嘅牛肉眼扒。風車嘅主菜份量比其他西餐廳平均為多，落單時可能要稍為留意。

聽講大圍呢邊開咗好多新嘅cafe同餐廳，日頭食完cafe, 晚餐就搵間西餐嚟食下，揀咗呢間Windmill Restaurant & Bar一入到嚟，覺得裝修非常有氣派，有一盞好大好靚嘅水晶燈，成間餐廳有d古典貴族嘅感覺。值得一讚嘅係餐廳播嘅英文歌都係出名嘅流行曲，未有野食個陣聽下歌，唔會悶☺️頭盤揀咗Parma ham 火腿沙律，火腿好香，唔會過咸，上面有少少蕃茄蓉，同d菜一齊食好fresh。跟著揀咗個意式炒大蝦薯仔，大蝦好爽好彈牙！正！主菜揀咗波士頓龍蝦意大利粉同埋炸魚薯條。龍蝦好大隻好多肉，D肉好鮮甜。入面仲要超多膏😍意粉仲吸咗龍蝦嘅鮮味😍炸魚薯條新鮮熱辣辣，外脆內軟，而且超大塊，大過隻手掌！唧D檸檬汁，可以平衡番，食咁大塊都唔會覺得油膩。薯條都係即叫即炸，好脆！

今日平日放假 就出咗去大圍小巷搵吓啲新餐廳食下點知都有意外驚喜！行過風車 見到個名幾得意就試吓🤣其實佢係一間bar嚟 下午就主要做西餐Order左一份all day breakfast同埋一客燒春雞加薯條龍蝦湯加$15 都幾濃味！薯條真係一流 好脆！熱辣辣D staff都好細心 預先同我講定啲燒春雞有辣汁 問我o唔oK😃 總括嚟講都係幾滿意嘅午餐

夏日炎炎去踏單車🚴🏻‍♀️岀發時經過見到間「風車」，價錢合理，環境大錯，於是決定先吃飽飽才岀發踏單車😂套餐有田園沙律或是日餐湯選擇，小編點了兩個套餐，各點了一份😋沙律有兩粒番茄，加了醋拌勻後吃很開胃。是日餐湯流心藍芝士牛肉漢堡 $79大大件漢堡飽，厚身牛肉夠足料，肉質Juicy，不會太韌，而且牛味重。喜歡吃藍芝士的你，可以嘗一嘗。薯條炸得脆口，份量算多。切開牛肉，就看到流心藍芝士。大蝦蕃茄炒意粉 $88份量足料，驚喜十足。番茄味道濃郁，每條意粉都沾滿了漿汁，好味道。有四隻大大隻大蝦，肉質彈牙。水果茶兩人份量剛剛好，吃飽後就可以岀發踏單車。Let’s go!餐牌如下。有6類漢堡餐，有牛肉、雞肉、芝士火腿和三文魚等。

踩單車原著單車徑到大圍時開始肚仔餓要搵食就係條河側邊起初見到係酒吧心諗都冇野食者點知係門口睇有晚餐食反正朋友又想飲啤酒夏天熱辣辣啤一啤就唔洗諗就呢間啦有散叫或套餐我地選擇散叫👉🏻露荀帕爾瑪沙津不會似一般偏咸加d 露荀仔又幾清新👉🏻德國腸大蝦pizza 薄批好爽口大蝦配少少德國腸餅底脆口芝士好香👉🏻芝士大綱菇黑松露意粉😋大綱菇有厚厚拉絲芝士醬汁好香濃黑松露味道加了好多菇菌外面多數唔會加菇菌類真係食唔停黑松露粉絲值得一試👍🏻👉🏻叫杯Asahi 呢間d happy hour 時間都好長一至四到零晨三點😅五至日都去到九點朋友傾吓計晚飯直落好去處唔洗轉場超方便晚市套餐可加配鵝肝又有不同小食送酒👍🏻

今日去探朋友仔，朋友仔帶我去位於大圍積存街50號葵偉樓的「風車」午餐🤭「風車」裝修很優雅，環境舒適，重點午市套餐很平民🤭🤭餐湯有2款..龍蝦湯，龍蝦味很濃郁，加少許黑椒更出味！甘筍忌廉湯，香濃又夠滑，各有千秋🤭墨西哥辣肉醬豬扒，可以選擇飯，意粉或薯菜🫠肉醬微微辣巧惹味，配意粉🍝味道剛剛好。豬扒2大塊，煎得剛剛好，不會鞋口夠Juicy👍🏻 配菜翠肉瓜都好好味！流心藍芝士牛肉漢堡，牛肉漢堡足料又Juicy，牛味重而帶點淡淡的香草香味到；牛肉肉質剛剛好，不會太韌 ~ 醬汁配牛肉漢堡好好味！芝士味很香濃，不錯！玫瑰咖啡，咖啡味香而帶點淡淡的玫瑰香味，不錯！Cappuccino,泡沫豐富又夠滑🫠

哩到係樓底好高嘅餐廳酒吧，環境舒適。「意式咸牛肉沙津」令我對咸牛肉產生左新思維，一開頭我以為嘅咸牛肉係咸牛肉三文治果隻，但原來佢嘅口感好似火腿/煙肉，身一道菜就令我好有驚喜。配埋黑醋，黑胡椒，同沙津菜一齊食，成件事好和諧。芝士墨西哥脆片「Nachos」，熱辣辣嘅芝士我鋪滿脆片上面，一拎起就有拉絲，好治癒。肉醬同埋芝士令到脆片有額外嘅咸香味，好想即刻嗌杯啤酒嚟飲。「英式啤酒炸魚薯條」一黎到，我忍唔住「哇」一聲，因為佢嘅炸魚好大塊，大過我隻手，炸魚已經醃好咗，好夠味。「Apple Fruit Tea」味道清甜，就好似平時我哋飲嘅蘋果綠茶。「Apple Mojito」有蘋果、青瓜、薄荷味，呢一個冇酒精飲品，可以令唔飲得酒嘅我過下口癮。如果你飲得酒，我會推薦你飲呢個生啤優惠，我哋今日用$98就可以有2杯啤酒，真係好抵好抵！雖然埋單係六百幾蚊。但係我哋總共飲咗4杯嘢飲，價錢都算合理。

夜晚係最岩傾心事嘅時間，入到呢間餐廳，聽到嘅歌機乎都係我係Spotify 讚好嘅歌單，輕快嘅英文歌，聲量剛好，烘托出氣氛，而又唔會掩蓋人聲門口設有酒櫃，大概係放住店主嘅珍藏，店內吧檯附近吊住好大盞水晶燈，卻毫無違和感，時間尚早，卻已見有客人一人一杯大啤酒，提前暢飲點了晚餐嘅自選套餐，頭盤係BB鴨蕃茄莎莎生菜包，鴨味香濃 ，配上脆口嘅生菜，食落好開胃，另外仲有意式炒大蝦薯仔，一開始以為真係得蝦加薯仔，事實係仲有其他配菜，色香味俱全，真係完全冇諗過咁好食之後到蒜味薯仔餐湯，好creamy好滑，濃淡適中主菜係黑椒羊柳，羊柳只留香氣，沒有羶氣，肉質嫩滑，配上醬汁，食慢少少都被搶另一個主菜係英式啤酒炸魚薯條，講真，原本都係諗咪又係普通炸魚薯條，食完就知要炸好炸魚薯條一d都唔簡單，炸魚皮薄，完全冇粉味，外皮脆，入面嘅魚肉卻超級滑，配上黑椒真係估唔到咁正呢間真係會再嚟食多轉

這天晚上，到大圍探完朋友後，朋友便帶我到風車吃晚飯。這天的菜單是有朋友決定的，他叫了BB鴨菜包、三色多士、黑松露意粉及雞卷。起初，我猜BB鴨是用鴨胸做的，原來餐廳是用真正的鴨肉去做，配上一點莎莎醬，帶有一點辣味，吃下去鴨味更出，不錯喔！三色多士則能滿足我對前菜的喜愛，十分好吃。雞卷的味道不太鹹，咬下去是噴出有一點雞肉汁，加上包着的火腿和芝士，不失為最適合的配搭。而在四款才中，最令我印象深刻的是黑松露意粉，首先松露意粉上的燒烤菇是佈滿了芝士，切下去時，芝士醬留下來，為這道菜帶來另一種風味。緊要讚的是黑松露意粉，吃下去creamy，但卻不太滯。即使和朋友聊天聊了一會，冷了也沒有不好吃。朋友說美中不足的是意粉煮得不夠軟，但其實我卻愛這種偏硬的意粉，由於各人喜好不同，偏愛硬意粉的大家可以去嘗一嘗啊！另外，在進食時店員很有禮貌地問我們需要飲料嗎。他推薦了兩款啤酒，分別是「友」的陳皮味啤酒及嘉士伯醇滑，我個人較喜歡前者，最初它的味道較澀，但多喝幾口後，發現其實容易入口，而酒精味並沒太濃，大推！

係大圍做完按摩後，順便請朋友食生日飯， 朋友剛做完手術，唔想再轉去第二區食，見呢間食評都ok, 地方都可以坐下傾下偈，就試下吧！風車扒餐： 味道一般，啲扒太細塊，由其係塊羊扒，兩啖食完， 腸係普通腸一條。紐西蘭肉眼扒 ： 味道一般， 冇乜牛味，冇乜驚喜。試過就算，完。

是日放假特地和朋友入大圍遊玩。晚上到風車吃晚餐。餐廳在一條小巷裏，很有外國風味。餐廳裏的佈置很有氣氛，還有一盞大大的吊燈。坐下來先點了兩杯飲料。我選了草莓乳酪奶昔特飲，而有人則選了蜜桃冰茶。兩杯飲品都相當解暑，而且味道不錯。前菜要了一個煙三文魚凱撒沙律，三文魚還特地擺成了一朵玫瑰花的形狀，非常有心思 。沙律吃下爽脆可口，煙三文魚也很入味。然後主菜要了一個清酒煮蜆配法式蒜蓉包 。蜆和清酒十分匹配，還有濃郁的黑胡椒味。蜆的份量十足，夾上蒜蓉包吃非常有風味。一同炒的還有很多雜菇，口感十分豐富。蒜蓉包還可以點清酒汁來吃，很特別呢。接著還要了一個雞捲。雞捲很有特色，是第一次吃這種煮法。它把雞做成一個卷狀，吃下十分的嫩滑可口，而配菜也非常豐富，有露筍，薯仔，西蘭花和椰菜花，吃下十分飽肚。這種雞捲的做法吃下啖啖肉，完全不用自己起骨。而且它的煮法能把雞肉的鮮嫩和雞汁保存得非常好，實在是很出色的一味菜。餐廳還有其他不同的主食可以選擇。是晚亦讓我留下一個很好的用餐印象。